Nafoore koorka e cellal ɓanndu  neɗɗo

Koorka ina joogii nafooje ɗe ngasata e neɗɗo. So diwtii wonde dewal Allah eeltoowol fittaandu , ustoowal aadaaji bondi, ɓallinoowal Alla, koorka kadi ina jogii ngartameeje keewɗe ɗe addat e ɓanndu neɗɗo.

Jaggu min limtan ma!

1. Ina walla ittude posone  ɓanndu

Posone ko ko taarii neɗɗo kala bannge , ina tawee e weeyo ngo , e ñameeje ɗe ñaamten ɗe walla jillondiral chimique kewoowal ngal e nder ɓanndu caggal nde neɗɗo ñaami. Ɗee ɗoo posone fof renndat ko e ɓellere neɗɗo, seŋoo toon. Jooni noon so neɗɗo hoori ɓellere nde taayat , hono nih posone ɗe njalta.

2. Ina nafa masiŋ dolirde: 

Koorka ina fooftina masiŋ toppitiiɗo o dolugol e nder reedu neɗɗo; sab ɗoon ɗo ina ñaamee masiŋ o seerataa e gollude. 

Kadi koorka  so arii yimɓe heewɓe ina usta woni aadaaji yeru jawlingol walla jargol kafe, geɗe ɗe nganndu-ɗaa sikki alaa ina mbattina no feewi e oon masiŋ . 

3. Ina walla cafrugol ñabbuuli rewam (alergie):

Yoga e wittooji baɗaaɗii kollirii wonde koorka ina safra woni ñabbuuli nguru yeru ndokham-siti (psoriasis) e ko nanndi e mum; nde tawnoo ŋabbugol suukar e ƴiiƴam ena adda baylugol form proteyiin biyeteeɗo o  kolajen (collagène), lohna sembe mum, battina e nguru neɗɗo. Ko e ndii mbaddi naafoore koorugol feeñat sab ko ko wallat neɗɗo jogaade nguru cellungu leelna ɗum naywude nde wonno ko ko jippinat suukar ŋabbuɗo e ƴiiƴam.

4. Ina jippina suukara ŋabbuɗo  e ƴiiƴam:

Koorka kadi ina walla keltugol glukoos (Glucose); ɗuum addat haa peewndugol eensolin ustoo; ko ɗum ɗoon wallat tergal biyeteengal ngal Pankariyas fooftaade; hono nih yeñcina ustugol suukar e ƴiiƴam neɗɗo.

5. ina usta ɓellere ɓurtuɗe (puwa)

Hol no mbiiɗen nih wonde koorka ina walla keltugol glukoos, ɗum ɗoon ina walla taaynugol ɓellere mbela ɓanndu ndu ina waawa yeñcinde semɓe jonɗe (energie) teeŋti noon taaynugol ɓellere mooftiinde nde e ɓooɗe ɗiɗe walla dow teewu ngu.

5. ina jippina taansiyoŋ ŋabboowo (hypertension)

Koorka jeyaa ko e laabi ɓurɗi moƴƴude e selludi ngam jippinde taansiyoŋ ƴiiƴam nde tawnoo ko ko ustat caɗeele ɓittugol ɗaɗi eggooɗi ɗi ƴiiƴam.  

6. ina sembina njuɓɓudi ndeenka ɓanndu

En kaalii wonde koorka ina ina itta posone ɓanndu taayna ɓellere, tee ina wayla aadaaji men keewɗi jowitiiɗi e ñaamdu walla yardu, ɗum ɗoo fof ina rokka njuɓɓudi ndeenoondi ndi ɓalli men doole semmbina ɗum haa waawa haɓaade  kala ñabbuuli tokossi yeru hoore muusoore walla maɓɓa.