Ñaawooje juulde e laawol Imaam Maalik

Hol ko woni juulde?

Juulde  ko tukkaali e tukkitali   puɗɗiriiɗe  habbiraandu harminordu goortoriiɗe  salminaaɗu wondude e anniya.

Farillaaji juulde:

1. Anniyaade juulde juulde toɗɗaande yeru tisbaar, alnsara, futuro... Anniyya noon ko huunde fiɓeteende e ɓernde kono haaltaake. Ina jeyaa e sarɗiiji mum  jokkondirde ɗum e habbiraandu harminordu ndu.
2. Huccitde fuɗnaange.
3. Habbiraandu harminordu, nduun woni “allahu akbar” mo neɗɗo wiyat o so ina naata e juulde. Goɗɗum waawa ɗum lomtaade  hono wiyde: "Alla ko mawɗo".
4. Darnaade ɗum wonande oon kattanɗo daraade.
5. Jaŋngude suuratu al-faatiha.
6. Darnaade ɗum.
7. Jaggude e koppi.
8. Ɓamtonaade ɗum (turtaade).
9. Sujjirde tiinde mum.
10. Ɓamtonaade ɗum( tukkitaade), faandaa heen ko jooɗaade hakkunde sujudeeje ɗiɗi ɗe.
11. Fotde, faandaa heen ko waasde wooñaade, walla dardaade koyngal gootal.
12. Hiɓindaade.
13. Reggondirde hakkunde farillaaji ɗi.
14. Salminaandu
15. Jooɗnaade salminaandu ndu.

Sunnaaji juulde:

1. Jaŋgude simoore caggal faatiha.
2. Darnaade simoore nde.
3. Feññinde njaŋngiin darɗe ɗiɗi ediiɗe ɗe  e futuro e geeƴe subako e aljuma...
4. Suuɗde njaŋngiin tisbaar, e alansara.
5. Kabbiraali haa heddii habbirandu harminordu.
6. jooɗaade hakkunde sujudeeje ɗe.
7. Taayaaji ɗiɗi ɗi hono kadi jaŋngude at-taahiyaatu e majji.
8. Juulde e annabi caggal taaya cakkitiiɗo o.
9. Wiyde konngol "Sami'Allaahu liman hamidahuu" wonande gooto juuldoowo e hoore mum walla elmaami.
10. Sujjude taw newe juuɗe e peɗeeli koyɗe  e koppi ina pawii e leydi. 
11. Ruttude almaami mum salmndaandu e ruttude keedɗo o nano makko.
12. Feññinde salminaandu daktonordu  juulde ndu.
13. Keɗtugol (heɗtaade) ɓaawo ɓaawo al maami mum ɗo wonnoo juulde feññinteende; foti noon o nanii walla o nanaani al maami o ko jaŋngat ko.
14. Waɗde heeda yeeso mum hade neɗɗo rewde yeeso makko. 

Bonnoji juulde:

1. Firtude anniya .
2. Sallig firtaade maa woni ko taƴra walla sabaabu mum.
3. Waasde huccitde funnaange walla ruŋtitaade ɗum tawa wonaa juulde kulol.
4. Accude  farilla tawa ko  teyre.
5. Ɓeydude farilla golleyanŋkeewal tawa ko teyre yeru suujuud walla jaagude e koppi.
6. Ñaamde tawa ko teyre.
7. Yarde tawa ko teyre.
8. Haalde haal janane taw wana moƴƴitinooka juulde.
9. Wuttude, wuttude wayni kon haal ni.
10. Teyde salmina wonande oon cikkuɗo mbele juulde mum timmii walla timmaani.
11. Huñcaade al orwo tekkinaaɗo hono farji walla bouhe wonande debbo .
12. Pukkagol soɓe e dow juulowo.
13. Saggitde mbo wonaa almami mum.
14. Golle keewɗe.
15. Ɓeydude darɗe nayi he juulde nayɓiyankoore, walla tati he juulde tatɓiyankoore, walla ɗiɗi he ɗiɗiɓiyankoore.
16. Cujjidgol daɗaaɗo e almaami mum sujuudu baada as-salaam.
17. Sujjande qabla wonandede oon accuɗo sunna koybuɗo.
18. Potnooɗo sujjude sujuuda  jejji ( qabla) o sujjaani haa jamaanu o juuti.
19. Suftorde wonde juulaani juulde farilla  yeru juulannooɗo Toksaan suftori wonde juulaani Tisbaar.
20. Wuttude tawa ina yahdi e karfeeje, so yahdaani heen bonnataa juulde.
21. Jalde, kono wonaa mooso bonnataa juulde. Jalde en jogii sarɗeeji nayi:                                                   

• Yaataw  waktu o mbittaani
• Yaatw juulde nde wanaa juulde juma 
• Taw o hattonaani oppude jaleeɗe ɗe 
• Walla ko jalnimo ko jalnii ɓaaw ɓaaw en ɓe fof

Dagiiɗi he nder juulde:

• Hettaade  kaalowo tawa juutaani.
• Warde yaare walla ko nandi e mum tawa golle ɗe keewaani.
• Joofiraade  tergal mum yeru feɗeenfu walla hoore ngam jaabaade ko tiiɗi.
• Yahdu ndu juutaani ngam sukkude yolnde.