Holto Hakkille woni e ɓanndu neɗɗo?

Hakkille ko geɗel ngel memotaako e ɓaɗɗu neɗɗo. kañum halfinaa dendaagal dille ɗe aade waɗat; golle ɗe o waɗat taw omo wondi e sago makko walla alaa. Wadde en paami wonde  hakkille wonaa miijaade tan nafat.



Ko miijo woni ko seerndi neddo e kuule goɗɗe ɗe ko ɗum waɗi filosph franseejo biyteeɗo Deskart o wiide "Mbeɗa miijo wadde mbeɗa woodaa". Ɗum fof e waade noon yimɓe en keewi naamnaade hol to hakkille tawte e bandu neɗɗo ? Keñiiɗo o jaabaade  en waawi wiide ko e Ngaanndi woni! Ko ɗum waɗi jaabuwol cellungol  ngol en waawi bettude heewɓe!

Annduɓe ɓe luuri holto woni nokku hakkille e nder neɗɗo ɓe peccii e pelle ɗiɗi:

1. safroobe heewɓe en wondi e filosof'en njehi wonde hakkile woni ko e nganndi
2. anduɓe juulɓe ɓe ɗeɓii hawrude wonde kakkille tawte ko e ɓernde sab taweede ayyeeje e nder Quraan ɗe en njoofo nokku miijirde e nder aade; hono kongol Geno toowɗo o: ''Mbela ɓe njahta e leydi ndi mbel ɓe ndaña ɓerɗe ɗe ɓe kakkilinira walla noppi ɗi e ɓe nanira''

 أَفَلَمْ يَسِيرُوا فِي الْأَرْضِ  فَتَكُونَ لَهُمْ قُلُوبٌ يَعْقِلُونَ بِهَا أَوْ آذَانٌ يَسْمَعُونَ بِهَا

Ɗum kadi woni ko annduɓe fisiyoloji'en  teŋtinii, eɓe njii wonde so neɗɗo bettoraam kulol cattungol ko ɓernde  nde edotoo ɗum tinde e dendaangal terɗe makko, caggal ɗum o nelda jamrooje faade ngaandi ndi; tan neɗɗo o waɗa golle mo aldaa e sago wayni diwaade walla dogde.

So aɗa anndi innde wonde no hakkile wiite e Pulaar winndu ɗum less!