𞥑𞥔𞥙𞥕 𞤦𞤢𞤲𞤣𞤭 𞤆𞤵𞤤𞤢𞥄𞤪

𞤀

𞤀 𞤤𞤭𞤩𞤢𞤼𞤢𞥄 𞤳𞤢𞤥, 𞤥𞤭 𞤤𞤭𞤩𞤢𞤼𞤢𞥄 𞤥𞤢 : 𞤯𞤵𞥅𞤥 𞤳𞤢𞤴, 𞤮𞤲 𞤳𞤵𞤤𞤮𞤲'𞤣𞤭𞤪

𞤀 𞤱𞤢𞥄𞤱𞤢𞥄 𞤩𞤵𞤪𞤣𞤫 𞤲𞤫𞤯𞥆𞤮 𞤼𞤮𞥅𞤱𞤣𞤫, 𞤣𞤫 𞤩𞤵𞤪𞤢𞥄 𞤯𞤵𞤥 𞤪𞤢𞤩𞥆𞤭𞤯𞤭𞤲'𞤣𞤫

𞤀 𞤴𞤭𞤯𞤢𞥄 𞤷𞤵𞥅𞤤𞤫 𞤢𞤯𞤢 𞤴𞤭𞤯𞤭 𞤩𞤫𞤤𞥆𞤭𞤲𞤺𞤢𞤤

𞤀 𞤴𞤭𞤯𞤢𞥄 𞤶𞤮𞤤𞥆𞤮𞥅𞤪𞤵, 𞤢𞤯𞤢 𞤴𞤭𞤯𞤭 𞤳𞤮 𞤱𞤮𞤲𞤭 𞤲'𞤣𞤫𞤪 𞤶𞤮𞤤𞥆𞤮𞥅𞤪𞤵

𞤀𞤷𞥆𞤭𞤪𞤢𞥄𞤯𞤮 𞤲'𞤺𞤢𞤥 𞤀𞤤𞥆𞤢, 𞤣𞤫𞤱𞤺𞤢𞤤 𞤥𞤵𞤥 𞤸𞤮𞤴𞤢𞤼𞤢𞥄

𞤀𞤷𞥆𞤭𞤪𞤮𞥅𞤱𞤮 𞤲'𞤺𞤢𞤥 𞤀𞤤𞥆𞤢, 𞤯𞤢𞤳𞥆𞤫𞤼𞤫

𞤀𞤯𞤢 𞤴𞤭𞤯𞤭 𞤲𞤢𞤲𞤢𞤲𞤫𞥅𞤣𞤫 𞤦𞤢 𞤫𞤺𞥆𞤵𞤯𞤮 𞤲𞤢𞤺𞥆𞤫 𞤱𞤮𞥅𞤼𞤫

𞤀𞤯𞤢 𞤢𞤲𞤣𞤭 𞤳𞤮 𞤳𞤢𞥄𞤤𞤢𞤼𞤢𞥄, 𞤣𞤫 𞤢 𞤢𞤲𞤣𞤢𞥄 𞤳𞤮 𞤲'𞤶𞤢𞥄𞤦𞤫𞤼𞤫𞤯𞤢𞥄

𞤀𞤯𞤢 𞤣𞤭𞤱𞤲𞤢 𞤦𞤢 𞤯𞤮𞤳𞥆𞤮 𞤸𞤮𞤷𞥆𞤭 𞤺𞤭𞤼𞤫

𞤀𞤯𞤢 𞤥𞤫𞤼𞥆𞤭 𞤬𞤢𞤴 𞤧𞤫𞥅𞤯𞤢 𞤫 𞤪𞤫𞥅𞤣𞤵

𞤀𞤯𞤢 𞤱𞤢𞥄𞤱𞤭 𞤱𞤭’𞤵𞤣𞤫 𞤢 𞤴𞤭𞤯𞤢𞥄 𞤲'𞤶𞤵𞥅𞤥𞤲'𞤣𞤭, 𞤣𞤫 𞤢 𞤱𞤢𞥄𞤱𞤢𞥄 𞤱𞤭’𞤵𞤣𞤫 𞤲'𞤶𞤵𞤥𞤲'𞤣𞤭 𞤱𞤫𞤤𞤢𞥄

𞤀𞤣𞤵𞤲𞤢 𞤩𞤵𞤪𞤭 𞤳𞤵𞤪𞤢𞤤 𞤴𞤢𞥄𞤱𞤵𞤣𞤫

𞤀𞤣𞤵𞤲𞤢 𞤸𞤢𞤲𞤣𞤫 𞤤𞤢𞥄𞤼𞤮𞤳𞤫 𞤨𞤮𞤦𞥆𞤭, 𞤲'𞤣𞤵 𞤸𞤫𞤲 𞤬𞤵, 𞤲𞤢𞤲'𞤺𞤢𞤲𞤢 𞤸𞤮𞥅𞤪𞤫 𞤥𞤵𞤥

𞤀𞤣𞤵𞤲𞤢 𞤸𞤢𞤲𞤣𞤫 𞤮, 𞤧𞤮 𞤢 𞤱𞤭'𞤭𞥅 𞤲'𞤺𞤮𞥅𞤲'𞤺𞤢 𞤼𞤢𞤲 𞤳𞤢𞥄𞤤𞤢𞤼𞤢𞥄, 𞤲𞤮 𞤶𞤵𞤲𞤵𞥅𞤦𞤢𞥄𞤶𞤭 𞤥𞤢𞥄 𞤨𞤢𞤥𞤯𞤭𞤪𞤭 𞤬𞤵𞤸, 𞤲𞤢 𞤼𞤢𞤱𞤵 𞤴𞤭𞤺𞤪𞤢𞥄𞤩𞤫 𞤥𞤢𞥄 𞤩𞤵𞤪𞤭 𞤬𞤢𞤥𞤯𞤵𞤣𞤫

𞤀𞤣𞤵𞤲𞤢 𞤱𞤢𞤲𞤢𞥄 𞤶𞤭𞤲𞥆𞤭 𞤣𞤫 𞤲𞤢 𞤸𞤵𞤤𞤩𞤭𞤲𞤢

𞤀𞤣𞤵𞤲𞤢 𞤴𞤮 𞤤𞤢𞤷𞤮𞤤 𞤧𞤮𞤤𞤼𞤮𞥅𞤪𞤵 : 𞤲𞤢𞤲𞤺𞤫𞥅, 𞤩𞤮𞤪𞤢

𞤀𞤣𞤵𞤲𞤢𞥄𞤪𞤵 𞤸𞤢𞤲𞤣𞤫 𞤱𞤵𞥅𞤪𞤢𞥄𞤲𞤢𞥄 𞤲'𞤺𞤵𞥅𞤪𞤲'𞤣𞤢𞤥 𞤤𞤢𞤣𞥆𞤫𞥅𞤶𞤭 : 𞤱𞤮𞥅𞤼𞤮𞤪𞤵 𞤬𞤵 𞤬𞤭𞤤𞤢𞤲𞤮 𞤸𞤮𞥅𞤪𞤫 𞤥𞤵𞥅𞤯𞤵𞤥.

𞤀𞤤𞤸𞤢𞥄𞤤𞤭 𞤲𞤢 𞤩𞤵𞤪𞤭 𞤦𞤭’𞤢𞥄𞤲'𞤺𞤮𞤤

𞤀𞤤𞥆𞤢 𞤪𞤫𞥅𞤲𞤢𞤼𞤢𞥄𞤲𞤢𞥄 𞤲'𞤣𞤫𞥅𞤲𞤼𞤭𞥅𞤯𞤮

𞤀𞤤𞥆𞤢 𞤣𞤢𞤯𞤭𞤲𞤢𞤥 𞤫 𞤀𞤤𞥆𞤢 𞤸𞤮𞤳𞥆𞤢𞤥, 𞤱𞤢𞤲𞤢𞥄 𞤺𞤮𞥅𞤼𞤵𞤥

𞤀𞤤𞥆𞤢 𞤸𞤢𞤯𞤭 𞤶𞤵𞥅𞤤𞤢 𞤴𞤫𞤰𞥆𞤮

𞤀𞤤𞥆𞤢 𞤸𞤮𞤳𞥆𞤭 𞤺𞤮𞤪𞤳𞤮 𞤶𞤭𞤳𞥆𞤵𞥅𞤶𞤭 𞤬𞤵, 𞤣𞤫 𞤸𞤢𞤯𞤭 𞤯𞤵𞤥 𞤢𞤲𞤣𞤵𞤣𞤫 𞤶𞤭𞤳𞥆𞤵 𞤣𞤫𞤦𞥆𞤮

𞤀𞤤𞥆𞤢 𞤶𞤢𞤲𞤺𞤭𞤲𞤼𞤢 𞤺𞤮𞤪𞤳𞤮, 𞤭𞤦𞤭𞤤𞤭𞥅𞤧𞤢 𞤶𞤢𞤲𞤺𞤭𞤲𞤢 𞤣𞤫𞤦𞥆𞤮

𞤀𞤤𞥆𞤢 𞤲𞤢 𞤱𞤢𞥄𞤱𞤭 𞤸𞤮𞤳𞥆𞤵𞤣𞤫 𞤥𞤢 𞤼𞤵𞤥𞤦𞤵𞤣𞤫, 𞤳𞤢𞥄 𞤸𞤫𞤦𞥆𞤭𞤲'𞤣𞤫 𞤲'𞤣𞤫, 𞤣𞤮𞤱 𞤥𞤢𞥄 𞤱𞤮𞤲𞤭

𞤀𞤤𞥆𞤢 𞤲𞤢𞤲𞤺𞤭𞤪𞤼𞤢𞥄 𞤬𞤢𞤴 𞤺𞤮𞥅𞤼𞤮 𞤦𞤮𞤲𞤯𞤭 𞤺𞤮𞤯𞥆𞤮

𞤀𞤤𞥆𞤢 𞤪𞤫𞥅𞤲𞤢𞤼𞤢 𞤧𞤵𞤳𞤢

𞤀𞤤𞥆𞤢 𞤼𞤢𞤺𞤭 𞤲𞤫𞤯𞥆𞤮, 𞤲𞤫𞤯𞥆𞤮 𞤣𞤵 𞤼𞤢𞤺𞤭 𞤲'𞤶𞤭𞤲𞤺𞤵, 𞤲'𞤶𞤭𞤲𞤺𞤵 𞤣𞤵 𞤼𞤢𞤺𞤭 𞤷𞤵𞤲𞤵

𞤀𞤤𞥆𞤢 𞤱𞤢𞥄𞤱𞤢𞤲𞤭 𞤦𞤢𞥄 𞤩𞤢𞥄𞤣𞤫 𞤥𞤮 𞤱𞤢𞤤𞤢𞥄 𞤤𞤵𞤳𞤢𞥄𞤪𞤫

𞤀𞤤𞥆𞤢 𞤱𞤢𞤴𞤤𞤭𞤼𞤢𞤼𞤢𞥄 𞤳𞤮 𞤱𞤮𞤲𞤭 𞤫 𞤴𞤭𞤥𞤩𞤫, 𞤧𞤮 𞤱𞤢𞤲𞤢𞥄 𞤴𞤭𞤥𞤩𞤫 𞤲'𞤦𞤢𞤴𞤤𞤭𞤼𞤢 𞤳𞤮 𞤲'𞤺𞤮𞤲'𞤣𞤭

𞤀𞤤𞥆𞤢 𞤱𞤮𞤲𞤭 : 𞤱𞤢𞤪𞤢 𞤥𞤢𞤲𞤫𞥅

𞤀𞤤𞥆𞤵𞥅𞤶𞤫 𞤼𞤫𞤱𞤲𞤢𞤼𞤢 𞤯𞤮𞤱𞤺𞤭

𞤀𞤥𞤼𞤢𞤪𞤮 𞤧𞤭𞤳𞥆𞤢𞤼𞤢𞥄𞤲𞤢𞥄 𞤸𞤢𞥄𞤪𞤢𞤼𞤢𞥄

𞤀𞤲𞤣𞤢𞤤 𞤴𞤮 𞤸𞤮𞤷𞥆𞤭𞤲𞤼𞤫

𞤀𞤲𞤣𞤢𞤤 𞤱𞤮𞤯𞥆𞤢𞥄, 𞤴𞤮 𞤱𞤭𞥅𞤪𞤲𞤭

𞤀𞤲𞤣𞤵𞤣𞤫 𞤢𞤲𞤣𞤢𞥄, 𞤫 𞤢𞤲𞤣𞤢𞤤 𞤶𞤫𞤴𞤢𞥄

𞤀𞤲𞤣𞤵𞤣𞤫 𞤳𞤮 𞤱𞤫𞤤𞤭, 𞤲𞤢 𞤱𞤫𞤤𞤭

𞤀𞤲𞤣𞤵𞤣𞤫 𞤥𞤮 𞤸𞤢𞥄𞤤𞤣𞤢𞤼𞤢 𞤶𞤫𞤴 𞤱𞤭’𞤵𞤣𞤫 : " 𞤃𞤭𞥅𞤲 𞤸𞤫𞥅𞤲𞤧𞤭𞥅 𞤱𞤢𞤯𞤭 "

𞤀𞤲𞤣𞤵𞤣𞤫 𞤲𞤮 𞤬𞤮𞤼𞤭, 𞤩𞤵𞤪𞤭 𞤢𞤲𞤣𞤭𞤲𞤫𞥅𞤣𞤫 𞤲𞤮 𞤬𞤮𞤼𞤭

𞤀𞤲𞥆𞤭𞤴𞤭𞥅𞤯𞤮 𞤤𞤮𞥅𞤼𞤢𞥄𞤣𞤫, 𞤲𞤢 𞤤𞤫𞤨𞥆𞤵

𞤀𞤪𞤢𞥄𞤱𞤢 𞤸𞤢𞥄𞤲'𞤣𞤭 𞤫 𞤨𞤫𞥅𞤳𞤭, 𞤣𞤫 𞤨𞤵𞤷𞥆𞤵 𞤲𞤭 𞤶𞤫𞤴

𞤀𞤪𞤢𞥄𞤱𞤢 𞤳𞤮𞤯𞤢 𞤲𞤢 𞤱𞤫𞤤𞤭 𞤼𞤫𞤨𞥆𞤫𞤪𞤫 𞤣𞤫 𞤢𞤲𞤣𞤢𞥄 𞤼𞤮 𞤻𞤢𞥄𞤥𞤣𞤵 𞤱𞤮𞤲𞤭

𞤀𞤪𞤢𞥄𞤱𞤢 𞤻𞤢𞥄𞤺𞤮𞤼𞤮 𞤀𞤤𞥆𞤢 𞤼𞤢 𞤱𞤢𞤯𞤢 𞤩𞤵𞥅𞤪𞤫 𞤳𞤵𞤲𞤳𞤵𞥅𞤪𞤵, 𞤳𞤢𞥄 𞤱𞤢𞤲𞤢𞥄 𞤼𞤢𞥄 𞤪𞤭𞤲𞤣𞤭𞤲𞤫𞥅

𞤀𞤪𞤢𞥄𞤱𞤢, 𞤲'𞤣𞤫 𞤤𞤢𞤩𞤭 𞤼𞤢𞤱𞤢𞥄 𞤫 𞤼𞤢𞤱𞤢𞥄𞤳𞤢 𞤬𞤵, 𞤸𞤢𞤯𞤢𞤼𞤢𞥄 𞤯𞤵𞤥 𞤧𞤢𞥄𞤯𞤵𞤣𞤫.

𞤀𞤪𞤼𞤭𞥅 𞤯𞤢𞥄𞤲𞤢𞥄𞤣𞤫, 𞤢𞤪𞤼𞤮𞥅 𞤬𞤭𞤲𞤵𞤣𞤫

𞤀𞤪𞤼𞤭𞥅𞤩𞤫 𞤥𞤢𞤴𞤭 𞤳𞤫𞤩𞤢𞥄𞤴 𞤵𞤱𞤫𞥅𞤣𞤫 𞤧𞤢𞤳𞥆𞤮 𞤷𞤢𞤳𞤭𞤼𞤭𞥅𞤩𞤫

𞤀𞤪𞤼𞤭𞥅𞤯𞤮 𞤫 𞤧𞤵𞥅𞤣𞤵, 𞤢𞤲𞤣𞤭 𞤯𞤮 𞤲'𞤣𞤵 𞤧𞤭’𞤭𞤪𞤢𞤼𞤢

𞤁 𞤍
‮
𞤁𞤢𞤦𞤢𞤪𞤫 𞤣𞤢𞤱𞤪𞤢𞤼𞤢𞥄𞤳𞤫𞤲𞤢𞥄 𞤣𞤮𞤱 𞤲'𞤣𞤭𞤴𞤢𞤥
𞤁𞤢𞤦𞤢𞤪𞤫 𞤲'𞤶𞤢𞤪𞤮𞥅𞤱𞤮 𞤳𞤮𞤲'𞤶𞤢𞤥 , 𞤱𞤮 𞤭𞤼𞥆𞤢 𞤦𞤵𞥅𞤯𞤭𞤥 𞤧𞤮𞥅𞤣𞤢 𞤳𞤢𞥄𞤲𞤯𞤭
𞤁𞤢𞤦𞤢𞤪𞤫𞥅𞤶𞤭 𞤦𞤮𞤲𞤯𞤭 𞤨𞤮𞥅𞤯𞤢𞤼𞤢 𞤻𞤢𞥄𞤯- 𞤳𞤮'𞤢𞥄𞤳𞤵
𞤍𞤢𞤳𞥆𞤮𞤤 𞤱𞤫𞥅𞤲'𞤣𞤵, 𞤱𞤢𞤲𞤢𞥄 𞤬𞤭𞤶𞤭𞤪𞤣𞤫 𞤦𞤵𞤥𞤯𞤮
𞤁𞤢𞤤𞤭𞥅𞤤𞤭 𞤀𞤤𞥆𞤢 𞤲𞤢 𞤩𞤵𞤪𞤭 𞤵𞤳𞥆𞤢𞥄𞤲'𞤣𞤫
𞤁𞤢𞤤𞤭𞥅𞤤𞤭 𞤱𞤢𞤤𞤢𞥄 𞤫 𞤱𞤢𞤴𞤲𞤢𞤲'𞤣𞤫 𞤲'𞤣𞤵𞤲𞤺𞤵
𞤍𞤢𞤥𞤭𞤲𞤢𞥄𞤪𞤫 𞤱𞤮 𞤷𞤢𞤤𞤯𞤭 𞤦𞤢𞥄𞤧𞤢𞤤
𞤍𞤢𞤥𞤭𞤲𞤭𞥅𞤯𞤮 𞤥𞤢𞥄𞤴𞤭𞤣𞤢𞤼𞤢𞥄 𞤫 𞤲'𞤣𞤭𞤥𞤢𞥄𞤳𞤵 𞤥𞤵𞤯𞤵𞤥
𞤁𞤢𞤻𞤢𞤤 𞤲𞤢 𞤱𞤫𞤤𞤭, 𞤳𞤢𞥄 𞤧𞤭 𞤸𞤢𞤲𞤼𞤮𞤳𞤫 𞤣𞤫 𞤸𞤢𞥄𞤤𞤢𞥄, 𞤱𞤢𞤤𞤢𞥄 𞤳𞤮 𞤲𞤢𞤬𞤢𞤼𞤢
𞤍𞤢𞤨𞤮𞤯𞤢𞤨𞥆𞤮𞤲'𞤺𞤢𞤤 𞤲𞤢 𞤬𞤭𞥅𞤪𞤢 𞤣𞤫 𞤸𞤮𞤯𞤢𞤼𞤢𞥄 𞤣𞤮𞤱 𞤤𞤫𞤳𞥆𞤭
𞤁𞤢𞤪𞤢 𞤬𞤢𞥄 𞤥𞤭 𞤻𞤢𞥄𞤥𞤢 𞤣𞤫 𞤥𞤭 𞤱𞤢𞤪𞤢, 𞤱𞤢𞤲𞤢𞥄 𞤶𞤢𞥄𞤣𞤢𞤤
𞤁𞤢𞤪𞤭𞥅𞤲'𞤣𞤵 𞤬𞤵, 𞤫 𞤤𞤫𞥅𞤤𞤫𞤱𞤢𞤤 𞤥𞤵𞥅𞤯𞤵𞤥
𞤁𞤫𞤦𞥆𞤮 𞤦𞤮𞤲𞤯𞤮 𞤱𞤮 𞤯𞤮𞤱𞤫𞥅 𞤽𞤢𞤼𞤢, 𞤧𞤮𞤺𞥆𞤫𞥅 𞤤𞤢𞤼𞤢
𞤁𞤫𞤦𞥆𞤮 𞤫 𞤣𞤮𞥅𞤻𞤮𞤪𞤺𞤢𞤤 𞤨𞤮𞤼𞤭 𞤲𞤮𞥅𞤲𞤫𞥅𞤶𞤭
𞤁𞤫𞤦𞥆𞤮 𞤥𞤮 𞤲'𞤶𞤭𞥅𞤯𞤢𞥄 𞤬𞤵, 𞤲𞤢 𞤥𞤭𞥅𞤤𞤮𞥅 𞤲𞤮𞤴 𞤤𞤢𞥄𞤥𞤮𞤪𞤼𞤮𞥅 𞤺𞤮𞤪𞤵𞤥
𞤁𞤫𞤦𞥆𞤮 𞤥𞤮 𞤱𞤢𞤸𞤪𞤫 : 𞤬𞤢𞤴 𞤧𞤮 𞤱𞤢𞤲𞤢𞥄 𞤧𞤵𞤳𞤵𞤻𞤢, 𞤧𞤵𞤳𞤢𞥄𞤩𞤫 𞤷𞤵𞥅𞤧𞤢𞥄 𞤯𞤵𞤥
𞤁𞤫𞤦𞥆𞤮 𞤥𞤮 𞤱𞤢𞤤𞤢𞥄 𞤫𞤲𞤯𞤭 𞤱𞤢'𞤢𞥄𞤲𞤢𞥄 𞤸𞤮𞤲𞤮 𞤤𞤫𞥅𞤧𞤮 𞤲'𞤺𞤮 𞤱𞤢𞤤𞤢𞥄 𞤲'𞤦𞤢𞤱𞤤𞤵
𞤁𞤫𞤦𞥆𞤮 𞤲𞤢 𞤢𞤲𞤣𞤭 𞤭𞤲𞤣𞤫 𞤺𞤮𞤪𞤵𞤥, 𞤣𞤫 𞤲𞤢 𞤲𞤮𞤣𞥆𞤭𞤪𞤢 𞤯𞤵𞤥 𞤮𞥅
𞤁𞤫𞤦𞥆𞤮 𞤲𞤢 𞤸𞤵𞤤𞤢 𞤰𞤭𞥅𞤰𞤢𞤥, 𞤣𞤫 𞤯𞤮 𞤼𞤢𞤱𞤯𞤢𞥄 𞤣𞤫𞤦𞥆𞤮 𞤬𞤵, 𞤲𞤢 𞤲'𞤣𞤢𞥄𞤪𞤢 𞤲𞤮 𞤰𞤭𞥅𞤰𞤢𞤥 𞤪𞤵𞤬𞤭𞤪𞤢
𞤁𞤫𞤦𞥆𞤮 𞤲𞤢 𞤥𞤵𞥅𞤴𞤢 𞤺𞤮𞤪𞤳𞤮 𞤶𞤮𞤥 𞤽𞤢𞤪𞤭, 𞤣𞤫 𞤺𞤮𞤪𞤳𞤮 𞤶𞤮𞤥 𞤷𞤵𞥅𞤧𞤢𞤤 𞤴𞤭𞤯𞤭.
𞤁𞤫𞤦𞥆𞤮 𞤲𞤢𞤲𞤣𞤢𞥄𞤲𞤢𞥄 𞤫 𞤲'𞤺𞤭𞤪𞤮𞥅𞤱𞤵 : 𞤧𞤮 𞤢 𞤪𞤭𞥅𞤱𞤭 𞤯𞤵𞤥 𞤧𞤢𞤤𞤮𞥅
𞤁𞤫𞤦𞥆𞤮 𞤽𞤢𞤪𞤯𞤵𞤯𞤮 𞤦𞤮𞤲𞤯𞤮 𞤱𞤮 𞤱𞤢𞥄𞤲'𞤣𞤫 𞤱𞤢𞤯𞤢𞥄𞤲'𞤣𞤫 𞤷𞤫𞤲'𞤣𞤭
𞤁𞤫𞤦𞥆𞤮 𞤼𞤢𞤤𞤳𞤢𞥄𞤶𞤮 𞤲𞤢 𞤸𞤮𞤴 𞤸𞤫𞤩𞤵𞤣𞤫 𞤣𞤫 𞤸𞤮𞤴𞤢𞥄 𞤶𞤮𞤺𞤢𞥄𞤣𞤫
𞤁𞤫𞤦𞥆𞤮 𞤱𞤢'𞤢𞥄𞤲𞤢𞥄 𞤸𞤮𞤲𞤮 𞤦𞤵𞥅𞤯𞤭, 𞤺𞤮𞥅𞤼𞤮 𞤬𞤵 𞤲𞤢 𞤴𞤭𞤯𞤭 𞤯𞤵𞤥
𞤁𞤫𞤦𞥆𞤮 𞤱𞤢𞤴 𞤸𞤮𞤲𞤮 𞤦𞤫𞤯𞤫𞤤 𞤀𞤤𞥆𞤢 𞤲𞤭𞤸 : 𞤧𞤮 𞤢 𞤴𞤭𞤯𞤭𞥅 𞤲𞤢𞤲𞤺𞤵𞤣𞤫 𞤯𞤵𞤥 𞤣𞤮𞤺𞥆𞤢 𞤧𞤮, 𞤢 𞤴𞤫𞥅𞤦𞤮𞤳𞤫 𞤯𞤵𞤥 𞤸𞤮𞤯𞤢 𞤫 𞤳𞤮𞤴𞤲'𞤺𞤢𞤤 𞤥𞤢𞥄𞤯𞤢
𞤁𞤫𞤦𞥆𞤮 𞤱𞤮𞤲𞤭 𞤺𞤢𞤪𞤭𞥅𞤦𞤵 𞤥𞤮 𞤣𞤵𞤪𞤧𞤢𞤼𞤢𞥄
𞤁𞤫𞤦𞥆𞤮 𞤰𞤢𞤥𞤢𞥄 𞤴𞤮 𞤥𞤮𞤴 𞤩𞤵𞤪𞤭 𞤴𞤭𞤯𞤵𞤣𞤫 𞤫 𞤩𞤭𞤩𞥆𞤫 𞤥𞤵𞥅𞤯𞤵𞤥 : 𞤲'𞤣𞤭𞤤𞥆𞤵𞤯𞤮 𞤬𞤢𞥄 𞤱𞤢𞤪𞤼𞤢 𞤫 𞤻𞤢𞤱𞤵𞤯𞤮 𞤬𞤢𞥄 𞤣𞤢𞤯𞤢
𞤁𞤫𞤦𞥆𞤮 𞤴𞤭𞤯𞤢𞥄𞤲𞤢𞥄 𞤧𞤮 𞤮𞤲 𞤲'𞤺𞤮𞤲'𞤣𞤭𞥅 𞤬𞤵, 𞤥𞤵𞤻𞤢𞤲𞤢𞥄 𞤯𞤵𞤥 𞤷𞤢𞤨𞤢𞤲𞤯𞤫 𞤶𞤫𞥅𞤲𞤢𞤴 𞤫 𞤶𞤫𞥅𞤲𞤢𞤴 , 𞤳𞤢𞤻𞤵𞤥 𞤣𞤵 𞤥𞤵𞤻𞤢𞤲𞤫 𞤺𞤮𞥅𞤼𞤫𞤤, 𞤧𞤮 𞤮𞤲 𞤳𞤢𞤩𞤭𞥅 𞤣𞤵 𞤲'𞤺𞤢𞤪𞤢𞥄 𞤼𞤵𞥅𞤦𞤢𞥄
𞤁𞤫𞤦𞥆𞤮 𞤰𞤮𞤰𞤵𞤯𞤮 𞤣𞤮𞤺𞥆𞤢𞤼𞤢𞥄 𞤷𞤢𞤺𞥆𞤢𞤤 𞤱𞤮𞤪𞤩𞤫
𞤁𞤫𞤦𞤫𞤪𞤫𞥅𞤣𞤵 𞤸𞤭𞥅𞤤𞤭𞤪𞤼𞤢𞥄𞤳𞤫 𞤸𞤢𞤤𞥆𞤫𞤪𞤫
𞤁𞤫𞤦𞤫𞤪𞤫𞥅𞤣𞤵 𞤱𞤢𞥄𞤱𞤢𞥄 𞤲𞤢𞤺𞤢𞤪𞤢
𞤁𞤫𞤦𞤮 𞤤𞤮𞤦𞥆𞤮 𞤦𞤮𞤲𞤯𞤮 𞤴𞤮 𞤢𞤤𞤶𞤢𞤲𞥆𞤢 𞤺𞤭𞤼𞤫, 𞤣𞤫 𞤴𞤮 𞤮 𞤶𞤢𞤸𞤢𞤲𞥆𞤢𞤥𞤢 𞤴𞤮𞤲𞤳𞤭
𞤍𞤫𞤥𞤲'𞤺𞤢𞤤 𞤨𞤵𞤴𞤯𞤮 𞤱𞤮𞤲𞤭 𞤷𞤮𞤲𞤼𞤭𞤪𞤺𞤢𞤤 𞤳𞤢𞤧𞤵 𞤥𞤵𞥅𞤯𞤵𞤥
𞤍𞤫𞤥𞤲'𞤺𞤢𞤤 𞤱𞤮𞤲𞤭 𞤤𞤢𞤩𞤭 𞤶𞤮𞥅𞤥𞤵𞤥
𞤁𞤫𞤱𞤫𞤤 𞤤𞤢𞥄𞤩𞤢 𞤣𞤫𞥅𞤪𞤫𞤤 𞤥𞤢𞥄𞤴𞤢𞤼𞤢𞥄 𞤪𞤭𞤥𞤢𞥄𞤴 𞤲'𞤶𞤢𞥄𞤤𞤵
𞤁𞤫𞤱𞤼𞤫𞤪𞤫 𞤶𞤢𞤲𞤺𞤢𞤼𞤢 𞤦𞤢𞤲𞤣𞤵𞤥
𞤁𞤫𞤰𞥆𞤫𞤪𞤫 𞤱𞤢𞤪𞤢𞤼𞤢𞥄 𞤩𞤭𞥅-𞤳𞤮𞤳𞤮𞥅𞤼𞤵𞤱𞤢𞤤
𞤍𞤭 𞤳𞤢𞥄𞤪𞤭𞥅 𞤲𞤢𞥄 𞤯𞤭 𞤳𞤢𞥄𞤪𞤢𞤴, 𞤱𞤢𞥄𞤲𞥆𞤢𞤴 𞤣𞤵𞤪𞤮𞥅𞤱𞤮, 𞤴𞤮 𞤲'𞤶𞤮𞤩𞤣𞤭 𞤥𞤵𞥅𞤯𞤵𞤥 𞤱𞤢𞥄𞤲𞥆𞤭 𞤯𞤵𞤥
𞤍𞤭𞤯𞤮 𞤲'𞤶𞤭𞤯𞤢𞥄 𞤱𞤢𞥄𞤶𞤫𞥅𞤣𞤫 : 𞤲'𞤶𞤭𞤯𞥆𞤮 𞤣𞤫𞤦𞥆𞤮 𞤫 𞤲'𞤶𞤭𞤯𞥆𞤮 𞤤𞤢𞥄𞤥𞤵
𞤍𞤭𞤺𞥆𞤵𞤲'𞤣𞤭 𞤸𞤢𞥄𞤤𞤭𞥅 𞤷𞤫𞤯𞤢𞥄𞤲'𞤣𞤭
𞤁𞤭𞥅𞤣𞤮𞤤 𞤦𞤭’𞤢𞥄𞤲'𞤺𞤮𞤤 𞤲'𞤣𞤭𞤱𞤵𞤯𞤮 𞤬𞤵 𞤥𞤢𞤴𞤢𞤲, 𞤬𞤭𞥅𞤤𞤢 𞤲'𞤦𞤭'𞤢𞥄 𞤴𞤮 𞤬𞤫𞤱𞤪𞤫
𞤁𞤭𞤥𞥆𞤫 𞤲𞤢 𞤲'𞤶𞤫𞤴𞤢𞥄 𞤫 𞤷𞤢𞤤𞤯𞤭 𞤦𞤢𞥄𞤧𞤢𞤤
𞤁𞤭𞤥𞥆𞤫 𞤲'𞤶𞤢𞤸𞤪𞤢𞤼𞤢 𞤶𞤭𞤺𞤢𞥄𞤪𞤫 𞤤𞤵𞥅𞤥𞤮
𞤍𞤮 𞤸𞤮𞤺𞥆𞤮 𞤤𞤫𞤴𞤰𞤭𞤪𞤭 𞤯𞤮𞥅𞤲, 𞤣𞤭𞤱𞤪𞤫𞤼𞤫𞥅
𞤍𞤮 𞤩𞤵𞤪𞤭 𞤴𞤢𞤱𞤲𞤢𞥄𞤣𞤫 𞤫 𞤺𞤢𞤤𞥆𞤫, 𞤯𞤮𞥅𞤲 𞤣𞤭𞤱𞤭𞤪𞤼𞤫𞥅
𞤍𞤮 𞤷𞤮𞤳𞥆𞤢𞤯𞤢 𞤯𞤮𞥅𞤲 , 𞤰𞤢𞤪𞤢𞥄𞤥𞤭
𞤍𞤮 𞤖𞤢𞤥𞥆𞤢𞤣𞤭 𞤪𞤫𞤱𞤭 𞤯𞤮, 𞤯𞤮𞥅𞤲 𞤅𞤢𞤥𞤦𞤮 𞤣𞤵 𞤪𞤫𞤱𞤢𞤼𞤢
𞤍𞤮 𞤸𞤮𞤺𞥆𞤮 𞤧𞤫𞤤𞤦𞤭𞤪𞤭, 𞤯𞤮𞥅𞤲 𞤧𞤫𞥅𞤳𞤭𞤪𞤼𞤫𞥅
𞤍𞤮 𞤤𞤫𞤯𞥆𞤫 𞤲'𞤺𞤮𞤲𞤭 𞤯𞤮𞥅𞤲, 𞤦𞤢𞥄𞤶𞤭 𞤳𞤫𞤩𞤫𞤼𞤫𞥅
𞤍𞤮 𞤲𞤢𞥄𞤼𞤢𞤼𞤢𞥄𞤳𞤮 𞤲𞤭 𞤱𞤮𞥅𞤣𞤭, 𞤯𞤮 𞤴𞤢𞤤𞤼𞤢𞤼𞤢𞥄𞤳𞤮 𞤱𞤢𞤤𞤢𞥄
𞤍𞤮 𞤲𞤢𞤺𞥆𞤫 𞤸𞤢𞤩𞥆𞤢𞥄 𞤯𞤮𞥅𞤲, 𞤣𞤵𞤪𞤢𞤼𞤢
𞤍𞤮 𞤻𞤭𞥅𞤱𞤢 𞤱𞤢𞥄𞤼𞤭, 𞤱𞤮𞤶𞤫𞤪𞤫 𞤤𞤵𞥅𞤩𞤢𞤼𞤢𞥄 𞤯𞤮𞥅𞤲
𞤁𞤮𞤺𞥆𞤵𞤣𞤫 𞤫 𞤻𞤢𞥄𞤻𞤢𞥄𞤣𞤫 𞤼𞤫𞤨𞥆𞤫𞤪𞤫 𞤲'𞤶𞤢𞥄𞤣𞤢𞤼𞤢𞥄
𞤁𞤮𞤺𞤵 𞤪𞤫𞥅𞤣𞤵 𞤼𞤢𞤱𞤪𞤵 𞤶𞤭𞥅𞤪𞤫 𞤫 𞤧𞤮𞤨𞥆𞤵𞤲'𞤣𞤫
𞤍𞤮𞤳𞥆𞤮 𞤱𞤭’𞤢𞥄𞤲𞤢𞥄 𞤺𞤭𞤼𞤫 𞤯𞤭𞤯𞤭 𞤴𞤮 𞤣𞤮𞤲𞤺𞤢𞤤
𞤁𞤮𞤲𞤺𞤢𞤤 𞤧𞤢𞤦𞤫 𞤀𞤤𞥆𞤢, 𞤸𞤢𞥄𞤲𞤢𞥄 𞤴𞤵𞤤𞤢 𞤸𞤮𞥅𞤪𞤫
𞤁𞤮𞤲𞤺𞤢𞤤 𞤧𞤢𞤦𞤫 𞤀𞤤𞥆𞤢, 𞤸𞤫𞤤𞤢𞤼𞤢𞥄 𞤣𞤢𞥄𞤲'𞤣𞤫
𞤍𞤮𞥅 𞤲𞤢’𞤭 𞤦𞤢𞥄𞤦𞤢 𞤢𞤥 𞤲'𞤶𞤢𞥄𞤰𞤮𞤼𞤮𞤲𞤮𞥅, 𞤸𞤢𞥄𞤪𞤲𞤢𞤼𞤢𞥄 𞤥𞤢 𞤳𞤮𞤧𞤢𞤥 𞤶𞤫𞤥𞥆𞤢 𞤥𞤵𞥅𞤯𞤵𞤥
𞤍𞤮𞥅 𞤱𞤮𞤲𞤭 𞤶𞤢𞥄𞤩𞤭 𞤸𞤢𞥄𞤼𞥆𞤭𞤪𞤣𞤫
𞤍𞤮𞥅 𞤱𞤮𞤲𞤭 𞤼𞤵𞤨𞥆𞤢𞤤 𞤦𞤢𞥄𞤦𞤢, 𞤸𞤢𞤯𞤢𞤼𞤢𞥄 𞤻𞤢𞥄𞤥𞤣𞤫 𞤥𞤫𞥅𞤪𞤭
𞤁𞤮𞥅𞤥𞤲'𞤣𞤵 𞤴𞤮 𞤢𞤪𞤼𞤭𞥅𞤲'𞤣𞤵 𞤱𞤵𞤪𞤼𞤢𞥄𞤣𞤫, 𞤸𞤫𞤣𞥆𞤭𞥅𞤲'𞤣𞤵 𞤬𞤵𞤸, 𞤱𞤮𞤲𞤣𞤵 𞤱𞤭'𞤫𞤼𞤫𞥅
𞤁𞤮𞤱 𞤱𞤢𞤤𞤢𞤲𞤢𞥄 𞤱𞤮𞤶𞤫𞤪𞤫
𞤍𞤮𞤱𞤼𞤭𞥅𞤪𞤵 𞤴𞤮 𞤴𞤢𞤤𞤼𞤭𞤲'𞤣𞤫 𞤲𞤫𞤯𞥆𞤮 𞤯𞤮 𞤧𞤵𞥅𞤧𞤭 𞤲𞤢𞤲𞥆𞤢 𞤯𞤵𞤥 𞤯𞤮 𞤸𞤵𞤤𞤢𞤼𞤢
𞤍𞤮𞤱𞤼𞤭𞤪𞤮𞥅𞤱𞤮 𞤥𞤮 𞤬𞤮𞤪𞤻𞤢𞤼𞤢𞥄𞤳𞤮, 𞤴𞤮 𞤴𞤮𞤼𞥆𞤭𞤲𞤮𞤱𞤢𞤲
𞤍𞤵𞤥 𞤲𞤢 𞤱𞤢'𞤭 𞤸𞤮𞤲𞤮 𞤸𞤮𞥅𞤪𞤫 𞤩𞤭𞤲𞤺𞤫𞤤 𞤥𞤮𞥅𞤪𞤮𞥅𞤱𞤮
𞤍𞤵𞤥 𞤱𞤢'𞤢𞥄𞤲𞤢𞥄 𞤸𞤮𞤲𞤮 𞤫𞤲𞤯𞤢𞤥 𞤣𞤮𞤼𞤫 : 𞤧𞤮 𞤲'𞤣𞤢𞤪𞤮𞤳𞤫 𞤲𞤭 𞤳𞤢𞤱𞤪𞤭𞤼𞤢, 𞤧𞤮 𞤲'𞤶𞤮𞥅𞤯𞤮𞤳𞤫 𞤲𞤭 𞤷𞤫𞥅𞤣𞤢
𞤍𞤵𞤥 𞤱𞤮 𞤼𞤭𞥅𞤥𞤺𞤢𞤤 𞤸𞤢𞤳𞥆𞤵𞤲'𞤣𞤫 𞤸𞤵𞥅𞤼𞤮𞥅𞤪𞤵 𞤫 𞤬𞤢𞤥𞤲'𞤣𞤵
𞤍𞤵𞤥 𞤱𞤮𞤲𞤭 𞤸𞤢𞤴𞤲'𞤣𞤫 : “ 𞤐'𞤄𞤫𞥅𞤱𞤢 𞤲𞤢 𞤻𞤢𞤤𞥆𞤭𞤲𞤢 𞤤𞤫𞥅𞤲'𞤣𞤵 𞤶𞤢𞤥“
𞤍𞤵𞤥 𞤴𞤮 𞤺𞤮𞤥𞤯𞤭 𞤲𞤮𞥅𞤱𞤪𞤢
𞤍𞤵𞤥𞤫 𞤩𞤫𞤪𞤲'𞤣𞤫 𞤸𞤵𞥅𞤼𞤮𞥅𞤪𞤵 𞤱𞤢𞤯𞤢𞤼𞤢 𞤻𞤫𞤦𞥆𞤫
𞤍𞤵𞤥𞤫 𞤯𞤮𞤥𞤯𞤵𞤯𞤮 𞤸𞤫𞤩𞤢𞤼𞤢 𞤫 𞤲𞤢𞥄𞤲'𞤺𞤫 𞤥𞤢𞥄 𞤴𞤭𞥅𞤼𞤫
𞤍𞤵𞤥𞤫 𞤲'𞤦𞤢𞥄𞤱𞤵𞤯𞤢𞥄 𞤧𞤮 𞤶𞤵𞤲𞤺𞤮 𞤥𞤢𞥄 𞤤𞤵𞤺𞤭𞤼𞤭𞥅 𞤥𞤢
𞤍𞤵𞤥𞤫 𞤧𞤵𞥅𞤯𞤭 𞤬𞤢𞤥𞤲'𞤣𞤵 𞤤𞤮𞥅𞤷𞤮𞤤 : 𞤸𞤢𞤱𞤢𞤼𞤢𞥄 𞤤𞤢𞤼𞤢𞤼𞤢𞥄
𞤍𞤵𞤥𞤫 𞤱𞤢𞤼𞥆𞤭 𞤦𞤮𞤲𞤺𞤵𞥅𞤶𞤮 𞤰𞤫𞥅𞤻𞤵𞤣𞤫 𞤢𞥄𞤱𞤢
𞤍𞤵𞤥𞤫 𞤱𞤮𞤲𞤭 𞤦𞤢𞤼𞥆𞤢𞤲𞤫 𞤲𞤫𞤯𞥆𞤮 𞤧𞤮 𞤺𞤢𞤻𞤮 𞤥𞤵𞥅𞤯𞤵𞤥 𞤣𞤢𞤱𞤪𞤢𞤲𞤭𞥅 𞤯𞤵𞤥
𞤍𞤵𞤥𞤫 𞤴𞤢𞤸𞤪𞤭 𞤩𞤮𞤷𞥆𞤮𞥅𞤲'𞤣𞤫 𞤸𞤢𞤥𞤲'𞤣𞤫 𞤳𞤢𞥄𞤰𞤫
𞤍𞤵𞤥𞤫 𞤴𞤢𞤸𞤪𞤭 𞤣𞤵𞤪𞤮𞥅𞤱𞤮 𞤼𞤮 𞤲'𞤺𞤫𞤯𞤵 𞤲𞤮𞥅𞤦𞤭
𞤍𞤵𞤥𞤫 𞤴𞤢𞤸𞤪𞤭 𞤥𞤢 𞤫 𞤲'𞤺𞤫𞤧𞤢 𞤲'𞤶𞤢𞤲𞤢𞤲𞤢, 𞤫 𞤢𞤪𞤢𞥄𞤱𞤢 𞤲'𞤶𞤢𞤲𞤢𞤲𞤢
𞤁𞤵𞤪𞤮𞥅𞤱𞤮 𞤢𞤲𞤣𞤭 𞤤𞤢𞤣𞥆𞤫
𞤁𞤵𞤪𞤮𞥅𞤱𞤮 𞤻𞤭𞥅𞤦𞤭 𞤸𞤵𞤤𞤢𞤼𞤢𞥄 𞤻𞤭𞥅𞤱𞤢
𞤁𞤵𞤪𞤮𞥅𞤱𞤮 𞤻𞤭𞥅𞤱𞤢 𞤼𞤮𞥅𞤱𞤼𞤢𞤲, 𞤴𞤮𞤼𞥆𞤢𞤼𞤢𞥄𞤳𞤮
𞤁𞤵𞤪𞤮𞥅𞤱𞤮 𞤨𞤢𞥄𞤩𞤭 𞤢𞤲𞤣𞤭 𞤤𞤢𞤰𞤮𞥅𞤪𞤵
𞤁𞤵𞤪𞤱𞤭 𞤦𞤮𞤲𞤯𞤭 𞤲𞤢 𞤩𞤵𞤪𞤭 𞤻𞤮𞤰𞥆𞤭𞤼𞤢𞤥
𞤍𞤵𞥅𞤯𞤢𞤤 𞤴𞤢𞤪𞤢𞤼𞤢 𞤳𞤢𞥄𞤼𞤢
𞤍𞤵𞤱𞤭𞥅𞤯𞤮 𞤧𞤵𞥅𞤣𞤵 𞤢𞤲𞤣𞤭 𞤼𞤮 𞤲'𞤣𞤵 𞤧𞤭’𞤭𞤪𞤼𞤢

𞤂

‮𞤂𞤢𞥄𞤥𞤭𞥅𞤯𞤮 𞤫 𞤤𞤢𞥄𞤥𞤢𞥄𞤯𞤮, 𞤺𞤢𞤤𞤮 𞤫 𞤼𞤢𞤳𞤢 𞤬𞤵𞤸 𞤨𞤮𞤼𞤵 𞤫 𞤸𞤫𞤲𞤣𞤵 𞤶𞤮𞥅𞤥𞤭𞤪𞤢𞥄𞤯𞤮
𞤂𞤢𞥄𞤥𞤵 𞤬𞤵𞤸 𞤱𞤮 𞤤𞤢𞥄𞤥𞤵 𞤸𞤵𞥅𞤼𞤮𞥅𞤪𞤵 𞤶𞤢𞥄𞤧𞤭 , 𞤧𞤮 𞤢 𞤢𞤪𞤣𞤮𞤳𞤫 𞤱𞤭'𞤢 𞤼𞤢𞥄 𞤢𞤪𞤣𞤢 𞤲'𞤣𞤭𞥅𞤱𞤢𞤲𞤢𞥄 𞤳𞤢𞤥 𞤦𞤢𞤩𞤢𞤼𞥆𞤭 , 𞤧𞤮 𞤢 𞤧𞤢𞤥𞤲'𞤣𞤮𞤳𞤫 𞤱𞤭'𞤢 𞤢𞤯𞤢 𞤶𞤢𞤤𞤢 𞤱𞤵𞤼𞥆𞤵𞤣𞤵 𞤢𞤥 𞤧𞤮 𞤢 𞤸𞤫𞥅𞤣𞤭𞥅 𞤷𞤢𞤺𞥆𞤢𞤤 𞤱𞤭'𞤢 𞤢𞤯𞤢 𞤴𞤢𞤩𞤼𞤢 𞤤𞤢𞥄𞤷𞤭 𞤢𞤥
𞤂𞤢𞥄𞤥𞤵 𞤱𞤵𞤰𞤢𞤼𞤢𞥄𞤳𞤫 , 𞤸𞤢𞤤𞤬𞤭𞤲𞤼𞤢𞥄𞤳𞤫 .
𞤂𞤢𞥄𞤧𞤫𞤤 𞤲'𞤺𞤫𞤤𞤮𞥅𞤦𞤢 𞤼𞤮𞥅𞤱𞤢𞤲𞤭𞥅 𞤸𞤫𞤦𞥆𞤫𞤪𞤫
𞤂𞤢𞥄𞤧𞤭 𞤲'𞤦𞤫𞥅𞤱𞤢 𞤪𞤭𞥅𞤱𞤢𞤼𞤢𞥄 𞤦𞤵𞥅𞤦𞤭 𞤵𞤣𞥆𞤢𞤼𞤢𞥄 𞤧𞤫𞤥𞤼𞤫𞥅𞤲'𞤣𞤫
𞤂𞤢𞥄𞤧𞤭 𞤲'𞤣𞤮𞤲𞤼𞤮𞥅𞤪𞤭𞥅𞤶𞤮 𞤱𞤢𞤤𞤢𞥄 𞤯𞤮 𞤼𞤢𞤦𞤭𞤼𞤭
𞤂𞤢𞥄𞤧𞤭 𞤱𞤢𞥄𞤲'𞤣𞤵 𞤲𞤢 𞤶𞤵𞥅𞤼𞤭 𞤣𞤫 𞤯𞤮 𞤥𞤫𞥅𞤥𞤢 𞤬𞤵𞤸 𞤲𞤢 𞤲'𞤣𞤵 𞤥𞤢𞥄𞤼𞤵
𞤂𞤢𞥄𞤼𞤮𞤳𞤫 𞤦𞤢𞤥𞤭 𞤳𞤢𞥄𞤽𞤢𞥄𞤯𞤮
𞤂𞤢𞥄𞤼𞤮𞤳𞤫 𞤳𞤮𞤴𞤯𞤮𞤤 𞤥𞤵𞥅𞤥𞤮
𞤂𞤢𞥄𞤱𞤮𞤤 𞤶𞤢𞤸𞤮𞥅𞤱𞤮𞤤 𞤺𞤢𞤤𞥆𞤫 𞤺𞤢𞤤𞤮 𞤦𞤢𞤳𞤭𞥅𞤤𞤭 , 𞤬𞤢𞤴 𞤧𞤮 𞤲'𞤺𞤮𞤤 𞤯𞤭𞤺𞥆𞤢𞤴 𞤲'𞤺𞤮𞤤 𞤱𞤢𞥄𞤼𞤢𞤼𞤢𞥄
𞤂𞤢𞥄𞤱𞤮𞤤 𞤶𞤢𞤥 𞤱𞤮𞤯𞥆𞤢𞤼𞤢𞥄
𞤂𞤢𞥄𞤱𞤮𞤤 𞤨𞤵𞤯𞥆𞤭𞤪𞤲'𞤺𞤮𞤤 𞤣𞤫𞤰𞥆𞤫𞤪𞤫 𞤸𞤢𞥄𞤼𞥆𞤢𞤼𞤢𞥄𞤲𞤢𞥄 𞤫 𞤴𞤫𞤺𞥆𞤭𞤼𞤫𞥅𞤣𞤫
𞤂𞤢𞤦𞤢𞤲'𞤺𞤢𞤤 𞤻𞤭𞥅𞤱𞤢 𞤼𞤢𞤬𞤮𞥅𞤱𞤮 𞤱𞤮𞥅𞤣𞤭 𞤺𞤢𞤼𞥆𞤮𞥅𞤱𞤮 𞤱𞤢𞤤𞤢𞥄
𞤂𞤢𞤦𞥆𞤮 𞤲𞤢 𞤸𞤵𞤲𞤺𞤮 𞤳𞤮 𞤻𞤢𞥄𞤥𞤢 𞤣𞤫 𞤸𞤵𞤲𞤺𞤢𞤼𞤢𞥄𞤳𞤮 𞤳𞤮 𞤸𞤢𞥄𞤤𞤢
𞤂𞤢𞤣𞥆𞤫𞥅𞤪𞤵 𞤪𞤢𞤬𞤢𞥄𞤲'𞤣𞤵 𞤴𞤭'𞤢𞤼𞤢𞥄 𞤥𞤢𞤤𞤬𞤢
𞤂𞤫’𞤢𞤤 𞤳𞤫𞥅𞤱𞤲'𞤺𞤢𞤤 𞤱𞤢𞥄𞤱𞤭 𞤣𞤫𞥅𞤪𞤫𞥅𞤪𞤮
𞤂𞤫𞥅𞤤𞤫𞤱𞤢𞤤 𞤩𞤫𞤪𞤯𞤫 𞤱𞤮 𞤴𞤫𞥅𞤱𞤼𞤭𞤣𞤭𞤲'𞤣𞤫
𞤂𞤫𞥅𞤧𞤮 𞤸𞤫𞤧𞤮 𞤴𞤮𞤨𞥆𞤭𞤲𞤼𞤢𞥄 𞤳𞤢𞤥 𞤤𞤫𞥅𞤧𞤮 𞤸𞤭𞤲𞤺𞤮
𞤂𞤫𞤬𞤮𞤤 𞤱𞤮𞤲𞤭 𞤦𞤮𞥅𞤼𞤮𞥅𞤪𞤵
𞤂𞤫𞤺𞥆𞤫𞤤 𞤬𞤵𞤸 𞤫 𞤯𞤮𞤱𞤺𞤭 𞤥𞤵𞤥
𞤂𞤫𞤳𞥆𞤭 𞤳𞤭 𞤲'𞤶𞤢𞤱𞤯𞤢 𞤳𞤭𞥅𞤲 𞤦𞤢𞥄𞤶𞤭 𞤥𞤵𞤥 𞤳𞤢𞤩𞥆𞤫𞤼𞤫
𞤂𞤫𞤳𞥆𞤭 𞤸𞤢𞥄𞤯𞤢𞤼𞤢𞥄 𞤣𞤫 𞤯𞤢𞤯𞤭𞤥 𞤲'𞤦𞤫𞤤𞤢
𞤂𞤫𞤳𞥆𞤭 𞤳𞤭 𞤪𞤭𞤥𞤢𞤼𞤢𞥄 𞤧𞤮𞤪𞤲𞤢𞤼𞤢𞥄 𞤯𞤵𞤱𞤢𞤼𞤢𞥄 𞤲𞤢 𞤣𞤢𞤺𞤭𞥅 𞤯𞤮𞥅𞤬𞤫𞥅𞤣𞤫,
𞤂𞤫𞤳𞥆𞤭 𞤻𞤢𞥄𞤥𞤫𞤼𞤫𞥅𞤳𞤭 𞤢𞤲𞤣𞤢𞤼𞤢𞥄𞤳𞤫𞤲𞤢 𞤺𞤭𞤤𞥆𞤢 𞤫 𞤨𞤭𞥅𞤲𞤣𞤭
𞤂𞤫𞤳𞥆𞤭 𞤱𞤮 𞤯𞤢𞤯𞤭 𞤴𞤢𞤪𞤣𞤢𞤼𞤢
𞤂𞤫𞤴𞤣𞤭 𞤥𞤫𞤲: 𞤳𞤮𞤯𞤫𞤲 𞤲'𞤣𞤫𞤰𞥆𞤫𞤲
𞤂𞤫𞤴𞤣𞤭 𞤥𞤮𞤰𞥆𞤢𞤼𞤢𞥄 𞤧𞤮 𞤱𞤢𞤲𞤢𞥄 𞤩𞤭𞤩𞥆𞤫𞤲 𞤲'𞤣𞤢𞤪𞤭𞥅
𞤂𞤫𞤴𞤣𞤭 𞤲𞤢 𞤻𞤢𞥄𞤥𞤢 𞤩𞤢𞤲𞤣𞤵 𞤣𞤫 𞤻𞤢𞥄𞤥𞤢𞤼𞤢𞥄 𞤭𞤲𞤣𞤫
𞤂𞤭𞥅𞤲'𞤺𞤵 𞤳𞤢𞤥 𞤸𞤮𞤯𞤭 𞤫 𞤲'𞤣𞤭𞤴𞤢𞤥, 𞤣𞤫 𞤲'𞤣𞤭𞤴𞤢𞤥 𞤤𞤢𞤩𞥆𞤭𞤲𞤼𞤢 𞤯𞤵𞤥
𞤂𞤭𞤰𞥆𞤭 𞤦𞤢𞥄𞤼𞤵𞤯𞤭, 𞤦𞤫𞤥𞤨𞤫𞤰𞥆𞤫 𞤳𞤮𞥅𞤰𞤢𞤼𞤢
𞤂𞤮𞤦𞥆𞤵𞤪𞤵 𞤱𞤢𞤤𞤢𞥄 𞤫 𞤦𞤢𞥄𞤯𞤭 , 𞤱𞤮 𞤴𞤫𞥅𞤧𞤮 𞤸𞤫𞤤𞤲'𞤺𞤮 𞤲𞤭 𞤫 𞤺𞤮𞤤𞥆𞤫 𞤦𞤮𞤲𞤯𞤫
𞤂𞤮𞤦𞥆𞤵𞤪𞤵 𞤱𞤢𞤤𞤢𞥄 𞤫 𞤦𞤢𞥄𞤯𞤭 𞤯𞤭 𞤬𞤵𞤸, 𞤯𞤭 𞤤𞤵𞤺𞥆𞤢 𞤺𞤭𞤼𞤫𞥅𞤶𞤭
𞤂𞤮𞤲𞤺𞤫𞤪𞤫 𞤱𞤮𞥅𞤼𞤫𞤪𞤫 𞤸𞤢𞥄𞤪𞤭 𞤴𞤭𞤥𞤩𞤫 𞤼𞤢𞤼𞤮
𞤂𞤮𞤲𞤺𞤫𞤪𞤫 𞤱𞤵𞤤𞤲'𞤣𞤫 𞤸𞤢𞥄𞤯𞤢𞤼𞤢𞥄 𞤫 𞤺𞤢𞤩𞥆𞤵𞤺𞤢𞤤 𞤺𞤮𞥅𞤼𞤢𞤤
𞤂𞤮𞥅𞤨𞤫 𞤥𞤢𞤸𞤢𞤼𞤢𞥄𞤳𞤫𞤲𞤢 𞤺𞤭𞤤𞥆𞤢 𞤱𞤮 𞤷𞤫𞤷𞥆𞤫


𞤃


𞤃𞤢𞥄 𞤺𞤢𞤧𞤭𞥅 𞤥𞤢𞥄 𞤺𞤵𞤧𞤭𞥅 𞤥𞤢𞥄 𞤺𞤵𞤪𞤭 𞤳𞤮𞤨𞥆𞤭 𞤩𞤮𞥅𞤪𞤼𞤮𞤳𞤫.
𞤃𞤢𞥄 𞤺𞤵𞤧𞤭 𞤥𞤢𞥄 𞤺𞤢𞤧𞤭 𞤥𞤢𞥄 𞤩𞤮𞤺𞥆𞤭 𞤣𞤢𞤲𞤺𞤢 𞤼𞤢𞤰𞤭𞥅
𞤃𞤢𞥄𞤲𞤭 𞤴𞤮 𞤤𞤵'𞤮 𞤨𞤮𞤤𞥆𞤫.𞤁𞤫𞤬𞤫𞥅 𞤲'𞤣𞤫𞤪 𞤺𞤢𞤤𞥆𞤫 𞤵𞥅𞤪𞤢 𞤴𞤢𞥄𞤧𞤭𞤲
𞤃𞤢𞤸𞤫 𞤥𞤮𞥅𞤴𞤼𞤫 𞤬𞤵𞤸 𞤣𞤭𞤱𞤢𞤴 𞤱𞤮𞥅𞤬𞤢𞥄𞤲'𞤣𞤫 .
𞤃𞤢𞤶𞥆𞤫𞤪𞤫 𞤲𞤢 𞤸𞤫𞤤𞤢 𞤧𞤵𞥅𞤣𞤵 𞤼𞤫𞤣𞥆𞤵𞤲'𞤣𞤵 , 𞤢𞤲𞤣𞤢𞤤 𞤲𞤢 𞤩𞤢𞤥𞤼𞤢 𞤧𞤵𞥅𞤣𞤵 𞤤𞤮’𞤵𞤲'𞤣𞤵
𞤃𞤢𞤤𞤬𞤢 𞤬𞤭𞤯𞤭𞤪𞤼𞤢𞥄𞤲𞤢𞥄 " 𞤼𞤢𞤱 "
𞤃𞤢𞤲𞤼𞤭𞥅 𞤥𞤢𞤲𞤢𞥄𞤳𞤢, 𞤥𞤢𞤲𞤫𞥅 𞤲𞤢𞥄𞤼𞤢 𞤤𞤢𞤣𞥆𞤫
𞤃𞤢𞤱𞤲𞤵𞤣𞤫 𞤺𞤮𞤤𞥆𞤫 𞤩𞤵𞤪𞤭 𞤸𞤫𞥅𞤱𞤣𞤫 𞤣𞤵𞤺𞤮
𞤃𞤢𞤴𞤢𞤴 𞤱𞤵𞥅𞤪𞤢𞤴 𞤱𞤢𞤲𞤢𞥄 𞤺𞤮𞤤𞥆𞤫 𞤀𞤤𞥆𞤢 .
𞤃𞤢𞤴𞤣𞤫 𞤸𞤢𞤱𞤪𞤭𞥅 𞤫 𞤯𞤮𞤴𞤲'𞤺𞤮𞤤
𞤃𞤢𞤴𞤣𞤫 𞤲𞤢 𞤴𞤢𞥄𞤺𞤮𞥅 𞤴𞤭𞤼𞤫𞤪𞤫 𞤭𞤲𞥆𞤢
𞤃𞤢𞤴𞤣𞤫 𞤱𞤮 𞤺𞤢𞤻𞤮 𞤺𞤮𞤲'𞤣𞤢𞥄𞤯𞤮
𞤃𞤢𞤴𞤣𞤫 𞤱𞤮 𞤥𞤢𞤴𞤣𞤫 𞤼𞤢𞤲 : 𞤲𞤮 𞤲'𞤣𞤫 𞤱𞤢𞤪𞤣𞤭 𞤬𞤵𞤸 𞤬𞤮𞤼𞤵
𞤃𞤢𞤴𞤣𞤫 𞤱𞤮𞤯𞥆𞤭 𞤣𞤫 𞤩𞤮𞤳𞥆𞤭 𞤰𞤭𞥅𞤻𞤭𞤪𞤢𞥄 𞤨𞤢𞤯𞤫
𞤃𞤢𞤴𞤯𞤮 𞤬𞤵 𞤱𞤮 𞤶𞤢𞤼𞤫 𞤻𞤮𞤤𞤭 𞤫 𞤪𞤫𞥅𞤣𞤵 𞤥𞤵𞤥
𞤃𞤢𞤴𞤯𞤮 𞤬𞤵𞤸 𞤸𞤢𞤣𞥆𞤭𞤥 𞤲𞤭 𞤱𞤮𞤴𞤫𞤼𞤫𞥅
𞤃𞤢𞤰𞥆𞤫 𞤫 𞤺𞤮𞥅𞤪𞤵𞥅𞤶𞤭 𞤲'𞤺𞤮𞤲𞤭 𞤧𞤫𞥅𞤣𞤫 𞤀𞤤𞥆𞤢 𞤲𞤢 𞤴𞤵𞤪𞤥𞤮𞥅 𞤼𞤢𞤺𞤮𞥅𞤪𞤫

𞤃𞤫𞥅𞤪𞤫 𞤤𞤮𞤲𞥆𞤢𞤼𞤢𞥄 𞤧𞤢𞤪𞥆𞤢 𞤥𞤢𞤱𞤯𞤮 𞤶𞤫𞤥𞥆𞤢
𞤃𞤫𞥅𞤪𞤲𞤵 𞤺𞤭𞤼𞤫 𞤥𞤢𞥄, 𞤼𞤢𞥄 𞤬𞤵𞤼𞥆𞤭𞤲𞤮 𞤫 𞤪𞤫𞤱𞤩𞤫 𞤤𞤮𞤦𞥆𞤵𞤩𞤫 𞤶𞤮𞤥 𞤫𞤲 𞤻𞤢𞤤𞤢𞥄𞤲'𞤣𞤫
𞤃𞤫𞤸𞤪𞤫 𞤥𞤫𞤼𞥆𞤢𞤴 𞤲𞤢𞤲𞤮 : 𞤥𞤢𞥄 𞤱𞤫𞤤𞤭 𞤥𞤢𞥄 𞤱𞤵𞤤𞤭
𞤃𞤫𞤤𞥆𞤢𞥄𞤣𞤫 𞤲𞤢 𞤸𞤢𞤲𞤼𞤢 𞤦𞤭𞤼𞤢
𞤃𞤭 𞤴𞤭’𞤢𞤴 𞤯𞤵𞤥𞤫 𞤱𞤢𞥄𞤼𞤭 𞤧𞤢𞤳𞥆𞤮 𞤤𞤵𞥅𞤩𞤢
𞤃𞤭 𞤴𞤭’𞤢𞤴 𞤳𞤮 𞤴𞤢𞤸𞤲'𞤣𞤵 𞤸𞤫𞤩𞤭 𞤧𞤢𞤳𞥆𞤮 𞤴𞤢𞤸𞤢𞤲𞤢𞥄𞤲'𞤣𞤵
𞤃𞤭 𞤬𞤭𞤴𞤭𞥅 𞤲'𞤣𞤭𞤴𞤢𞤥 𞤣𞤫 𞤥𞤭 𞤱𞤭’𞤢𞤴 𞤤𞤭𞥅𞤲'𞤺𞤵 𞤬𞤭𞤼𞥆𞤢
𞤃𞤭 𞤥𞤭𞥅𞤶𞤢𞤼𞤢𞥄 𞤤𞤫𞤱𞤪𞤵 𞤲𞤢 𞤧𞤢𞥄𞤥𞤢 𞤧𞤢𞤳𞥆𞤮 𞤥𞤮𞥅𞤰𞤢
𞤃𞤭 𞤲𞤢𞤲𞤭𞥅 𞤲𞤢𞥄 𞤥𞤭 𞤲𞤢𞤲𞤢𞤴 𞤬𞤵𞤸, 𞤴𞤭𞥅𞤪𞤵𞤣𞤫 𞤺𞤭𞤼𞤫 𞤥𞤵𞤥 𞤩𞤵𞤪𞤭
𞤃𞤭 𞤱𞤮𞤴𞤢𞤲𞤼𞤢𞥄 𞤥𞤮 𞤥𞤮𞥅𞤴𞤼𞤢𞤼𞤢𞥄 𞤺𞤮𞤥𞤯𞤭 𞤢𞤥
𞤃𞤭 𞤴𞤫𞤸𞤭𞥅 𞤣𞤫 𞤥𞤭 𞤢𞤣𞤢𞤴, 𞤥𞤭 𞤴𞤢𞤸𞤢𞤴 𞤩𞤵𞤪𞤭
𞤃𞤭 𞤴𞤭’𞤢𞤴 𞤳𞤮 𞤪𞤵𞤬𞤭 𞤧𞤢𞤳𞥆𞤮 𞤩𞤮𞤼𞥆𞤫𞥅
𞤃𞤭 𞤴𞤭’𞤢𞤴 𞤳𞤮 𞤰𞤫𞥅𞤻𞤵𞤲'𞤣𞤵 𞤸𞤫𞤩𞤭 𞤧𞤢𞤳𞥆𞤮 𞤼𞤭𞤺𞥆𞤭𞤼𞤭𞥅𞤲'𞤣𞤵
𞤃𞤭𞥅𞤤𞤢𞤴 𞤣𞤵𞤥𞤮 𞤸𞤫𞤩𞤭 𞤥𞤢𞥄𞤪𞤮
𞤃𞤭𞥅𞤲 𞤶𞤫𞤴 𞤩𞤵𞤪𞤭 𞤫𞤲𞤫𞤲 𞤲'𞤶𞤫𞤴
𞤃𞤭𞥅𞤲 𞤱𞤢𞥄𞤱𞤭 𞤱𞤢𞤯𞤢𞤲𞤭 𞤥𞤢 𞤩𞤵𞤪𞤭 𞤱𞤭𞥅𞤣𞤫 " 𞤥𞤭𞥅𞤲 𞤱𞤢𞥄𞤱𞤭 𞤥𞤢 𞤬𞤭𞥅 𞤥𞤢"
𞤃𞤭𞤲 𞤲'𞤶𞤢𞤪𞤭𞥅 𞤱𞤫𞤤𞤲'𞤺𞤮 𞤫 𞤸𞤢𞥄𞤯𞤵𞤲'𞤺𞤮
𞤃𞤭𞤲 𞤨𞤭𞥅 𞤷𞤫𞥅𞤲𞤫 𞤫 𞤦𞤮𞤤𞤢𞥄𞤶𞤫
𞤃𞤭𞤧𞤮 𞤬𞤢𞤶𞤭𞤪𞤭 𞤸𞤢𞤯𞤢𞤼𞤢𞥄 𞤲𞤢’𞤭 𞤮𞥅𞤪𞤵𞤣𞤫
𞤃𞤮 𞤢 𞤱𞤢𞥄𞤱𞤢𞤼𞤢𞥄 𞤢𞤷𞥆𞤵 𞤱𞤢𞥄𞤱𞤫
𞤃𞤮 𞤀𞤤𞥆𞤢 𞤣𞤵𞤻𞤭 𞤶𞤢𞤼𞥆𞤭𞤲𞤼𞤢𞥄𞤳𞤮
𞤃𞤮 𞤀𞤤𞥆𞤢 𞤱𞤢𞤤𞥆𞤭 𞤲𞤢 𞤩𞤵𞤪𞤭 𞤥𞤮 𞤺𞤭𞤲𞥆𞤢𞥄𞤶𞤭 𞤲'𞤦𞤢𞤤𞥆𞤭
𞤃𞤮 𞤢𞤲𞤣𞤢𞥄 𞤺𞤮𞥅𞤪𞤮 𞤱𞤮 𞤣𞤵𞤨𞥆𞤢𞤲 𞤯𞤵𞤥
𞤃𞤮 𞤢𞤲𞤣𞤢𞥄 𞤳𞤮 𞤱𞤫𞤤𞤭 𞤳𞤮 𞤸𞤢𞥄𞤯𞤭 𞤱𞤢𞤪𞤢𞤼𞤢 𞤯𞤵𞤥
𞤃𞤮 𞤢𞤲𞤣𞤢𞥄 𞤥𞤢 𞤧𞤮 𞤴𞤭𞤯𞤭𞥅 𞤥𞤢 𞤬𞤵 𞤱𞤮 𞤦𞤢𞤼𞤣𞤢𞤴𞤲𞤢 𞤫 𞤺𞤭𞤯𞤮 𞤥𞤢𞥄
𞤃𞤮 𞤢𞤲𞤣𞤢𞥄 𞤥𞤢 𞤧𞤮 𞤱𞤢𞤻𞤭𞥅 𞤥𞤢 𞤬𞤵 𞤦𞤢𞤣𞥆𞤢𞤴𞤲𞤢𞥄 𞤫 𞤺𞤢𞤻𞤮 𞤥𞤢𞥄
𞤃𞤮 𞤢𞤲𞤣𞤢𞥄 𞤥𞤢 𞤱𞤮 𞤦𞤮𞤲𞥆𞤫𞤼𞤫
𞤃𞤮 𞤢𞤪𞤢𞥄𞤱𞤢 𞤤𞤭𞤩𞤢𞤼𞤢 𞤴𞤭'𞤢𞤼𞤢𞥄 𞤲𞤮𞤨𞥆𞤭 𞤥𞤵𞤥
𞤃𞤮 𞤦𞤢𞤲'𞤦𞤢𞤴 𞤲𞤢𞥄𞤲'𞤺𞤫 𞤬𞤵 𞤲𞤢𞥄 𞤯𞤮𞤱𞤯𞤵𞤥
𞤃𞤮 𞤩𞤭𞥅𞤪𞤼𞤢𞤴 𞤳𞤢𞤤𞤢𞤱𞤭𞤪𞤭 𞤴𞤢𞤪𞤢𞤼𞤢𞥄 𞤳𞤢𞤲𞤣𞤭
𞤃𞤮 𞤦𞤭𞤧𞤭𞤥𞤢𞥄𞤳𞤭 𞤥𞤢 𞤯𞤮𞤱𞤼𞤭𞤪𞤼𞤢𞥄 𞤥𞤢
𞤃𞤮 𞤷𞤢𞤱𞤪𞤵𞤯𞤢𞥄 𞤻𞤭𞥅𞤰𞤫 𞤥𞤵𞤥, 𞤰𞤢𞤳𞥆𞤢𞤼𞤢𞥄 𞤢𞥄𞤱𞤣𞤭 𞤥𞤢𞥄
𞤃𞤮 𞤬𞤫𞤰𞥆𞤢𞤴 𞤼𞤢 𞤶𞤢𞤤𞤢 𞤶𞤮𞥅𞤤𞤭𞥅𞤯𞤮
𞤃𞤮 𞤺𞤮𞤤𞥆𞤢𞤴 𞤱𞤢𞤤𞤢𞥄 𞤳𞤮 𞤸𞤢𞥄𞤤𞤢
𞤃𞤮 𞤶𞤢𞤩𞤢𞤴 𞤳𞤮𞤲𞤺𞤮𞤤 𞤺𞤭𞤯𞤮 𞤲𞤢𞥄 𞤶𞤢𞤩𞤵 𞤳𞤮𞤲𞤺𞤮𞤤 𞤺𞤢𞤻𞤮
𞤃𞤮 𞤶𞤵𞥅𞤯𞤫 𞤥𞤵𞤥 𞤳𞤫𞤰𞤭 𞤱𞤢𞤯𞤢𞤼𞤢 𞤲𞤢𞤲𞤮 𞤫 𞤻𞤢𞥄𞤥𞤮
𞤃𞤮 𞤳𞤮𞤲𞤺𞤮𞤤 𞤸𞤢𞤴 𞤪𞤫𞤱𞤭 𞤬𞤵 𞤤𞤢𞥄𞤼𞤢𞤼𞤢𞥄𞤳𞤮 𞤲𞤫𞤯𞥆𞤮
𞤃𞤮 𞤥𞤢𞤴𞤢𞤴 𞤼𞤢𞤺𞤭𞤣𞤢𞥄𞤳𞤢
𞤃𞤮 𞤥𞤵𞤻𞤢𞤴 𞤷𞤵𞥅𞤪𞤳𞤭 𞤸𞤫𞤩𞤢𞤼𞤢𞥄 𞤰𞤵𞤤𞤩𞤫
𞤃𞤮 𞤻𞤢𞥄𞤥𞤢𞤴 𞤸𞤮𞥅𞤪𞤫 𞤸𞤢𞤻𞤢𞤼𞤢𞥄 𞤤𞤫𞥅𞤩𞤭
𞤃𞤮 𞤪𞤫𞥅𞤣𞤵 𞤥𞤵𞤥 𞤴𞤵𞤤𞤭 𞤸𞤭𞤤𞥆𞤢𞥄𞤳𞤢 𞤫 𞤱𞤮𞥅𞤯𞤵𞤺𞤮𞤤 𞤺𞤫𞤧𞤫
𞤃𞤮 𞤪𞤫𞤧𞤢𞤴 𞤸𞤮𞥅𞤰𞤢𞤼𞤢𞥄
𞤃𞤮 𞤪𞤮𞤲𞤢𞤴 𞤦𞤢𞤥𞥆𞤵𞤥 𞤬𞤵𞤴 𞤧𞤮 𞤼𞤭𞤲𞥆𞤢𞥄𞤳𞤭 𞤺𞤮𞤤𞥆𞤭 𞤱𞤢𞤤𞤢𞥄 𞤳𞤮 𞤪𞤮𞤲𞤫𞤼𞤫𞥅.
𞤃𞤮 𞤧𞤫𞤲𞤣𞤢𞤴 𞤸𞤵𞤯𞤮 𞤫 𞤱𞤵𞤤𞥆𞤫𞤪𞤫 𞤺𞤢𞤱𞤪𞤭 𞤲𞤢𞥄 𞤧𞤫𞤲𞤣𞤵 𞤤𞤢𞥄𞤦𞤭
𞤃𞤮 𞤧𞤵𞤩𞤢𞤼𞤢𞥄𞤳𞤮 𞤯𞤮 𞤶𞤮𞥅𞤯𞤮𞤼𞤮𞥅 𞤵𞤥𞥆𞤮𞤣𞤮𞤼𞤮 𞤫 𞤼𞤵𞥅𞤲'𞤣𞤭
𞤃𞤮 𞤱𞤢𞤤𞤢𞥄 𞤬𞤵𞤴 , 𞤬𞤵𞤴 𞤱𞤢𞤤𞤢𞤼𞤢𞥄 𞤯𞤵𞤥,
𞤃𞤮 𞤱𞤢𞤤𞤢𞥄 𞤸𞤵𞥅𞤲'𞤣𞤫, 𞤸𞤵𞥅𞤲'𞤣𞤫 𞤱𞤫𞤤𞤢𞤼𞤢𞥄 𞤯 𞤵𞤥
𞤃𞤮𞤲𞤢 𞤧𞤭𞤪𞤢 𞤤𞤫𞤺𞥆𞤢𞤤 𞤻𞤢𞤲𞤣𞤫 𞤬𞤵𞤸 𞤱𞤢𞤼𞥆𞤭𞤼𞤢𞤼𞤢𞥄, 𞤱𞤮 𞤱𞤢𞤪𞤣𞤫 𞤲'𞤺𞤢𞤤 𞤬𞤮𞤲𞤣𞤭𞥅
𞤃𞤮𞥅𞤣𞤭𞤦𞥆𞤮 𞤲𞤢𞥄𞤼𞤭𞥅 𞤳𞤢𞤤𞤱𞤢 𞤴𞤢𞤤𞤼𞤭𞤣𞤭𞥅 𞤫 𞤳𞤢𞥄𞤲𞤯𞤭 𞤱𞤢𞤲𞤢𞥄 𞤯𞤵𞥅𞤥 𞤪𞤮𞥅𞤳𞤭𞥅 𞤀𞤤𞥆𞤢
𞤃𞤮𞤰𞥆𞤫𞤪𞤫 𞤻𞤫𞤥𞤦𞤢𞥄𞤲'𞤣𞤫 𞤶𞤵𞥅𞤼𞤢𞤼𞤢𞥄
𞤃𞤮𞤰𞥆𞤫𞤪𞤫 𞤻𞤫𞤥𞤦𞤭𞤼𞤢𞥄𞤲'𞤣𞤫 𞤦𞤫𞥅𞤪𞤮 𞤩𞤮𞥅𞤴𞤮𞥅𞤱𞤮 𞤴𞤢𞥄𞤱𞤪𞤭 𞤯𞤵𞤥
𞤃𞤵𞤻𞤢𞤤 𞤱𞤢𞤲𞤢𞥄 𞤳𞤵𞤤𞤮𞤤, 𞤸𞤫𞤻𞤢𞥄𞤪𞤫 𞤱𞤢𞤲𞤢𞥄 𞤷𞤵𞥅𞤧𞤢𞤤
𞤃𞤵𞤻𞤷𞤢𞤪𞤮 𞤰𞤢𞤥𞤢𞤼𞤢 𞤳𞤮 𞤦𞤢𞤴𞤤𞤮 𞤼𞤢𞤬𞤢𞤼𞤢
𞤃𞤵𞤼𞤮𞤥𞤵𞤼𞤮𞤲'𞤺𞤢𞤤 𞤲𞤢 𞤥𞤵𞤼𞤢𞤲𞥆𞤮 𞤧𞤢𞤳𞥆𞤮 𞤲'𞤣𞤫 𞤼𞤭𞥅𞤲𞤼𞤮𞥅𞤲'𞤣𞤫 𞤫𞤧𞤵𞤥 𞤧𞤢𞥄𞤥𞤭 𞤫 𞤲'𞤣𞤭𞤴𞤢𞤥
𞤃𞤵𞥅𞤴𞤮𞥅𞤱𞤮 𞤳𞤮𞤪𞥆𞤢𞤤 𞤲𞤫𞤯𞥆𞤮 𞤱𞤢𞤯𞤢 𞤧𞤫𞤪𞤫𞥅𞤲'𞤣𞤵 𞤲'𞤣𞤢𞥄𞤪𞤢𞤼𞤢𞥄

𞤄 𞤇

‮𞤄𞤢𞥄𞤧𞤢𞤤 𞤺𞤢𞤱𞤪𞤭 𞤻𞤢𞥄𞤥𞤭 𞤨𞤢𞤺𞥆𞤵𞤪𞤭

𞤄𞤢𞥄𞤧𞤢𞤤 𞤴𞤢𞥄𞤴𞤫, 𞤥𞤵𞤧𞤭𞤲𞤭 𞤥𞤢𞥄𞤥𞤢

𞤄𞤢𞥄𞤧𞤢𞤤 𞤴𞤮 𞤳𞤢𞤩𞤣𞤮 𞤦𞤮𞤲𞤯𞤮, 𞤧𞤮 𞤢 𞤸𞤢𞤩𞥆𞤢𞥄𞤴 𞤯𞤵𞤥, 𞤼𞤢𞤲 𞤸𞤢𞤩𞥆𞤫𞤼𞤫

𞤄𞤢𞥄𞤧𞤢𞤤 𞤴𞤮 𞤲'𞤺𞤫𞤧𞤢 𞤳𞤢𞤱𞤼𞤢𞥄𞤲'𞤺𞤢 : 𞤲'𞤶𞤭𞥅𞤯𞤮 𞤦𞤮𞤲𞤫 𞤬𞤵, 𞤮𞥅𞤲 𞤩𞤵𞤪𞤭 𞤲'𞤺𞤫𞤯𞤵.

𞤄𞤢𞤩𞥆𞤢𞤼𞥆𞤭 𞤷𞤢'𞤭𞤣𞤫𞤼𞤫𞥅𞤯𞤭 𞤱𞤢𞤤𞤢𞥄 𞤳𞤮 𞤤𞤢𞤼𞤮𞤲'𞤣𞤭𞤪𞤢

𞤄𞤢𞤯𞤭𞥅𞤯𞤮 𞤧𞤢𞤽𞤢𞤤𞤣𞤫 𞤢𞤲𞤣𞤭 𞤲𞤮 𞤧𞤢𞤽𞤢𞤤𞤣𞤫 𞤽𞤫𞤷𞥆𞤭𞤪𞤼𞤫𞥅

𞤄𞤢𞤸𞤢𞤤 𞤥𞤢𞤲𞤺𞤢𞤤 𞤲𞤢𞤬𞤢𞤼𞤢𞥄 𞤣𞤫𞥅𞤪𞤢𞤤 𞤥𞤢𞤲𞤺𞤢𞤤

𞤄𞤢𞤳𞤢 𞤢𞤥 𞤱𞤢𞤤𞤢𞥄 𞤫 𞤦𞤵𞥅𞤦𞤭 𞤤𞤮𞤨𞥆𞤢𞥄𞤯𞤭

𞤄𞤢𞤥𞤦𞤢𞥄𞤴 𞤱𞤵𞥅𞤲'𞤣𞤢𞥄𞤳𞤭, 𞤱𞤮 𞤸𞤫𞤰𞤢𞤲

𞤄𞤢𞤥𞤦𞤢𞤥 𞤣𞤫 𞤼𞤢 𞤥𞤫𞥅𞤥𞤢𞤥, 𞤸𞤫𞤩𞤢𞤼𞤢𞥄𞤳𞤮

𞤇𞤢𞤲𞤣𞤵 𞤴𞤫𞤺𞥆𞤭𞤼𞤢𞤼𞤢𞥄 𞤤𞤢𞤩𞤭 𞤲'𞤺𞤢𞤯𞤵𞤳𞤭 𞤴𞤵𞤤𞤣𞤫 𞤫 𞤥𞤵𞥅𞤯𞤵𞤥

𞤇𞤢𞤲𞤺𞤢𞤤 𞤱𞤮 𞤶𞤭𞤩𞤣𞤵 𞤲'𞤣𞤵 𞤺𞤮𞥅𞤼𞤮 𞤬𞤵𞤸 𞤧𞤫𞤺𞤭𞤤𞤢𞤲𞤭𞥅 𞤲𞤢𞥄𞤼𞤵𞤣𞤫

𞤄𞤢𞤪𞤳𞤫 𞤥𞤢𞤱𞤩𞤫 𞤩𞤫, 𞤩𞤵𞤪𞤭 𞤦𞤢𞤼𞥆𞤫 𞤥𞤢𞤩𞥆𞤫

𞤄𞤫’𞤭 𞤲'𞤦𞤵𞤤𞤭 𞤣𞤫 𞤢𞤯𞤢 𞤰𞤢𞤥𞤢𞤲𞤢 𞤺𞤵𞤪𞤭

𞤇𞤫𞥅𞤪𞤯𞤫 𞤳𞤫𞤼𞥆𞤵𞤯𞤫, 𞤲𞤢 𞤩𞤵𞤪𞤭 𞤷𞤵𞥅𞤯𞤭 𞤳𞤫𞤼𞥆𞤵𞤯𞤭

𞤇𞤫𞥅𞤪𞤲'𞤣𞤫 𞤲𞤢 𞤥𞤭𞥅𞤤𞤮 𞤳𞤮 𞤸𞤵𞤲𞤣𞤵𞤳𞤮 𞤸𞤢𞥄𞤤𞤢𞤼𞤢𞥄

𞤇𞤫𞥅𞤪𞤲'𞤣𞤫 𞤲𞤫𞤯𞥆𞤮, 𞤲𞤢 𞤩𞤵𞤪𞤭 𞤶𞤫𞤥𞥆𞤢 𞤲𞤭𞤩𞥆𞤵𞤣𞤫

𞤄𞤫𞥅𞤪𞤮 𞤪𞤫𞤥𞤢𞤼𞤢 𞤨𞤢𞤪𞤲'𞤺𞤢

𞤄𞤫'𞤭 𞤳𞤵𞥅𞤩𞤢𞥄𞤥𞤢, 𞤲𞤢’𞤭 𞤲'𞤶𞤭’𞤢𞥄𞤳𞤢

𞤄𞤫'𞤭 𞤲𞤢𞥄𞤼𞤢𞤼𞤢𞥄 𞤤𞤵𞥅𞤥𞤮 𞤨𞤮𞤦𞥆𞤭

𞤇𞤫𞤲𞤣𞤵𞤳𞤭 𞤻𞤢𞥄𞤥𞤫𞤼𞤫𞥅

𞤇𞤫𞤲𞤣𞤵𞤳𞤭 𞤼𞤭𞤺𞥆𞤭𞤼𞤫𞤼𞤫𞥅

𞤇𞤭 𞤲'𞤺𞤵𞤻𞤴𞤢𞥄𞤲'𞤺𞤢 𞤧𞤵𞥅𞤩𞤫𞤼𞤫

𞤇𞤭𞤩𞥆𞤫 𞤺𞤢𞤤𞤮 𞤱𞤮 𞤫 𞤳𞤵𞤲𞤳𞤵𞥅𞤶𞤭 𞤼𞤫𞤲𞤳𞤮𞤼𞤮𞥅𞤩𞤫 𞤫𞤳𞥆𞤭𞤼𞤮𞤼𞤮𞥅 𞤲'𞤦𞤢𞤯𞥆𞤵

𞤇𞤭𞤩𞥆𞤫 𞤤𞤫𞤴𞤣𞤭 𞤲'𞤦𞤢𞥄𞤧𞤵𞤩𞤫 𞤲'𞤺𞤮𞤤𞥆𞤭𞤪𞤼𞤢𞥄𞤲𞤢𞥄 𞤬𞤢𞥄 𞤻𞤢𞥄𞤥𞤢, 𞤢𞤤𞤯𞤵𞤩𞤫 𞤩𞤫, 𞤲'𞤺𞤮𞤤𞥆𞤭𞤪𞤼𞤢𞥄𞤲𞤢𞥄 𞤬𞤢𞥄 𞤲'𞤣𞤮𞤤𞤢 𞤳𞤫𞤩𞤢 𞤻𞤢𞥄𞤥𞤢.

𞤇𞤭𞤯𞥆𞤮 𞤣𞤫𞤦𞥆𞤮 𞤱𞤮𞤲𞤭 𞤷𞤢𞥄𞤯𞤵𞤲'𞤺𞤵 𞤺𞤢𞤤𞥆𞤫

𞤇𞤭𞤯𞥆𞤮 𞤥𞤮 𞤣𞤭𞤥𞥆𞤢𞥄𞤳𞤢, 𞤱𞤮𞤴𞤢𞤼𞤢𞥄𞤳𞤫 𞤲𞤢𞤲𞤣𞤢 𞤫 𞤦𞤢𞥄𞤦𞤢 𞤥𞤵𞥅𞤯𞤵𞤥

𞤇𞤭𞤯𞥆𞤮 𞤱𞤢𞤤𞤢𞥄 𞤺𞤢𞤻𞤮 𞤩𞤵𞤪𞤭 𞤭𞤲𞥆𞤢 𞤥𞤵𞥅𞤯𞤵𞤥

𞤇𞤭𞥅-𞤦𞤢𞥄𞤦𞤢 𞤱𞤢𞤲𞤢𞥄 𞤧𞤵𞤥𞤢𞤤𞥆𞤫 𞤦𞤢𞥄𞤦𞤢

𞤇𞤭𞥅-𞤷𞤵𞥅𞤩𞤢𞥄𞤲'𞤺𞤵 𞤺𞤵𞤻𞤫𞤼𞤫

𞤇𞤭𞥅-𞤤𞤫𞤺𞥆𞤢𞤤 𞤤𞤭'𞤫𞥅𞤪𞤭 𞤼𞤭𞤥𞥆𞤭𞤲𞤼𞤢 𞤩𞤭𞥅 𞤥𞤮𞤰𞥆𞤮

𞤇𞤭𞥅𞤪𞤼𞤮𞥅𞤱𞤮 𞤤𞤫’𞤢𞤤, 𞤪𞤮𞤲𞤳𞤢𞤼𞤢𞥄𞤳𞤮 𞤸𞤢𞥄𞤤𞤢

𞤇𞤭𞥅-𞤵𞥅𞤤𞤫 𞤱𞤮 𞤬𞤫𞤤𞥆𞤭𞤯𞤢𞤲

𞤇𞤭𞥅-𞤱𞤮𞤤𞤣𞤫 𞤶𞤢𞤥𞥆𞤢 𞤲𞤢 𞤽𞤢𞤼𞤫𞥅

𞤇𞤭𞥅-𞤴𞤢𞤪𞤢𞤲 𞤳𞤮𞤧𞤢𞤥 𞤰𞤢𞤳𞥆𞤢𞤲 𞤤𞤢𞥄𞤤𞤢𞥄𞤯𞤫

𞤇𞤭𞤪𞤣𞤫 𞤱𞤮𞥅𞤼𞤫 𞤲𞤢 𞤩𞤵𞤪𞤭 𞤻𞤢𞥄𞤺𞤢𞥄𞤣𞤫

𞤄𞤭𞤧𞤭𞤥𞤭𞤤𞥆𞤢 𞤲𞤢 𞤸𞤢𞤲𞤣𞤢𞤲𞤭𞥅 𞤲'𞤣𞤢𞤬𞤢𞥄𞤯𞤮

𞤄𞤭𞤼𞤢 𞤱𞤢𞤤𞤢𞥄 𞤷𞤫𞥅𞤪𞤮𞤤

𞤇𞤮𞤷𞥆𞤮𞥅𞤯𞤫 𞤲'𞤣𞤫𞤪 𞤲'𞤦𞤢𞤧𞤵 𞤲'𞤦𞤮𞤺𞥆𞤮𞤲'𞤣𞤭𞤪𞤢𞤲 𞤣𞤫 𞤨𞤵𞤧𞤢𞤼𞤢𞥄

𞤇𞤮𞤣𞥆𞤫𞤪𞤫 𞤸𞤢𞥄𞤶𞤢𞥄 𞤦𞤮𞤲𞤫 𞤣𞤫 𞤴𞤫𞤸𞤭 𞤲'𞤦𞤵’𞤵𞤤𞤢𞤥

𞤇𞤮𞤤𞤵𞤥 𞤴𞤮𞤨𞥆𞤢𞥄𞤴 𞤲'𞤦𞤵𞤬𞤭𞤲𞤯𞤮 𞤫 𞤱𞤭𞤲𞤣𞤫

𞤄𞤮𞤲𞤫 𞤺𞤮𞤯𞥆𞤮 𞤸𞤫𞥅𞤱𞤢𞤼𞤢 𞤲'𞤦𞤢𞤧𞤵 𞤺𞤮𞤯𞥆𞤮

𞤄𞤮𞤲𞤫 𞤪𞤭𞥅𞤱𞤢𞤼𞤢𞥄𞤳𞤫𞤲𞤢𞥄 𞤶𞤭𞤤𞥆𞤢 𞤴𞤮𞤼𞥆𞤢𞥄𞤳𞤭

𞤄𞤮𞤲𞤫 𞤱𞤢𞤤𞤢𞥄 𞤶𞤮𞥅𞤥𞤭𞤴𞤮

𞤄𞤮𞤲𞤣𞤫 𞤩𞤢𞤤𞤫𞥅𞤪𞤫 𞤱𞤢𞤤𞤢𞥄, 𞤴𞤮 𞤱𞤢𞥄𞤺𞤭𞤯𞤢𞤲 𞤼𞤢𞤲

𞤄𞤮𞤲𞤺𞤵𞥅𞤶𞤮 𞤴𞤮 𞤶𞤮𞤥 𞤢𞤪𞤢𞥄𞤱𞤢 𞤶𞤵𞥅𞤤𞤢𞤲𞤼𞤢

𞤇𞤮𞥅𞤴𞤵𞤯𞤮 𞤤𞤢𞤣𞥆𞤫 𞤴𞤮 𞤬𞤮𞤱𞤪𞤵 : 𞤼𞤮𞥅𞤲 𞤪𞤭𞤥𞤢𞥄, 𞤼𞤮𞥅𞤲 𞤱𞤢𞥄𞤼𞤢𞤼𞤢

𞤄𞤮𞤪𞤮𞥅𞤯𞤮, 𞤴𞤮 𞤥𞤮𞤰𞥆𞤫𞤪𞤫 𞤸𞤢𞤲𞤼𞤢𞤼𞤢 𞤶𞤢𞤱𞤣𞤭 𞤥𞤵𞥅𞤯𞤵𞤥

𞤄𞤵𞤥𞤯𞤮 𞤶𞤫𞤴 𞤸𞤭𞤪𞤻𞤫𞥅𞤲'𞤣𞤫, 𞤥𞤵𞥅𞤥𞤵𞤯𞤮 𞤶𞤫𞤴 𞤳𞤭𞤦𞤢𞥄𞤪𞤵

𞤄𞤵𞤥𞤯𞤮 𞤶𞤵𞥅𞤤𞤢𞤲𞤼𞤢𞥄𞤲𞤢𞥄 𞤯𞤮𞤱𞤮𞥅𞤱𞤮 𞤯𞤵𞤥

𞤄𞤵𞤥𞤯𞤮 𞤱𞤢𞥄𞤱𞤢𞥄 𞤲'𞤦𞤵’𞤵𞤤𞤢𞤥

𞤄𞤵𞤥𞤯𞤮 𞤱𞤭’𞤢𞥄𞤲𞤢𞥄 𞤳𞤮 𞤥𞤫𞤥𞤭 𞤶𞤫𞤴

𞤇𞤵𞤪𞤢𞥄𞤳𞤢 𞤣𞤮𞤺𞥆𞤵𞤣𞤫 𞤼𞤢 𞤩𞤵𞤪𞤫𞥅 𞤧𞤮𞤤𞥆𞤢𞥄𞤪𞤫

𞤇𞤵𞤪𞤭 𞤳𞤢𞤱𞤪𞤢𞤤 𞤱𞤢𞤤𞤢𞥄, 𞤳𞤮 𞤸𞤵𞤲𞤺𞤭𞥅

𞤇𞤵𞥅𞤪𞤫 𞤺𞤮𞤯𞥆𞤮 𞤱𞤮𞤶𞥆𞤢𞤲, 𞤲𞤢𞥄𞤱𞤢𞤼𞤢𞥄

𞤄𞤵𞥅𞤼𞤮𞤤 𞤲𞤢𞤬𞤢𞤼𞤢𞥄 𞤦𞤢𞤤𞤢𞥄𞤶𞤫

𞤅

𞤅𞤢𞥄’𞤢 𞤩𞤵𞤪𞤭 𞤧𞤢𞥄𞤣𞤫𞥅𞤶𞤭
𞤅𞤢𞥄𞤦𞤵 𞤷𞤮𞤬𞤫𞤤 𞤴𞤢𞤪𞤲𞤢𞤼𞤢 𞤦𞤵𞥅𞤺𞤢𞤤𞤫𞤤
𞤅𞤢𞥄𞤪𞤢𞥄 𞤱𞤮 𞤸𞤢𞤴𞤪𞤫 : 𞤧𞤮 𞤢 𞤬𞤫𞤪𞤺𞤮𞤳𞤫 𞤫 𞤥𞤵𞤥 𞤲𞤢𞤱𞤲𞤮𞤯𞤢𞥄, 𞤧𞤮 𞤬𞤫𞤪𞤺𞤮𞤳𞤫 𞤥𞤢 𞤣𞤵 𞤲𞤢𞤱𞤲𞤮𞤯𞤢𞥄
𞤅𞤢𞤩𞤫 𞤱𞤢𞤴𞤪𞤵𞤣𞤫 𞤲𞤫𞤯𞥆𞤮 𞤼𞤢 𞤱𞤢𞤯𞤢 𞤰𞤢𞤥𞤢𞥄 𞤧𞤮 𞤼𞤢𞤺𞤵𞤥 𞤱𞤢𞤴𞤤𞤭𞤼𞤮𞤳𞤫
𞤅𞤢𞤯𞤭 𞤭𞤼𞥆𞤢𞤼𞤢𞥄 𞤳𞤮 𞤱𞤮𞤲𞤭 𞤲'𞤣𞤫𞤪 𞤩𞤫𞤪𞤲'𞤣𞤫
𞤅𞤢𞤬𞤭 𞤱𞤢𞤤𞤢𞥄 𞤧𞤢𞤬𞤢𞥄𞤪𞤫 𞤧𞤮 𞤱𞤢𞤲𞤢𞥄 𞤥𞤢𞤴𞤣𞤫
𞤅𞤢𞤬𞤭 𞤱𞤭’𞤢𞤼𞤢 𞤤𞤢𞤥𞤯𞤢𞤥 𞤲𞤢 𞤱𞤫𞤤𞤭
𞤅𞤢𞤤𞤢𞥄𞤣𞤫 𞤢𞥄𞤣𞤭 𞤩𞤵𞤪𞤭 𞤬𞤭𞥅𞤪𞤼𞤵𞤣𞤫 𞤯𞤵𞤥
𞤅𞤢𞤤𞤢𞥄𞤣𞤫 𞤳𞤮 𞤱𞤢𞥄𞤱𞤢𞥄 𞤩𞤵𞤪𞤭 𞤶𞤢𞤩𞤵𞤣𞤫 𞤳𞤮 𞤧𞤢𞤳𞤭𞤼𞤢𞤼𞤢𞥄𞤳𞤮
𞤅𞤢𞤥𞤦𞤢 𞤤𞤢𞤥𞥆𞤢𞤼𞤢𞥄 𞤯𞤮 𞤧𞤢𞤥𞤦𞤮 𞤺𞤫𞤤𞤢𞥄𞤶𞤮 𞤻𞤢𞤤𞥆𞤭
𞤅𞤢𞤥𞤦𞤢, 𞤳𞤫𞤷𞥆𞤮 𞤦𞤮𞤲𞤯𞤮 𞤥𞤮 𞤳𞤫𞤧𞤭 𞤥𞤵𞤥 𞤳𞤢𞤯𞤭 𞤳𞤭𞤯𞥆𞤭 𞤥𞤵𞤥 𞤸𞤢𞥄𞤤𞤫𞥅𞤣𞤫
𞤅𞤢𞤻𞤢 𞤧𞤫𞤳𞥆𞤮 𞤱𞤢𞤼𞥆𞤢 𞤸𞤵𞤯𞥆𞤮
𞤅𞤢𞤲𞤢𞥄 𞤸𞤮𞥅𞤤𞤮𞥅 𞤣𞤫 𞤴𞤮𞥅𞤤𞤮𞥅
𞤅𞤢𞤲𞤢𞥄 𞤲'𞤺𞤮𞤳𞥆𞤭 𞤧𞤢𞥄𞤥𞤢 𞤣𞤫 𞤲'𞤺𞤮𞤳𞥆𞤭 𞤬𞤵𞤯𞤢
𞤅𞤢𞤪𞥆𞤢 𞤸𞤢𞤯𞤢𞤼𞤢𞥄 𞤱𞤫𞥅𞤯𞤭𞥅𞤲'𞤣𞤵
𞤅𞤢𞤪𞥆𞤢 𞤲𞤢 𞤧𞤫𞥅𞤳𞤮𞥅 𞤨𞤮𞥅𞤲𞤼𞤫 𞤲𞤢 𞤩𞤫𞤴𞤣𞤮𞥅
𞤅𞤫𞥅𞤯𞤢 𞤸𞤢𞤯𞤢𞤼𞤢 𞤳𞤵𞤤𞤯𞤮 𞤴𞤭𞥅𞤣𞤫 𞤷𞤵𞥅𞤧𞤵𞤯𞤮 𞤲𞤢 𞤣𞤮𞤺𞥆𞤢 𞤳𞤢𞥄 𞤩𞤫𞤪𞤲'𞤣𞤫𞤥 𞤶𞤢𞤩𞤢𞤼𞤢𞥄
𞤅𞤫𞥅𞤯𞤢 𞤲𞤢 𞤸𞤢𞤱𞤼𞤢 𞤶𞤫𞤴𞤣𞤢𞥄𞤩𞤫
𞤅𞤫𞥅𞤯𞤢 𞤧𞤫𞥅𞤯𞤢 𞤣𞤮𞥅𞤻𞤮𞤪𞤺𞤢𞤤 𞤴𞤢𞤸𞤪𞤢𞤼𞤢 𞤣𞤫 𞤴𞤢𞤸𞤢𞤲 𞤼𞤮 𞤸𞤢𞥄𞤶𞤢
𞤅𞤫𞥅𞤣𞤫𞥅 𞤸𞤢𞥄𞤪𞤢𞤲'𞤣𞤫 𞤱𞤮 𞤸𞤫𞤣𞥆𞤵𞤣𞤫
𞤅𞤫𞥅𞤳𞤵 𞤬𞤢 𞤀𞤤𞥆𞤢 𞤻𞤮𞥅𞤼𞤢
𞤅𞤫𞤤 𞤼𞤢 𞤥𞤢𞤴𞤢𞥄, 𞤱𞤮 𞤲'𞤦𞤮𞤯𞤢 𞤢𞤤𞤧𞤭𞤤𞤢𞥄𞤥𞤭 𞤫 𞤳𞤫𞥅𞤬𞤫𞥅𞤪𞤫 𞤬𞤵𞤸
𞤅𞤫𞤲'𞤦𞤫 𞤤𞤭𞥅𞤲'𞤺𞤵 𞤱𞤮 𞤲'𞤣𞤫𞤪 𞤲'𞤣𞤭𞤴𞤢𞤥
𞤅𞤫𞤥𞤼𞤫𞥅𞤲'𞤣𞤫 𞤪𞤢𞤩𞥆𞤫𞤪𞤫 𞤩𞤵𞤪𞤭 𞤧𞤫𞤥𞤼𞤫𞥅𞤲'𞤣𞤫 𞤶𞤵𞥅𞤼𞤵𞤲'𞤣𞤫
𞤅𞤭 𞤻𞤭𞥅𞤱𞤢 𞤬𞤮𞥅𞤰𞤭𞥅 𞤬𞤵𞤸, 𞤱𞤮 𞤧𞤫𞤥𞤼𞤫𞥅𞤲'𞤣𞤫 𞤤𞤢𞤣𞥆𞤫
𞤅𞤭 𞤧𞤢𞤥𞤦𞤮 𞤩𞤢𞤽𞤢𞤴𞤲𞤮, 𞤥𞤢𞤴𞤣𞤢𞤲 𞤫 𞤴𞤢𞤱𞤵𞤣𞤫 𞤸𞤢𞤥𞥆𞤢𞤣𞤭
𞤅𞤭𞥅𞤣𞤭 𞤱𞤵𞤶𞥆𞤢 𞤬𞤢𞥄𞤼𞤵𞤥𞤢 𞤥𞤮𞥅𞤩𞤢
𞤅𞤭𞤨𞥆𞤵 𞤶𞤢𞤥 𞤲'𞤶𞤢𞤪𞤢𞥄 𞤳𞤮 𞤥𞤮𞤣𞥆𞤭
𞤅𞤭𞤪𞥆𞤭 𞤸𞤢𞤳𞥆𞤵𞤲'𞤣𞤫 𞤪𞤫𞤱𞤩𞤫 𞤸𞤢𞥄𞤯𞤢𞤼𞤢𞥄𞤲𞤢𞥄 𞤫 𞤨𞤮𞥅𞤯𞤮𞤲'𞤣𞤭𞤪𞤫𞤤
𞤅𞤮 𞤺𞤭𞤪𞤭𞤴𞤢 𞤪𞤭𞤥𞤭𞥅 𞤦𞤢𞤷𞥆𞤭 𞤱𞤢𞥄𞤲𞥆𞤭𞥅 𞤺𞤭𞥅𞤧𞤮𞥅𞤪𞤫
𞤅𞤮 𞤥𞤢𞤱𞤩𞤫 𞤲'𞤶𞤢𞤸𞤣𞤢𞤴, 𞤲'𞤺𞤢𞤪𞤼𞤭𞤣𞤢𞤴: “𞤳𞤵𞤤𞤵𞥅𞤶𞤢𞥄 𞤴𞤮𞤲𞤢𞥄𞤴”
𞤅𞤮 𞤲'𞤺𞤫𞤯𞤵𞥅𞤶𞤭 𞤨𞤢𞤯𞥆𞤢𞥄𞤥𞤢 𞤺𞤮𞥅𞤼𞤮 𞤬𞤵𞤸 𞤸𞤮𞥅𞤰𞤢𞤲 𞤳𞤮 𞤶𞤫𞤴𞤢𞥄
𞤅𞤮 𞤢 𞤸𞤮𞥅𞤤𞤢𞥄𞤳𞤭 𞤺𞤵𞤶𞥆𞤮 𞤪𞤫𞤧𞤭𞤲 𞤯𞤵𞤥
𞤅𞤮 𞤢 𞤢𞤲𞤣𞤭𞥅 𞤬𞤵𞤸 𞤣𞤫 𞤢 𞤸𞤢𞥄𞤤𞤭 𞤬𞤵𞤸 , 𞤬𞤵𞤸 𞤦𞤮𞤲𞤢𞤲
𞤅𞤮 𞤢 𞤢𞤲𞤣𞤭𞥅 𞤧𞤢𞤦𞤢𞥄𞤦𞤵, 𞤸𞤵𞥅𞤲'𞤣𞤫 𞤸𞤢𞤱𞤢𞤼𞤢𞥄 𞤥𞤢
𞤅𞤮 𞤢 𞤣𞤢𞤱𞤪𞤭𞥅 𞤬𞤢𞥄 𞤢 𞤰𞤫𞥅𞤻𞤭𞥅 𞤤𞤫𞤳𞥆𞤭 𞤢 𞤴𞤭𞥅𞤼𞤢𞤲 𞤲𞤮 𞤲'𞤶𞤭𞤨𞥆𞤮𞤪𞤭𞤯𞤢
𞤅𞤮 𞤢 𞤣𞤵𞤪𞤱𞤭𞥅 𞤫 𞤶𞤫𞤯𞤣𞤮𞥅𞤱𞤮 𞤤𞤭𞤩𞤵 𞤯𞤵𞤥 𞤣𞤮𞤱 𞤲'𞤣𞤮𞥅𞤲'𞤣𞤭
𞤅𞤮 𞤢 𞤬𞤮𞤲𞤣𞤭𞥅 𞤳𞤮 𞤩𞤵𞤪𞤭 𞤫 𞤳𞤮 𞤩𞤵𞤪𞤢𞥄 𞤬𞤵𞤸, 𞤳𞤮 𞤩𞤵𞤪𞤭 𞤯𞤵𞥅𞤥, 𞤩𞤫𞤪𞤲𞤢𞤲
𞤅𞤮 𞤢 𞤬𞤵𞥅𞤬𞤭 𞤳𞤮 𞤱𞤢𞤲𞤢𞥄 𞤴𞤭𞥅𞤼𞤫 𞤼𞤢𞥄 𞤥𞤭𞥅𞤤𞤢 𞤤𞤫𞥅𞤱𞤲'𞤺𞤮𞤤
𞤅𞤮 𞤢 𞤸𞤢𞥄𞤤𞤣𞤭𞥅 𞤫 𞤲𞤫𞤯𞥆𞤮 𞤣𞤫 𞤱𞤭’𞤭𞥅 𞤥𞤢:“ 𞤱𞤮 𞤶𞤢𞤥 𞤧𞤮𞤳𞥆𞤮 𞤫 𞤥𞤢𞥄𞤯𞤢“.𞤌 𞤸𞤵𞤯𞤢𞤴 𞤥𞤢 𞤣𞤫 𞤳𞤢 𞤱𞤫𞤤𞤢𞥄
𞤅𞤮 𞤢 𞤸𞤢𞤩𞤭𞥅 𞤫 𞤲𞤫𞤯𞥆𞤮 𞤣𞤫 𞤱𞤭'𞤭𞥅 𞤥𞤢:“𞤢𞥄𞤲𞤤𞤫 𞤢 𞤧𞤭𞤳𞥆𞤢𞥄𞤲𞤢𞥄 𞤱𞤮 𞤷𞤢𞤱𞤫𞤤 𞤥𞤢𞥄 𞤲'𞤺𞤫𞤤 𞤳𞤵𞤤𞤣𞤵𞤥𞤢𞥄𞤥𞤭 , 𞤼𞤭𞤲𞥆𞤢 𞤫 𞤧𞤢𞤱𞤪𞤵 𞤥𞤢𞥄 𞤱𞤮𞥅𞤯𞤢
𞤅𞤮 𞤢 𞤸𞤫𞤩𞤢𞤴 𞤳𞤮 𞤲'𞤶𞤭𞤯𞥆𞤢𞥄, 𞤲'𞤶𞤭𞤯𞤢𞥄 𞤳𞤮 𞤳𞤫𞤩𞤯𞤢𞥄
𞤅𞤮 𞤢 𞤸𞤫𞤩𞤢𞤴 𞤳𞤮 𞤲'𞤶𞤭𞤯𞥆𞤢𞥄, 𞤴𞤭𞤯𞤵 𞤳𞤮 𞤳𞤫𞤩𞤣𞤢𞥄
𞤅𞤮 𞤢 𞤸𞤫𞤩𞤭𞥅 𞤼𞤵𞥅𞤦𞤢 𞤦𞤢𞤼𞥆𞤫 𞤢 𞤸𞤫𞤩𞤭𞥅 𞤲'𞤶𞤢𞤸𞤪𞤵𞤳𞤢 𞤣𞤫 𞤢 𞤸𞤫𞤩𞤢𞤴 𞤨𞤵𞤳𞥆𞤮𞤪𞤳𞤢
𞤅𞤮 𞤢 𞤸𞤫𞤩𞤭𞥅 𞤼𞤵𞥅𞤦𞤢 𞤸𞤢𞥄𞤦𞤵 𞤢 𞤸𞤫𞤩𞤭𞥅 𞤻𞤢𞥄𞤰𞤭𞤪𞤳𞤢 𞤣𞤫 𞤢 𞤸𞤫𞤩𞤢𞤴 𞤲'𞤣𞤭𞤱𞤭𞤪𞤳𞤢 𞤴𞤭𞥅𞤼𞤫.
𞤅𞤮 𞤢 𞤸𞤭𞥅𞤻𞤭𞥅 𞤰𞤭𞤦𞥆𞤫𞤪𞤫 𞤬𞤵 𞤢 𞤻𞤢𞥄𞤥𞤢𞤼𞤢𞥄 𞤯𞤵𞤥
𞤅𞤮 𞤢 𞤭𞤼𞥆𞤢𞤲 𞤴𞤢𞥄𞤺𞤫 𞤣𞤫 𞤢 𞤱𞤢𞤼𞥆𞤢𞤼𞤢𞥄 𞤧𞤫𞤲'𞤦𞤫 𞤬𞤵𞤸, 𞤢𞤷𞥆𞤵 𞤴𞤢𞥄𞤺𞤫 𞤸𞤫𞤣𞥆𞤮𞥅
𞤅𞤮 𞤢 𞤤𞤮𞥅𞤼𞤭𞥅 𞤩𞤭𞥅 𞤶𞤢𞤲𞤢𞤲𞤮, 𞤺𞤢𞤤𞥆𞤫 𞤦𞤢𞥄𞤦𞤢 𞤥𞤵𞤥 𞤧𞤵𞤲𞤣𞤮𞤴𞤼𞤢
𞤅𞤮 𞤢 𞤲𞤢𞤲𞤭𞥅 𞤢𞤪𞤢𞥄𞤶𞤭 𞤲'𞤦𞤢𞥄𞤱𞤼𞤮𞤳𞤫 𞤨𞤮𞤦𞥆𞤭 𞤼𞤢𞥄 𞤯𞤵𞥅𞤥 𞤸𞤢𞤯𞤫 𞤸𞤢𞤩𞥆𞤵𞤣𞤫 𞤢𞤪𞤢𞥄𞤱𞤢 𞤥𞤢𞥄
𞤅𞤮 𞤢 𞤲𞤢𞤲𞤭𞥅 𞤭𞤲𞥆𞤢 𞤱𞤮 𞤧𞤵𞤳𞤵𞤻𞤢, 𞤢𞤲𞤣𞤵 𞤯𞤵𞥅𞤥 𞤱𞤮 𞤻𞤮'𞤫𞤪𞤫
𞤅𞤮 𞤢 𞤲𞤢𞤲𞤭𞥅 𞤲𞤢 𞤱𞤭’𞤫: « 𞤱𞤢𞤯𞤵 𞤳𞤮 𞤼𞤢𞤱𞤪𞤵𞤯𞤢𞥄 𞤦𞤢𞥄𞤥𞥆𞤢𞥄 » 𞤢𞤲𞤣𞤵 𞤯𞤵𞥅𞤥 𞤱𞤢𞤲𞤢𞥄 𞤲'𞤺𞤵𞤴𞤳𞤢
𞤅𞤮 𞤢 𞤲𞤢𞤲𞤭𞥅 𞤧𞤵𞤩𞤢, 𞤱𞤮 𞤯𞤭𞤯𞤭
𞤅𞤮 𞤢 𞤲𞤢𞤲𞤭𞥅 𞤱𞤮 𞤫𞤲 𞤲'𞤺𞤢𞤼𞥆𞤵 𞤲𞤭 𞤥𞤢𞤱𞤵𞥅𞤪𞤭, 𞤯𞤵𞥅𞤥 𞤱𞤢𞤲𞤢𞥄 𞤵𞤱𞤭𞤣𞤮𞤴𞤲𞤮𞥅𞤩𞤫 𞤦𞤢𞥄𞤦𞤢 𞤥𞤵𞤩𞥆𞤫𞤲
𞤅𞤮 𞤢 𞤲𞤢𞤲𞤭𞥅 𞤱𞤮 𞤶𞤵𞥅𞤼𞤵,𞤢𞤲𞤣𞤵 𞤯𞤵𞤥 𞤱𞤢𞤲𞤢𞥄 𞤦𞤢𞥄𞤧𞤢𞤤 𞤯𞤵𞤥 𞤱𞤢𞤲𞤢𞥄 𞤻𞤢𞤱
𞤅𞤮 𞤢 𞤲𞤫𞤤𞤭𞥅 𞤶𞤮𞤥 𞤸𞤢𞤳𞥆𞤭𞤤𞥆𞤮 𞤼𞤢𞥄 𞤼𞤭𞤲'𞤣𞤭𞤲 𞤯𞤵𞤥 𞤳𞤮 𞤸𞤢𞥄𞤤𞤢𞤼𞤢
𞤅𞤮 𞤢 𞤻𞤢𞥄𞤥𞤭𞥅 𞤧𞤢𞤬𞤢𞥄𞤪𞤫 𞤤𞤢𞤤𞥆𞤵𞤣𞤫 𞤴𞤭𞤥𞤩𞤫, 𞤼𞤭𞤲𞥆𞤢 𞤲'𞤦𞤢𞥄𞤱𞤢𞥄 𞤲'𞤣𞤵𞤼𞥆𞤢𞤥
𞤅𞤮 𞤢 𞤽𞤢𞤼𞤭𞥅 𞤥𞤮 𞤱𞤮𞤴𞤢𞤼𞤢𞥄, 𞤻𞤭𞥅𞤰𞤫 𞤥𞤢 𞤲'𞤦𞤢𞥄𞤼𞤢𞤲
𞤅𞤮 𞤢 𞤪𞤫𞥅𞤲𞤢𞤲𞤭𞥅 𞤴𞤭𞤺𞤮𞥅 𞤥𞤢𞥄 𞤳𞤵𞤤𞥆𞤫 𞤼𞤢𞤼𞤭, 𞤴𞤭𞤺𞤭𞤪𞤢𞥄𞤺𞤵 𞤥𞤮𞤲 𞤣𞤵𞥅𞤥𞤮 : 𞤶𞤢𞤱𞤣𞤭,𞤣𞤫𞤦𞥆𞤮,𞤳𞤮𞤲𞤺𞤮𞤤
𞤅𞤮 𞤢 𞤪𞤫𞥅𞤲𞤭𞥅 𞤲'𞤺𞤫𞤧𞤢 𞤥𞤢𞥄, 𞤲'𞤺𞤢 𞤻𞤢𞥄𞤥𞤢𞥄𞤥𞤢 𞤳𞤢𞤤𞤢 𞤼𞤮 𞤭𞤲𞤣𞤫 𞤢𞤪𞤢𞥄𞤱𞤢 𞤴𞤫𞤼𞥆𞤭𞥅 𞤭𞤲𞤣𞤫 𞤥𞤢 𞤴𞤮𞤼𞥆𞤮
𞤅𞤮 𞤢 𞤪𞤮𞤲𞤳𞤭𞥅 𞤱𞤢𞤴𞤤𞤵𞤣𞤫 𞤪𞤫𞤲𞤣𞤮, 𞤱𞤢𞤴𞤤𞤮 𞤢𞥄𞤲 𞤲'𞤺𞤮𞤲'𞤣𞤢𞥄 𞤫 𞤥𞤢𞤩𞥆𞤫
𞤅𞤮 𞤢 𞤪𞤮𞥅𞤲'𞤣𞤮𞤳𞤫 𞤷𞤫𞥅𞤤𞤭, 𞤪𞤫𞥅𞤲𞤼𞤢 𞤫 𞤻𞤢𞤤𞥆𞤮 𞤣𞤢𞤱𞤢𞥄𞤯𞤭
𞤅𞤮 𞤢 𞤧𞤢𞤨𞥆𞤮𞤳𞤫 𞤺𞤮𞤯𞥆𞤮 𞤬𞤵𞤸, 𞤳𞤮𞤤𞥆𞤭 𞤥𞤢𞥄 𞤼𞤢𞤼𞤭 𞤳𞤫𞤣𞥆𞤭𞥅𞤯𞤭 𞤯𞤭 𞤷𞤢𞤨𞥆𞤫 𞤲'𞤦𞤭’𞤢: “𞤪𞤫𞥅𞤲𞤵 𞤸𞤮𞥅𞤪𞤫 𞤥𞤢𞥄”
𞤅𞤮 𞤢 𞤧𞤫𞤼𞥆𞤢𞤲𞤭𞥅 𞤲'𞤺𞤢𞥄𞤪𞤭 𞤬𞤵𞤸, 𞤱𞤮 𞤢𞥄𞤲 𞤲'𞤣𞤭 𞤢𞤪𞤼𞤮𞤼𞤮𞥅 𞤲'𞤣𞤭 𞤴𞤵𞤱𞤢
𞤅𞤮 𞤢 𞤧𞤭𞥅𞤲𞤭𞥅 𞤪𞤭𞥅𞤱𞤮𞤲'𞤣𞤭𞤪𞤣𞤫 𞤫 𞤬𞤮𞤱𞤪𞤵 𞤱𞤫𞤤𞤲𞤵 𞤼𞤫𞤨𞥆𞤫𞤪𞤫 𞤥𞤢𞥄
𞤅𞤮 𞤢 𞤧𞤵𞥅𞤧𞤢𞥄 𞤧𞤵𞥅𞤲'𞤣𞤵, 𞤥𞤢𞤪𞤵 𞤪𞤢𞤱𞤢𞥄𞤲'𞤣𞤵
𞤅𞤮 𞤢 𞤼𞤢𞤱𞤭𞥅 𞤣𞤮𞥅𞤣𞤭 𞤲𞤢 𞤧𞤵𞥅𞤪𞤼𞤢, 𞤢𞤲𞤣𞤵 𞤶𞤮𞥅𞤥𞤵𞤥 𞤱𞤮𞤯𞥆𞤢𞥄𞤳𞤭
𞤅𞤮 𞤢 𞤼𞤢𞤱𞤭𞥅 𞤶𞤮𞤥 𞤺𞤢𞤤𞥆𞤫 𞤲𞤢 𞤬𞤭𞤴𞤢 𞤲'𞤦𞤢𞤺𞥆𞤵 𞤧𞤵𞤳𞤢𞥄𞤩𞤫 𞤥𞤵𞤥 𞤲𞤢 𞤳𞤫𞤤𞥆𞤢, 𞤬𞤫𞤤𞤮𞥅𞤪𞤫 𞤱𞤢𞤤𞤢𞥄 𞤫 𞤧𞤵𞤳𞤢𞥄𞤩𞤫 𞤩𞤫𞥅𞤲
𞤅𞤮 𞤢 𞤼𞤢𞤱𞤭𞥅 𞤶𞤵𞥅𞤯𞤫 𞤲𞤢 𞤩𞤢𞤣𞤭𞥅 𞤣𞤢𞥄𞤲'𞤣𞤫,𞤯𞤫𞤯𞥆𞤫𞤪𞤫 𞤴𞤢𞤱𞤼𞤢𞤴
𞤅𞤮 𞤢 𞤼𞤢𞤱𞤭𞥅 𞤱𞤵𞤪𞤮 𞤬𞤵𞤸 𞤲𞤢 𞤱𞤮𞤲'𞤣𞤭 𞤫 𞤦𞤵𞥅𞤳𞤭 𞤢𞤲'𞤣𞤵 𞤱𞤢𞤼𞥆𞤵 𞤬𞤢𞥄𞤲'𞤣𞤵 𞤫 𞤼𞤵𞥅𞤦𞤢 𞤥𞤢𞥄
𞤅𞤮 𞤢 𞤼𞤢𞤱𞤭𞥅 𞤱𞤵𞤪𞤮 𞤲𞤢 𞤯𞤫𞤯𞥆𞤫𞥅 𞤸𞤭𞥅𞤪𞤼𞤮𞥅, 𞤬𞤮𞥅𞤼𞥆𞤵 𞤣𞤢𞥄𞤲'𞤣𞤫 𞤥𞤢𞥄
𞤅𞤮 𞤢 𞤼𞤢𞤱𞤭𞥅 𞤴𞤭𞥅𞤼𞤫 𞤲𞤢 𞤸𞤵𞤩𞥆𞤢, 𞤧𞤮 𞤲'𞤺𞤫 𞤼𞤮𞤪𞥆𞤢𞤼𞤢𞥄 𞤥𞤢, 𞤢𞤲'𞤣𞤵 𞤩𞤫𞤴𞤣𞤵 𞤤𞤫𞤺𞥆𞤢𞤤 𞤥𞤢𞥄.
𞤅𞤮 𞤢 𞤼𞤢𞤱𞤭𞥅 𞤴𞤭𞤥𞤩𞤫 𞤲𞤢 𞤳𞤢𞤩𞤢 𞤣𞤫 𞤷𞤫𞤲𞤣𞤮𞥅𞤩𞤫 𞤷𞤫𞤲𞤣𞤭𞥅 𞤬𞤢𞥄 𞤳𞤢𞤻𞤭𞥅, 𞤼𞤢𞥄 𞤰𞤢𞤥𞤵 𞤧𞤢𞤤𞥆𞤫 𞤥𞤮𞤴 𞤶𞤢𞥄𞤤𞤭𞥅
𞤅𞤮 𞤢 𞤼𞤫𞤣𞥆𞤭𞤲𞤭𞥅 𞤼𞤫𞤣𞥆𞤵𞤯𞤮 𞤲'𞤶𞤫𞤴𞤢𞥄 𞤯𞤵𞤥, 𞤧𞤮 𞤢 𞤼𞤫𞤣𞥆𞤭𞤲𞤭𞥅 𞤳𞤮𞤴𞤯𞤮 𞤸𞤮𞤴𞤲𞤫
𞤅𞤮 𞤢 𞤱𞤢𞤯𞤭𞥅 𞤥𞤮𞤰𞥆𞤫𞤪𞤫 𞤢 𞤴𞤫𞤼𞥆𞤢𞥄𞤳𞤢 𞤢𞤲𞤣𞤵 𞤢 𞤣𞤵𞥅𞤥𞤢𞥄𞤳𞤭 𞤸𞤫𞥅𞤲
𞤅𞤮 𞤢 𞤱𞤢𞤤𞥆𞤭𞥅 𞤼𞤢𞤤𞤳𞤢 𞤫𞤲 𞥙𞥙 𞤱𞤮 𞤢𞥄𞤲 𞤸𞤭𞤩𞥆𞤭𞤲𞤼𞤢𞤩𞤫 𞤼𞤢𞤤𞤳𞤢𞥄𞤩𞤫 𞥑𞥐𞥐
𞤅𞤮 𞤢 𞤱𞤭’𞤭𞥅 𞤳𞤢𞤪𞤢𞤴𞤫𞤤 𞤲'𞤺𞤫𞤤 𞤲'𞤶𞤭𞥅𞤯𞤢𞥄 𞤬𞤵 𞤧𞤢𞤲𞤢𞥄 𞤲'𞤣𞤮𞤺𞥆𞤭𞤲𞤢𞥄 𞤨𞤵𞤷𞤫𞤤 𞤲𞤢 𞤨𞤵𞤷𞤫𞤤 𞤥𞤢𞥄 𞤱𞤢𞥄𞤼𞤵 𞤼𞤢𞤱𞤢 𞤳𞤢𞤪𞤢𞥄𞤶𞤫 𞤼𞤫𞤥𞥆𞤢𞤴
𞤅𞤮 𞤢 𞤱𞤭𞥅 𞤴𞤭𞤥𞤩𞤫 𞤬𞤵𞤸 𞤨𞤮𞤼𞤵 𞤱𞤮𞤲 𞤥𞤮 𞤩𞤢𞥄𞤪𞤼𞤭𞤲𞤼𞤢𞥄
𞤅𞤮 𞤢 𞤱𞤭'𞤭𞥅 𞤷𞤵𞥅𞤪𞤼𞤵𞤲'𞤺𞤢𞤤 𞤬𞤵𞤸 𞤬𞤢𞤯𞥆𞤫𞥅, 𞤬𞤢𞤴𞤢𞤲𞤣𞤫 𞤩𞤫𞤲𞤣𞤢𞤼𞤢𞥄
𞤅𞤮 𞤢 𞤱𞤭'𞤭𞥅 𞤳𞤮𞤧𞤢𞤥 𞤲𞤢 𞤸𞤢𞥄𞤯𞤭, 𞤱𞤮 𞤢 𞤧𞤫𞤤𞥆𞤢𞥄
𞤅𞤮 𞤢 𞤴𞤫𞤸𞤭𞥅 𞤱𞤫𞥅𞤪𞤮𞤲𞤮𞤴𞤣𞤫 𞤨𞤵𞤤𞥆𞤮 𞤥𞤢𞥄 𞤣𞤫 𞤢 𞤼𞤢𞤱𞤭𞥅 𞤳𞤢𞤲𞤳𞤮 𞤣𞤵 𞤮 𞤱𞤫𞥅𞤪𞤮𞤲𞤮𞤴𞤭𞥅 𞤨𞤵𞤤𞥆𞤮 𞤥𞤢𞤳𞥆𞤮 𞤢𞤲𞤣𞤵 𞤢 𞤸𞤫𞤩𞤢𞤴 𞤨𞤵𞤤𞥆𞤮
𞤅𞤮 𞤢 𞤴𞤭’𞤭𞥅 𞤸𞤮𞥅𞤪𞤫 𞤲𞤢 𞤧𞤮𞤪𞤭 𞤬𞤵𞤸, 𞤢𞤲𞤣𞤵 𞤱𞤮𞤲 𞤣𞤢𞤪𞤢𞤲𞤭𞥅𞤲'𞤣𞤫 𞤯𞤵𞤥 𞤫 𞤲𞤢𞥄𞤲'𞤺𞤫
𞤅𞤮 𞤢 𞤴𞤭’𞤭𞥅 𞤤𞤵𞤳𞤢𞥄𞤪𞤫 𞤸𞤭𞥅𞤤𞤲𞤢𞥄𞤥𞤢 𞤬𞤵𞤸, 𞤺𞤢𞤱𞤪𞤭 𞤱𞤮𞤲'𞤣𞤭
𞤅𞤮 𞤢 𞤴𞤭’𞤭𞥅 𞤻𞤢𞥄𞤤𞤢𞤤 𞤲𞤢 𞤶𞤮𞤳𞥆𞤭𞥅 𞤲𞤢𞤺𞥆𞤫 𞤱𞤮 𞤲𞤢𞤬𞤢𞥄 𞤥𞤵𞤥.
𞤅𞤮 𞤢 𞤴𞤭’𞤭𞥅 𞤨𞤵𞤷𞥆𞤵 𞤲𞤢 𞤱𞤮𞤲'𞤣𞤭 𞤫 𞤳𞤭𞤪𞤳𞤫𞤥 , 𞤢𞤲𞤣𞤵 𞤱𞤮𞤲 𞤥𞤮 𞤤𞤭𞤩𞤭
𞤅𞤮 𞤢 𞤴𞤭𞤯𞤭𞥅 𞤢𞤲𞤣𞤵𞤣𞤫 𞤥𞤮𞤰𞥆𞤫𞤪𞤫 𞤺𞤮𞤪𞤳𞤮 𞤼𞤢𞥄 𞤰𞤢𞤥𞤵 𞤥𞤮𞤴 𞤱𞤮𞤲𞤭 𞤣𞤫𞥅𞤳𞤵𞤥
𞤅𞤮 𞤢 𞤴𞤭𞤯𞤭𞥅 𞤦𞤮𞤲𞥆𞤵𞤣𞤫 𞤦𞤢𞤺𞤭𞤥𞤢 𞤴𞤢𞤸𞤪𞤵 𞤯𞤵𞤥 𞤼𞤮 𞤴𞤭𞤥𞤩𞤫 : 𞤩𞤫𞥅 𞤲'𞤦𞤭’𞤫 𞤱𞤢𞤯𞤵 𞤼𞤵𞥅𞤦𞤢, 𞤩𞤫𞥅 𞤲'𞤦𞤭’𞤫 𞤱𞤢𞤯𞤵 𞤧𞤢𞥄𞤴𞤢
𞤅𞤮 𞤢 𞤴𞤭𞤯𞤭𞥅 𞤱𞤢𞤪𞤵𞤣𞤫 𞤤𞤫𞤳𞥆𞤭, 𞤬𞤵𞤯𞥆𞤭𞤪 𞤯𞤵𞤥 𞤯𞤢𞤯𞤭
𞤅𞤮 𞤢 𞤴𞤭𞤯𞤭𞥅 𞤴𞤭𞥅𞤣𞤫 𞤧𞤵𞤦𞤢𞤳𞤢 𞤣𞤫 𞤧𞤵𞤦𞤢𞤳𞤢 𞤴𞤭𞤯𞤢𞥄𞤥𞤢 𞤢 𞤴𞤭'𞤢𞤼𞤢𞥄 𞤯𞤵𞤥
𞤅𞤮 𞤢 𞤴𞤭𞤺𞥆𞤢𞤲𞤢𞥄𞤥𞤢 𞤷𞤢𞤺𞥆𞤢𞤤 𞤲𞤭𞤸 𞤲'𞤶𞤭𞤺𞥆𞤢𞥄 𞤴𞤫𞥅𞤧𞤮
𞤧𞤮 𞤢 𞤴𞤭'𞤭𞥅 𞤯𞤫𞤥𞤲'𞤺𞤢𞤤 𞤲𞤢 𞤥𞤫𞤼𞥆𞤢 𞤸𞤢𞤳𞥆𞤵𞤲'𞤣𞤫 𞤳𞤮𞤤𞥆𞤭, 𞤢𞤲𞤣𞤵 𞤳𞤮 𞤱𞤫𞤤𞤭 𞤲'𞤺𞤢𞤤 𞤼𞤫𞤱𞤲𞤭
𞤅𞤮 𞤢 𞤴𞤭'𞤭𞥅 𞤣𞤮𞤼𞤫 𞤲𞤢 𞤩𞤵𞤪𞤣𞤭, 𞤢𞤲𞤣𞤵 𞤱𞤮𞤲 𞤲'𞤣𞤫 𞤪𞤫𞤱𞤢𞤴 𞤤𞤢𞥄𞤱𞤮𞤤
𞤅𞤮 𞤢 𞤴𞤭'𞤭𞥅 𞤺𞤭𞤼𞤫 𞤲𞤢 𞤩𞤵𞤪𞤣𞤭, 𞤢𞤲𞤣𞤵 𞤱𞤮𞤲 𞤦𞤮𞤲𞤣𞤫
𞤅𞤮 𞤢 𞤴𞤭'𞤭𞥅 𞤺𞤮𞤯𞥆𞤵𞤥 𞤲𞤢 𞤲𞤢𞤲𞤣𞤭 𞤫 𞤳𞤢𞥄𞤤𞤭𞤧𞤭 𞤼𞤵𞤪𞤢 𞤸𞤮𞤷𞥆𞤵; 𞤧𞤮 𞤢 𞤼𞤢𞤱𞤭𞥅 𞤲𞤢𞤬𞤢𞤼𞤢𞥄, 𞤬𞤢𞤯𞥆𞤵
𞤅𞤮 𞤢 𞤴𞤭'𞤭𞥅 𞤰𞤭𞥅𞤰𞤢𞤥 𞤫 𞤣𞤢𞥄𞤲'𞤣𞤫 𞤬𞤮𞥅𞤲'𞤣𞤵, 𞤢𞤲𞤣𞤵 𞤲'𞤣𞤵 𞤢𞤲𞤣𞤢𞤲𞤢
𞤅𞤮 𞤢𞥄𞤲 𞤢𞤪𞤼𞤭𞥅 𞤲𞤢𞥄𞤼𞤭 𞤲'𞤺𞤢𞤴𞤳𞤢, 𞤺𞤢𞤯𞤢 𞤥𞤢𞥄 𞤸𞤢𞥄𞤲𞤢𞥄 𞤸𞤫𞤣𞥆𞤢𞥄𞤣𞤫 𞤴𞤢𞥄𞤧𞤭𞤲
𞤅𞤮 𞤢𞤯𞤢 𞤣𞤮𞤺𞥆𞤢 𞤸𞤵𞥅𞤲'𞤣𞤫 𞤴𞤮 𞤯𞤭𞤧𞤢𞥄𞤳𞤢 𞤫 𞤬𞤢𞤺𞥆𞤮 𞤥𞤢
𞤅𞤮 𞤢𞤯𞤢 𞤸𞤢𞤩𞤢 𞤫 𞤦𞤮𞤲𞤺𞤵𞥅𞤶𞤮, 𞤬𞤭𞤤𞤢 𞤧𞤢𞤱𞤪𞤵 𞤶𞤵𞥅𞤼𞤵𞤲'𞤣𞤵
𞤅𞤮 𞤢𞤯𞤢 𞤸𞤵𞤤𞤢 𞤧𞤵𞥅𞤲'𞤣𞤵, 𞤥𞤢𞤪𞤵 𞤪𞤢𞤱𞤢𞥄𞤲'𞤣𞤵
𞤅𞤮 𞤢𞤯𞤢 𞤻𞤮’𞤢 𞤬𞤵𞤸, 𞤼𞤢 𞤱𞤢𞥄𞤥 𞤴𞤫𞥅𞤰𞤭𞤼𞤢𞥄𞤣𞤫
𞤅𞤮 𞤢𞤯𞤢 𞤪𞤫𞤥𞤢𞤲𞤢 𞤪𞤮𞤲𞤮𞥅𞤩𞤫 𞤥𞤢, 𞤱𞤢𞤯𞤵 𞤱𞤫𞥅𞤼𞤭 𞤸𞤮𞥅𞤼𞤢
𞤅𞤮 𞤢𞤯𞤢 𞤧𞤮𞤲𞥆𞤢 𞤯𞤮𞤱𞤺𞤭 𞤬𞤢𞥄 𞤶𞤫𞤥𞥆𞤢 𞤱𞤢𞤪𞤭𞥅 𞤬𞤵𞤸, 𞤱𞤢𞤲𞤼𞤭𞤪
𞤅𞤮 𞤢𞤯𞤢 𞤴𞤭𞤯𞤭 𞤢𞤲𞤣𞤵𞤣𞤫 𞤲𞤫𞤯𞥆𞤮,𞤲'𞤣𞤢𞥄𞤪𞤵 𞤶𞤢𞤸𞤣𞤮 𞤥𞤵𞤥
𞤅𞤮 𞤢𞤯𞤢 𞤴𞤭𞤯𞤭 𞤩𞤫𞤪𞤲'𞤣𞤫 𞤦𞤮𞤲𞤣𞤫 𞤴𞤢𞤸 𞤱𞤵𞤪𞤮 𞤥𞤵𞥅𞤺𞤢𞥄𞤩𞤫
𞤅𞤮 𞤢𞤯𞤢 𞤴𞤭𞤯𞤭 𞤺𞤮𞤲𞤯𞤭 𞤴𞤢𞤸 𞤱𞤵𞤪𞤮 𞤪𞤫𞤱𞤩𞤫
𞤅𞤮 𞤢𞤯𞤢 𞤴𞤭𞤯𞤭 𞤤𞤢𞤥𞤯𞤢𞤥, 𞤴𞤢𞤸 𞤥𞤢𞥄𞤴𞤮 𞤺𞤫𞥅𞤧𞤭
𞤅𞤮 𞤢𞤯𞤢 𞤴𞤭𞤯𞤭 𞤴𞤭𞥅𞤣𞤫 𞤽𞤢𞤨𞥆𞤫𞤪𞤫 𞤫𞤧𞤢, 𞤸𞤢𞥄𞤤𞤢𞤲 𞤯𞤵𞤥 𞤳𞤮 𞤴𞤭𞤯𞤭
𞤅𞤮 𞤢𞤯𞤢 𞤴𞤭𞤺𞥆𞤢𞤲𞤫𞥅 𞤷𞤢𞤺𞥆𞤢𞤤, 𞤴𞤭𞤺𞥆𞤵 𞤴𞤫𞥅𞤧𞤮 𞤥𞤢𞥄
𞤅𞤮 𞤀𞤤𞥆𞤢 𞤱𞤭’𞤭𞥅 𞤥𞤢 𞤼𞤫𞥅𞤲𞤮𞤴 𞤣𞤫 𞤢 𞤱𞤭’𞤭𞥅 𞤱𞤮 𞤢 𞤰𞤮𞥅𞤺𞤮𞤱𞤢𞤲, 𞤢 𞤸𞤢𞤲𞤣𞤭𞤲𞤢𞤲 𞤲𞤭 :𞤤𞤫𞤯𞥆𞤫 𞤲'𞤺𞤢𞤣𞥆𞤮𞤴𞤼𞤢𞥄
𞤅𞤮 𞤀𞤤𞥆𞤢 𞤱𞤭'𞤭𞥅 𞤢 𞤼𞤫𞥅𞤲𞤮𞤱𞤢𞤲, 𞤢 𞤸𞤢𞤲𞤣𞤭𞤲𞤢𞤲 𞤲𞤭𞥅, 𞤳𞤢𞥄 𞤱𞤮 𞤣𞤮𞤲𞤺𞤢𞤤 𞤤𞤫𞤯𞥆𞤫 𞤲'𞤺𞤢𞤪𞤼𞤭𞤣𞤢𞤼𞤢𞥄
𞤅𞤮 𞤢𞤲𞤣𞤢𞤤 𞤪𞤭𞤥𞤭𞥅 𞤥𞤢𞤶𞥆𞤫𞤪𞤫, 𞤢𞤲𞤣𞤵 𞤲'𞤺𞤢𞤤 𞤯𞤢𞥄𞤼𞤢𞤴.
𞤅𞤮 𞤢𞤪𞤢𞥄𞤱𞤢 𞤪𞤭𞤥𞤭𞥅 𞤨𞤵𞤷𞥆𞤵 𞤱𞤢𞤲𞥆𞤭𞥅 𞤦𞤢𞤲𞤺𞤢𞥄𞤪𞤮
𞤅𞤮 𞤢𞤪𞤢𞥄𞤱𞤢 𞤱𞤭'𞤭 𞤱𞤢𞤯𞥆𞤢𞤼𞤢𞥄𞤳𞤫, 𞤼𞤮 𞤴𞤢𞤸𞤣𞤢𞥄 𞤳𞤭𞥅𞤼𞤫 𞤬𞤵𞤸 𞤲𞤢𞥄 𞤸𞤢𞤱𞤫
𞤅𞤮 𞤦𞤢 𞤣𞤢𞤱𞤭𞥅 𞤱𞤵𞤪𞤮 𞤱𞤢𞥄𞤤𞤣𞤭, 𞤱𞤢𞤪𞤼𞤭𞥅 𞤱𞤵𞤪𞤮 𞤱𞤢𞥄𞤤𞤣𞤭, 𞤥𞤢𞤴𞤭𞥅 𞤱𞤮𞤴𞤢𞥄𞤥𞤢 𞤴𞤮 𞤲'𞤦𞤮𞥅𞤳𞤢
𞤅𞤮 𞤦𞤢𞥄𞤶𞤭 𞤲'𞤶𞤭𞤯𞥆𞤢𞥄 𞤬𞤵𞤸, 𞤪𞤫𞥅𞤲𞤼𞤮 𞤫 𞤯𞤮𞥅𞤳𞤭
𞤅𞤮 𞤦𞤢𞤸𞤫 𞤲'𞤦𞤵𞤤𞤣𞤭𞥅, 𞤺𞤮𞥅𞤼𞤮 𞤬𞤵 𞤻𞤭𞤨𞥆𞤢𞤼𞤢𞥄𞤲𞤢𞥄 𞤲'𞤣𞤫 𞤥𞤵𞤥
𞤅𞤮 𞤩𞤢𞤽𞤢𞥄𞤯𞤮 𞤱𞤢𞤯𞥆𞤭𞤲𞤢𞥄𞤳𞤢 𞤣𞤵 𞤼𞤢 𞤪𞤮𞤲𞤣𞤭𞤲𞤫𞥅 𞤳𞤭𞤪𞤳𞤫
𞤅𞤮 𞤩𞤫 𞤲𞤢 𞤲'𞤦𞤢𞤧𞤢 𞤩𞤫 𞤲𞤢 𞤵𞤱𞤢 , 𞤳𞤢 𞤴𞤢𞥄𞤶𞤢𞤲 𞤣𞤫 𞤳𞤢 𞤤𞤵𞤺𞥆𞤢𞤼𞤢𞥄
𞤅𞤮 𞤦𞤫𞥅𞤪𞤮 𞤬𞤫𞥅𞤱𞤲'𞤣𞤮𞤳𞤫 𞤱𞤵𞤪𞤮 , 𞤼𞤢𞤺𞤵 𞤥𞤵𞤥 𞤱𞤭'𞤢 𞤯𞤵𞤥 𞤼𞤢𞥄 𞤩𞤮𞥅𞤴 𞤼𞤮𞥅𞤲 :”𞤥𞤭 𞤱𞤢𞤪𞤢𞤲 𞤥𞤭 𞤼𞤢𞤱𞤫 𞤼𞤮𞥅𞤲“
𞤅𞤮 𞤦𞤫𞥅𞤪𞤮 𞤬𞤭𞤴𞤢𞥄𞤥𞤢 𞤸𞤫𞤤𞥆𞤮, 𞤴𞤮 𞤳𞤢𞤥 𞤴𞤢𞤱𞤢𞥄 𞤳𞤢𞥄 𞤧𞤮 𞤬𞤭𞤴𞤢𞥄𞤥𞤢 𞤸𞤫𞤤𞥆𞤮 𞤣𞤢𞥄𞤧𞤢𞥄𞤥𞤢 𞤱𞤮 𞤳𞤢𞤥 𞤴𞤢𞤱𞤢𞥄 𞤴𞤮 𞤦𞤫𞥅𞤪𞤮 𞤥𞤵𞤥 𞤴𞤢𞤱𞤢𞥄
𞤅𞤮 𞤦𞤫𞥅𞤪𞤮 𞤬𞤭𞤴𞤢𞥄𞤥𞤢 𞤲'𞤣𞤫𞤪 𞤺𞤢𞤤𞥆𞤫 𞤱𞤮 𞤦𞤫𞥅𞤪𞤮 𞤥𞤵𞤥 𞤴𞤢𞤱𞤢𞥄
𞤅𞤮 𞤩𞤫𞤴𞤯𞤮 𞤱𞤭'𞤭𞥅 𞤺𞤮𞤤𞥆𞤢𞤼𞤢𞥄, 𞤲𞤢𞥄 𞤩𞤭𞤩𞥆𞤫 𞤥𞤵𞤥 𞤫𞤳𞤭𞤼𞤮 𞤲'𞤺𞤵𞤴𞤳𞤢 𞤺𞤭𞤤𞥆𞤢 𞤫𞤳𞤭𞤼𞤢𞥄𞤳𞤭 𞤤𞤢𞤣𞤵𞤣𞤫
𞤅𞤮 𞤦𞤭𞤯𞥆𞤮 𞤦𞤢𞤪𞤳𞤭𞤲𞤭𞥅 𞤱𞤮 𞤩𞤭𞥅 𞤥𞤫𞤲, 𞤳𞤢𞥄 𞤧𞤮 𞤦𞤮𞤲𞤭, 𞤱𞤮 𞤩𞤭𞥅 𞤥𞤢𞥄𞤲𞤭
𞤅𞤮 𞤩𞤭𞤯𞥆𞤮 𞤲𞤢 𞤱𞤢𞤣𞥆𞤢 𞤫 𞤦𞤢𞥄𞤦𞤢 𞤥𞤵𞤥 𞤢𞤧𞤢𞤴𞤫𞥅𞤶𞤫 𞤢𞤲𞤣𞤢𞤼𞤢𞥄 𞤻𞤢𞤲𞤣𞤫 𞤶𞤫𞤴𞤼𞤭
𞤅𞤮 𞤩𞤭𞤯𞥆𞤮 𞤪𞤭𞤥𞤢𞥄𞤥𞤢 𞤣𞤫𞤦𞥆𞤮 𞤲𞤢𞤬𞤢𞤴, 𞤲'𞤣𞤫 𞤪𞤭𞤥𞤢𞤲𞤮𞥅 𞤺𞤮𞤪𞤳𞤮 𞤣𞤵 𞤲𞤢𞤬𞤢𞤼𞤢𞥄
𞤅𞤮 𞤦𞤮𞤶𞥆𞤫𞤤 𞤲𞤢 𞤱𞤢𞥄𞤱𞤭 "𞤳𞤵𞤤𞤵𞥅𞤶𞤢𞥄" 𞤱𞤢𞤤𞤢𞥄 𞤳𞤮 𞤸𞤫𞤣𞥆𞤭 𞤯𞤵𞤥 𞤺𞤢𞤯𞤢 𞤱𞤵𞤪𞤮
𞤅𞤮 𞤦𞤮𞤲𞤫 𞤸𞤫𞤩𞤭𞥅 𞤥𞤢 𞤤𞤵𞤥𞥆𞤭𞤲𞤢, 𞤧𞤮 𞤢 𞤼𞤫𞥅𞤼𞤮𞤳𞤫 𞤣𞤵 𞤣𞤮𞤺𞥆𞤵
𞤅𞤮 𞤦𞤮𞤲𞤫 𞤥𞤢𞤱𞤲𞤭𞥅, 𞤸𞤢𞥄𞤤𞤢 𞤬𞤢𞤥𞤯𞤢𞤲
𞤅𞤮 𞤦𞤮𞤲𞤣𞤫 𞤲𞤢 𞤱𞤢𞤪𞤢 𞤲𞤭, 𞤱𞤢𞤪𞤢 𞤳𞤢𞤥 𞤼𞤢𞤲, 𞤼𞤢 𞤱𞤭𞥅 𞤧𞤮 𞤱𞤢𞤲𞤢𞥄 𞤱𞤢𞤪𞤣𞤢 𞤫 𞤳𞤮𞤪𞤫𞥅𞤶𞤭𞤥
𞤅𞤮 𞤦𞤮𞥅𞤼𞤮𞥅𞤪𞤵 𞤣𞤢𞤪𞤮𞤳𞤫 𞤬𞤵𞤸, 𞤱𞤮𞤲 𞤳𞤮 𞤱𞤮𞤲𞤭 𞤲'𞤣𞤫𞤪 𞤥𞤵𞤥
𞤅𞤮 𞤦𞤵𞤥𞤯𞤮 𞤱𞤭’𞤭𞥅 𞤲𞤢 𞤣𞤢𞤱𞤢, 𞤲𞤢𞤲𞤭𞤪𞤢𞤴𞤲𞤢𞥄 𞤯𞤮𞤱𞤮𞥅𞤱𞤮 𞤥𞤵𞤥
𞤅𞤮 𞤦𞤵𞤥𞤯𞤮 𞤱𞤭’𞤭𞥅 𞤲𞤢𞤲𞤺𞤫𞥅 𞤦𞤵𞥅𞤦𞤭 𞤬𞤵, 𞤱𞤮𞤲 𞤺𞤮𞤲𞤯𞤭 𞤫 𞤶𞤵𞤲𞤺𞤮𞤥
𞤅𞤮 𞤦𞤵𞤥𞤯𞤮 𞤱𞤭’𞤭𞥅 𞤱𞤢𞤪𞤢𞤲 𞤸𞤭𞥅𞤪𞤮 𞤥𞤢𞥄, 𞤼𞤭𞤶𞥆𞤢 𞤯𞤭𞤯𞤮
𞤅𞤮 𞤷𞤫𞤽𞤫𞤤𞤫 𞤳𞤫𞤩𞤭𞥅 𞤲'𞤦𞤫𞤯𞤵, 𞤳𞤫𞤩𞤭𞥅 𞤯𞤮 𞤯𞤢𞥄𞤲𞤮
𞤅𞤮 𞤷𞤮𞤬𞤢𞤤 𞤶𞤮𞤳𞥆𞤭𞥅 𞤰𞤮𞥅𞤺𞤮𞥅𞤱𞤮 𞤬𞤵𞤸 , 𞤱𞤮 𞤴𞤭’𞤢𞤴 𞤷𞤮𞤳𞥆𞤮𞥅𞤱𞤮
𞤅𞤮 𞤷𞤮𞤬𞤫𞤤 𞤧𞤢𞤤𞤮𞤳𞤫 𞤳𞤵𞤧, 𞤲𞤢𞤲𞤢𞤲 𞤨𞤢𞤨𞤢𞤨
𞤅𞤮 𞤷𞤮𞤲𞤣𞤭 𞤧𞤵𞥅𞤪𞤼𞤭𞥅 𞤬𞤵𞤸, 𞤱𞤮 𞤺𞤢𞤱𞤪𞤭 𞤥𞤵𞤥 𞤵𞥅𞤪𞤼𞤢𞤼𞤢
𞤅𞤮 𞤣𞤢𞥄𞤲'𞤣𞤫 𞤼𞤢𞤰𞤭𞥅, 𞤲𞤭 𞤻𞤢𞤱 𞤺𞤭𞤼𞤫 𞤷𞤫𞤤𞥆𞤭𞥅
𞤅𞤮 𞤯𞤢𞥄𞤲𞤭𞥅𞤯𞤮 𞤬𞤭𞤴𞤢𞥄𞤥𞤢, 𞤱𞤮𞤲 𞤳𞤮 𞤱𞤢𞤯𞤵𞤲𞤮 𞤺𞤭𞤤𞥆𞤢 𞤯𞤢𞥄𞤲𞤢𞥄𞤳𞤭
𞤅𞤮 𞤣𞤢𞤩𞥆𞤫𞤤 𞤩𞤢𞤽𞤭𞥅 𞤼𞤢𞤰𞤫𞤤, 𞤩𞤫 𞤲'𞤣𞤭𞤥𞤢 𞤲'𞤣𞤮𞥅𞤲'𞤦𞤫𞤤
𞤅𞤮 𞤣𞤫𞤦𞥆𞤮 𞤢𞥄𞤱𞤭𞥅 𞤨𞤭𞤲𞤣𞤭, 𞤱𞤮 𞤺𞤮𞤲𞤯𞤭 𞤴𞤢𞤪𞤲𞤭𞤪𞤼𞤢 𞤲'𞤣𞤭
𞤅𞤮 𞤣𞤫𞤦𞥆𞤮 𞤫 𞤺𞤮𞤪𞤳𞤮 𞤲𞤢𞤲𞤣𞤭𞤲'𞤣𞤭𞤲𞤢𞥄𞤥𞤢, 𞤳𞤮 𞤱𞤮𞤲𞤭 𞤸𞤫𞥅𞤲 𞤬𞤵𞤸 𞤧𞤮𞥅𞤯𞤢𞤴
𞤅𞤮 𞤣𞤫𞤦𞥆𞤮 𞤬𞤢𞤥𞤯𞤭𞥅 𞤲𞤮𞤣𞥆𞤭𞤼𞤮𞥅 𞤥𞤢𞤲𞤺𞤵, 𞤧𞤮 𞤥𞤢𞤱𞤲𞤭 𞤲𞤮𞤣𞥆𞤭𞤼𞤮𞥅 𞤷𞤵𞤳𞤢𞥄𞤳𞤵, 𞤧𞤮 𞤲𞤢𞤴𞤱𞤭𞥅 𞤲𞤮𞤣𞥆𞤭𞤼𞤮𞥅 𞤱𞤢𞤤𞤭𞤴𞤢𞥄𞤳𞤵
𞤅𞤮 𞤣𞤫𞤦𞥆𞤮 𞤥𞤢𞥄 𞤧𞤵𞤱𞤼𞤮𞤳𞤫, 𞤸𞤮𞤳𞥆𞤭𞥅 𞤥𞤢 𞤲𞤮 𞤯𞤢𞥄𞤲𞤮𞤪𞤮𞤯𞤢𞥄 𞤬𞤢𞥄 𞤳𞤮𞤴𞤯𞤢𞥄
𞤅𞤮 𞤣𞤫𞤦𞥆𞤮 𞤲𞤢 𞤲𞤮𞤣𞥆𞤭𞤼𞤮𞥅 𞤲'𞤣𞤭𞤥𞤢𞥄𞤳𞤵 𞤲𞤢 𞤸𞤢𞥄𞤲𞤭 𞤼𞤢𞤱𞤫𞥅 𞤺𞤮𞤪𞤵𞤥 𞤱𞤮𞤲'𞤣𞤭
𞤅𞤮 𞤯𞤫𞤯𞥆𞤢𞥄𞤯𞤮 𞤱𞤭’𞤭𞥅 𞤶𞤢𞤥, 𞤧𞤵𞤪𞤮𞥅𞤩𞤫 𞤲'𞤶𞤫𞤷𞥆𞤮𞥅
𞤅𞤮 𞤯𞤫𞤥𞤲'𞤺𞤢𞤤 𞤧𞤮𞤻𞤷𞤭𞥅 𞤩𞤭𞤪𞤢 𞤦𞤮𞤲𞤣𞤫
𞤅𞤮 𞤯𞤫𞤥𞤲'𞤺𞤢𞤤 𞤸𞤵𞤻𞤮𞤳𞤫 𞤬𞤵𞤸, 𞤸𞤢𞤳𞥆𞤭𞤤𞥆𞤮 𞤧𞤮𞤪𞤢
𞤅𞤮 𞤣𞤫𞤥𞤮𞥅𞤱𞤮 𞤸𞤫𞤤𞥆𞤮𞤲'𞤣𞤭𞤪𞤭𞥅 𞤶𞤵𞥅𞤯𞤫𞤥, 𞤢𞤲𞤣𞤵 𞤮 𞤴𞤮𞤨𞥆𞤭𞥅 𞤶𞤢𞤤𞤮
𞤅𞤮 𞤣𞤫𞤲𞤫 𞤨𞤢𞤯𞥆𞤢𞥄𞤥𞤢 𞤫 𞤴𞤭𞥅𞤼𞤫, 𞤱𞤮𞥅𞤼𞤫𞤪𞤫 𞤬𞤵𞤸 𞤸𞤮𞥅𞤪𞤫𞤥
𞤅𞤮 𞤯𞤭𞤯𞤮 𞤳𞤢𞤱𞤼𞤭𞥅 𞤲𞤮𞥅𞤺𞤢𞤴 𞤳𞤢𞤩𞤭𞥅 𞤱𞤮𞤲 𞤶𞤭𞤯𞥆𞤮 𞤧𞤢𞤨𞥆𞤮 𞤫 𞤶𞤮𞤴
𞤅𞤮 𞤯𞤭𞥅𞤤𞤫𞤪𞤫 𞤱𞤵𞤪𞤼𞤭𞤲𞤭𞥅 𞤲'𞤺𞤢𞥄𞤲'𞤣𞤭,𞤢𞤪𞤧𞤵𞤳𞤫 𞤶𞤮𞥅𞤥𞤵𞤥 𞤸𞤢𞤲𞤼𞤮𞤳𞤫
𞤅𞤮 𞤣𞤭𞤴𞤢𞤥 𞤱𞤵𞤣𞥆𞤢𞤴 𞤣𞤫𞤥𞤦𞤢𞤼𞤢𞥄
𞤅𞤮 𞤣𞤵𞤯𞤢𞤤 𞤣𞤵𞤲𞤷𞤢𞤼𞤢𞥄𞤳𞤫 𞤣𞤮𞤷𞥆𞤢𞤲
𞤅𞤮 𞤫𞥅𞤣𞤫 𞤲'𞤣𞤭𞤥𞤭𞥅 𞤰𞤭𞤦𞥆𞤫, 𞤱𞤢𞤲𞥆𞤭𞥅 𞤺𞤭𞥅𞤧𞤮𞥅𞤪𞤫
𞤅𞤮 𞤬𞤢𞤤𞤬𞤢𞥄𞤶𞤫 𞤲'𞤣𞤭𞤥𞤭𞥅 𞤷𞤢𞤩𞥆𞤵𞤤𞥆𞤫 𞤱𞤢𞤲𞥆𞤢𞤼𞤢𞥄𞤲𞤢𞥄 𞤨𞤮𞥅𞤤𞤭
𞤅𞤮 𞤬𞤢𞤴𞤢𞤲𞤣𞤫 𞤰𞤵𞥅𞤬𞤭𞥅 𞤬𞤵𞤸, 𞤫 𞤥𞤵𞤥 𞤪𞤵𞤬𞤢𞤼𞤢
𞤅𞤮 𞤬𞤫𞤱𞤪𞤫 𞤣𞤢𞤱𞤭𞥅,𞤣𞤫 𞤺𞤮𞥅𞤲'𞤺𞤢 𞤸𞤭𞤪𞤲'𞤣𞤭𞥅 𞤬𞤵𞤸 𞤲𞤢𞥄 𞤸𞤫𞤱𞤼𞤮𞤴 𞤯𞤵𞤥
𞤅𞤮 𞤬𞤫𞤱𞤪𞤫 𞤲𞤢𞥄𞤼𞤭𞥅 𞤫 𞤲𞤮𞤨𞥆𞤭 𞤸𞤫𞤥𞤪𞤫 𞤲𞤢 𞤼𞤭𞥅𞤯𞤭 𞤱𞤵𞤪𞤼𞤭𞤲'𞤣𞤫
𞤅𞤮 𞤬𞤭𞤼𞤭𞤲𞤢 𞤯𞤢𞥄𞤲𞤮𞤳𞤫 𞤴𞤮 𞤀𞤤𞥆𞤢 𞤸𞤵𞤯𞤵 𞤨𞤭𞤲'𞤣𞤭𞤲𞤯𞤮 𞤯𞤵𞤥
𞤅𞤮 𞤬𞤮𞤣𞤮𞥅𞤪𞤫 𞤸𞤢𞤱𞤪𞤭𞥅 𞤫 𞤴𞤢𞤥𞤭𞤪𞤮𞥅𞤪𞤫 𞤣𞤢𞤦𞤢𞤪𞤫 𞤦𞤮𞤲𞤢𞤲
𞤅𞤮 𞤬𞤮𞤱𞤪𞤵 𞤸𞤮𞤴𞤯𞤭𞥅 𞤱𞤢𞤪𞤼𞤭𞥅 𞤱𞤵𞤪𞤮, 𞤱𞤮 𞤱𞤢𞥄𞤼𞤵𞤣𞤫 𞤥𞤵𞤥 𞤩𞤢𞤣𞤭𞥅
𞤅𞤮 𞤬𞤮𞤱𞤪𞤵 𞤸𞤮𞤴𞤯𞤭𞥅 𞤱𞤢𞤯𞥆𞤮𞤳𞤫 𞤻𞤭𞥅𞤱𞤢, 𞤸𞤮𞤴𞤯𞤭𞥅 𞤧𞤢𞥄𞤼𞤫𞤥
𞤅𞤮 𞤬𞤮𞤱𞤪𞤵 𞤼𞤫𞤱𞤲𞤭𞤼𞤭𞥅 𞤶𞤮𞤳𞤮𞤤𞥆𞤫 𞤬𞤵𞤸, 𞤱𞤮 𞤫 𞤴𞤢𞤸𞤣𞤵𞤥 𞤴𞤭’𞤭
𞤅𞤮 𞤬𞤮𞤱𞤪𞤵 𞤱𞤵𞤥𞤭𞥅, 𞤱𞤢𞥄𞤼𞤭𞥅
𞤅𞤮 𞤬𞤵𞤪𞤫 𞤧𞤢𞤤𞤮𞤳𞤫, 𞤲𞤭 𞤲'𞤣𞤢𞥄𞤳𞤢 𞤩𞤭𞤪𞤫𞥅
𞤅𞤮 𞤺𞤢𞤻𞤮 𞤲𞤫𞤯𞥆𞤮 𞤱𞤢𞤪𞤭𞥅 𞤯𞤵𞤥 𞤲𞤭 𞤲'𞤣𞤫 𞤱𞤮𞥅𞤼𞤮𞤪𞤫 𞤥𞤢𞤴𞤢𞤼𞤢, 𞤳𞤢𞥄 𞤧𞤮 𞤺𞤭𞤯𞤮 𞤥𞤵𞤥 𞤱𞤢𞤪𞤭𞥅 𞤯𞤵𞤥 𞤥𞤢𞥄𞤴𞤢 𞤤𞤢𞥄𞤦𞤭 𞤳𞤫𞥅𞤱𞤯𞤭
𞤅𞤮 𞤺𞤫𞥅𞤤𞤮𞥅𞤯𞤭 𞤲'𞤶𞤢𞤤𞤮𞤲'𞤣𞤭𞤪𞤭𞥅 𞤰𞤵𞥅𞤺𞤫𞥅𞤶𞤫 𞤻𞤢𞤤𞥆𞤢𞤲 𞤻𞤢𞥄𞤥𞤢𞤴
𞤅𞤮 𞤺𞤫𞥅𞤪𞤼𞤫 𞤷𞤮𞤤𞤭𞥅 𞤻𞤭𞥅𞤰𞤫, 𞤯𞤫𞥅𞤲 𞤲'𞤺𞤢𞤲𞤢𞥄 𞤽𞤮𞤻𞤮𞤼𞤮𞥅𞤯𞤫 𞤰𞤭’𞤫
𞤅𞤮 𞤺𞤫𞤪𞥆𞤢𞤤 𞤩𞤵𞤪𞤭 𞤦𞤢𞤲𞤣𞤵𞤥 𞤣𞤢𞤪𞤲'𞤣𞤫 𞤬𞤵𞤸, 𞤱𞤮 𞤣𞤮𞤱 𞤱𞤢𞥄𞤲'𞤣𞤫 𞤣𞤢𞤪𞤭𞥅
𞤅𞤮 𞤺𞤭𞤯𞤮 𞤥𞤢𞥄 𞤲𞤢 𞤬𞤫𞤷𞥆𞤢 𞤨𞤵𞤷𞥆𞤭 𞤬𞤵𞤸, 𞤬𞤭𞤤𞤢 𞤳𞤭𞤪𞤳𞤫
𞤅𞤮 𞤺𞤭𞤲𞤢𞤤 𞤱𞤭’𞤭𞥅 𞤲𞤢 𞤢𞤱𞤢 𞤫 𞤴𞤮𞥅𞤳𞤮𞥅𞤣𞤫 𞤦𞤢𞤲𞤣𞤵𞤥 , 𞤱𞤢𞤲𞤢𞥄 𞤤𞤭𞤰𞥆𞤭 𞤴𞤭𞤯𞤭 𞤱𞤮 𞤸𞤢𞤥𞤪𞤫 𞤴𞤭𞤯𞤭
𞤅𞤮 𞤺𞤮’𞤮 𞤦𞤮𞤲𞤭𞥅,𞤤𞤭𞤥𞤮𞥅𞤪𞤫 𞤬𞤮𞤪𞤶𞤭
𞤅𞤮 𞤺𞤮𞥅𞤲'𞤺𞤢 𞤸𞤢𞥄𞤤𞤢𞥄𞤥𞤢, 𞤦𞤢𞤸𞤫 𞤲'𞤣𞤭𞤥𞤦𞤮𞤼𞤮
𞤅𞤮 𞤺𞤮𞥅𞤪𞤵𞤱𞤮𞤤 𞤮𞥅𞤻𞤮𞤳𞤫 𞤬𞤵𞤸, 𞤲𞤮𞥅𞤪𞤢 𞤣𞤵 𞤮𞥅𞤻𞤮𞥅
𞤅𞤮 𞤺𞤮𞤪𞤳𞤮 𞤩𞤢𞤽𞤭𞥅 𞤪𞤫𞤱𞤩𞤫 𞤲𞤢𞤴𞤮, 𞤮 𞤶𞤮𞤺𞤮𞥅 𞤺𞤮𞥅𞤼𞤮, 𞤺𞤮𞥅𞤼𞤮 𞤶𞤮𞤺𞤮𞥅 𞤮,𞤺𞤮𞥅𞤼𞤮 𞤶𞤮𞤺𞤮𞥅 𞤸𞤮𞥅𞤪𞤫 𞤥𞤵𞤥, 𞤧𞤫𞤴𞤼𞤢𞥄𞤲𞤭 𞤶𞤮𞤺𞤮𞥅 𞤺𞤮𞥅𞤼𞤮
𞤅𞤮 𞤺𞤵𞤶𞥆𞤮 𞤸𞤮𞤷𞥆𞤭𞥅 𞤴𞤫𞥅𞤴𞤲𞤢𞤼𞤢𞥄
𞤅𞤮 𞤺𞤵𞤤𞥆𞤫 𞤲'𞤶𞤵𞥅𞤪𞤲𞤢𞥄𞤥𞤢 𞤱𞤮 𞤨𞤵𞤯𞤢𞤴
𞤅𞤮 𞤸𞤢𞤳𞥆𞤭𞤤𞥆𞤮 𞤴𞤫𞥅𞤴𞤢𞥄𞤥𞤢 𞤧𞤮𞤲𞤼𞤢𞤲
𞤅𞤮 𞤸𞤢𞤴𞤪𞤫 𞤬𞤢𞤯𞥆𞤢𞥄𞤥𞤢,𞤺𞤮𞥅𞤼𞤮 𞤬𞤵𞤸 𞤲𞤢𞤲𞤺𞤢 𞤸𞤮𞥅𞤪𞤫 𞤥𞤵𞤥
𞤅𞤮 𞤸𞤫𞥅𞤱𞤩𞤫 𞤼𞤵𞥅𞤼𞤭𞥅 𞤫 𞤸𞤮𞥅𞤪𞤫 𞤺𞤮𞥅𞤼𞤮 𞤬𞤢𞤴 𞤧𞤮 𞤲'𞤣𞤫 𞤴𞤮𞥅𞤤𞤢𞥄𞤳𞤭 𞤣𞤵 𞤲'𞤣𞤫 𞤤𞤫𞤨𞥆𞤢𞤲
𞤅𞤮 𞤸𞤮𞤺𞥆𞤮 𞤫𞤺𞥆𞤭𞥅 𞤳𞤮 𞤶𞤭𞤺𞤢 𞤣𞤮𞥅𞤥𞤭
𞤅𞤮 𞤸𞤮𞥅𞤤𞤢𞥄𞤪𞤫 𞤫𞤺𞥆𞤭𞥅 𞤱𞤢𞤪𞤼𞤢𞤼𞤢𞥄
𞤅𞤮 𞤸𞤮𞥅𞤤𞤢𞥄𞤪𞤫 𞤲𞤢 𞤣𞤵𞥅𞤥𞤮𞤼𞤮𞤲𞤮 𞤲×𞤣𞤭𞤴𞤢𞤥 𞤣𞤫𞤬𞤢𞤼𞤢𞥄 𞤤𞤭𞥅𞤲'𞤺𞤵.
𞤅𞤮 𞤸𞤮𞥅𞤪𞤫 𞤥𞤮𞤯𞤭𞥅 𞤸𞤮𞥅𞤪𞤫,𞤱𞤮 𞤥𞤮𞤯𞤢𞥄𞤲'𞤣𞤫 𞤲'𞤣𞤫𞥅 𞤼𞤢𞤲 𞤦𞤮𞤲𞤭
𞤅𞤮 𞤸𞤵𞤯𞤮 𞤪𞤢𞤩𞥆𞤭𞤯𞤭𞥅 𞤬𞤵𞤸, 𞤲'𞤶𞤮𞥅𞤯𞤮𞤯𞤢𞥄 𞤣𞤫 𞤱𞤢'𞤢𞥄 𞤯𞤵𞤥
𞤅𞤮 𞤭𞥅𞤪𞤼𞤮𞥅𞤩𞤫 𞤳𞤫𞥅𞤱𞤭𞥅, 𞤱𞤮𞥅𞤣𞤢𞤲 𞤲𞤮𞤳𞥆𞤵𞤯𞤮
𞤅𞤮 𞤭𞤲𞤢 𞤣𞤢𞤺𞤭𞥅 𞤲𞤭 𞤥𞤭 𞤣𞤫𞤬𞤢, 𞤧𞤮 𞤭𞤲𞤢 𞤸𞤢𞤪𞤥𞤭 𞤲𞤭 𞤥𞤭 𞤶𞤵𞤯𞤢
𞤅𞤮 𞤭𞤲𞥆𞤢 𞤱𞤮𞥅𞤯𞤭𞥅 𞤦𞤢𞥄𞤦𞤢 𞤱𞤮𞥅𞤯𞤭𞥅, 𞤩𞤭𞤯𞥆𞤮 𞤦𞤮𞤲𞤢𞤼𞤢𞥄
𞤅𞤮 𞤭𞤼𞥆𞤮𞤴𞤯𞤮 𞤴𞤭𞥅𞤼𞤫 𞤴𞤢𞤤𞤼𞤭𞤣𞤭𞥅 𞤫 𞤼𞤮𞤲𞤺𞤮𞤤, 𞤢𞤲𞤣𞤵 𞤮 𞤬𞤢𞤤𞤼𞤮𞤳𞤫 𞤳𞤢𞥄𞤼𞤢𞤲𞤫
𞤅𞤮 𞤶𞤢𞥄𞤣𞤮 𞤥𞤢𞥄 𞤧𞤮𞤲𞥆𞤢𞥄𞤥𞤢 𞤬𞤵𞤸 𞤢 𞤴𞤫𞥅𞤴𞤢𞥄𞤥𞤢
𞤅𞤮 𞤶𞤢𞥄𞤱𞤤𞤫 𞤯𞤭𞤯𞤭 𞤳𞤢𞤱𞤼𞤭𞥅 𞤦𞤭𞤨𞥆𞤫𞥅𞤤𞤫, 𞤧𞤮 𞤲𞤢 𞤨𞤭𞥅𞤪𞤢 𞤬𞤵𞤸 𞤼𞤭𞤲𞥆𞤮𞤲'𞤣𞤭𞤪𞤢
𞤅𞤮 𞤶𞤢𞥄𞤱𞤲'𞤺𞤢𞤤 𞤲𞤢 𞤢𞤲𞤣𞤭 𞤯𞤮 𞤶𞤢𞥄𞤩𞤭 𞤷𞤵𞤳𞥆𞤵𞤳𞤭 𞤱𞤮𞤲𞤭 𞤩𞤮𞤷𞥆𞤭𞤲𞤼𞤢𞥄 𞤲'𞤣𞤫𞤪 𞤳𞤮𞥅𞤤𞤭
𞤅𞤮 𞤶𞤢𞥄𞤱𞤲'𞤺𞤢𞤤 𞤧𞤫𞤤𞤭𞥅 𞤱𞤢𞤣𞥆𞤫 𞤼𞤮𞤩𞥆𞤫 𞤲𞤭 𞤣𞤫𞤦𞥆𞤮 𞤸𞤧𞤫𞤤𞤢 𞤶𞤢𞤲'𞤦𞤢𞥄𞤣𞤫 𞤺𞤭𞤯𞤮𞤥
𞤅𞤮 𞤶𞤢𞤨𞥆𞤮𞥅𞤱𞤮 𞤴𞤭'𞤭𞥅 𞤳𞤮 𞤸𞤵𞤤𞤭, 𞤩𞤫𞤴𞤣𞤢𞤲
𞤅𞤮 𞤶𞤢𞤱𞤣𞤭 𞤤𞤢𞥄𞤼𞤢𞥄𞤳𞤭 𞤥𞤢𞤷𞥆𞤵𞤯𞤮 𞤥𞤢𞥄 𞤬𞤵𞤸, 𞤤𞤢𞥄𞤼𞤮𞥅 𞤶𞤮𞥅𞤥𞤢 𞤲𞤢 𞤺𞤮𞤤𞥆𞤭𞤲𞤫
𞤅𞤮 𞤶𞤢𞤱𞤫 𞤷𞤫𞤽𞤭𞤤𞤭𞥅 𞤷𞤫𞤲'𞤺𞤭𞤤𞤼𞤭𞥅 𞤳𞤮 𞤳𞤢𞤤𞤲𞤮𞥅 𞤼𞤢𞤲 𞤳𞤢𞥄𞤤𞤼𞤭
𞤧𞤮 𞤶𞤮𞤺𞤢𞥄𞤯𞤫 𞤲'𞤦𞤵𞤪𞤼𞤮𞤳𞤫 𞤫 𞤺𞤢𞤤𞥆𞤫 𞤲'𞤶𞤭𞤯𞤲'𞤺𞤵 𞤱𞤭’𞤢 𞤯𞤵𞤥 𞤸𞤫𞤯𞤢𞤥 𞤬𞤢𞥄 𞤥𞤭 𞤱𞤢𞤪𞤢
𞤅𞤮 𞤶𞤮𞤳𞤮𞤤𞥆𞤫 𞤪𞤫𞤥𞤢𞥄𞤴, 𞤴𞤢𞤸𞤢𞤲 𞤳𞤮 𞤩𞤵𞤪𞤭 𞤸𞤮𞥅𞤪𞤫 𞤨𞤮𞤤𞤵𞤱𞤮𞤤
𞤅𞤮 𞤶𞤮𞤲𞤼𞤫𞤪𞤫 𞤲𞤢 𞤬𞤭𞥅𞤤𞤮𞥅 𞤳𞤢𞥄𞤼𞤢𞤲𞤫 𞤱𞤮 𞤣𞤫𞤬𞤮𞥅𞤱𞤮 𞤸𞤢𞥄𞤶𞤢𞥄
𞤅𞤮 𞤶𞤮𞥅𞤼𞤫 𞤩𞤵𞤪𞤭 𞤸𞤮𞥅𞤪𞤫 𞤱𞤢𞤲𞤢𞥄 𞤴𞤢𞤸𞤣𞤵 𞤭𞤼𞥆𞤢𞤼𞤢 𞤯𞤵𞤥
𞤅𞤮 𞤶𞤵𞤤𞤼𞤵𞤯𞤮 𞤴𞤫𞤼𞥆𞤭𞥅 𞤱𞤮𞤲 𞤳𞤮 𞤧𞤵𞥅𞤯𞤭
𞤅𞤮 𞤶𞤵𞤲𞤺𞤮 𞤩𞤮𞥅𞤴𞤭𞥅 𞤲'𞤣𞤫𞤪 𞤺𞤢𞤴𞤳𞤢 𞤬𞤵 𞤱𞤮 𞤶𞤢𞤥 𞤼𞤢𞤱𞤭 .
𞤅𞤮 𞤶𞤵𞤲𞤺𞤮 𞤲𞤢 𞤴𞤭𞤯𞤵𞤲𞤮𞥅 𞤻𞤭𞤼𞥆𞤫 𞤤𞤫𞤺𞥆𞤢𞤤 𞤸𞤫𞤩𞤢𞤼𞤢𞥄𞤲𞤮
𞤅𞤮 𞤶𞤵𞤲𞤺𞤮 𞤲𞤢𞤲𞤺𞤢𞥄𞤥𞤢 𞤲𞤭 𞤩𞤫𞤪𞤲'𞤣𞤫 𞤥𞤭𞥅𞤤𞤮𞤼𞤮 𞤳𞤮 𞤺𞤮𞤤𞥆𞤵𞤲𞤮.
𞤅𞤮 𞤶𞤵𞥅𞤤𞤮𞥅𞤱𞤮 𞤬𞤢𞤴𞤲𞤭𞥅 𞤢𞤪𞤢𞥄𞤱𞤢 𞤱𞤮 𞤶𞤭𞤺𞤢𞥄𞤶𞤫 𞤬𞤢𞤴𞤲𞤢𞤲𞤭
𞤅𞤮 𞤳𞤢𞥄𞤪𞤫𞥅𞤶𞤫 𞤲'𞤣𞤭𞤥𞤭𞥅 𞤺𞤫𞤤𞥆𞤫𞥅𞤶𞤫 𞤱𞤢𞤲𞥆𞤭𞥅 𞤼𞤢𞤨𞥆𞤮𞥅𞤩𞤫 𞤲𞤢 𞤷𞤮𞤱𞤲𞤢
𞤅𞤮 𞤳𞤢𞥄𞤼𞤢𞤲𞤫 𞤲'𞤶𞤢𞤪𞤭𞥅 𞤦𞤭𞤼𞤢, 𞤣𞤵𞤻𞤷𞤮𞥅𞤱𞤮 𞤤𞤢𞥄𞤩𞤢𞤼𞤢𞥄
𞤅𞤮 𞤳𞤢𞤸𞤭 𞤦𞤮𞤩𞥆𞤮𞤳𞤫 𞤳𞤢𞤯𞥆𞤫 𞤢𞥄𞤱𞤢𞥄𞤥𞤢,𞤯𞤮𞤱𞤺𞤭 𞤲𞤭 𞤣𞤭𞤤𞥆𞤭𞥅 𞤳𞤢𞥄𞤯𞤫𞥅𞤬𞤭 𞤳𞤢 𞤣𞤭𞤤𞥆𞤢𞤴
𞤅𞤮 𞤳𞤢𞤥𞥆𞤵 𞤼𞤮𞤩𞤭𞥅 𞤳𞤵𞤪𞤫 , 𞤪𞤵𞥅𞤯𞤮𞤼𞤮𞥅𞤩𞤫 𞤸𞤫𞥅𞤱𞤢𞤲
𞤅𞤮 𞤳𞤮 𞤴𞤭𞤯𞤢𞤲𞤮𞥅 𞤬𞤵 𞤸𞤫𞤩𞤫𞤼𞤫𞥅 𞤶𞤭𞤺𞤢𞤱𞤢𞤤 𞤤𞤢𞥄𞤼𞤮𞤼𞤮𞤲𞤮 𞤸𞤢𞤥𞥆𞤢𞤣𞤭 𞤳𞤮𞥅𞤧𞤢𞥄𞤶𞤮
𞤅𞤮 𞤳𞤮𞤲𞤳𞤫𞥅𞤶𞤫 𞤲'𞤣𞤭𞤥𞤭𞥅 𞤩𞤭𞤩𞥆𞤫 𞤳𞤢𞤸𞤫 𞤱𞤢𞤲𞥆𞤢𞤼𞤢𞥄𞤲𞤢𞥄 𞤦𞤢𞥄𞤯𞤭
𞤅𞤮 𞤳𞤮𞤪𞥆𞤢𞤤 𞤩𞤵𞤪𞤭𞥅 𞤦𞤵𞤧𞤢𞤤 𞤻𞤢𞤱 𞤶𞤭𞤤𞥆𞤭
𞤅𞤮 𞤳𞤵𞤤𞥆𞤫 𞤼𞤢𞤼𞤭 𞤼𞤢𞤱𞤭𞥅 𞤼𞤢𞤼𞤭 𞤺𞤮𞤯𞥆𞤫,𞤱𞤮 𞤲'𞤣𞤫𞤪 𞤥𞤢𞤶𞥆𞤫 𞤶𞤮𞥅𞤥𞤵𞤥 𞤥𞤢𞥄𞤴𞤢𞤼𞤢 : 𞤥𞤢𞤶𞥆𞤫𞤪𞤫 𞤫 𞤥𞤢𞤱𞤲𞤭𞤼𞤢𞥄𞤪𞤫, 𞤻𞤢𞤱 𞤫 𞤲𞤢𞤴𞤫𞥅𞤱𞤵, 𞤼𞤢𞤤𞤳𞤢𞥄𞤳𞤵 𞤫 𞤱𞤢𞥄𞤥𞤪𞤫
𞤅𞤮 𞤤𞤢𞥄𞤧𞤮𞤤 𞤬𞤢𞤤𞥆𞤢𞥄𞤲'𞤣𞤵 𞤼𞤢𞤰𞤢𞥄𞤳𞤢 𞤬𞤵𞤸, 𞤴𞤭𞥅𞤼𞤢𞤼𞤢𞥄 𞤲'𞤺𞤢𞤴𞤳𞤢 𞤥𞤵𞤥
𞤅𞤮 𞤤𞤢𞥄𞤱𞤮𞤤 𞤶𞤵𞥅𞤼𞤭𞥅 𞤬𞤵𞤸, 𞤺𞤵𞤶𞥆𞤮 𞤲'𞤶𞤮𞥅𞤩𞤢𞥄𞤪𞤭 𞤢𞤲𞤣𞤫𞤼𞤫.
𞤅𞤮 𞤤𞤢𞤩𞤭 𞤱𞤫𞤤𞤭𞥅 𞤬𞤵𞤸 𞤲'𞤺𞤫𞤯𞤵 𞤸𞤵𞥅𞤩𞤢𞤲
𞤅𞤮 𞤤𞤢𞤣𞥆𞤫𞥅𞤪𞤵 𞤴𞤢𞤪𞤭𞥅 𞤺𞤢𞤨𞥆𞤢𞤤 𞤲𞤭, 𞤶𞤢𞤥 𞤥𞤵𞤥 𞤸𞤫𞤩𞤢𞥄𞤥𞤢
𞤅𞤮 𞤤𞤫𞤳𞥆𞤭 𞤩𞤵𞤪𞤢𞤴 𞤥𞤢 𞤣𞤢𞤪𞤲'𞤣𞤫 𞤧𞤮𞤪𞤲𞤢𞤼𞤢𞥄 𞤥𞤢
𞤅𞤮 𞤤𞤫𞤱𞤤𞤢 𞤥𞤮𞥅𞤤𞤮𞤳𞤫 𞤫 𞤬𞤮𞤱𞤪𞤵 𞤢𞤲𞤣𞤵 𞤱𞤫𞤥𞤦𞤢𞥄𞤥𞤢
𞤅𞤮 𞤤𞤭𞥅𞤲'𞤺𞤵 𞤼𞤢𞤸𞤼𞤮𞤳𞤫, 𞤰𞤮𞥅𞤺𞤮𞥅𞤱𞤮 𞤭𞤼𞥆𞤭𞥅 𞤣𞤭𞤥𞥆𞤫
𞤅𞤮 𞤤𞤮𞤲𞥆𞤮𞥅𞤱𞤮 𞤱𞤫𞤥𞤦𞤮𞤳𞤫 𞤼𞤵𞥅𞤼𞤢𞤲 𞤫 𞤶𞤵𞥅𞤯𞤫𞤥 𞤱𞤢𞤼𞥆𞤢 𞤫 𞤲'𞤣𞤭𞤴𞤢𞤥
𞤅𞤮 𞤤𞤮𞥅𞤲'𞤣𞤫 𞤴𞤮𞤨𞥆𞤢𞤲𞤢𞥄𞤳𞤢 𞤣𞤮𞥅𞤲'𞤣𞤭𞥅𞤯𞤮 𞤲𞤭 , 𞤴𞤮𞤨𞥆𞤢𞤲𞤫𞥅 𞤪𞤮𞥅𞤲'𞤣𞤢𞤲𞤢𞥄𞤩𞤫
𞤅𞤮 𞤥𞤢𞥄𞤪𞤮 𞤧𞤫𞤤𞤢𞤴 𞤬𞤫𞤪𞤵𞤣𞤫 𞤣𞤢𞤻𞤢𞤲 𞤯𞤮 𞤸𞤢𞤥𞤢𞤲𞤢 𞤺𞤢𞤲𞤳𞤮
𞤅𞤮 𞤥𞤢𞥄𞤴𞤮 𞤸𞤫𞥅𞤱𞤭 𞤣𞤫𞤰𞥆𞤭𞤲𞤼𞤮
𞤅𞤮 𞤥𞤢𞤱𞤯𞤮 𞤸𞤭𞤨𞥆𞤢𞤲𞤢𞥄𞤥𞤢 𞤸𞤭𞤨𞥆𞤭𞤼𞤢𞤴 𞤲'𞤣𞤫 𞤧𞤢𞥄𞤳𞤢𞤲𞤢𞥄 𞤣𞤵 𞤧𞤵𞤩𞤢𞤼𞤢𞥄
𞤅𞤮 𞤥𞤢𞤱𞤯𞤮 𞤼𞤮𞤱𞤢𞥄𞤥𞤢 𞤣𞤵𞤪𞤮𞤴𞤼𞤢𞥄
𞤅𞤮 𞤥𞤢𞤱𞤲𞤵𞤣𞤫 𞤤𞤮𞤲𞤺𞤫𞤪𞤫 𞤭𞤼𞥆𞤭𞥅 𞤥𞤢 𞤫 𞤧𞤵𞥅𞤣𞤵 𞤦𞤢𞤥𞥆𞤢𞥄 𞤴𞤢𞤸𞤪𞤭𞥅 𞤥𞤢 𞤫 𞤧𞤵𞥅𞤣𞤵 𞤴𞤢𞤴𞤫 , 𞤧𞤮 𞤢 𞤱𞤢𞥄𞤱𞤭𞥅 𞤩𞤵𞤴𞤼𞤵 𞤤𞤮𞤲𞤺𞤫𞤪𞤫 𞤥𞤢𞥄.
𞤅𞤮 𞤲'𞤦𞤢𞥄𞤤𞤵 𞤲𞤢 𞤣𞤢𞤪𞤭𞥅 𞤱𞤢𞤤𞤢𞥄 𞤳𞤮 𞤻𞤫𞤥𞤦𞤭 𞤦𞤮𞤶𞥆𞤭𞤥
𞤅𞤮 𞤲'𞤦𞤢𞤺𞥆𞤵 𞤱𞤫𞤤𞤭𞥅 𞤬𞤵 𞤩𞤭𞤤𞤫𞥅
𞤅𞤮 𞤲'𞤦𞤢𞤲𞤳𞤵𞥅𞤶𞤮 𞤩𞤢𞤽𞤭𞥅 𞤦𞤮𞤲𞤺𞤵𞥅𞤶𞤮,𞤩𞤫 𞤲'𞤣𞤭𞤥𞤢𞤼𞤢𞥄 𞤣𞤢𞤪𞤼𞤭𞥅𞤯𞤮
𞤅𞤮 𞤲'𞤦𞤵𞥅𞤦𞤵 𞤶𞤮𞤳𞥆𞤭𞥅 𞤤𞤮𞤲𞥆𞤮𞥅𞤱𞤮 𞤬𞤵𞤸, 𞤱𞤮 𞤳𞤵𞤼𞥆𞤮𞥅𞤱𞤮 𞤱𞤮𞤲𞤭 𞤴𞤭'𞤢𞤴
𞤅𞤮 𞤥𞤫𞤧𞤫𞤤𞤢𞤤 𞤧𞤢𞥄𞤥𞤭𞥅 𞤫 𞤱𞤮𞤴𞤲'𞤣𞤵, 𞤱𞤮 𞤷𞤢𞤤𞤯𞤭𞥅𞤪𞤵 𞤼𞤫𞤲𞤳𞤮𞥅𞤱𞤮 𞤱𞤵𞤪𞤼𞤭𞤲𞤭𞤪𞤼𞤫𞥅
𞤅𞤮 𞤥𞤭 𞤢𞤲𞤣𞤵𞤲𞤮, 𞤯𞤵𞥅𞤥 𞤱𞤮 𞤳𞤮𞤲𞤺𞤮𞤤 𞤲𞤭𞤥𞤧𞤵𞤯𞤮
𞤅𞤮 𞤥𞤭 𞤧𞤭𞥅𞤲𞤭𞥅 𞤻𞤢𞥄𞤥𞤣𞤫 𞤪𞤢𞤱𞤢𞥄𞤲'𞤣𞤵, 𞤥𞤭 𞤸𞤭𞤤𞥆𞤢𞥄𞤳𞤢 𞤸𞤭𞤪𞤧𞤢𞥄𞤲'𞤣𞤵 𞤫 𞤧𞤢𞥄𞤯𞤵𞤲'𞤣𞤵
𞤅𞤮 𞤥𞤭 𞤴𞤭𞤯𞤭𞥅 𞤥𞤭 𞤱𞤢𞤯𞤢 𞤫 𞤧𞤮 𞤥𞤭 𞤸𞤫𞤩𞤭𞥅 𞤥𞤭 𞤱𞤢𞤯𞤢, 𞤱𞤢𞤲𞤢𞥄 𞤺𞤮𞥅𞤼𞤵𞤥
𞤅𞤮 𞤥𞤮 𞤧𞤫𞤥𞤼𞤢𞤼𞤢𞥄 𞤰𞤫𞥅𞤻𞤭𞥅 𞤫 𞤤𞤫𞤳𞥆𞤭 𞤬𞤵𞤸, 𞤥𞤮 𞤧𞤫𞤥𞤼𞤢𞤼𞤢𞥄 𞤶𞤭𞤨𞥆𞤭𞤲𞤼𞤢 𞤯𞤵𞤥
𞤅𞤮 𞤥𞤮𞥅𞤰𞤵𞥅𞤪𞤫 𞤪𞤭𞤥𞤭𞥅 𞤶𞤢𞤸𞤫, 𞤱𞤢𞥄𞤲𞥆𞤭𞥅 𞤷𞤮𞤬𞤫
𞤅𞤮 𞤥𞤮𞤰𞥆𞤫𞤪𞤫 𞤴𞤮𞤩𞤢𞥄𞤳𞤢 , 𞤸𞤢𞥄𞤲𞤢𞥄 𞤦𞤮𞤲𞥆𞤫
𞤅𞤮 𞤥𞤵𞤤𞤺𞤮 𞤱𞤭’𞤭 𞤸𞤮𞤳𞥆𞤫𞥅 𞤰𞤭’𞤢𞤤 , 𞤼𞤢𞥄 𞤶𞤮𞤥 𞤻𞤭𞥅𞤰𞤫 𞤩𞤫𞤪𞤲𞤢
𞤅𞤮 𞤲𞤢𞥄𞤬𞤭𞤳𞤭 𞤯𞤢𞥄𞤲𞤢𞥄𞤳𞤭 𞤼𞤢𞥄 𞤱𞤵𞤪𞤮 𞤯𞤢𞥄𞤲𞤮
𞤅𞤮 𞤲𞤢𞥄𞤤𞤢𞤲𞤳𞤫 𞤶𞤢𞥄𞤤𞤮𞤳𞤫 𞤱𞤵𞤪𞤮 𞤬𞤵 , 𞤱𞤮 𞤸𞤫𞤤𞥆𞤮𞥅𞤩𞤫 𞤲'𞤶𞤢𞤩𞤭
𞤅𞤮 𞤲𞤢𞥄𞤲'𞤺𞤫 𞤬𞤵𞤯𞤭𞥅,𞤶𞤵𞤲𞤺𞤮 𞤵𞤣𞥆𞤢𞤼𞤢𞥄 𞤯𞤵𞤥
𞤅𞤮 𞤲'𞤣𞤭𞤴𞤢𞤥 𞤣𞤫𞤬𞤭𞥅 𞤤𞤭𞥅𞤲'𞤺𞤵, 𞤸𞤮𞥅𞤤𞤢𞥄𞤪𞤫 𞤦𞤮𞤲𞤭
𞤅𞤮 𞤲'𞤣𞤵𞥅 𞤲𞤢 𞤣𞤢𞤪𞤮𞥅 𞤲'𞤣𞤵𞥅 𞤲𞤢 𞤱𞤢𞥄𞤼𞤢, 𞤣𞤫𞤦𞤫𞤪𞤫𞥅𞤣𞤵 𞤫 𞤰𞤮𞥅𞤺𞤢𞥄𞤯𞤮 𞤷𞤫𞥅𞤣𞤢𞤲
𞤅𞤮 𞤲𞤫𞤯𞥆𞤮 𞤯𞤢𞤯𞤭 𞤥𞤵𞤥 𞤬𞤵𞤸 𞤤𞤢𞥄𞤼𞤮𞤳𞤫 𞤦𞤵𞤪𞤵𞥅𞤼𞤭 𞤳𞤮 𞤲'𞤦𞤢𞥄𞤱𞤯𞤢 𞤫 𞤥𞤵𞤥
𞤅𞤮 𞤲𞤫𞤯𞥆𞤮 𞤣𞤢𞤱𞤭𞥅 𞤧𞤢𞤥𞥆𞤮𞥅𞤪𞤵 𞤶𞤢𞥄𞤩𞤫 𞤧𞤫𞤥𞤼𞤭𞤪𞤼𞤢𞥄 𞤼𞤵𞤪𞤮𞥅 𞤸𞤮𞤷𞥆𞤢
𞤅𞤮 𞤲𞤫𞤯𞥆𞤮 𞤬𞤫𞤲𞤭𞥅 𞤲𞤢 𞤤𞤢𞤰𞤢 𞤴𞤫𞤺𞥆𞤭𞤼𞤢𞤲 𞤴𞤢𞥄𞤩𞤢
𞤅𞤮 𞤲𞤫𞤯𞥆𞤮 𞤬𞤭𞤲'𞤣𞤭𞤲𞤢𞥄𞤥𞤢 𞤣𞤮𞤺𞥆𞤭𞥅 𞤱𞤮𞤲 𞤳𞤮 𞤱𞤢𞤯𞤵𞤲𞤮𞥅 𞤺𞤭𞤤𞤢 𞤯𞤢𞥄𞤲𞤢𞥄𞤳𞤭
𞤅𞤮 𞤲𞤫𞤯𞥆𞤮 𞤸𞤵𞥅𞤲𞤮𞤳𞤫 𞤸𞤵𞥅𞤲𞤫𞥅𞤪𞤫 𞤩𞤮𞤷𞥆𞤮𞥅𞤯𞤫 𞤣𞤫 𞤰𞤮𞥅𞤲'𞤣𞤫 𞤼𞤮𞤩𞤭𞥅 𞤩𞤭𞤲'𞤣𞤫, 𞤣𞤮𞤱 𞤸𞤮𞥅𞤪𞤫𞤥 𞤯𞤫 𞤨𞤵𞤧𞤢𞤼𞤢
𞤅𞤮 𞤲𞤫𞤯𞥆𞤮 𞤻𞤢𞥄𞤥𞤭𞥅 𞤸𞤢𞥄𞤪𞤢𞤴, 𞤲'𞤣𞤫 𞤩𞤭𞥅𞤪𞤼𞤭 𞤣𞤵 𞤸𞤢𞥄𞤪𞤢𞤼𞤢𞥄
𞤅𞤮 𞤲𞤫𞤯𞥆𞤮 𞤧𞤭𞤲𞤺𞤮𞤳𞤫 𞤼𞤵𞤼𞥆𞤭𞥅 𞤱𞤮 𞤫 𞤩𞤫𞤪𞤲'𞤣𞤫𞤥 𞤱𞤢𞤪𞤼𞤢𞤼𞤢
𞤅𞤮 𞤲𞤫𞤯𞥆𞤮 𞤼𞤢𞤥𞤭𞥅 𞤻𞤵𞥅𞤰𞤭 𞤱𞤢𞤯𞤼𞤭𞥅 𞤫 𞤸𞤵𞤲𞤣𞤵𞤳𞤮 𞤲𞤢 𞤢𞤲𞤣𞤭 𞤳𞤮 𞤱𞤢𞤪𞤢𞤼𞤢
𞤅𞤮 𞤲𞤫𞤯𞥆𞤮 𞤱𞤢𞤻𞤢𞤲𞤭𞥅 𞤣𞤮𞤲𞤮𞥅𞤱𞤮 𞤯𞤵𞤥, 𞤫 𞤼𞤢𞤤𞤳𞤢𞥄𞤳𞥆𞤵 𞤥𞤢𞤴𞤢𞤼𞤢
𞤅𞤮 𞤲𞤫𞤯𞥆𞤮 𞤱𞤢𞤻𞤭𞥅 𞤳𞤮𞤧𞤢𞤥 𞤬𞤵𞤸, 𞤱𞤮 𞤧𞤢𞤳𞤭𞤼𞤭
𞤅𞤮 𞤲𞤫𞤯𞥆𞤮 𞤱𞤭’𞤭𞥅 : 𞤀𞤤𞥆𞤢 𞤶𞤢𞥄𞤦𞤮 𞤣𞤵’𞤢𞥄’𞤵, 𞤱𞤢𞤲𞤢𞥄 𞤩𞤭𞤴𞤵𞤥 𞤸𞤵𞤯𞤢𞥄
𞤅𞤮 𞤲𞤫𞤯𞥆𞤮 𞤱𞤭𞥅 𞤲𞤢𞥄 𞤣𞤮𞤺𞥆𞤭𞤲𞤢 𞤨𞤵𞤷𞤫𞤤 𞤥𞤵𞤥 𞤫 𞤳𞤢𞤪𞤢𞤱𞤢𞤤 𞤲'𞤺𞤢𞤤 𞤴𞤭'𞤭 𞤬𞤵𞤸, 𞤲𞤢𞥄 𞤨𞤵𞤷𞤫𞤤 𞤥𞤵𞤥 𞤱𞤢𞥄𞤼𞤵 𞤳𞤢𞤪𞤢𞥄𞤶𞤫 𞤳𞤢𞤲𞤼𞤢𞥄𞤳𞤭
𞤅𞤮 𞤲𞤫𞤯𞥆𞤮 𞤱𞤭'𞤭𞥅 𞤸𞤮𞤳𞥆𞤫𞤼𞤫 𞤧𞤢𞥄𞤴𞤮, 𞤲'𞤣𞤢𞥄𞤪𞤵 𞤳𞤢 𞤩𞤮𞥅𞤪𞤲𞤭𞥅
𞤅𞤮 𞤲𞤫𞤯𞥆𞤮 𞤱𞤵𞤶𞤮𞤳𞤫 𞤰𞤭𞥅𞤰𞤢𞤥 𞤱𞤮𞤪𞤩𞤫, 𞤤𞤮𞥅𞤼𞤮𞤪𞤼𞤮 𞤳𞤮 𞤬𞤢 𞤧𞤫𞤤𞤢 𞤱𞤮𞤶𞥆𞤵𞤣𞤫
𞤅𞤮 𞤲𞤫𞤯𞥆𞤮 𞤴𞤫𞤸𞤭𞥅 𞤩𞤢𞤲𞤺𞤢𞤤 𞤲'𞤺𞤢𞤤 𞤲𞤫𞤤𞤢𞤲𞤢𞥄𞤳𞤢 𞤧𞤮 𞤸𞤫𞤤𞤭𞥅 𞤼𞤮𞥅𞤲 𞤬𞤢𞥄𞤲'𞤣𞤫, 𞤧𞤮 𞤱𞤭’𞤢𞥄𞤥𞤢 𞤻𞤮𞥅𞤼𞤢 𞤼𞤢 𞤥𞤫𞤼𞥆𞤭𞤲𞤢
𞤅𞤮 𞤲𞤫𞤯𞥆𞤮 𞤴𞤫𞤸𞤭𞥅 𞤲𞤢𞥄𞤼𞤮, 𞤱𞤭𞥅 𞤲𞤢 𞤶𞤮𞥅𞤯𞤮𞥅 𞤣𞤫 𞤣𞤫𞤦𞥆𞤮 𞤱𞤭𞥅 𞤯𞤵𞤥 𞤼𞤢𞥄 𞤶𞤮𞥅𞤯𞤢 𞤣𞤮𞤱 𞤦𞤢𞥄𞤯𞤢, 𞤢𞤲𞤣𞤵 𞤮 𞤸𞤫𞤩𞤢𞤴 𞤧𞤢𞤺𞤮 𞤥𞤢𞤳𞥆𞤮
𞤅𞤮 𞤲𞤫𞤯𞥆𞤮 𞤴𞤭𞤯𞤭𞥅 𞤬𞤫𞤲𞤵𞤣𞤫 𞤬𞤵𞤸, 𞤱𞤮𞤯𞥆𞤭𞤲𞤢 𞤧𞤫𞥅𞤣𞤫𞥅𞤩𞤫
𞤅𞤮 𞤲𞤫𞤯𞥆𞤮 𞤴𞤮𞤩𞤢𞥄𞤥𞤢 𞤻𞤢𞤥𞤢𞥄𞤲'𞤣𞤫 𞤥𞤵𞤥 𞤣𞤫 𞤱𞤮𞤴𞤭𞥅 𞤢𞤲𞤣𞤵 𞤳𞤮 𞤻𞤢𞤥𞤤𞤭𞤲𞤮𞥅 𞤯𞤵𞤥 𞤱𞤮𞥅𞤯𞤢𞥄
𞤅𞤮 𞤲'𞤺𞤢𞥄𞤪𞤭 𞤱𞤢𞤪𞤭 𞤲𞤢 𞤣𞤢𞥄𞤧𞤢 𞤩𞤮𞤺𞥆𞤮𞤤 𞤢𞤲𞤣𞤵 𞤱𞤮𞤲 𞤯𞤮 𞤤𞤭𞤩𞤭 𞤶𞤮𞥅𞤥𞤵𞤥
𞤅𞤮 𞤲'𞤺𞤫𞤯𞤵 𞤸𞤫𞤯𞤮𞤳𞤫 𞤣𞤢𞤲𞤢𞤲𞤣𞤭, 𞤩𞤮𞥅𞤴𞤭
𞤅𞤮 𞤲'𞤺𞤫𞤧𞤢 𞤪𞤫𞥅𞤲𞤢𞥄𞤳𞤢 𞤻𞤢𞥄𞤥𞤫𞤼𞤫
𞤅𞤮 𞤲𞤭 𞤢 𞤸𞤫𞤩𞤭𞥅 𞤴𞤭𞤺𞤭𞥅𞤱𞤮 𞤨𞤫𞤱𞤮𞥅𞤱𞤮 𞤧𞤵𞥅𞤯𞤵 𞤯𞤵𞤥 𞤲𞤫𞤦𞤢𞤥 𞤥𞤢𞥄
𞤅𞤮 𞤲𞤭 𞤢 𞤲𞤢𞤲𞤺𞤭𞥅 𞤺𞤵𞤶𞥆𞤮 𞤼𞤫𞤨, 𞤲𞤢𞤲𞤺𞤢 𞤫 𞤣𞤢𞤦𞤢𞤪𞤫 𞤼𞤫𞤨
𞤅𞤮 𞤲𞤭 𞤢 𞤼𞤢𞤱𞤭𞥅 𞤥𞤢𞤱𞤯𞤮 𞤲𞤢 𞤤𞤮𞥅𞤼𞤢 𞤼𞤵𞥅𞤦𞤢 𞤥𞤵𞤥 𞤶𞤫𞤥𞥆𞤢, 𞤼𞤢𞥄 𞤰𞤢𞤥𞤵 𞤳𞤮 𞤱𞤮𞤲𞤭
𞤅𞤮 𞤲𞤭 𞤢𞤯𞤢 𞤴𞤭𞤯𞤭 𞤢𞤲𞤣𞤵𞤣𞤫 𞤲'𞤦𞤫𞤤𞤭𞤪𞤳𞤢 𞤧𞤵𞤳𞥆𞤢𞤪𞤢 𞤢𞤪𞤼𞤮𞤪𞤢 𞤳𞤮 𞤸𞤢𞥄𞤯𞤭
𞤅𞤮 𞤲𞤭 𞤶𞤵𞤲𞤺𞤮 𞤲𞤢𞤲𞤺𞤢𞥄𞤥𞤢, 𞤩𞤫𞤪𞤲'𞤣𞤫 𞤥𞤭𞥅𞤶𞤮𞥅 𞤳𞤮 𞤱𞤢𞤯𞤵𞤲𞤮𞥅
𞤅𞤮 𞤲𞤭 𞤥𞤭 𞤢𞤲𞤣𞤭𞥅𞤲𞤮, 𞤱𞤮 𞤳𞤮𞤲𞤺𞤮𞤤 𞤲𞤭𞤥𞤧𞤵𞤯𞤮
𞤅𞤮 𞤲𞤭 𞤲𞤫𞤯𞥆𞤮 𞤱𞤢𞤪𞤭 𞤯𞤮𞤥𞤢 𞤶𞤫𞤥𞥆𞤢 𞤲𞤭𞤩𞥆𞤮 𞤱𞤭’𞤭𞥅 𞤲𞤢 𞤱𞤮𞥅𞤯𞤭 𞤱𞤮 𞤬𞤢𞤶𞤭𞤪𞤭 𞤩𞤢𞤲𞤺𞤭𞤼𞤢 𞤯𞤵𞤥
𞤅𞤮 𞤲𞤭 𞤱𞤢𞥄𞤲'𞤣𞤵 𞤲𞤫𞤬𞤭𞥅, 𞤥𞤵𞤥𞥆𞤢𞤲 𞤺𞤭𞤼𞤫 𞤲𞤢 𞤻𞤢𞥄𞤥𞤢
𞤅𞤮 𞤲'𞤶𞤭𞤯𞤲'𞤺𞤵 𞤤𞤢𞥄𞤼𞤮𞤳𞤫 𞤨𞤭𞤲𞤣𞤭, 𞤣𞤫𞤱𞤺𞤢𞤤 𞤤𞤢𞥄𞤼𞤮 𞤺𞤭'𞤫
𞤅𞤮 𞤻𞤢𞥄𞤳𞤵 𞤣𞤫𞤬𞤢𞤲𞤭𞥅 𞤫𞤧𞤵𞤥 𞤱𞤫𞤤𞤢𞤲
𞤅𞤮 𞤻𞤢𞤱𞤵𞥅𞤶𞤭 𞤲'𞤶𞤫𞤯𞤣𞤢𞥄𞤥𞤢 𞤳𞤮𞤳𞥆𞤢𞥄𞤯𞤮 𞤳𞤢𞥄𞤲𞤯𞤭 𞤮𞥅 𞤯𞤢𞤱𞤢𞥄𞤳𞤢
𞤅𞤮 𞤻𞤫𞤦𞥆𞤫 𞤲'𞤣𞤭𞤥𞤭𞥅 𞤩𞤮𞤸𞤫 𞤱𞤢𞤲𞥆𞤭𞥅 𞤨𞤮𞥅𞤤𞤭
𞤅𞤮 𞤻𞤫𞤦𞥆𞤫 𞤲'𞤣𞤭𞤥𞤭𞥅 𞤳𞤢𞥄𞤰𞤫, 𞤱𞤢𞥄𞤲𞥆𞤭𞥅 𞤳𞤵𞥅𞤼𞤮𞥅𞤶𞤭
𞤅𞤮 𞤻𞤭𞥅𞤱𞤢 𞤴𞤢𞥄𞤩𞤭𞥅 𞤸𞤵𞥅𞤼𞤮𞥅𞤪𞤵 𞤬𞤢𞤴 𞤧𞤮 𞤲'𞤣𞤵 𞤱𞤢𞥄𞤼𞤢𞤴 𞤣𞤵 𞤲'𞤣𞤵 𞤯𞤫𞤨𞥆𞤭𞤯𞤢𞤲
𞤅𞤮 𞤻𞤭𞥅𞤰𞤫 𞤣𞤫𞤦𞥆𞤮 𞤷𞤮𞤤𞤭𞥅 𞤽𞤢𞤼𞤭𞤪𞤢 𞤯𞤫𞤥𞤲'𞤺𞤢𞤤 𞤥𞤵𞤥
𞤅𞤮 𞤻𞤮’𞤮𞤪𞤫 𞤴𞤵𞤤𞤭𞥅 𞤧𞤵𞥅𞤣𞤵 𞤬𞤵𞤸 𞤼𞤵𞤯𞤭𞥅𞤯𞤮 𞤲𞤢𞤲𞤢𞤲
𞤅𞤮 𞤻𞤮𞤤𞤭 𞤬𞤵𞤸 𞤤𞤵𞥅𞤩𞤢𞤲
𞤅𞤮 𞤻𞤮𞥅𞤤𞤭𞥅𞤯𞤮 𞤦𞤢𞤱𞤤𞤭𞥅 𞤲𞤭 𞤥𞤵𞥅𞤴𞤢𞤴 𞤣𞤢𞤯𞤵𞤣𞤫
𞤅𞤮 𞤽𞤵𞥅𞤧𞤵𞥅𞤪𞤵 𞤸𞤢𞥄𞤪𞤭𞥅,𞤱𞤭’𞤢𞤼𞤢𞥄𞤲𞤢 𞤺𞤢𞤯𞤢 𞤣𞤮𞥅𞤲'𞤦𞤵𞤪𞤵 𞤲𞤢 𞤤𞤵𞥅𞤩𞤭
𞤅𞤮 𞤽𞤵𞥅𞤧𞤵𞥅𞤪𞤵 𞤱𞤵𞤥𞤭𞥅 𞤱𞤢𞥄𞤼𞤭𞥅 : 𞤲𞤢𞤲𞤺𞤢𞤼𞤢𞥄 𞤲𞤢𞤲𞤺𞤢𞤲𞤼𞤢𞥄𞤳𞤫
𞤅𞤮 𞤮𞤲 𞤲'𞤶𞤭𞤯𞤭𞥅 𞤳𞤭𞤧𞤢𞤤, 𞤱𞤮 𞤽𞤵𞥅𞤧𞤵𞥅𞤶𞤭 𞤥𞤮𞤲 𞤩𞤢𞤽𞤵 𞤣𞤮𞥅𞤲'𞤦𞤭 𞤥𞤮𞤲
𞤅𞤮 𞤨𞤢𞤤𞥆𞤢𞤲'𞤺𞤢𞤤 𞤧𞤭𞤽𞤺𞤮𞤳𞤫 𞤱𞤢𞥄𞤼𞤭𞥅,
𞤅𞤮 𞤨𞤮𞥅𞤺𞤭𞥅𞤶𞤫 𞤲'𞤣𞤭𞤥𞤭𞥅 𞤶𞤢𞤥𞤯𞤫 𞤬𞤵𞤸, 𞤱𞤢𞤲𞥆𞤭𞥅 𞤨𞤫𞤼𞥆𞤮𞥅𞤼𞤮𞤩𞤫
𞤅𞤮 𞤨𞤵𞤤𞥆𞤮 𞤱𞤭’𞤭𞥅 𞤲𞤢 𞤩𞤵𞤪𞤭 𞤨𞤵𞤤𞥆𞤮, 𞤱𞤮 𞤲𞤢'𞤭 𞤲'𞤣𞤫𞤱𞤭 𞤯𞤮𞥅𞤲
𞤅𞤮 𞤪𞤢𞤱𞤢𞥄𞤲'𞤣𞤵 𞤬𞤵𞤳𞥆𞤮𞤳𞤫 𞤲'𞤣𞤫𞤪 𞤳𞤢𞥄𞤼𞤢𞤲𞤫 𞤬𞤵𞤸 , 𞤱𞤮 𞤲'𞤣𞤫 𞤩𞤵𞥅𞤩𞤵
𞤅𞤮 𞤪𞤢𞤱𞤢𞥄𞤲'𞤣𞤵 𞤻𞤢𞥄𞤥𞤭𞥅 𞤳𞤢𞥄𞤼𞤢𞥄𞤢𞤪𞤫 𞤴𞤮𞤨𞥆𞤢𞤼𞤢𞥄 𞤴𞤭’𞤢𞤤
𞤅𞤮 𞤪𞤢𞤱𞤢𞥄𞤲'𞤣𞤵 𞤱𞤵𞤬𞤢𞤴 𞤽𞤵𞥅𞤪𞤢𞤴 𞤬𞤵𞤸, 𞤤𞤢𞥄𞤧𞤭 𞤥𞤵𞤥 𞤴𞤢𞥄𞤩𞤫𞤼𞤫
𞤅𞤮 𞤪𞤫𞤧𞤢𞥄𞤳𞤢 𞤢𞤣𞤢𞤼𞤢𞥄𞤳𞤫
𞤅𞤮 𞤪𞤮𞥅𞤺𞤮 𞤪𞤭𞤥𞤭𞥅 𞤶𞤢𞤥𞤯𞤫 𞤱𞤢𞤲𞥆𞤭𞥅 𞤺𞤭𞤪𞤮𞥅𞤶𞤭
𞤅𞤮 𞤧𞤢𞤴𞤢 𞤬𞤮𞤲𞤣𞤢𞥄𞤥𞤢 𞤫 𞤴𞤵𞤣𞥆𞤫𞤪𞤫, 𞤱𞤮 𞤶𞤮𞥅𞤥𞤵𞤥 𞤱𞤮𞤯𞥆𞤭
𞤅𞤮 𞤧𞤫𞤥𞤼𞤫𞥅𞤲'𞤣𞤫 𞤸𞤢𞤲𞤼𞤮𞤳𞤫 𞤲'𞤺𞤵𞥅𞤪𞤲'𞤣𞤢𞤥 𞤸𞤮𞤴𞤭𞥅
𞤅𞤮 𞤼𞤢𞤱𞤭𞥅 𞤳𞤮 𞤩𞤢𞤱𞤤𞤭 𞤱𞤢𞤪𞤢𞤲𞤭𞥅 𞤥𞤢 𞤸𞤮𞥅𞤪𞤫, 𞤲'𞤣𞤫 𞤲'𞤶𞤭𞥅𞤯𞤢𞥄 𞤳𞤮 𞤩𞤢𞤱𞤤𞤭 𞤬𞤵𞤸, 𞤢 𞤸𞤵𞤤𞤢𞤲
𞤅𞤮 𞤼𞤢𞤱𞤭𞥅 𞤲'𞤶𞤭𞤲𞤺𞤵 𞤱𞤮 𞤻𞤢𞤱, 𞤥𞤵𞤻𞤢𞤤 𞤣𞤵 𞤱𞤮 𞤧𞤢𞤬𞤢𞥄𞤪𞤫
𞤅𞤮 𞤼𞤢𞤱𞤭𞥅 𞤱𞤮 𞤼𞤭𞤤𞤢𞤴 𞤲'𞤣𞤮𞥅𞤲'𞤣𞤮𞤯𞤢𞥄 𞤥𞤫𞤼𞥆𞤵 𞤩𞤫𞤪𞤲'𞤣𞤫 𞤼𞤫𞤳𞥆𞤵 𞤥𞤵𞤻𞤢𞤤
𞤧𞤮 𞤼𞤫𞥅𞤱 𞤬𞤵𞤸 𞤱𞤢'𞤭𞥅𞤲𞤮 𞤲𞤮 𞤸𞤫𞥅𞤴𞤪𞤫 𞤲𞤭𞤸, 𞤶𞤢𞤥𞤦𞤫𞤪𞤫 𞤰𞤢𞤥𞤢𞤲𞤼𞤢𞥄𞤳𞤫
𞤧𞤮 𞤼𞤮𞤲𞤭 𞤲'𞤶𞤢𞤩𞤢𞤴 𞤶𞤵𞥅𞤼𞤵𞤣𞤫, 𞤸𞤵𞤲𞤣𞤵𞤳𞤮 𞤱𞤵𞤷𞥆𞤢𞤼𞤢𞥄𞤳𞤮
𞤅𞤮 𞤼𞤮𞤪𞥆𞤢 𞤺𞤢𞤻𞤮 𞤶𞤵𞥅𞤼𞤭𞥅, 𞤴𞤮𞤼𞥆𞤮𞤼𞤮 𞤺𞤭𞤯𞤮
𞤅𞤮 𞤵𞤲𞤮𞥅𞤩𞤫 𞤷𞤵𞥅𞤯𞤮𞤲'𞤣𞤭𞤪𞤭𞥅 𞤲𞤢𞤱𞤯𞤫, 𞤵𞤲𞤵 𞤥𞤵𞤩𞥆𞤫𞤲 𞤯𞤭𞤺𞥆𞤢𞤼𞤢𞥄
𞤅𞤮 𞤱𞤢𞤲𞤢𞥄 𞤺𞤫𞥅𞤧𞤫 𞤲'𞤶𞤢𞤤𞤼𞤢 𞤣𞤫 𞤺𞤫𞥅𞤧𞤫 𞤲𞤢𞥄𞤼𞤢
𞤅𞤮 𞤱𞤢𞤲𞤢𞥄 𞤸𞤮𞥅𞤤𞤮𞥅 𞤣𞤫 𞤴𞤮𞥅𞤤𞤮𞥅
𞤅𞤮 𞤱𞤢𞤲𞤢𞥄 𞤲'𞤺𞤵𞤤𞤫𞥅𞤳𞤭 𞤩𞤫𞤪𞤲'𞤣𞤫 𞤢𞤥 𞤼𞤢𞤱𞤢𞤲𞥆𞤮 𞤺𞤮𞤲𞤯iI 𞤢𞤥 𞤲'𞤶𞤮𞥅𞤤𞤭𞥅𞤲𞤮 𞤳𞤢𞤥.
𞤅𞤮 𞤱𞤢𞤲𞤢𞥄 𞤧𞤢𞥄𞤦𞤫 𞤩𞤋𞤯𞥆𞤮, 𞤣𞤫𞤦𞥆𞤮 𞤫𞤣𞥆𞤢𞤲𞤼𞤢𞥄𞤳𞤮 𞤺𞤮𞤪𞤵𞤥
𞤅𞤮 𞤱𞤢𞤲𞤢𞥄 𞤼𞤫𞤨𞥆𞤫𞤪𞤫 𞤥𞤫𞤥𞤢 𞤤𞤫𞤴𞤣𞤭 𞤣𞤫 𞤣𞤮𞤺𞥆𞤵𞤣𞤵 𞤺𞤮𞥅𞤲𞤯𞤢
𞤅𞤮 𞤱𞤢𞤲𞤢𞥄 𞤱𞤮𞥅𞤣𞤢 𞤳𞤮 𞤦𞤮𞤲𞤭 𞤣𞤫 𞤱𞤮𞥅𞤣𞤢 𞤳𞤮 𞤱𞤮𞥅𞤯𞤭
𞤅𞤮 𞤱𞤢𞤲𞤢𞥄𞤲𞤮 𞤺𞤮𞤲𞤯𞤭 𞤢𞤥, 𞤼𞤢𞤱𞤢𞤲𞥆𞤮 𞤲'𞤺𞤵𞤤𞤫𞥅𞤳𞤭 𞤩𞤫𞤪𞤲'𞤣𞤫 𞤢𞤥 𞤣𞤵𞤨𞥆𞤭𞥅𞤲𞤮 𞤳𞤢𞤥
𞤅𞤮 𞤱𞤫𞥅𞤲'𞤣𞤵 𞤸𞤫𞥅𞤱𞤭𞥅 𞤬𞤢𞥄 𞤸𞤢𞤯𞤭𞥅 𞤴𞤫𞤸𞤫𞥅𞤣𞤫, 𞤸𞤢𞤯𞤢𞤼𞤢𞥄 𞤬𞤮𞤪𞤻𞤢𞥄𞤣𞤫
𞤅𞤮 𞤱𞤫𞤤𞤭𞥅 𞤥𞤢𞤴𞤯𞤮, 𞤱𞤫𞤤𞤭𞥅 𞤥𞤢𞤴𞤪𞤢𞥄𞤯𞤮 𞤱𞤢𞤤𞤢𞥄 𞤳𞤮 𞤥𞤫𞤼𞥆𞤭𞤪𞤼𞤢 𞤺𞤢𞤪𞤯𞤮 𞤶𞤮𞤱𞤼𞤭𞥅𞤪𞤵
𞤅𞤮 𞤱𞤭’𞤢𞥄𞤥𞤢 𞤲𞤢 𞤽𞤢𞤼𞤢-𞤽𞤢𞤼𞤢𞤼𞤢𞥄 𞤬𞤵𞤸, 𞤼𞤢𞥄 𞤱𞤢𞤼𞥆𞤵 𞤸𞤮𞤲𞤣𞤵 𞤥𞤢𞥄 𞤩𞤵𞤪𞤭
𞤅𞤮 𞤱𞤮𞤲 𞤲𞤮 𞤲𞤫𞤯𞥆𞤮 𞤴𞤭𞤯𞤭𞤪𞤼𞤢 𞤥𞤵𞤥𞤭 𞤥𞤢𞤲𞤢𞤼𞤢𞥄𞤳𞤫 𞤦𞤵𞤤𞤢𞥄𞤶𞤫
𞤅𞤮 𞤱𞤮𞥅𞤼𞤵𞤪𞤵 𞤱𞤢𞤧𞤢𞤲𞤭𞥅 𞤶𞤢𞤸𞤢𞥄𞤲'𞤺𞤢𞤤 , 𞤧𞤮 𞤨𞤫𞤯𞤫𞥅𞤤𞤭 𞤥𞤵𞤥 𞤳𞤢𞤲𞤼𞤢𞥄𞤳𞤭 𞤣𞤵 𞤻𞤢𞥄𞤥𞤼𞤮𞤼𞤮
𞤅𞤮 𞤴𞤢𞤸𞤮𞥅𞤩𞤫 𞤨𞤮𞤪𞤻𞤮𞤳𞤫 𞤬𞤵𞤸, 𞤣𞤢𞤯𞤢𞤲𞤮𞥅𞤩𞤫 𞤢𞤪𞤣𞤮𞤼𞤮
𞤅𞤮 𞤰𞤭𞤦𞥆𞤫 𞤲'𞤣𞤭𞤥𞤭𞥅 𞤳𞤢𞥄𞤪𞤫𞥅𞤶𞤫, 𞤱𞤢𞤲𞥆𞤭𞥅 𞤨𞤮𞥅𞤤𞤭
𞤅𞤮 𞤴𞤭𞤺𞤭𞤪𞤢𞥄𞤺𞤵 𞤸𞤢𞤳𞥆𞤵𞤲'𞤣𞤫 𞤥𞤢𞥄 𞤫 𞤣𞤫𞤦𞥆𞤮 𞤬𞤵𞤯𞥆𞤭𞤪𞤭𞥅 𞤱𞤫𞥅𞤪𞤼𞤢𞤲'𞤣𞤫 𞤯œ𞤥 𞤶𞤵𞤲𞤺𞤮, 𞤲'𞤣𞤫 𞤮 𞤲𞤢𞤲𞤺𞤭 𞤲'𞤺𞤮 𞤬𞤵𞤸 𞤲𞤢 𞤮𞤲 𞤷𞤫𞥅𞤣𞤵
𞤅𞤮 𞤴𞤭𞤺𞤭𞤪𞤢𞥄𞤺𞤵 𞤧𞤢𞥄𞤥𞤭𞥅 𞤫 𞤩𞤵𞤲𞤣𞤵 𞤱𞤮 𞤸𞤢𞤱𞤼𞤵𞤩𞤫 𞤦𞤮𞤲𞤫 𞤷𞤵𞤱𞤼𞤢𞤼𞤢 𞤯𞤵𞤥
𞤅𞤮 𞤴𞤭𞤼𞤫𞤪𞤫 𞤺𞤢𞤻𞤮 𞤲𞤢 𞤱𞤢𞤪𞤢𞤲𞥆𞤮𞥅 𞤲𞤢𞥄 𞤴𞤭𞤼𞤫𞤪𞤫 𞤣𞤵𞤪𞤮𞥅𞤱𞤮 𞤱𞤢𞤪𞤵 𞤧𞤵𞥅𞤲'𞤣𞤵
𞤅𞤵𞤩𞤢𞥄𞤣𞤫 𞤴𞤭𞤯𞤩𞤫 𞤱𞤮 𞤬𞤢𞤺𞥆𞤢𞥄𞤣𞤫 𞤱𞤢𞤴𞤩𞤫
𞤅𞤵𞤣𞥆𞤢𞥄𞤥𞤢 𞤦𞤢𞤳𞥆𞤫 𞤣𞤫 𞤼𞤢 𞤣𞤢𞤱𞤢𞥄𞤯𞤭 𞤽𞤮𞥅𞤤𞤢
𞤅𞤵𞤲𞤵 𞤱𞤢𞤪𞤢𞤼𞤢𞥄 𞤺𞤮𞤪𞤳𞤮, 𞤳𞤭𞤪𞤢𞤥 𞤱𞤢𞤪𞤢𞤼𞤢𞥄 𞤣𞤫𞤦𞥆𞤮
𞤅𞤵𞤧𞤮𞥅𞤪𞤵 𞤴𞤭𞤯𞤢𞥄 𞤣𞤮𞥅𞤥𞤮𞥅𞤪𞤵
𞤅𞤵𞥅𞤯𞤢𞥄𞤣𞤫 𞤥𞤮 𞤧𞤵𞥅𞤯𞤮𞤣𞤮𞤼𞤮𞤲𞤮𞥅, 𞤱𞤮 𞤸𞤫𞤦𞥆𞤭𞤲'𞤣𞤫 𞤷𞤵𞥅𞤯𞤮𞤪𞤯𞤫
𞤅𞤵𞥅𞤲'𞤣𞤵 𞤤𞤫𞤤𞤮𞤳𞤫 𞤫 𞤤𞤫𞤤𞤲'𞤣𞤫 𞤤𞤢𞤣𞥆𞤫𞥅𞤪𞤵
𞤅𞤵𞥅𞤲'𞤣𞤵 𞤱𞤭𞥅 𞤦𞤫𞤤𞤯𞤫 𞤳𞤢𞤱𞤪𞤢𞤼𞤢𞥄 𞤧𞤢𞤦𞤵 𞤱𞤢𞤳𞥆𞤢𞤼𞤭 𞤲'𞤣𞤭𞤴𞤢𞤥 𞤨𞤫𞤼𞤫 𞤪𞤫'𞤢𞤼𞤢 𞤲'𞤣𞤫𞥅𞤲, 𞤼𞤢𞤲𞥆𞤫 𞤩𞤫𞤲𞤣𞤢𞤼𞤢


𞤆

𞤆𞤢𞤤𞤭𞥅𞤲'𞤺𞤢 𞤸𞤢𞤯𞤭𞥅 𞤨𞤮𞤲𞤣𞤭𞥅𞤼𞤭𞥅𞤲'𞤺𞤢 𞤬𞤭𞤯𞤫𞥅𞤣𞤫
𞤆𞤢𞤤𞥆𞤢𞤲'𞤺𞤢𞤤 𞤧𞤮𞤲𞤢𞥄 𞤼𞤢𞤰𞤫𞥅 𞤤𞤢𞥄𞤧𞤭 𞤣𞤫 𞤴𞤭𞥅𞤼𞤢 𞤤𞤵𞥅𞤪𞤮 𞤥𞤵𞤥
𞤆𞤢𞤥𞤢𞤪𞤮 𞤺𞤮𞤲𞤯𞤭 𞤬𞤵𞤯𞥆𞤢𞤼𞤢𞥄𞤲𞤢 𞤺𞤭𞤤𞥆𞤢 𞤤𞤢𞤱
𞤆𞤫𞥅𞤶𞤫 𞤱𞤮 𞤷𞤮𞤳𞥆𞤭 𞤯𞤮 𞤷𞤮𞤳𞥆𞤢𞤼𞤢𞥄 𞤯𞤮𞥅𞤲 𞤲'𞤶𞤢𞥄𞤤𞤮𞤪𞤼𞤫𞤯𞤢𞥄
𞤆𞤫𞤲𞤮𞥅𞤱𞤮 𞤧𞤭𞤳𞥆𞤢𞤼𞤢𞥄𞤲𞤢𞥄 𞤳𞤫𞤼𞥆𞤭𞤲𞤭𞥅𞤯𞤮 𞤬𞤢𞤸𞤥𞤢𞤼𞤢𞥄
𞤆𞤫𞤲𞤮𞥅𞤱𞤮 𞤱𞤢𞥄𞤱𞤢𞥄 𞤢𞤪𞤣𞤢𞥄𞤣𞤫
𞤆𞤭𞥅𞤯𞤮 𞤸𞤵𞤲𞤣𞤵𞤳𞤮 𞤲'𞤺𞤭𞤪𞤮𞥅𞤱𞤵 𞤼𞤢𞤱𞤢𞤲 𞤻𞤭𞥅𞤰𞤫
𞤆𞤭𞤤𞤮𞤤 𞤨𞤭𞥅𞤤𞤼𞤮𞤤 𞤬𞤵 𞤧𞤵𞤨𞥆𞤮𞥅 𞤣𞤢𞤪𞤭𞥅𞤲'𞤺𞤮𞤤
𞤆𞤭𞤤𞤮𞤼𞤮𞥅𞤯𞤮 𞤼𞤮 𞤥𞤢𞤴𞤢 𞤸𞤭𞤤𞥆𞤢𞥄𞤳𞤢 𞤥𞤭 𞤪𞤢𞤬𞤢𞥄𞤥𞤢
𞤆𞤭𞤲𞤣𞤭 𞤱𞤢𞤯𞤫𞤼𞤫𞥅 𞤲'𞤶𞤵𞥅𞤥𞤲'𞤣𞤭
𞤆𞤭𞤲𞤣𞤵𞤳𞤭 𞤱𞤮𞤥𞤦𞤫𞤼𞤫𞥅
𞤆𞤭𞤴𞤢𞤺𞤢𞥄𞤶𞤫 𞤥𞤫𞤲 𞤲'𞤣𞤫𞤥𞤫𞤲 𞤲'𞤣𞤫𞤰𞥆𞤫𞤲
𞤆𞤮𞥅𞤯𞤮𞤼𞤮𞥅𞤯𞤮 𞤱𞤫𞤤𞤭 𞤶𞤭𞤲𞤺𞤢𞤲'𞤣𞤫
𞤆𞤮𞥅𞤤𞤭 𞤲'𞤺𞤮𞤲𞤭 𞤣𞤮𞤱 𞤤𞤫𞤳𞥆𞤭 𞤲𞤭 𞤳𞤢𞥄 𞤸𞤢𞤳𞥆𞤭𞤤𞥆𞤮 𞤥𞤵𞤥 𞤳𞤢 𞤫 𞤤𞤫𞤴𞤣𞤭 𞤱𞤮𞤲𞤭
𞤆𞤮𞥅𞤤𞤭 𞤳𞤢𞤱𞤼𞤢𞤲 𞤣𞤫 𞤭𞥅𞤣𞤢
𞤆𞤮𞥅𞤤𞤭 𞤳𞤫𞥅𞤱𞤢𞤲 𞤣𞤫 𞤭𞥅𞤣𞤢
𞤆𞤮𞤪 𞤱𞤮 𞤼𞤫𞥅𞤼𞤮𞤪𞤫𞥅𞤣𞤫, 𞤨𞤮𞤪-𞤨𞤮𞤪 𞤳𞤢𞥄 𞤱𞤮 𞤷𞤵𞥅𞤦𞤵
𞤆𞤮𞤼𞤢𞤤 𞤱𞤢𞤤𞤢𞥄 𞤳𞤮 𞤪𞤮𞤲𞤳𞤭
𞤆𞤵𞤷𞥆𞤵 𞤲𞤢𞤴𞤱𞤢𞤼𞤢𞥄 𞤱𞤮 𞤺𞤢𞤬𞤢𞤳𞥆𞤢 𞤥𞤵𞤥 𞤲𞤭 𞤴𞤮𞤤𞤢𞤼𞤢
𞤆𞤵𞤯𞥆𞤫 𞤳𞤢𞥄𞤲𞤯𞤭 𞤱𞤮 𞤶𞤮𞥅𞤣𞤮𞥅𞤤𞤭
𞤆𞤵𞤼𞥆𞤫 𞤳𞤢𞤯𞤢𞤼𞤢𞥄 𞤢𞤪𞤢𞥄𞤱𞤢 𞤧𞤮𞥅𞤣𞤫𞥅𞤣𞤫
𞤆𞤵𞤴𞤯𞤮 𞤧𞤮 𞤴𞤭𞤯𞤭𞥅 𞤥𞤵𞤼𞤢𞤲


𞤈


𞤈𞤢𞤱𞤢𞥄𞤲'𞤣𞤵 𞤱𞤢𞤳𞥆𞤢𞥄𞤲'𞤣𞤵 𞤱𞤮 𞤵𞤥𞤧𞤢𞤼𞤢𞥄
𞤈𞤢𞤱𞤢𞥄𞤲'𞤣𞤵 𞤴𞤢𞤸𞤮𞥅𞤪𞤵 𞤺𞤵𞤺𞤢 𞤲𞤢 𞤩𞤵𞤪𞤭 𞤣𞤫𞤦𞥆𞤮 𞤨𞤭𞤶𞤮𞥅𞤱𞤮
𞤈𞤢𞤱𞤢𞥄𞤲'𞤣𞤵 𞤴𞤫𞤯𞤢𞥄𞤳𞤢 𞤲'𞤣𞤭𞤴𞤢𞤥 𞤲'𞤦𞤵𞤤𞤳𞤵 : 𞤬𞤢𞤷𞥆𞤢𞤼𞤢𞥄 𞤬𞤢𞤷𞥆𞤢𞤲𞤼𞤢𞥄𞤳𞤫
𞤈𞤫𞥅𞤣𞤵 𞤴𞤮𞥅𞤩𞤢𞤲𞤼𞤢𞥄𞤳𞤫
𞤈𞤫𞥅𞤣𞤵 𞤲𞤢 𞤩𞤵𞤪𞤭 𞤱𞤮𞤴𞤲'𞤣𞤵 𞤤𞤵𞤺𞥆𞤵𞤣𞤫
𞤈𞤫𞥅𞤣𞤵 𞤱𞤮 𞤱𞤵𞤶𞥆𞤢𞤲𞤼𞤫 𞤬𞤫𞤲𞤢𞤲𞤼𞤢𞥄𞤳𞤫
𞤈𞤫𞤱𞤩𞤫 𞤲𞤢 𞤳𞤫𞥅𞤱𞤭 𞤳𞤢𞥄 𞤣𞤫𞤦𞥆𞤮 𞤥𞤮 𞤱𞤮𞤪𞤩𞤫 𞤳𞤮𞤴𞤯𞤢𞤼𞤢 𞤸𞤮𞤴𞤢𞥄
𞤈𞤭𞥅𞤱𞤭𞥅 𞤸𞤫𞤱𞤼𞤢𞤴 𞤱𞤢𞤪𞤼𞤭𞥅 𞤼𞤢𞤱𞤼𞤢𞤴
𞤈𞤮𞤲𞤢 𞤱𞤢𞥄𞤼𞤢 𞤱𞤢𞤲𞤢𞥄 𞤣𞤫𞤦𞥆𞤮
𞤈𞤮𞤲'𞤣𞤫 𞤪𞤭𞥅𞤳𞤵 𞤲𞤢 𞤩𞤵𞤪𞤭 𞤪𞤮𞤲'𞤣𞤫 𞤶𞤢𞤱𞤣𞤭
𞤈𞤮𞥅𞤲'𞤣𞤮𞤳𞤫 𞤪𞤫𞤲'𞤣𞤫𞤪𞤫 𞤸𞤫𞤷𞥆𞤫𞤪𞤫 𞤵𞤲'𞤣𞤭𞥅 𞤦𞤮𞤩𞤭 𞤥𞤢𞤳𞥆𞤮 𞤼𞤢𞤦𞤢

𞤉

‮
𞤉 𞤣𞤵𞤯𞤢𞤤 𞤦𞤢𞥄𞤧𞤢𞤤, 𞤱𞤵𞤴𞤩𞤫 𞤲'𞤦𞤵𞤪𞤼𞤮𞤼𞤮𞥅
𞤉 𞤣𞤵𞤯𞤢𞤤 𞤧𞤫𞤴𞤯𞤢𞥄𞤲𞤢𞥄𞤳𞤵, 𞤲'𞤶𞤭𞤥𞤮𞥅𞤩𞤫 𞤲'𞤦𞤵𞤪𞤼𞤮𞤼𞤮𞥅
𞤉𞥅𞤤𞤯𞤮 𞤸𞤫𞤩𞤢𞤼𞤢𞥄, 𞤢𞤷𞥆𞤢𞤼𞤢𞥄
𞤉𞥅𞤤𞤯𞤮 𞤱𞤮 𞤺𞤢𞤯𞤢 𞤨𞤫𞤲𞤮𞥅𞤱𞤮 𞤥𞤢𞤴𞤢𞤼𞤢
𞤉𞥅𞤤𞤺𞤢𞤤 𞤥𞤢𞤲𞤺𞤢𞤤, 𞤦𞤢𞥄𞤧𞤢𞤤 𞤥𞤢𞤲𞤺𞤢𞤤
𞤉𞥅𞤤𞤺𞤢𞤤 𞤺𞤢𞤪𞤭𞥅𞤦𞤵 𞤫 𞤱𞤢𞤻𞤢𞤲𞤫𞤪𞤫 𞤣𞤮𞥅𞤳𞤮𞤼𞤮𞥅𞤯𞤮
𞤉𞤺𞥆𞤭 𞤱𞤮𞥅𞤼𞤫, 𞤱𞤢𞤪𞤼𞤭𞤪𞤭 𞤺𞤵𞤪𞤭
𞤉𞤤𞤫𞤤𞤣𞤵 𞤯𞤫𞤯𞥆𞤫𞥅, 𞤱𞤢𞥄𞤲'𞤣𞤵 𞤪𞤭𞥅𞤯𞤢
𞤉𞤲𞤣𞤵 𞤬𞤢 𞤀𞤤𞥆𞤢 𞤱𞤢𞤤𞥆𞤫


𞤊

𞤊𞤢𞤣𞥆𞤫 𞤫 𞤷𞤢𞥄𞤼𞤮𞤼𞤮𞥅𞤯𞤮 𞤻𞤭𞤩𞤵𞤣𞤫 𞤦𞤫𞥅𞤲'𞤦𞤢𞤤, 𞤲𞤢 𞤸𞤢𞥄𞤲𞤭 𞤸𞤢𞥄𞤤𞤣𞤢 𞤫 𞤲'𞤣𞤫𞤥𞤮𞥅𞤩𞤫
𞤊𞤢𞤣𞥆𞤫 𞤥𞤢𞥄 𞤴𞤭’𞤵𞤣𞤫 𞤱𞤢𞥄𞤲'𞤣𞤵 𞤣𞤮𞤱 𞤤𞤫𞤳𞥆𞤭, 𞤼𞤢𞤱𞤢𞤲 𞤲'𞤣𞤵 𞤴𞤭’𞤭𞥅 𞤥𞤢
𞤊𞤢𞤣𞥆𞤫 𞤥𞤢𞥄𞤯𞤢 𞤲𞤢𞥄𞤼𞤭𞤪𞤣𞤫 𞤣𞤢𞤥𞤦𞤵𞤺𞤢𞤤, 𞤢𞤲𞤣𞤵 𞤲'𞤺𞤢𞤤𞤫 𞤲'𞤶𞤢𞤤𞤼𞤭𞤪𞤼𞤢𞥄
𞤊𞤢𞤣𞥆𞤫 𞤥𞤢𞥄𞤯𞤢 𞤴𞤢𞤸𞤵𞤣𞤫 𞤃𞤢𞤳𞥆𞤢, 𞤤𞤢𞥄𞤼𞤢 𞤥𞤮 𞤃𞤢𞤳𞥆𞤮
𞤊𞤢𞤯𞥆𞤵 𞤰𞤭’𞤢𞤤, 𞤷𞤫𞥅𞤣𞤢𞥄 𞤫 𞤦𞤵’𞤵𞤦𞤭
𞤊𞤢𞤤𞤢 𞤲'𞤶𞤫𞤸𞤫𞤲 𞤱𞤢𞤲𞤢𞥄 𞤶𞤢𞥄𞤣𞤢𞤤
𞤊𞤢𞤤𞥆𞤢𞥄𞤲'𞤣𞤵 𞤱𞤭𞥅 𞤰𞤫𞥅𞤻𞤵𞤺𞤮𞤤 𞤼𞤭𞥅𞤯𞤭, 𞤱𞤢𞤲𞤢𞥄 𞤶𞤭𞤨𞥆𞤢𞥄𞤣𞤫
𞤊𞤢𞤥𞤯𞤵𞤣𞤫 𞤣𞤮𞥅𞤣𞤭 𞤸𞤢𞤯𞤢𞤼𞤢𞥄 𞤯𞤵𞤥 𞤤𞤵𞥅𞤩𞤵𞤣𞤫
𞤊𞤢𞤥𞤲'𞤣𞤵 𞤩𞤮𞥅𞤳𞤢𞤲, 𞤤𞤭𞥅𞤲'𞤺𞤵 𞤲𞤭 𞤶𞤫𞤴 𞤲'𞤣𞤭𞤴𞤢𞤥
𞤊𞤢𞤥𞤲'𞤣𞤵 𞤫 𞤬𞤢𞤺𞥆𞤵𞤣𞤵 𞤥𞤵𞥅𞤯𞤵𞤥 𞤬𞤵, 𞤴𞤮 𞤲'𞤦𞤮𞤣𞥆𞤭 𞤶𞤫𞤴
𞤊𞤢𞤥𞤲'𞤣𞤵 𞤲𞤢 𞤴𞤭𞤯𞤭 𞤲'𞤣𞤭𞤴𞤢𞤥 𞤣𞤫 𞤱𞤢𞤲𞤢𞥄 𞤲'𞤦𞤢𞤱𞤻𞤵 𞤯𞤢𞤥
𞤊𞤢𞤥𞤲'𞤣𞤵 𞤲'𞤣𞤫 𞤴𞤭𞤯𞤲𞤮𞥅 𞤺𞤮𞤪𞤳𞤮, 𞤦𞤢𞤥𞤦𞤢𞤲 𞤯𞤵𞤥
𞤊𞤢𞤴 𞤧𞤭 𞤥𞤭 𞤱𞤢𞤤𞤢𞥄 𞤬𞤢𞤴 , 𞤥𞤭𞤯𞤮 𞤱𞤮𞥅𞤣𞤭 𞤬𞤵𞤴
𞤊𞤢𞤴 𞤧𞤮 𞤬𞤫𞤱𞤪𞤫 𞤻𞤢𞤤𞥆𞤭 𞤱𞤢𞥄𞤤𞤭, 𞤧𞤮 𞤲'𞤺𞤮𞥅𞤲'𞤺𞤢 𞤸𞤭𞤪𞤲'𞤣𞤭𞥅, 𞤸𞤫𞤱𞤼𞤮𞤼𞤮 𞤯𞤵𞤥
𞤊𞤢𞤴 𞤧𞤮 𞤥𞤢𞤴𞤣𞤫 𞤱𞤢𞤪𞤢𞥄𞤴, 𞤲𞤢𞤴𞤫𞥅𞤱𞤵 𞤲𞤢 𞤸𞤫𞤰𞤢
𞤊𞤢𞤴 𞤧𞤮 𞤧𞤵𞤳𞤢 𞤱𞤵𞤤𞥆𞤢𞥄𞤴 𞤲𞤢 𞤸𞤢𞥄𞤲𞤭 𞤸𞤮𞤳𞥆𞤭𞤼𞤫𞥅𞤣𞤫 𞤭𞤲𞥆𞤢 𞤥𞤵𞥅𞤯𞤵𞤥
𞤊𞤢𞤴 𞤧𞤮 𞤰𞤫𞤩𞤼𞤵𞤯𞤢𞥄 𞤺𞤢𞤯𞤢 𞤬𞤢𞤥𞤲'𞤣𞤵, 𞤲𞤢𞥄 𞤦𞤮𞤩𞥆𞤮
𞤊𞤢𞤴𞤲𞤵 𞤪𞤢𞤱𞤢𞥄𞤲'𞤣𞤵 𞤥𞤢𞥄 𞤽𞤢𞤼𞤫
𞤊𞤫𞥅𞤪𞤫 𞤱𞤮 𞤱𞤮𞤶𞤫𞤪𞤫, 𞤥𞤢𞤱𞤯𞤮 𞤵𞤥𞥆𞤭𞤲𞤢𞤲, 𞤧𞤵𞤳𞤢 𞤵𞤥𞥆𞤭𞤲𞤢𞤲
𞤊𞤫𞤤𞤻𞤢𞥄𞤲'𞤺𞤮 𞤺𞤢𞤯𞤢 𞤲'𞤣𞤵𞤲𞤺𞤵
𞤊𞤫𞤪𞤺𞤫𞤪𞤫 𞤩𞤫𞤴𞤣𞤭 𞤴𞤢𞤨𞥆𞤮
𞤊𞤫𞤼𞤮 𞤳𞤢𞤥𞤦𞤭𞥅𞤶𞤫 𞤱𞤢𞤲𞤢𞥄 𞤬𞤭𞤶𞤭𞤪𞤣𞤫 𞤳𞤵𞤼𞥆𞤫
𞤊𞤫𞤱𞤪𞤫 𞤧𞤮 𞤱𞤮𞤼𞥆𞤭𞤲𞤭𞥅 𞤸𞤭𞥅𞤪𞤼𞤭𞤲𞤼𞤢𞥄
𞤊𞤫𞤱𞤪𞤫 𞤰𞤵𞥅𞤪𞤢𞤼𞤢𞥄 𞤣𞤮𞤱 𞤳𞤢𞤥𞥆𞤵 𞤬𞤢𞥄 𞤧𞤢𞥄𞤥𞤢
𞤊𞤭𞥅 𞤮 𞤬𞤢 𞤲'𞤣𞤮𞤺𞤫𞤲 𞤬𞤵𞤸 𞤢𞤷𞥆𞤵 𞤮 𞤩𞤵𞤪𞤭
𞤊𞤭𞤶𞤭𞤪𞤣𞤫 𞤺𞤢𞤦𞤵𞥅𞤶𞤫 𞤱𞤢𞤲𞤢𞥄 𞤬𞤭𞤶𞤭𞤪𞤣𞤫 𞤺𞤫𞤪𞤼𞤮𞥅𞤯𞤫
𞤊𞤭𞤶𞤮 𞤸𞤢𞤱𞤪𞤭𞥅 𞤫 𞤤𞤫𞥅𞤤𞤫𞤱𞤢𞤤
𞤊𞤭𞤤𞥆𞤢 𞤱𞤢𞤣𞥆𞤢𞤼𞤢 𞤳𞤮 𞤰𞤢𞤥𞤯𞤫 𞤲'𞤺𞤢𞤣𞥆𞤢𞤴
𞤊𞤭𞤤𞤮𞤼𞤮𞥅𞤩𞤫 𞤳𞤢𞤽𞥆𞤫 𞤥𞤫𞤼𞥆𞤭𞤣𞤢𞤲 𞤳𞤢𞥄𞤰𞤫
𞤊𞤭𞤲'𞤣𞤭𞤲'𞤣𞤫 𞤯𞤢𞥄𞤲𞤭𞥅𞤯𞤮 𞤩𞤵𞤪𞤭 𞤬𞤭𞤲'𞤣𞤭𞤲'𞤣𞤫 𞤯𞤢𞥄𞤲𞤼𞤭𞤲𞤳𞤭𞤲𞤭𞥅𞤯𞤮
𞤊𞤭𞤴𞤫𞥅𞤣𞤫 𞤱𞤮 𞤩𞤵𞤪𞤫𞥅𞤣𞤫 𞤧𞤫𞤥𞤦𞤫, 𞤳𞤢𞥄 𞤬𞤭𞤴𞤫𞥅 𞤣𞤢𞥄𞤧𞤫𞥅 𞤱𞤮 𞤩𞤵𞤪𞤫𞥅𞤣𞤫 𞤴𞤭𞤥𞤩𞤫
𞤊𞤮𞤣𞤮𞥅𞤪𞤫 𞤢𞤪𞤣𞤭𞥅 𞤼𞤢𞤺𞤮𞥅𞤪𞤫
𞤊𞤮𞥅𞤲'𞤣𞤵 𞤲'𞤣𞤵 𞤱𞤫𞥅𞤤𞤮 𞤱𞤢𞤪𞤭 𞤭𞤼𞥆𞤢𞤼𞤢𞥄 𞤱𞤫𞥅𞤤𞤮
𞤊𞤮𞤼𞤭 𞤬𞤵𞤸, 𞤬𞤮𞤼𞤭 𞤦𞤢𞥄𞤧𞤢𞤤 𞤶𞤢𞥄𞤧𞤭
𞤊𞤮𞤱𞤪𞤵 𞤲𞤢 𞤢𞤲𞤣𞤭 𞤸𞤮𞤺𞥆𞤮 𞤲'𞤺𞤮 𞤬𞤭𞥅𞤤𞤮𞤼𞤮𞥅
𞤊𞤮𞤱𞤪𞤵 𞤪𞤫𞥅𞤲𞥆𞤢𞥄𞤲'𞤣𞤵 𞤷𞤫𞥅𞤤𞤭
𞤊𞤮𞤱𞤪𞤵 𞤱𞤭𞥅 𞤱𞤢𞤤𞤢𞥄 𞤳𞤮 𞤱𞤢𞤻𞤭𞤪𞤭 𞤴𞤢𞤸𞤵𞤣𞤫 𞤫 𞤧𞤫𞥅𞤲𞤮 𞤧𞤮 𞤱𞤢𞤲𞤢𞥄 𞤯𞤮𞥅 𞤼𞤭𞤤𞤫𞤤, 𞤯𞤮𞥅 𞤲𞤢𞤯𞥆𞤫𞤤
𞤊𞤮𞤱𞤼𞤭𞤲𞤭 𞤳𞤭𞤪𞤢𞤥, 𞤱𞤮 𞤧𞤫𞥅𞤪𞤫𞥅𞤣𞤫
𞤊𞤵𞤯𞤵𞤲'𞤺𞤫 𞤬𞤵𞤸 𞤤𞤭𞥅𞤤𞤢𞤲𞤼𞤫
𞤊𞤵𞤤𞤩𞤫 𞤴𞤮 𞤲'𞤶𞤢𞥄𞤪𞤫𞥅𞤲'𞤣𞤭 : 𞤼𞤢𞤥𞤢𞤼𞤢𞥄𞤳𞤮
𞤊𞤵𞤼𞤵𞤪𞤮 𞤱𞤢𞥄𞤲𞥆𞤢𞥄𞤴 𞤳𞤢𞥄𞤯𞤮 , 𞤶𞤵𞥅𞤤𞤢𞤼𞤢𞥄 𞤴𞤢𞤸𞤢𞤼𞤢𞥄 𞤸𞤮𞤺𞥆𞤮
𞤋

𞤋𞤩𞤫 𞤢𞤲𞤣𞤭 𞤱𞤢𞥄𞤲'𞤣𞤵 𞤲𞤢 𞤱𞤮𞥅𞤣𞤭 𞤣𞤢𞥄𞤲'𞤣𞤫 𞤣𞤫 𞤩𞤫 𞤳𞤢𞤩𞥆𞤭 𞤯𞤵𞤥 𞤳𞤢𞤼𞤢𞥄𞤪𞤫
𞤋𞤯𞤢𞤥 𞤩𞤢𞤱𞤤𞤭 𞤣𞤫 𞤯𞤢𞤥 𞤤𞤵𞤺𞥆𞤢𞥄
𞤋𞥅𞤤𞤫𞤤 𞤺𞤢𞤻𞤮 𞤲𞤢 𞤩𞤵𞤪𞤭 𞤲𞤭𞤩𞤫𞤤 𞤥𞤵𞥅𞤯𞤵𞤥
𞤋𞤲𞤢 𞤸𞤫𞥅𞤱𞤢 𞤯𞤢𞤱𞤫𞥅, 𞤭𞤲𞤢 𞤬𞤢𞤥𞤯𞤢 𞤴𞤫𞤯𞤫𞥅
𞤋𞤲𞤢 𞤽𞤢𞤼𞤢 𞤽𞤢𞤼𞤢𞤼𞤢𞥄 𞤬𞤵𞤸, 𞤱𞤮𞤯𞥆𞤭𞤼𞤢 𞤩𞤵𞤪𞤭
𞤋𞤲𞤢 𞤼𞤫𞥅𞤽𞤢 𞤼𞤢𞤱𞤢 𞤼𞤢𞤰𞤢𞥄𞤴, 𞤭𞤲𞤢 𞤼𞤢𞤰𞤢 𞤼𞤢𞤱𞤢 𞤼𞤫𞥅𞤽𞤢𞥄𞤴
𞤋𞤲𞤢𞤲 𞤷𞤮𞤦𞥆𞤢𞤤 𞤤𞤢𞤤𞥆𞤵𞤲'𞤺𞤢𞤤, 𞤯𞤵𞥅𞤥 𞤱𞤮𞥅𞤱𞤢𞥄
𞤋𞤲𞥆𞤢 𞤬𞤵𞤸, 𞤩𞤮𞤳𞥆𞤭 𞤶𞤢𞥄𞤧𞤭 : 𞤳𞤢𞤥 𞤪𞤭𞤥𞤢𞤼𞤢 𞤸𞤮𞤳𞥆𞤢 𞤬𞤢𞤯𞥆𞤮𞥅𞤩𞤫
𞤋𞤲𞥆𞤢 𞤶𞤢𞤥 𞤦𞤢𞥄𞤦𞤢 𞤱𞤫𞤤𞤫𞥅𞤲'𞤣𞤫
𞤋𞤲𞥆𞤢 𞤥𞤵𞥅𞤥𞤮 𞤢𞤲𞤣𞤭 𞤳𞤮 𞤥𞤵𞥅𞤥𞤮 𞤸𞤢𞥄𞤤𞤢𞤼𞤢
𞤋𞤪𞤮-𞤭𞤪𞤮𞤲'𞤺𞤢𞤤 𞤲𞤢 𞤢𞤲𞤣𞤭 𞤯𞤮 𞤭𞤪𞤮𞤼𞤮𞥅 𞤳𞤮 𞤱𞤢𞤲𞤢𞥄 𞤧𞤵𞥅𞤣𞤵 𞤫𞤧𞤵𞤥
𞤋𞤼𞥆𞤭 𞤱𞤢𞥄𞤲'𞤣𞤵 𞤱𞤢𞤼𞥆𞤭 𞤪𞤢𞤱𞤢𞥄𞤲'𞤣𞤵, 𞤧𞤮𞤨𞥆𞤵𞤲'𞤣𞤫 𞤣𞤭𞤤𞥆𞤢𞥄𞤴
𞤋𞤼𞥆𞤵 𞤶𞤢𞥄𞤩𞤫 𞤣𞤫 𞤲'𞤶𞤮𞤨𞥆𞤭𞤣𞤢𞥄 𞤲'𞤶𞤢𞥄𞤩𞤭 𞤫 𞤶𞤭'𞤫 𞤥𞤵𞥅𞤯𞤵𞤥


𞤌

𞤌𞤥𞤦𞤮𞥅𞤣𞤫 𞤴𞤫𞤤𞤮𞥅𞤳𞤮 𞤸𞤢𞤯𞤢𞤼𞤢𞥄 𞤲𞤢𞥄𞤼𞤮𞥅𞤶𞤭, 𞤸𞤢𞤯𞤢𞤼𞤢𞥄 𞤦𞤵𞤪𞤼𞤮𞤼𞤮𞥅𞤯𞤭


𞤕

‮𞤕𞤢𞥄𞤱𞤵𞤯𞤮 𞤢𞤲𞤣𞤭 𞤳𞤮 𞤧𞤢𞥄𞤱𞤭
𞤕𞤢𞤤𞤭𞥅𞤯𞤮 𞤶𞤭𞤨𞥆𞤭𞤲'𞤣𞤫 𞤳𞤮𞤯𞤮 𞤀𞤤𞥆𞤢 , 𞤳𞤮𞤯𞤮 𞤶𞤮𞤥 𞤣𞤮𞥅𞤤𞤫 𞤶𞤭𞤨𞥆𞤢𞤲𞤼𞤮𞥅 𞤯𞤵𞤥
𞤕𞤢𞤨𞥆𞤢𞥄𞤼𞤮 𞤥𞤢𞤶𞥆𞤮𞤪𞤢𞤲𞤮𞥅 𞤲'𞤺𞤫𞤤𞤮𞥅𞤦𞤢 ; 𞤮 𞤵𞤥𞥆𞤭𞥅 𞤫 𞤬𞤭𞤤𞤢𞥄𞤣𞤫 𞤲'𞤺𞤢 𞤮 𞤸𞤭𞤨𞥆𞤭𞤼𞤮𞤱𞤭 𞤬𞤢𞥄𞤲𞤣𞤫
𞤕𞤫𞥅𞤪𞤺𞤢𞤤 𞤺𞤭𞤯𞤮, 𞤯𞤵𞥅𞤥 𞤺𞤢𞤻𞤮 𞤶𞤢𞤤𞤢𞤼𞤢
𞤕𞤫𞤨𞥆𞤭𞤲𞤯𞤮 𞤱𞤢𞥄𞤱𞤢𞥄 𞤩𞤭𞤪𞤣𞤫, 𞤣𞤫 𞤲𞤢 𞤱𞤢𞥄𞤱𞤭 𞤪𞤵𞤬𞤵𞤣𞤫
𞤕𞤫𞤼𞥆𞤵𞤲'𞤺𞤮𞤤 𞤫 𞤷𞤢𞥄𞤪𞤮𞤤 𞤲𞤢𞤲𞤣𞤢𞥄
𞤕𞤭𞥅𞤩𞤢𞥄𞤤𞤭 𞤨𞤮𞥅𞤤𞤭 𞤫 𞤱𞤫𞥅𞤲'𞤣𞤵, 𞤸𞤢𞤯𞤢𞤼𞤢𞥄 𞤻𞤭𞥅𞤱𞤢 𞤶𞤵𞥅𞤪𞤵𞤣𞤫
𞤕𞤭𞥅𞤲𞤵𞤯𞤮 𞤪𞤮𞤲𞤳𞤢𞤼𞤢𞥄 , 𞤲𞤢 𞤱𞤢𞤯𞤵 𞤳𞤮 𞤴𞤭𞤯𞤭
𞤕𞤭𞥅𞤲𞤵𞤯𞤮 𞤴𞤢𞤸𞤣𞤫 𞤶𞤫𞤥𞥆𞤢, 𞤴𞤮 𞤥𞤵𞤻𞤵 𞤨𞤫𞤪𞤺𞤫
𞤕𞤮𞤤𞤫𞤤 𞤬𞤵, 𞤫 𞤷𞤮𞤤𞥆𞤢𞤴𞤫𞤤 𞤥𞤵𞤥
𞤕𞤮𞤤𞤬𞤫𞤤 𞤱𞤭𞥅, 𞤧𞤮 𞤭𞤲𞥆𞤢 𞤥𞤵𞥅𞤯𞤵𞤥 𞤴𞤭𞤯𞤭𞥅 𞤱𞤵𞥅𞤪𞤢, 𞤴𞤭𞤯𞤭𞥅 𞤥𞤢𞤴𞤢,
𞤕𞤮𞤲𞤣𞤭 𞤲'𞤺𞤵𞤰𞤵 𞤸𞤢𞤯𞤢𞤼𞤢𞥄 𞤱𞤢𞥄𞤤𞤣𞤫𞤪𞤫
𞤕𞤮𞤨𞥆𞤢𞥄𞤳𞤭 𞤱𞤭𞤤𞤭𞤼𞤭, 𞤢𞤲𞤣𞤭 𞤦𞤮𞤲𞤫 𞤶𞤢𞤥𞤦𞤫𞤪𞤫
𞤕𞤮𞤼𞥆𞤢𞥄𞤲'𞤣𞤭 𞤣𞤭𞤱𞤭𞥅 𞤢𞥄𞤱𞤣𞤭
𞤕𞤵𞥅𞤪𞤳𞤭 𞤻𞤭𞥅𞤪𞤭 𞤦𞤮𞤲𞥆𞤢𞤼𞤢𞥄 𞤺𞤭𞤼𞤫 𞤥𞤢𞤱𞤯𞤮
𞤕𞤵𞥅𞤪𞤳𞤭 𞤻𞤭𞥅𞤪𞤭 𞤱𞤵𞤤𞤢𞤼𞤢𞥄 𞤱𞤵𞤪𞤮
𞤕𞤵𞥅𞤪𞤳𞤭 𞤧𞤵𞥅𞤪𞤼𞤢𞤼𞤢𞥄 𞤥𞤫𞥅𞤪𞤫
𞤕𞤵𞥅𞤧𞤢𞤤 𞤻𞤫𞤥𞥆𞤭𞤼𞤢𞥄𞤲'𞤺𞤢𞤤, 𞤨𞤫𞤳𞥆𞤢𞥄𞤱𞤮 𞤴𞤢𞥄𞤱𞤪𞤭 𞤯𞤵𞤥
𞤍𞤢𞥄𞤲𞤭𞥅𞤯𞤮 𞤲'𞤣𞤵𞤲𞤺𞤵, 𞤧𞤮𞥅𞤣𞤢𞤲 𞤺𞤢𞤱𞤪𞤭 𞤳𞤫𞥅𞤯𞤵



𞤏

𞤏𞤢𞥄𞤤𞤢𞤲𞤣𞤫 𞤤𞤢𞤣𞥆𞤫𞥅𞤪𞤵 𞤱𞤢𞥄𞤧𞤢𞤼𞤢𞥄 𞤰𞤭𞥅𞤪𞤫
𞤏𞤢𞥄𞤤𞤣𞤵𞤣𞤫 𞤫 𞤣𞤵𞤳𞥆𞤵𞤪𞤵 𞤩𞤵𞤪𞤭 𞤱𞤢𞥄𞤤𞤣𞤵𞤣𞤫 𞤫 𞤲𞤭𞤥𞤧𞤫
𞤏𞤢𞥄𞤤𞤵 𞤯𞤮 𞤶𞤫𞤥𞥆𞤢 𞤼𞤢𞤱𞤭 𞤥𞤢
𞤏𞤢𞥄𞤲'𞤣𞤫 𞤱𞤢𞤪𞤭 𞤱𞤢𞥄𞤤𞤭𞤴𞤢 𞤱𞤢𞤲𞤢𞥄 𞤴𞤭𞤣𞥆𞤫 𞤼𞤫𞥅𞤱𞤵.
𞤏𞤢𞥄𞤲𞤣𞤫 𞤺𞤮𞤪𞤮𞥅 𞤺𞤮𞤺𞥆𞤮, 𞤱𞤢𞤲𞤢𞥄 𞤳𞤢𞥄𞤱𞤭𞥅𞤱𞤮 𞤱𞤢𞤲𞤢𞥄 𞤦𞤢𞥄𞤦𞤭𞥅𞤱𞤮
𞤏𞤢𞥄𞤲𞤣𞤫 𞤱𞤢𞥄𞤲𞥆𞤭 𞤤𞤢𞤦𞥆𞤮 𞤣𞤫 𞤱𞤢𞥄𞤲𞥆𞤭 𞤫𞥅𞤣𞤭
𞤏𞤢𞥄𞤼𞤵𞤲'𞤺𞤫 𞤼𞤭𞤤𞤢𞤴 𞤤𞤫𞤤𞤮𞥅
𞤏𞤢𞤷𞥆𞤢𞥄𞤲'𞤺𞤮 𞤫 𞤱𞤵𞤷𞥆𞤢𞥄𞤲'𞤺𞤮 𞤲'𞤶𞤢𞥄𞤣𞤢𞤼𞤢𞥄
𞤏𞤢𞤯𞤢 𞤴𞤭’𞤫𞥅 𞤲𞤢 𞤩𞤵𞤪𞤭 𞤸𞤢𞥄𞤤𞤢 𞤲𞤢𞤲𞤫𞥅
𞤏𞤢𞤯𞥆𞤮𞥅 𞤯𞤢𞤲𞤣𞤭 𞤻𞤮'𞤢 𞤲𞤢𞤺𞥆𞤫
𞤏𞤢𞤯𞤵 𞤲'𞤶𞤭’𞤢𞥄, 𞤦𞤮𞤲𞤢𞥄
𞤏𞤢𞤳𞥆𞤫𞤪𞤫 𞤱𞤢𞤤𞤢𞥄 𞤺𞤢𞤴 𞤱𞤢𞤦𞥆𞤫𞤪𞤫
𞤏𞤢𞤳𞥆𞤭𞤤𞤢𞥄𞤣𞤫 𞤱𞤮 𞤳𞤢𞥄𞤬𞤢𞥄𞤸𞤭 𞤀𞤤𞥆𞤢 𞤳𞤭 𞤥𞤫𞤼𞥆𞤢𞤼𞤢𞥄
𞤏𞤢𞤳𞥆𞤭𞤤𞤢𞥄𞤪𞤫 𞤱𞤮 𞤳𞤢𞥄𞤬𞤢𞥄𞤸𞤭 𞤀𞤤𞥆𞤢 𞤳𞤭 𞤼𞤵𞤲𞤼𞤢𞤼𞤢𞥄
𞤏𞤢𞤳𞥆𞤮𞥅 𞤴𞤫𞥅𞤴𞤲𞤢
𞤏𞤢𞤤𞤢𞥄 𞤳𞤮 𞤼𞤢𞤨𞥆𞤢𞥄 𞤧𞤢𞤳𞥆𞤮 𞤬𞤭𞤼𞥆𞤢
𞤏𞤢𞤤𞤢𞥄 𞤳𞤮 𞤲'𞤦𞤵𞥅𞤦𞤵 𞤭𞤼𞥆𞤢𞤼𞤢 𞤫 𞤪𞤮𞤼𞤫𞤪𞤫 𞤣𞤮𞤺𞥆𞤮𞥅𞤱𞤮
𞤏𞤢𞤤𞤢𞥄 𞤳𞤮 𞤧𞤵𞥅𞤯𞤭 𞤀𞤤𞥆𞤢 𞤼𞤫𞥅𞤤𞤫𞥅𞤲'𞤣𞤫
𞤏𞤢𞤤𞤢𞥄 𞤷𞤫𞤸𞤭𞤪𞤮𞥅𞤱𞤮 𞤤𞤫'𞤢𞤤 𞤲𞤮 𞤤𞤢𞤦𞥆𞤮 𞤲𞤭𞤸
𞤏𞤢𞤤𞤢𞥄 𞤫 𞤩𞤫𞤪𞤲'𞤣𞤫, 𞤤𞤮𞥅𞤱𞤢𞥄𞤳𞤢 𞤫 𞤶𞤭𞥅𞤦𞤢
𞤏𞤢𞤤𞤢𞥄 𞤫 𞤳𞤢𞤱𞤯𞤭, 𞤱𞤢𞤤𞤢𞥄 𞤫 𞤳𞤢𞤱𞤢𞥄𞤯𞤭
𞤏𞤢𞤤𞤢𞥄 𞤺𞤢𞤤𞥆𞤫 𞤥𞤢𞤸𞤭 𞤦𞤮𞤤𞤮𞤲'𞤺𞤢𞤤
𞤏𞤢𞤤𞤢𞥄 𞤺𞤢𞤤𞥆𞤫 𞤧𞤮𞥅𞤣𞤭 𞤼𞤢𞥄𞤪𞤣𞤫
𞤏𞤢𞤤𞤢𞥄 𞤺𞤢𞤤𞥆𞤫 𞤱𞤢𞤯𞤭 𞤣𞤢𞤲𞤺𞤫𞤤 𞤣𞤢𞤱𞤢𞥄𞤯𞤭
𞤏𞤢𞤤𞤢𞥄 𞤳𞤮 𞤣𞤮𞥅𞤥𞤢𞥄𞤲'𞤣𞤵 𞤣𞤮𞥅𞤥𞤭
𞤏𞤢𞤤𞤢𞥄 𞤳𞤮 𞤸𞤢𞤯𞤢𞤼𞤢 𞤲𞤢𞤺𞥆𞤫 𞤷𞤫𞥅𞤯𞤵 𞤬𞤢𞤴𞤣𞤫 𞤧𞤮𞤲𞤢𞥄 𞤥𞤭𞥅𞤤𞤢𞥄𞤣𞤫 𞤺𞤵𞤤𞥆𞤫 𞤲'𞤣𞤵𞤲𞤺𞤵
𞤏𞤢𞤤𞤢𞥄 𞤳𞤮 𞤸𞤭𞤤𞥆𞤭 𞤥𞤢𞥄𞤴𞤮 𞤫 𞤼𞤮𞤩𞤮
𞤏𞤢𞤤𞤢𞥄 𞤳𞤮 𞤸𞤮𞤤𞥆𞤭 𞤪𞤢𞤱𞤢𞥄𞤲'𞤣𞤵 𞤻𞤭𞥅𞤰𞤫
𞤏𞤢𞤤𞤢𞥄 𞤳𞤮 𞤸𞤮𞤤𞥆𞤭 𞤱𞤢𞥄𞤲'𞤣𞤵 𞤲𞤮 𞤬𞤭𞤼𞥆𞤭𞤪𞤼𞤫
𞤏𞤢𞤤𞤢𞥄 𞤳𞤮 𞤶𞤢𞤥𞥆𞤭 𞤲'𞤶𞤵𞥅𞤤𞤢𞥄𞤲'𞤣𞤭 𞤣𞤮𞤱 𞤼𞤫𞤬𞤢𞥄𞤪𞤫
𞤏𞤢𞤤𞤢𞥄 𞤳𞤮 𞤤𞤢𞤩𞤭 𞤲'𞤦𞤵𞥅𞤦𞤵 𞤧𞤢𞤳𞥆𞤮 𞤱𞤢𞤯𞤢𞤲𞤫𞥅 𞤧𞤮𞤨𞥆𞤮𞥅𞤲'𞤣𞤵
𞤏𞤢𞤤𞤢𞥄 𞤳𞤮 𞤥𞤢𞥄𞤥𞤢 𞤥𞤮𞥅𞤪𞤭𞥅 𞤧𞤢𞤳𞥆𞤮 : “𞤧𞤢𞤻𞤷𞤮 𞤫 𞤶𞤢𞤥”
𞤏𞤢𞤤𞤢𞥄 𞤳𞤮 𞤥𞤭𞤷𞥆𞤭𞥅 𞤼𞤫𞤲𞤺𞤵 𞤨𞤵𞤰𞤢𞥄𞤲'𞤺𞤵
𞤏𞤢𞤤𞤢𞥄 𞤳𞤮 𞤲'𞤺𞤵𞤰𞤵 𞤱𞤢𞤴𞤪𞤭 𞤫 𞤼𞤫𞤬𞤢𞥄𞤪𞤫 𞤧𞤢𞤳𞥆𞤮 𞤲𞤫𞤤𞤣𞤢 𞤶𞤮𞤱𞤼𞤢𞥄𞤲'𞤺𞤮
𞤏𞤢𞤤𞤢𞥄 𞤳𞤮 𞤪𞤢𞤱𞤢𞥄𞤲'𞤣𞤵 𞤱𞤢𞤴𞤪𞤭 𞤫 𞤰𞤭’𞤢𞤤 𞤧𞤢𞤳𞥆𞤮 𞤽𞤵𞥅𞤧𞤵 𞤫𞥅𞤤𞤢
𞤏𞤢𞤤𞤢𞥄 𞤳𞤮 𞤧𞤮𞤪𞤫 𞤱𞤢𞤤𞤢𞥄 𞤳𞤮 𞤧𞤮𞥅𞤪𞤼𞤫
𞤏𞤢𞤤𞤢𞥄 𞤳𞤮 𞤧𞤵𞥅𞤯𞤭 𞤬𞤢𞥄𞤲'𞤦𞤵𞤪𞤵 𞤤𞤮𞥅𞤷𞤮𞤤
𞤏𞤢𞤤𞤢𞥄 𞤳𞤮 𞤱𞤢𞥄𞤱𞤢𞥄 𞤫 𞤦𞤢𞥄𞤦𞤢 𞤥𞤵𞥅𞤯𞤮𞥅𞤱𞤮 𞤷𞤮𞤲𞤣𞤭
𞤏𞤢𞤤𞤢𞥄 𞤳𞤮 𞤱𞤮𞤲'𞤣𞤭 𞤻𞤢𞥄𞤤𞤢𞤤 𞤫 𞤳𞤭𞥅𞤼𞤫 𞤣𞤵𞤪𞤮𞥅𞤱𞤮
𞤏𞤢𞤤𞤢𞥄 𞤳𞤮 𞤴𞤢𞤸𞤪𞤭 𞤪𞤢𞤱𞤢𞥄𞤲'𞤣𞤵 𞤻𞤢𞤴𞤲'𞤺𞤢𞤤
𞤏𞤢𞤤𞤢𞥄 𞤳𞤮 𞤰𞤢𞤥𞤭 𞤧𞤢𞤤𞥆𞤢 𞤀𞤤𞥆𞤢 𞤲𞤢 𞤧𞤫𞤤𞥆𞤭
𞤏𞤢𞤲𞤢𞥄 𞤢𞥄𞤲 𞤶𞤢𞤤𞤭 𞤷𞤮𞤬𞤢𞤤 𞤣𞤫 𞤸𞤵𞤲𞤺𞤭𞥅 𞤻𞤭𞥅𞤲'𞤣𞤫
𞤏𞤢𞤲𞤢𞥄 𞤢𞤪𞤼𞤢𞥄𞤣𞤫 𞤪𞤭𞤥𞤫𞥅𞤣𞤫 𞤶𞤫𞤴 𞤢𞤲𞤣𞤵𞤣𞤫 𞤻𞤭𞥅𞤱𞤢
𞤏𞤢𞤲𞤢𞥄 𞤩𞤢𞤣𞤢𞥄𞤣𞤫 𞤲'𞤦𞤢𞤺𞥆𞤵 𞤶𞤫𞤴 𞤱𞤢𞥄𞤱𞤣𞤫 𞤱𞤢𞤥𞤣𞤫
𞤏𞤢𞤲𞤢𞥄 𞤩𞤢𞤤𞤭𞤲𞤣𞤫 𞤬𞤵𞤸, 𞤼𞤮𞤩𞤢𞤼𞤢
𞤏𞤢𞤲𞤢𞥄 𞤣𞤢𞤥𞤦𞤵𞤺𞤢𞤤 𞤲'𞤺𞤢𞤤 𞤲𞤫𞤯𞥆𞤮 𞤲𞤢𞥄𞤼𞤭𞤪𞤭 𞤢𞤣𞤵𞤲𞤢 𞤲'𞤺𞤢𞥄𞤤 𞤴𞤢𞤤𞤼𞤭𞤪𞤼𞤢
𞤏𞤢𞤲𞤢𞥄 𞤫 𞤣𞤢𞤦𞤢𞤪𞤫 𞤺𞤢𞤱𞤵𞥅𞤶𞤮 𞤺𞤫𞤪𞥆𞤢𞤤 𞤱𞤢𞤯𞤢𞤼𞤢 𞤩𞤮𞤷𞥆𞤮𞥅𞤯𞤫
𞤏𞤢𞤲𞤢𞥄 𞤬𞤮𞤼𞤵𞤣𞤫 𞤳𞤫𞥅𞤪𞤭 𞤲'𞤺𞤫𞤧𞤢 𞤶𞤫𞤴 𞤬𞤮𞤼𞤵𞤣𞤫 𞤤𞤵𞤳𞤢𞥄𞤶𞤫
𞤏𞤢𞤲𞤢𞥄 𞤬𞤵𞤤𞤩𞤫 𞤬𞤵𞤸 𞤲'𞤶𞤢𞤸𞤣𞤭 𞤸𞤮𞤺𞥆𞤮
𞤏𞤢𞤲𞤢𞥄 𞤸𞤢𞤪𞤢𞥄𞤣𞤫 𞤶𞤫𞤴 𞤸𞤢𞥄𞤪𞤢𞤲𞤣𞤫
𞤏𞤢𞤲𞤢𞥄 𞤳𞤮 𞤯𞤢𞥄𞤼𞤭 𞤬𞤵𞤸 𞤥𞤵𞥅𞤯𞤫𞤼𞤫𞥅
𞤏𞤢𞤲𞤢𞥄 𞤳𞤮 𞤶𞤢𞤤𞤦𞤢𞤼𞤢 𞤬𞤵𞤸 𞤱𞤮𞤲𞤭 𞤳𞤢𞤽𞥆𞤫
𞤏𞤢𞤲𞤢𞥄 𞤳𞤮 𞤪𞤢𞤱𞤲𞤭 𞤬𞤵𞤸 𞤱𞤮𞤲𞤭 𞤳𞤮𞤧𞤢𞤥
𞤏𞤢𞤲𞤢𞥄 𞤤𞤵𞥅𞤩𞤵𞤣𞤫 𞤴𞤮𞤨𞥆𞤭 𞤣𞤮𞥅𞤣𞤭, 𞤱𞤮 𞤸𞤢𞥄𞤯𞤵𞤣𞤫
𞤏𞤢𞤲𞤢𞥄 𞤲'𞤶𞤭𞤲𞤺𞤵 𞤼𞤮𞤪𞥆𞤢𞤼𞤢 𞤫𞤲, 𞤱𞤮 𞤩𞤫 𞤲'𞤶𞤭𞤯𞥆𞤫𞤲
𞤏𞤢𞤲𞤢𞥄 𞤲𞤮 𞤤𞤫𞤴𞤣𞤭 𞤱𞤢’𞤢𞤲𞤭 𞤼𞤫𞤨𞥆𞤫𞤪𞤫 𞤲𞤮𞥅𞤲 𞤱𞤢’𞤢𞤲𞤭 𞤴𞤭𞤼𞤫𞤪𞤫
𞤏𞤢𞤲𞤢𞥄 𞤻𞤢𞤲𞤣𞤫 𞤬𞤵𞤸 𞤷𞤮𞤺𞥆𞤵 𞤧𞤮𞤲𞤼𞤢𞤼𞤢
𞤏𞤢𞤲𞤢𞥄 𞤻𞤢𞤲𞤣𞤫 𞤬𞤵𞤸 𞤸𞤭𞥅𞤪𞤮 𞤱𞤫𞤤𞤢𞤼𞤢
𞤏𞤢𞤲𞤢𞥄 𞤻𞤢𞤲𞤣𞤫 𞤬𞤵𞤸 𞤱𞤮𞤲𞤭 𞤢𞤤𞤶𞤵𞤥𞤢𞥄𞤪𞤫
𞤏𞤢𞤲𞤢𞥄 𞤻𞤢𞤲𞤣𞤫 𞤺𞤵𞤺𞤢 𞤲'𞤣𞤫𞥅𞤲 𞤪𞤢𞤱𞤢𞥄𞤲'𞤣𞤵 𞤧𞤵𞤱𞤼𞤫𞤼𞤫𞥅
𞤏𞤢𞤲𞤢𞥄 𞤻𞤢𞤲𞤣𞤫 𞤼𞤢𞤪𞤢 𞤬𞤭𞤲𞤭, 𞤪𞤢𞤱𞤢𞥄𞤲'𞤣𞤵 𞤧𞤵𞤱𞤼𞤫𞤼𞤫𞥅
𞤏𞤢𞤲𞤢𞥄 𞤪𞤢𞤱𞤢𞥄𞤲'𞤣𞤵 𞤬𞤵𞤸 𞤲𞤢𞤲𞤺𞤢𞤼𞤢 𞤲𞤢𞤺𞥆𞤫
𞤏𞤢𞤲𞤢𞥄 𞤪𞤭𞤺𞥆𞤭𞥅𞤲'𞤣𞤫 𞤬𞤵𞤸 𞤼𞤮𞤩𞤢𞤼𞤢
𞤏𞤢𞤲𞤢𞥄 𞤱𞤵𞤻𞥆𞤭𞤲𞤭𞥅𞤲'𞤣𞤵 𞤬𞤵𞤸 𞤶𞤵𞤳𞥆𞤫𞤼𞤫𞥅
𞤏𞤢𞤻𞥆𞤢𞥄𞤪𞤫 𞤷𞤮𞤬𞤢𞤤 𞤤𞤫𞤴 𞤦𞤭𞤪𞤺𞤭
𞤏𞤢𞤻𞤭 𞤣𞤵𞤳𞤮 𞤱𞤢𞥄𞤼𞤭 𞤲'𞤣𞤫𞤪 𞤤𞤵𞥅𞤥𞤮
𞤏𞤢𞤪 𞤻𞤢𞥄𞤥𞤫𞤲 𞤱𞤢𞤲𞤢𞥄 𞤳𞤢𞤱𞤼𞤢𞤤 𞤮𞤤𞤮𞤱𞤫𞤪𞤫
𞤏𞤢𞤼𞤮 𞤶𞤢𞤩 𞤼𞤢𞤰𞤷𞤭𞤲𞤫𞥅𞤣𞤫 𞤣𞤭𞥅𞤣𞤮𞤤 𞤼𞤫𞤣𞥆𞤫𞥅𞤲'𞤺𞤢𞤤 𞤬𞤢𞥄𞤣𞤫 𞤫 𞤦𞤮𞥅𞤱𞤢𞤤 𞤳𞤮𞤴𞤫𞥅𞤪𞤢
𞤏𞤢𞤼𞥆𞤢𞤼𞤢𞥄 𞤴𞤮𞤲𞤭𞥅 𞤱𞤮𞥅𞤲'𞤣𞤮𞥅𞤪𞤫 𞤥𞤢𞤱𞤯𞤮
𞤏𞤢𞤴𞤪𞤮𞤲'𞤣𞤭𞤪𞤣𞤫 𞤲𞤢 𞤩𞤵𞤴𞤼𞤢 𞤱𞤮𞥅𞤱𞤮𞤲'𞤣𞤭𞤪𞤣𞤫
𞤏𞤫𞥅𞤤𞤮 𞤳𞤢𞤥 𞤱𞤮𞤲𞤭 𞤥𞤢𞤲𞤺𞤢𞤤 𞤻𞤢𞤱𞤵𞥅𞤶𞤭
𞤏𞤫𞥅𞤲𞤼𞤢𞥄𞤣𞤫 𞤩𞤵𞤪𞤭 𞤧𞤢𞤱𞤪𞤢𞥄𞤣𞤫
𞤏𞤫𞥅𞤼𞤭 𞤱𞤫𞥅𞤼𞤢𞤴 𞤱𞤮𞤲 𞤳𞤮 𞤸𞤫𞤣𞥆𞤭𞥅 𞤫 𞤶𞤫𞤥𞥆𞤢
𞤏𞤫𞤤𞤢 𞤯𞤫𞤥𞤲'𞤺𞤫𞤤 𞤤𞤢𞤤𞥆𞤭𞤲𞤼𞤢 𞤴𞤢𞥄𞤱𞤢 𞤼𞤫𞤨𞥆𞤫𞤤
𞤏𞤫𞤤𞤢 𞤯𞤫𞤥𞤲'𞤺𞤫𞤤 𞤥𞤢𞤶𞥆𞤭𞤲𞤼𞤢 𞤴𞤢𞥄𞤱𞤢 𞤼𞤫𞤨𞥆𞤫𞤤
𞤏𞤫𞤤𞤢 𞤯𞤫𞤥𞤲'𞤺𞤫𞤤 𞤱𞤫𞤤𞤢 𞤼𞤫𞤨𞥆𞤫𞤤, 𞤱𞤢𞤲𞤢𞥄 𞤣𞤫𞤦𞥆𞤮
𞤏𞤫𞤤𞤣𞤫 𞤸𞤮𞥅𞤪𞤫 𞤩𞤵𞤪𞤭 𞤱𞤫𞤤𞤣𞤫 𞤣𞤢𞥄𞤲'𞤣𞤫
𞤏𞤫𞤤𞤣𞤫 𞤶𞤢𞤥𞤦𞤫𞤪𞤫 𞤱𞤢𞤲𞤢𞥄 𞤱𞤫𞤤𞤣𞤫 𞤺𞤢𞤤𞥆𞤫
𞤏𞤫𞤤𞤮-𞤱𞤫𞤤𞤮 𞤸𞤢𞤯𞤭 𞤲'𞤶𞤮𞤥𞤦𞤮 𞤴𞤭𞥅𞤼𞤫𞥅𞤣𞤫
𞤏𞤭’𞤫𞥅𞤣𞤫 𞤦𞤮𞤲𞤢𞥄, 𞤼𞤢𞤱𞤪𞤫𞥅𞤣𞤫 𞤦𞤮𞤲𞤭
𞤏𞤭’𞤫𞥅𞤣𞤫 𞤲𞤢 𞤩𞤵𞤪𞤭 𞤦𞤢𞤥𞥆𞤵𞤥 𞤱𞤫𞤤𞤢𞥄 𞤲𞤢𞤲𞤵𞤣𞤫, 𞤳𞤢𞥄 𞤲𞤢 𞤱𞤫𞤤𞤭 𞤱𞤮𞤲'𞤣𞤫
𞤏𞤭'𞤢𞤲𞤮𞥅𞤥𞤢 𞤣𞤮𞤺𞥆𞤵𞤣𞤵 𞤬𞤫𞤷𞥆𞤫𞥅 , 𞤬𞤮𞤱𞤪𞤵 𞤱𞤭𞥅 𞤴𞤮𞤨𞥆𞤫𞥅 𞤱𞤮𞤲𞤢 𞤼𞤭𞤤𞤣𞤫, 𞤬𞤢𞥄 𞤩𞤭𞤤𞥆𞤭𞥅𞤯𞤮 𞤬𞤵 𞤩𞤭𞤤𞥆𞤭𞤼𞤮𞤪𞤮𞥅
𞤏𞤭'𞤢𞤲𞤮𞥅𞤥𞤢 𞤯𞤵𞤥𞤫 𞤩𞤵𞤪𞤭 𞤱𞤢𞥄𞤱𞤣𞤫 𞤻𞤵𞤯𞤢𞥄𞤣𞤫, 𞤼𞤢𞤱𞤢𞥄 𞤱𞤮 𞤯𞤮𞤱𞤺𞤭
𞤏𞤭𞥅𞤣𞤫 𞤭𞤲𞥆𞤢𞤥 𞤱𞤮 𞤼𞤵𞥅𞤦𞤢𞥄𞤳𞤵 𞤦𞤢𞥄𞤦𞤢𞤥 𞤱𞤮 𞤢𞥄𞤪𞤢𞥄𞤦𞤵 : 𞤱𞤮𞤶𞥆𞤭𞥅 𞤳𞤢 !
𞤏𞤭𞥅𞤣𞤫 𞤲𞤫𞤯𞥆𞤮 : “𞤢𞤲'𞤣𞤵 𞤱𞤢𞥄 𞤲𞤮 𞤲'𞤺𞤢𞥄-𞤥𞤭 “ 𞤯𞤵𞥅𞤥 𞤱𞤮 𞤼𞤭𞤲'𞤣𞤭𞤲𞤮𞥅𞤪𞤫 𞤨𞤵𞤴𞤯𞤮
𞤏𞤭𞥅𞤣𞤫 𞤧𞤵𞥅𞤧𞤢𞥄 𞤯𞤮𞤱𞤼𞤫, 𞤩𞤵𞤪𞤭 𞤴𞤢𞤸𞤣𞤫 𞤸𞤵𞤤𞤢 𞤬𞤮𞤪𞤻𞤮
𞤏𞤮 𞤢𞤲𞤣𞤵𞤯𞤮 𞤲𞤫𞤯𞥆𞤮 𞤱𞤢𞥄𞤱𞤭 𞤯𞤵𞤥
𞤏𞤮 𞤦𞤮𞤲𞤫𞥅𞤶𞤭 𞤧𞤢𞤨𞥆𞤮 𞤳𞤢𞤱𞤼𞤭 𞤲'𞤦𞤢𞤪𞤭 𞤦𞤢𞥄𞤦𞤢
𞤏𞤮 𞤷𞤫𞤤𞥆𞤢𞤤 𞤱𞤮𞤲𞤭 𞤸𞤮𞥅𞤪𞤫 𞤲'𞤺𞤢𞤤𞤵
𞤏𞤮 𞤣𞤢𞤦𞤢𞤪𞤫 𞤯𞤢𞤲𞥆𞤭𞤲𞤭 𞤳𞤮𞤧𞤢𞤥, 𞤳𞤢𞥄 𞤲𞤢 𞤻𞤢𞥄𞤥𞤮𞥅 𞤳𞤫𞤷𞥆𞤢𞤥
𞤏𞤮 𞤺𞤫𞥅𞤲𞤮𞤤 𞤧𞤵𞥅𞤧𞤭 𞤺𞤢𞤷𞥆𞤫
𞤏𞤮 𞤺𞤭𞤼𞤫 𞤳𞤫𞤪𞤧𞤢𞤼𞤢 𞤺𞤭𞤼𞤫
𞤏𞤮 𞤸𞤢𞤳𞥆𞤭𞤤𞥆𞤮 𞤱𞤮𞤲𞤭 𞤲𞤫𞤯𞥆𞤮
𞤏𞤮 𞤸𞤵𞤲𞤣𞤵𞤳𞤮 𞤦𞤮𞤲𞥆𞤭 𞤥𞤦𞤮𞤣𞥆𞤭
𞤏𞤮 𞤶𞤢𞤸𞤮𞥅𞤱𞤮 𞤬𞤫𞤪𞤺𞤮𞤼𞤮
𞤏𞤮 𞤳𞤢𞥄𞤶𞤭 𞤼𞤢𞤼𞤭 𞤤𞤢𞥄𞤥𞤭𞥅 𞤢𞤣𞤵𞤲𞤢𞥄𞤪𞤵 : 𞤑𞤵𞤪𞤢𞤤 𞤫 𞤑𞤢𞥄𞤤𞤭𞤧𞤭 𞤫 𞤑𞤢𞤪𞤱𞤢𞥄𞤧𞤭
𞤏𞤮 𞤳𞤢𞥄𞤪𞤯𞤮 𞤪𞤭𞤥𞤢𞤼𞤢 𞤷𞤵𞥅𞤧𞤮, 𞤷𞤵𞥅𞤧𞤮 𞤪𞤭𞤥𞤢 𞤳𞤢𞥄𞤲𞤢𞤲𞤳𞤫 , 𞤳𞤢𞥄𞤲𞤢𞤲𞤳𞤫 𞤪𞤭𞤥𞤢 𞤨𞤵𞥅𞤴𞤯𞤮
𞤏𞤮 𞤳𞤭𞤪𞤧𞤵𞤯𞤮 𞤬𞤵𞤯𞥆𞤭 𞤴𞤵𞤤𞤣𞤫 𞤲'𞤺𞤵𞤪𞤵, 𞤱𞤢𞤲𞤢𞥄 𞤳𞤵𞤼𞥆𞤵𞤯𞤮
𞤏𞤮 𞤤𞤵𞤩𞤲'𞤺𞤮𞤤 𞤲𞤢𞤲𞤺𞤢𞤼𞤢 𞤬𞤮𞤱𞤪𞤵
𞤏𞤮 𞤥𞤢𞤶𞥆𞤫𞤪𞤫 𞤸𞤢𞤩𞥆𞤭 𞤤𞤢𞥄𞤧𞤭 𞤲'𞤦𞤫𞥅𞤱𞤢
𞤏𞤮 𞤨𞤵𞤴𞤯𞤮 𞤱𞤭'𞤢𞤼𞤢 : “𞤥𞤭𞤷𞥆𞤭𞤲𞤼𞤭𞤲𞤢𞤥 𞤳𞤮𞤴𞤯𞤮𞤤 𞤢𞤥”
𞤏𞤮 𞤼𞤢𞤴𞤳𞤭𞤼𞤢𞥄𞤣𞤫 𞤱𞤢𞤣𞥆𞤭 𞤢𞤲𞤣𞤢𞤤
𞤏𞤮 𞤴𞤭𞥅𞤣𞤫 𞤱𞤢𞤣𞥆𞤢𞤼𞤢 𞤴𞤭𞤣𞥆𞤫
𞤏𞤮𞤩𞥆𞤫 𞤲'𞤺𞤢'𞤢𞥄𞤲𞤢𞥄 𞤸𞤮𞤲𞤮 𞤯𞤮𞤱𞤺𞤭 𞤲'𞤣𞤵𞤩𞥆𞤭
𞤏𞤮𞤯𞥆𞤵𞤣𞤫 𞤸𞤢𞤯𞤢𞤼𞤢𞥄 𞤲𞤢𞤲𞤢𞤲𞤫𞥅𞤣𞤫
𞤏𞤮𞤶𞤫𞤪𞤫 𞤱𞤢𞤲𞤢𞥄 𞤧𞤵𞤳𞤢 𞤻𞤭𞥅𞤱𞤢 : 𞤤𞤢𞤣𞥆𞤫 𞤼𞤢𞤲 𞤸𞤢𞤱𞤼𞤭 𞤩𞤫
𞤏𞤮𞤶𞤫𞤪𞤫 𞤱𞤢𞤻𞤢𞤼𞤢𞥄 𞤦𞤢𞤪𞤯𞤮 𞤯𞤵𞤥 𞤬𞤮𞤼𞤭 𞤦𞤢𞤳𞥆𞤭𞥅𞤯𞤮 𞤯𞤵𞤥
𞤏𞤮𞤶𞥆𞤵𞤣𞤫 𞤱𞤢𞤲𞤢𞥄 𞤬𞤢𞥄 𞤤𞤢𞥄𞤩𞤢
𞤏𞤮𞤲 𞤫 𞤶𞤢𞤱𞤣𞤭 :𞤱𞤮 𞤩𞤵𞥅𞤪𞤫 𞤷𞤢𞤺𞥆𞤢𞤤 𞤳𞤮 𞤺𞤮𞥅𞤼𞤮 𞤥𞤫𞤥𞤼𞤮𞤼𞤮𞥅
𞤏𞤮𞤲 𞤳𞤮 𞤥𞤵𞤴𞤼𞤫𞤼𞤫𞥅 𞤥𞤮𞤯𞤢𞤼𞤢𞥄𞤳𞤫
𞤏𞤮𞤲 𞤳𞤮 𞤱𞤢𞤯𞤢𞤼𞤢 𞤯𞤭𞥅𞤥𞤭𞤼𞤢𞤼𞤢𞥄
𞤏𞤮𞤲 𞤳𞤮 𞤴𞤫𞤺𞥆𞤭𞤼𞤫𞤼𞤫𞥅 𞤫 𞤱𞤭𞤲𞤣𞤫, 𞤬𞤮𞤪𞤻𞤢𞤲𞤼𞤢𞥄𞤳𞤫
𞤏𞤮𞥅𞤱𞤭 𞤳𞤢𞥄 𞤲'𞤦𞤢𞤪𞤫𞥅 𞤥𞤮 𞤱𞤮𞤲 𞤳𞤮 𞤮 𞤸𞤢𞥄𞤤𞤭, 𞤳𞤢𞥄 𞤱𞤢𞤲𞤢𞥄 𞤲'𞤦𞤢𞤪𞤫𞥅 𞤥𞤮 𞤱𞤮𞤲 𞤳𞤮 𞤮 𞤥𞤭𞥅𞤤𞤭𞥅
𞤏𞤮𞥅𞤱𞤭 𞤲𞤢𞤲𞤫𞥅𞤣𞤫 : “𞤴𞤮𞤨𞥆𞤵 𞤼𞤢𞥄 𞤧𞤫𞥅𞤳𞤢𞤲𞤢𞤥” 𞤳𞤢𞥄 𞤱𞤢𞤲𞤢𞥄 “𞤧𞤮 𞤢 𞤧𞤫𞥅𞤳𞤭𞥅 𞤲𞤭 𞤴𞤮𞤨𞥆𞤵”
𞤏𞤮𞤪𞤩𞤫 𞤲'𞤺𞤢𞤲𞤢𞥄 𞤦𞤢𞤧𞤭 𞤧𞤢𞤳𞥆𞤮 𞤥𞤢𞤱𞤲'𞤺𞤵 𞤧𞤵𞤩𞤫𞥅
𞤏𞤮𞤪𞤩𞤫 𞤱𞤮 𞤼𞤢𞤼𞤮: 𞤺𞤮𞤤𞥆𞤢 𞤧𞤢𞥄𞤱𞤪𞤢, 𞤺𞤮𞤤𞥆𞤢 𞤧𞤢𞥄𞤱𞤪𞤢𞤼𞤢𞥄, 𞤫 𞤧𞤢𞥄𞤱𞤪𞤢𞤼𞤢𞥄 𞤺𞤮𞤤𞥆𞤢𞤼𞤢𞥄
𞤏𞤮𞤧𞤢𞥄𞤣𞤫 𞤱𞤵𞤪𞤮 𞤩𞤵𞤪𞤭 𞤱𞤮𞤧𞤢𞥄𞤣𞤫 𞤦𞤫𞥅𞤪𞤮 𞤥𞤵𞤥
𞤏𞤮𞤼𞥆𞤢 𞤺𞤢𞤻𞤮 𞤥𞤢𞥄 𞤺𞤭𞤤𞥆𞤢 𞤸𞤭𞥅𞤪𞤼𞤢𞥄𞤳𞤭 𞤥𞤢
𞤏𞤵𞤷𞥆𞤢𞥄𞤲'𞤺𞤮 𞤫 𞤱𞤢𞤷𞥆𞤢𞥄𞤲'𞤺𞤮 𞤴𞤢𞥄𞤣𞤢𞤼𞤢𞥄
𞤏𞤵𞤶𞥆𞤵𞤣𞤫 𞤲'𞤦𞤢𞤺𞥆𞤵 𞤼𞤭𞥅𞤯𞤢𞥄, 𞤯𞤮 𞤣𞤢𞤪𞤮𞥅 𞤬𞤭𞤴𞤢 𞤯𞤵𞤥 𞤼𞤭𞥅𞤯𞤭
𞤏𞤵𞤶𞤮 𞤱𞤢𞤲𞤢𞥄 𞤤𞤮𞥅𞤥𞤼𞤮 𞤤𞤢𞥄𞤲𞤢 𞤲'𞤣𞤫𞤪 𞤥𞤢𞤴𞤮
𞤏𞤵𞤤𞥆𞤢𞥄𞤲'𞤺𞤮 𞤶𞤫𞤥𞥆𞤢 𞤢𞤷𞥆𞤭𞤪𞤼𞤢𞥄𞤳𞤫 𞤺𞤮𞥅𞤼𞤮
𞤏𞤵𞤪𞤮 𞤱𞤫𞤤𞤭𞥅 𞤤𞤢𞤣𞥆𞤫 𞤴𞤢𞥄𞤶𞤭𞥅, 𞤶𞤵𞥅𞤼𞤢 𞤳𞤮𞤤𞤧𞤮𞤴 𞤣𞤭𞤤𞥆𞤭𞥅
𞤏𞤵𞥅𞤪𞤢 𞤣𞤢𞤱𞤪𞤢 𞤥𞤢𞤴𞤢 𞤣𞤢𞤱𞤪𞤢 𞤱𞤢𞤤𞤢𞥄
𞤏𞤵𞤴𞤩𞤫 𞤳𞤢𞤦𞤢𞤼𞤢𞥄 𞤲𞤢 𞤻𞤢𞤲𞤣𞤫 𞤬𞤫𞤷𞥆𞤵𞤺𞤮𞤤
𞤏𞤵𞤰𞥆𞤫𞤪𞤫 𞤲𞤢 𞤱𞤢𞤪𞤢 𞤲'𞤦𞤮𞤣𞥆𞤭, 𞤣𞤫 𞤩𞤫𞤪𞤲'𞤣𞤫 𞤶𞤢𞤩𞤢𞤼𞤢𞥄


𞤎

𞤰𞤫𞥅𞤻𞤢 𞤶𞤢𞤥𞥆𞤭 𞤻𞤮’𞤢 𞤬𞤮𞤤𞥆𞤫𞤪𞤫
𞤰𞤫𞥅𞤻𞤢 𞤥𞤫𞤥𞤢 𞤪𞤫𞤺𞤮𞥅 𞤬𞤢𞤯𞤢
𞤰𞤫𞥅𞤻𞤭 𞤱𞤢𞥄𞤲'𞤣𞤫 𞤣𞤫 𞤲𞤢 𞤻𞤮’𞤢 𞤤𞤫𞤴𞤣𞤭
𞤰𞤮𞤴𞤪𞤫 𞤲𞤢 𞤱𞤭𞤲𞤣𞤢 𞤩𞤢𞤼𞤢𞥄𞤳𞤭, 𞤳𞤢𞥄 𞤶𞤢𞤲𞤺𞤢𞤼𞤢𞥄 𞤯𞤵𞤥
𞤰𞤮𞤰𞤵𞤯𞤮 𞤱𞤮𞤲𞤭 𞤥𞤮 𞤸𞤢𞤳𞥆𞤭𞤤𞥆𞤮 𞤥𞤵𞤥 𞤶𞤢𞥄𞤤𞤭𞥅 𞤩𞤫𞤪𞤲'𞤣𞤫 𞤥𞤵𞤥
𞤰𞤮𞤰𞤵𞤲'𞤣𞤵 𞤫 𞤨𞤮𞥅𞤤𞤭 𞤶𞤮𞤥𞤢𞥄𞤥𞤢 𞤫 𞤣𞤢𞥄𞤲'𞤣𞤫 .
𞤰𞤵𞤱𞤮𞥅𞤲'𞤣𞤫 𞤱𞤮𞤲 𞤳𞤢𞥄𞤲𞤢𞤲𞤳𞤫 𞤲'𞤺𞤫𞤧𞤢 𞤫 𞤤𞤢𞤣𞥆𞤫.
𞤰𞤭𞥅𞤰𞤢𞤥 𞤸𞤮𞥅𞤪𞤫 𞤱𞤮𞥅𞤬𞤢𞤼𞤢𞥄 𞤣𞤢𞥄𞤲'𞤣𞤫


𞤐

𞤐'𞤄𞤢𞥄𞤤𞤯𞤮 𞤫 𞤲'𞤣𞤮𞥅𞤲'𞤣𞤭 𞤬𞤭𞤲'𞤣𞤢𞤲 𞤫 𞤨𞤵𞤪𞤵
𞤐'𞤄𞤢𞥄𞤧𞤵𞤯𞤮 𞤩𞤮𞥅𞤧𞤢𞤼𞤢𞥄𞤳𞤫, 𞤴𞤮 𞤻𞤮𞤰𞥆𞤫𞤼𞤫
𞤐'𞤄𞤢𞥄𞤱𞤢𞥄𞤯𞤮 𞤸𞤫𞥅𞤣𞤭𞤲𞤼𞤫𞥅 𞤫 𞤤𞤢𞥄𞤧𞤭 𞤴𞤢𞤸𞤪𞤫
𞤐'𞤄𞤢𞥄𞤱𞤢𞥄𞤯𞤮 𞤴𞤭𞤯𞤢𞥄 𞤲𞤢𞤲𞤵𞤣𞤫 : " 𞤲'𞤶𞤮𞤨𞥆𞤭𞤣𞤫𞥅 𞤩𞤫 "
𞤐'𞤄𞤢𞥄𞤱𞤢𞤲 𞤥𞤭 𞤣𞤫𞤦𞤫𞤪𞤫𞥅𞤣𞤵 𞤱𞤮 𞤳𞤫𞤼𞥆𞤫𞤤 𞤫 𞤳𞤫𞥅𞤻𞤫𞤤 𞤳𞤢𞥄 𞤱𞤢𞤲𞤢𞥄 𞤦𞤵𞤧𞤢𞤤 𞤫 𞤱𞤫𞤷𞥆𞤮
𞤲'𞤦𞤢𞤦𞥆𞤢 𞤫𞤻𞤭𞥅 𞤲'𞤣𞤭𞤴𞤢𞤥, 𞤢𞤲𞤣𞤵 𞤱𞤮𞤲 𞤲'𞤺𞤮𞤲𞤯𞤢𞤥 𞤫 𞤪𞤫𞥅𞤣𞤵 𞤥𞤵𞤥
𞤐'𞤄𞤢𞤯𞥆𞤮 𞤳𞤵𞤪𞤭, 𞤢𞤲𞤣𞤭 𞤲𞤮 𞤳𞤵𞤪𞤭 𞤽𞤫𞤷𞥆𞤭𞤪𞤼𞤫𞥅
𞤐'𞤄𞤢𞤺𞥆𞤵 𞤱𞤫𞤤𞤢𞤼𞤢𞥄 𞤧𞤮𞤲𞤢𞥄 𞤸𞤮𞥅𞤪𞤫𞤥 𞤱𞤵𞤤𞤢
𞤐'𞤄𞤢𞤳𞥆𞤢𞥄𞤲'𞤣𞤭 𞤶𞤮𞤺𞥆𞤢𞤼𞤢𞥄
𞤐'𞤄𞤢𞤳𞥆𞤭𞥅𞤯𞤮 𞤲'𞤺𞤵𞤪𞤵 𞤪𞤢𞤱𞤢𞥄𞤲'𞤣𞤵, 𞤥𞤵𞤻𞤢𞤼𞤢𞥄 𞤱𞤭’𞤫𞥅𞤣𞤫 𞤳𞤢𞤪𞤶𞤢
𞤐'𞤄𞤢𞤤𞤳𞤵 𞤱𞤭𞥅 𞤴𞤭𞤼𞤫𞤪𞤫 𞤲𞤢 𞤤𞤵𞥅𞤩𞤭
𞤐'𞤄𞤢𞤲'𞤦𞤵𞤳𞤭 𞤲'𞤦𞤮𞤲𞤳𞤭 𞤸𞤢پ𞤢𞤼𞤢𞥄 𞤥𞤢𞤱𞤲𞤵𞤣𞤫
𞤐'𞤄𞤢𞤥𞤮𞥅𞤱𞤮 𞤲'𞤣𞤫𞤪 𞤸𞤭𞥅𞤪𞤮, 𞤢𞤲𞤣𞤭 𞤼𞤮 𞤪𞤫𞤧𞤢𞤼𞤢 𞤦𞤮𞤳𞤫 𞤥𞤵𞤯𞤵𞤥
𞤐'𞤄𞤢𞤥𞤮𞥅𞤱𞤮 𞤼𞤢𞤲 𞤢𞤲𞤣𞤭 𞤲𞤮 𞤮𞥅𞤻𞤭𞤪𞤼𞤢 𞤼𞤮𞤲𞤭 𞤥𞤵𞥅𞤯𞤵𞤥
𞤐'𞤄𞤢𞤻𞤢𞤲𞤢𞥄𞤲'𞤺𞤢 𞤻𞤢𞤱 𞤣𞤫 𞤥𞤢𞤴𞤭
𞤐'𞤄𞤢𞤴𞤤𞤭𞤼𞤮𞤼𞤮𞥅𞤲'𞤺𞤢𞤤 𞤥𞤮𞥅𞤰𞤢𞤼𞤢𞥄
𞤐'𞤄𞤣𞥆𞤭 𞤩𞤮𞥅𞤴𞤮𞥅𞤪𞤭 𞤱𞤵𞥅𞤪𞤣𞤫 𞤲'𞤣𞤭𞥅𞤲 𞤱𞤮𞤲𞤭 𞤩𞤮𞥅𞤴𞤮𞥅𞤪𞤭 𞤲'𞤣𞤫𞤪 𞤲'𞤺𞤢𞤴𞤳𞤢.
𞤐'𞤄𞤫𞤤𞤳𞤢 𞤣𞤮𞤱 𞤼𞤮𞤲𞤭
𞤐'𞤄𞤫𞤤𞤲'𞤣𞤭 𞤱𞤢𞤤𞤢𞥄 𞤱𞤮 𞤲'𞤦𞤮𞥅𞤱𞤢𞥄𞤲'𞤣𞤭 𞤱𞤮𞥅𞤣𞤭
𞤐'𞤄𞤫𞤤𞤵𞤯𞤮 𞤸𞤮𞥅𞤪𞤫 𞤱𞤮𞤲𞤭 𞤲'𞤶𞤭'𞤮𞥅𞤱𞤮 𞤴𞤭𞤺𞤮𞥅 𞤥𞤵𞥅𞤣𞤵𞤥 𞤱𞤢𞤳𞥆𞤢𞤼𞤭 𞤺𞤭𞤼𞤫 𞤲'𞤦𞤮𞤶𞥆𞤭
𞤐'𞤄𞤭’𞤵𞤯𞤮 𞤢 𞤬𞤢𞤴𞤭𞥅 , 𞤻𞤢𞥄𞤥𞤭𞤲𞤼𞤢𞥄 𞤥𞤢
𞤐'𞤄𞤭’𞤵𞤯𞤮 𞤥𞤢 𞤤𞤮𞥅𞤼𞤢, 𞤲𞤢 𞤴𞤭𞤯𞤭 𞤽𞤢𞤪𞤭 𞤥𞤢𞥄
𞤐'𞤄𞤭’𞤵𞤯𞤮 𞤥𞤢 𞤴𞤭𞤯𞤭𞥅 𞤥𞤢, 𞤱𞤢𞥄𞤲𞥆𞤭𞥅 𞤥𞤢
𞤐'𞤄𞤭’𞤵𞤯𞤮 𞤲𞤢 𞤱𞤢𞥄𞤱𞤭 𞤥𞤮𞤯𞤵𞤣𞤫 𞤶𞤢𞤤𞤮, 𞤲𞤢𞤲𞤺𞤢𞤲 𞤯𞤵𞤥 𞤤𞤫𞤺𞥆𞤢𞤤
𞤐'𞤄𞤭’𞤵𞤯𞤮 𞤲'𞤣𞤫𞤰𞥆𞤫𞥅, 𞤳𞤢𞤥 𞤣𞤵 𞤣𞤫𞤰𞥆𞤢𞥄𞤴
𞤐'𞤄𞤭’𞤵𞤯𞤮 𞤧𞤵𞥅𞤯𞤮𞤼𞤮 𞤩𞤫𞤪𞤲'𞤣𞤫 𞤥𞤵𞥅𞤯𞤵𞤥, 𞤼𞤢𞤥𞤨𞤢𞤲
𞤐'𞤄𞤭’𞤵𞤯𞤮, 𞤴𞤮 𞤶𞤢𞤥 𞤧𞤮𞤳𞥆𞤮 𞤫 𞤥𞤢𞥄𞤯𞤢,𞤸𞤢𞥄𞤤𞤢𞥄𞤴 𞤳𞤮 𞤦𞤮𞤲𞤭 𞤳𞤢𞥄, 𞤳𞤢 𞤻𞤢𞥄𞤯𞤭
𞤐'𞤄𞤭𞤤𞤢𞥄𞤳𞤵 𞤴𞤢𞤲𞤼𞤭𞥅 𞤫 𞤶𞤮𞥅𞤥𞤵𞤥
𞤐'𞤄𞤮 𞤶𞤢𞤤𞤭𞥅 𞤳𞤢𞥄𞤽𞤢𞥄𞤯𞤮 𞤩𞤮𞥅𞤴𞤢𞤴 𞤳𞤮 𞤴𞤭𞥅𞤯𞤵𞤥
𞤐'𞤄𞤮𞤣𞥆𞤭 𞤱𞤢𞤻𞤢𞥄𞤳𞤢𞤲𞤢𞥄 𞤺𞤭𞤤𞥆𞤢 𞤫 𞤳𞤮𞤴𞤯𞤮𞤤
𞤐'𞤄𞤮𞤯𞥆𞤵𞤯𞤮 𞤯𞤮 𞤵𞤥𞥆𞤭𞥅, 𞤩𞤢𞤣𞤮𞤼𞤮 𞤼𞤮 𞤴𞤢𞤸𞤢𞤼𞤢
𞤐'𞤄𞤮𞥅𞤱𞤳𞤢 𞤩𞤵𞤪𞤭 𞤣𞤢𞤦𞤢𞤪𞤫 𞤦𞤮𞤲'𞤣𞤫
𞤐'𞤄𞤮𞤱𞤢𞥄𞤯𞤮 𞤴𞤫𞤯𞤫𞤼𞤫𞥅
𞤐'𞤄𞤵𞤤𞥆𞤫-𞤲'𞤦𞤵𞤤𞥆𞤫 𞤱𞤢𞤪𞤢𞤴𞤲𞤢𞥄 𞤫 𞤱𞤵𞤤𞥆𞤵𞤣𞤫
𞤐'𞤄𞤵𞤥𞤲'𞤣𞤢𞤥 𞤣𞤭𞤱𞤭𞥅 𞤻𞤢𞤱 𞤺𞤭𞤼𞤫



𞤐𞤢 𞤬𞤫𞤰𞥆𞤭𞤲𞤢 𞤱𞤵𞤴𞤩𞤫 𞤲𞤢 𞤯𞤮𞥅𞤼𞤢 𞤼𞤫𞤬𞤮𞥅𞤩𞤫
𞤐𞤢 𞤸𞤢𞥄𞤲𞥆𞤮𞥅 𞤼𞤢𞤱𞤢 𞤲'𞤶𞤮𞤳𞤮𞤤𞥆𞤢𞥄𞤳𞤵 𞤲𞤢 𞤱𞤢𞤪𞤼𞤢 𞤬𞤢𞥄 𞤥𞤭 𞤸𞤢𞥄𞤤𞤢𞤲𞤢 𞤯𞤵𞤥 𞤳𞤮 𞤲𞤢𞤴𞤫𞥅𞤱𞤵 𞤺𞤮𞤤𞥆𞤭 𞤳𞤢𞤥
𞤐𞤢 𞤻𞤢𞥄𞤺𞤮𞥅 𞤲𞤢 𞤩𞤮𞤣𞤢, 𞤧𞤮 𞤸𞤮𞤳𞥆𞤢𞥄𞤳𞤢 𞤼𞤫𞥅𞤼𞤢𞤲
𞤐𞤢 𞤱𞤢𞤤𞥆𞤫𞥅 𞤣𞤫 𞤲𞤢 𞤱𞤢𞤪𞤢 𞤻𞤵𞥅𞤰𞤭
𞤐𞤢 𞤴𞤭𞤲𞤮𞥅 𞤲𞤢 𞤱𞤢𞤪𞤢 𞤯𞤵𞤥𞤫 𞤲'𞤦𞤭𞤷𞥆𞤢𞤲𞤼𞤢𞥄 𞤯𞤵𞤥 𞤲'𞤣𞤭𞤴𞤢𞤥
𞤐𞤢𞥄𞤤𞤢𞤲𞤳𞤫 𞤺𞤢𞤥𞤮𞥅𞤱𞤮 𞤳𞤮 𞤻𞤢𞤥𞥆𞤭𞤲𞤫𞥅 𞤸𞤢𞥄𞤪𞤢 𞤣𞤮𞤤𞤲𞤫𞥅
𞤐𞤢𞥄𞤲'𞤺𞤫 𞤬𞤵 𞤲𞤢 𞤸𞤢𞤼𞤭𞤲'𞤺𞤭𞤲𞤭 𞤫 𞤳𞤮𞥅𞤯𞤫
𞤐𞤢𞥄𞤲'𞤺𞤫 𞤱𞤮𞤲𞤭 𞤱𞤮𞤯𞥆𞤢 𞤱𞤵𞤤𞤢
𞤐𞤢𞥄𞤲'𞤺𞤫 𞤴𞤢𞤤𞤼𞤵𞤲'𞤺𞤫 𞤬𞤵𞤸 𞤤𞤭𞥅𞤤𞤢𞤲𞤼𞤫
𞤐𞤢𞥄𞤼𞤵𞤯𞤮 𞤳𞤮 𞤱𞤢𞤤𞤢𞤲𞤢𞥄 𞤯𞤵𞤥 𞤸𞤫𞤩𞤢𞤲 𞤳𞤮 𞤱𞤫𞤤𞤢𞥄 𞤯𞤵𞤥
𞤐𞤢𞤺𞥆𞤫 𞤱𞤢𞥄𞤱𞤢𞥄 𞤴𞤫𞤼𞥆𞤵𞤣𞤫 𞤤𞤢𞤣𞥆𞤫
𞤐𞤢'𞤭 𞤲'𞤺𞤮𞤲𞤭 𞤪𞤫𞤱𞤩𞤫 𞤩𞤢𞤽𞤮𞥅𞤩𞤫 𞤪𞤫𞤱𞤩𞤫 𞤦𞤢𞤲𞤣𞤵𞤥 𞤫𞤲
𞤙𞤢𞤤𞤮𞥅𞤥𞤢 𞤤𞤮𞤦𞥆𞤮, 𞤭𞤤𞥆𞤢 𞤬𞤢𞤶𞤭𞤪𞤭 𞤢𞤲𞤣𞤫𞤼𞤫𞥅
𞤐𞤢𞤲𞤫𞥅 𞤥𞤢𞥄𞤼𞤫𞥅 𞤳𞤮 𞤩𞤫𞤴𞤯𞤮 𞤩𞤢𞤽𞤢𞥄𞤯𞤮, 𞤱𞤵𞤤𞥆𞤢, 𞤩𞤭𞤴𞤵𞤥 𞤱𞤵𞤤𞥆𞤢
𞤐𞤢𞤲𞤣𞤵 𞤫 𞤦𞤢𞥄𞤦𞤢 𞤶𞤢𞤤𞤢𞤼𞤢𞥄 𞤩𞤭𞤯𞥆𞤮
𞤐𞤢𞤲𞤺𞤮𞥅𞤱𞤮 𞤳𞤮𞤪𞤳𞤮𞤴, 𞤧𞤮 𞤸𞤫𞤩𞤭𞥅 𞤳𞤵𞤪𞤦𞤢𞤲𞤢𞥄𞤲𞤭 𞤴𞤮𞤨𞥆𞤢𞤼𞤢𞥄
𞤐𞤢𞤲𞤺𞤵 𞤯𞤮 𞤥𞤭 𞤲𞤢𞤲𞤺𞤢 𞤯𞤮 𞤱𞤮 𞤶𞤭𞤯𞥆𞤮 𞤥𞤮𞤲𞤢𞥄𞤣𞤫
𞤐𞤢𞤲𞤮 𞤴𞤮𞥅𞤬𞤭𞥅, 𞤻𞤢𞥄𞤥𞤮 𞤶𞤮𞤺𞤢𞥄𞤳𞤭
𞤐𞤢𞤴𞤫 𞤫 𞤧𞤭𞥅𞤲'𞤺𞤫𞥅, 𞤲𞤢𞤺𞥆𞤫 𞤶𞤫𞤥𞥆𞤢 : " 𞤬𞤵𞤸 𞤱𞤮 𞤩𞤢𞤤𞤫𞥅𞤱𞤫"
𞤐𞤢𞤴𞤱𞤢𞤼𞤢𞥄 𞤥𞤢𞥄𞤴𞤢𞤼𞤢𞥄 𞤢𞤷𞥆𞤢𞤲𞤼𞤢𞥄 𞤺𞤢𞤱𞤪𞤭 𞤀𞤤𞥆𞤢
𞤐'𞤁𞤢𞥄𞤧𞤫𞤼𞤫𞥅𞤯𞤮 𞤧𞤵𞤩𞤢𞤼𞤢𞥄𞤳𞤮 𞤼𞤮 𞤪𞤫𞤱𞤲𞤫𞤼𞤫𞥅
𞤐'𞤁𞤢𞤬𞤢𞥄𞤯𞤮 𞤢𞤲𞤣𞤢𞥄 𞤳𞤢𞥄𞤪𞤯𞤮
𞤐'𞤁𞤢𞤱 𞤬𞤭𞥅𞤪𞤢𞤼𞤢𞥄 𞤣𞤫 𞤱𞤢𞥄𞤱𞤢𞥄 𞤱𞤭'𞤫𞥅𞤣𞤫 𞤱𞤢𞤲𞤢𞥄 𞤬𞤮𞥅𞤲'𞤣𞤵
𞤐'𞤁𞤫 𞤯𞤢𞥄𞤲𞤭𞥅𞤯𞤮 𞤻𞤭𞤼𞥆𞤭𞥅 𞤬𞤵𞤸, 𞤬𞤭𞤲𞤭 : 𞤧𞤢𞤦𞤵 𞤲'𞤣𞤢𞥄𞤪𞤢𞤲 𞤯𞤮 𞤱𞤮𞥅𞤼𞤢
𞤐'𞤁𞤫 𞤬𞤭𞤶𞤭𞤪𞤣𞤫 𞤱𞤢𞤪𞤭 𞤫 𞤦𞤮𞤲'𞤣𞤫 𞤬𞤵𞤸, 𞤱𞤮 𞤧𞤢𞤨𞥆𞤮 𞤲𞤢𞥄𞤼𞤭𞤣𞤢𞤼𞤢
𞤐'𞤁𞤫 𞤺𞤭𞤼𞤫 𞤰𞤵𞤱𞤭 𞤣𞤵 𞤲𞤢 𞤸𞤫𞤣𞥆𞤮 𞤤𞤵𞤺𞥆𞤫
𞤐'𞤁𞤫 𞤲𞤫𞤯𞥆𞤮 𞤴𞤢𞤱𞤭 𞤶𞤵𞥅𞤯𞤫 𞤬𞤵 𞤱𞤮 𞤯𞤫 𞤳𞤢𞤩𞥆𞤢𞤴 𞤯𞤵𞤥
𞤐'𞤁𞤫 𞤲'𞤺𞤢 𞤼𞤢𞤥𞤨𞤢𞤴 𞤲'𞤺𞤢 𞤴𞤢𞤪𞤭𞥅 𞤧𞤢𞤳𞥆𞤮 𞤲'𞤣𞤫 𞤲'𞤺𞤢 𞤼𞤢𞤥𞤨𞤭
𞤐'𞤁𞤫 𞤲'𞤺𞤵𞥅𞤪𞤲'𞤣𞤢𞤥 𞤶𞤵𞥅𞤼𞤭 𞤫 𞤲'𞤣𞤫 𞤪𞤢𞤩𞥆𞤭𞤯𞤭 𞤬𞤵 , 𞤱𞤮 𞤶𞤢𞤤𞥆𞤢 𞤧𞤢𞤳𞤭𞤼𞤮𞤼𞤮𞥅
𞤐'𞤁𞤫 𞤪𞤢𞤱𞤢𞥄𞤲'𞤣𞤵 𞤥𞤵𞥅𞤴𞤵𞤲𞤮 𞤴𞤭𞤥𞤩𞤫 𞤲𞤢𞤲𞤢 𞤣𞤢𞥄𞤲'𞤣𞤫𞤥 𞤧𞤮 𞤲𞤢 𞤱𞤮𞤬𞤢 𞤬𞤵 𞤱𞤮 𞤸𞤮𞥅𞤴𞤲𞤮𞤼𞤮
𞤐'𞤁𞤫 𞤪𞤮𞤼𞤫𞤪𞤫 𞤧𞤵𞥅𞤧𞤭 𞤫 𞤲'𞤣𞤫 𞤸𞤵𞤤𞤭 𞤬𞤵𞤸 𞤱𞤮 𞤷𞤢𞤺𞥆𞤢𞤤 𞤸𞤫𞥅𞤣𞤢𞤼𞤢
𞤐'𞤁𞤫𞤬𞤵 𞤦𞤭𞤼𞤢 𞤼𞤭𞤥𞥆𞤢𞤼𞤢𞥄 𞤧𞤮 𞤼𞤭𞤥𞥆𞤭𞥅 𞤲𞤢𞤬𞤢𞤼𞤢𞥄
𞤐'𞤁𞤫𞤥𞤢𞥄𞤲'𞤣𞤭 𞤩𞤵𞤪𞤭 𞤷𞤮𞥅𞤣𞤮𞤱𞤢𞥄𞤲'𞤣𞤭
𞤐'𞤁𞤫𞤥𞤵𞤯𞤮 𞤫 𞤲𞤢𞥄𞤲'𞤺𞤫 𞤻𞤢𞥄𞤥𞤢𞤼𞤢 𞤫 𞤯𞤮𞤱𞤺𞤭
𞤐'𞤁𞤫𞤪 𞤸𞤢𞤴𞤢𞥄 𞤸𞤢𞤴𞤢𞥄 𞤯𞤮𞥅𞤲 𞤩𞤭𞥅- 𞤱𞤮𞤶𞤫𞤪𞤫 𞤥𞤢𞤱𞤲𞤢𞤼𞤢
𞤐'𞤁𞤭𞥅𞤱𞤮𞥅𞤱𞤮 𞤥𞤮 𞤣𞤢𞤪𞤢𞤼𞤢𞥄𞤳𞤮, 𞤱𞤮𞤲 𞤲𞤢𞤲𞤺𞤮𞤱𞤮
𞤐'𞤁𞤭𞤥𞤮𞥅𞤱𞤢 𞤣𞤢𞤥𞤯𞤭 𞤲𞤢 𞤩𞤵𞤪𞤭 𞤲'𞤺𞤢 𞤸𞤵𞤦𞤢𞤼𞤢𞥄𞤳𞤫
𞤐'𞤁𞤭𞤴𞤢𞤥 𞤲'𞤣𞤮𞥅𞤳𞤢𞥄𞤯𞤢𞤥 𞤣𞤫𞤬𞤢𞤼𞤢𞥄 𞤸𞤮𞥅𞤪𞤫 𞤻𞤭𞥅𞤱𞤢
𞤐'𞤁𞤭𞤴𞤢𞤥 𞤣𞤮𞤺𞥆𞤮𞥅𞤶𞤢𞤥 𞤱𞤵𞤣𞥆𞤢𞤼𞤢𞥄
𞤐'𞤁𞤭𞤴𞤢𞤥 𞤳𞤢 𞤴𞤮 𞤥𞤢𞤴𞤮, 𞤲'𞤦𞤫𞤤𞤯𞤢𞤥 𞤱𞤮 𞤩𞤵𞤲𞤣𞤵
𞤐'𞤁𞤭𞤴𞤢𞤥 𞤤𞤢𞤥𞥆𞤢𞤼𞤢𞥄 𞤥𞤫𞥅𞤪𞤫
𞤐'𞤁𞤭𞤴𞤢𞤥 𞤤𞤮𞥅𞤼𞤢𞤼𞤢𞥄 𞤯𞤮𞤱𞤺𞤭
𞤐'𞤁𞤭𞤴𞤢𞤥 𞤱𞤮 𞤣𞤢𞤦𞥆𞤵𞤲'𞤣𞤫 𞤱𞤫𞤤𞤭 𞤳𞤢𞥄 𞤼𞤢𞤤𞤳𞤢 𞤢𞤲𞤣𞤢𞥄
𞤐'𞤁𞤮𞤲𞤼𞤮𞥅𞤪𞤭 𞤲'𞤦𞤢𞤳𞥆𞤢𞥄𞤲'𞤣𞤭 𞤶𞤮𞤺𞥆𞤢𞤼𞤢
𞤐'𞤁𞤵 𞤱𞤢𞤤𞤢𞥄 𞤤𞤫'𞤢𞤤 𞤸𞤫𞤯𞤢𞤼𞤢𞥄𞤳𞤮 "𞤢𞥄𞤴 "
𞤐𞤫𞤯𞥆𞤮 𞤢𞤲𞤣𞤢𞤼𞤢𞥄 𞤱𞤮 𞤫 𞤶𞤢𞤥 𞤱𞤮𞤲𞤭 𞤧𞤮 𞤱𞤢𞤲𞤢𞥄 𞤲'𞤣𞤫 𞤦𞤮𞤲𞤫 𞤸𞤫𞤩𞤭 𞤯𞤵𞤥
𞤐𞤫𞤯𞥆𞤮 𞤢𞤲𞥆𞤭𞤴𞤭𞥅𞤯𞤮 𞤤𞤢𞥄𞤼𞤢𞥄𞤣𞤫 𞤮 , 𞤧𞤫𞥅𞤯𞤢 𞤸𞤫𞤰𞤢𞤼𞤢𞥄 𞤯𞤵𞤥
𞤐𞤫𞤯𞥆𞤮 𞤦𞤮𞤲𞤯𞤮 𞤶𞤮𞤺𞤢𞥄𞤳𞤭𞤲𞤢𞥄 𞤧𞤢𞤴𞤮𞥅𞤶𞤭 𞤯𞤭𞤯𞤭 : 𞤩𞤮𞤪𞤲𞤮𞥅 𞤳𞤢𞥄 𞤩𞤮𞤪𞤲𞤫𞥅 𞤳𞤢𞥄
𞤐𞤫𞤯𞥆𞤮 𞤩𞤵𞤪𞤢𞤴𞤥𞤢 𞤼𞤫𞤳𞥆𞤫 𞤣𞤫 𞤩𞤵𞤪𞤫 𞤼𞤫𞤲𞤯𞤭
𞤐𞤫𞤯𞥆𞤮 𞤬𞤵 𞤺𞤫𞤪𞤫 𞤯𞤮 𞤽𞤮𞤼𞥆𞤭𞤪𞤼𞤢 𞤯𞤮𞥅𞤲 𞤤𞤫𞤤𞤮𞤪𞤼𞤮𞥅
𞤐𞤫𞤯𞥆𞤮 𞤬𞤵 𞤳𞤫𞤻𞤢𞤲𞤭𞥅𞤯𞤮 𞤲𞤢𞥄𞤼𞤵𞤣𞤫 𞤢𞤤𞤶𞤫𞤲𞥆𞤢, 𞤲𞤢𞥄 𞤱𞤢𞤪 𞤼𞤢𞤱𞤢 𞤸𞤮𞥅𞤪𞤫𞤥 𞤲𞤢 𞤣𞤢𞤪𞤭𞥅 𞤫 𞤴𞤭𞥅𞤼𞤫
𞤐𞤫𞤯𞥆𞤮 𞤬𞤵 𞤥𞤫𞤥𞤮𞥅𞤱𞤮 𞤥𞤢 𞤲𞤢 𞤥𞤫𞤼𞥆𞤢, 𞤧𞤮 𞤢 𞤥𞤢𞤴𞤭 𞤲𞤢 𞤰𞤢𞤳𞥆𞤫
𞤐𞤫𞤯𞥆𞤮 𞤬𞤵 𞤲𞤢 𞤱𞤮𞥅𞤣𞤭 𞤸𞤮𞤲𞤮𞤥 𞤧𞤮 𞤱𞤢𞤲𞤢𞥄 𞤀𞤤𞥆𞤢
𞤐𞤫𞤯𞥆𞤮 𞤬𞤵 𞤱𞤮 𞤸𞤢𞤣𞥆𞤭 𞤸𞤢𞤳𞥆𞤭𞤤𞥆𞤮 𞤥𞤵𞤥 𞤥𞤭𞥅𞤤𞤮𞤼𞤮𞥅
𞤐𞤫𞤯𞥆𞤮 𞤸𞤫𞤩𞤢𞤲 𞤼𞤮 𞤣𞤢𞤪𞤭𞥅, 𞤣𞤫 𞤦𞤢𞤱𞤤𞤢 𞤬𞤢𞥄 𞤱𞤢𞤯𞤢 𞤲'𞤺𞤵𞥅𞤬𞤮
𞤐𞤫𞤯𞥆𞤮 𞤶𞤢𞥄𞤧𞤵𞤯𞤮 𞤱𞤮 𞤣𞤮𞤲'𞤣𞤮𞤤𞤮𞥅𞤪𞤵, 𞤧𞤮𞤲𞤢𞥄 𞤩𞤭𞤤𞥆𞤫𞥅 𞤣𞤫 𞤱𞤫𞤤𞤢
𞤐𞤫𞤯𞥆𞤮 𞤶𞤮𞤺𞤮𞤪𞤯𞤮 𞤱𞤮𞤣𞥆𞤫 𞤮𞥅 𞤼𞤫𞤧𞤳𞤢𞤼𞤢𞥄𞤳𞤮 𞤻𞤭𞤽𞤮𞥅𞤪𞤫
𞤐𞤫𞤯𞥆𞤮 𞤥𞤢𞤱𞤲𞤢𞤼𞤢𞥄 𞤱𞤮 𞤧𞤫𞤤𞤢𞤲 𞤸𞤢𞥄𞤶𞤫𞥅𞤣𞤫 𞤩𞤫 𞤬𞤭𞤶𞤭𞤣𞤢𞤲𞥆𞤮𞥅
𞤐𞤫𞤯𞥆𞤮 𞤲𞤢 𞤢𞤲𞤣𞤭 𞤩𞤵𞤪𞤯𞤮 𞤦𞤢𞤥𞥆𞤵𞤥 𞤳𞤢𞥄 𞤱𞤮 𞤦𞤢𞥄𞤥𞤵𞤥 𞤲𞤭 𞤩𞤵𞤪𞤢𞤲𞤭 𞤯𞤵𞤥
𞤐𞤫𞤯𞥆𞤮 𞤲𞤢 𞤢𞤲𞤣𞤭 𞤳𞤮 𞤸𞤢𞥄𞤤𞤭 𞤣𞤫 𞤢𞤲𞤣𞤢𞥄 𞤳𞤮 𞤶𞤢𞥄𞤦𞤫𞤼𞤫𞥅
𞤐𞤫𞤯𞥆𞤮 𞤲𞤢 𞤢𞤲𞤣𞤭 𞤼𞤮 𞤪𞤭𞤥𞤢𞥄 𞤣𞤫 𞤢𞤲𞤣𞤢𞥄 𞤼𞤮 𞤥𞤢𞤴𞤢𞤼𞤢
𞤐𞤫𞤯𞥆𞤮 𞤲𞤢 𞤸𞤫𞤨𞥆𞤢 𞤻𞤢𞤤𞤢𞥄𞤯𞤫 𞤳𞤢𞥄 𞤻𞤢𞤤𞤢𞥄𞤲'𞤣𞤫 𞤬𞤵𞤸 𞤬𞤢𞤤𞤼𞤭𞥅𞤲'𞤣𞤫 𞤱𞤮 𞤩𞤵𞤴𞤼𞤢𞤲 𞤦𞤢𞤤𞤯𞤫𞤥
𞤐𞤫𞤯𞥆𞤮 𞤲𞤢 𞤸𞤵𞤯𞤢 𞤩𞤭𞤴𞤵𞤥 𞤣𞤫 𞤴𞤭𞤯𞤢𞥄 𞤶𞤢𞥄𞤦𞤫𞥅
𞤐𞤫𞤯𞥆𞤮 𞤲𞤢 𞤱𞤢𞥄𞤱𞤭 𞤭𞤼𞥆𞤵𞤣𞤫 𞤶𞤵𞤲𞤺𞤮 𞤥𞤵𞤥 𞤫 𞤶𞤵𞤲𞤺𞤮 𞤺𞤢𞤻𞤮 𞤼𞤢𞤱𞤢 𞤣𞤭𞤬𞤢𞥄𞤳𞤭
𞤐𞤫𞤯𞥆𞤮 𞤲𞤢 𞤱𞤮𞤴𞤢 𞤥𞤮 𞤢𞤲𞤣𞤢𞥄 𞤳𞤢𞥄 𞤧𞤵𞤲𞤢𞤲𞤼𞤢𞥄𞤳𞤮 𞤯œ𞤥
𞤐𞤫𞤯𞥆𞤮 𞤲𞤢 𞤴𞤢𞤪𞤢 𞤳𞤮𞤧𞤢𞤥 𞤲'𞤺𞤫 𞤣𞤵𞤪𞤮𞤱𞤢𞤴
𞤐𞤫𞤯𞥆𞤮 𞤲𞤢 𞤴𞤭𞤯𞤢 𞤥𞤮 𞤴𞤭’𞤢𞤴 𞤳𞤢𞥄 𞤱𞤮𞤳𞥆𞤭𞤼𞤢𞤼𞤢𞥄 𞤥𞤮 𞤢𞤲𞤣𞤢𞥄
𞤐𞤫𞤯𞥆𞤮 𞤱𞤢𞥄𞤱𞤢𞥄 𞤸𞤫𞥅𞤣𞤵𞤣𞤫 𞤸𞤢𞤳𞥆𞤵𞤲'𞤣𞤫 𞤷𞤫𞤼𞥆𞤢𞤤 𞤫 𞤴𞤭𞥅𞤼𞤫
𞤐𞤫𞤯𞥆𞤮 𞤱𞤢𞤻𞤭 𞤱𞤮𞤶𞤫𞤪𞤫 𞤣𞤵 𞤲𞤢 𞤢𞤲𞤣𞤭 𞤳𞤫 𞤲'𞤣𞤫 𞤱𞤢𞥄𞤰𞤭
𞤐𞤫𞤯𞥆𞤮 𞤱𞤮 𞤱𞤢𞥄𞤤𞤣𞤫 𞤥𞤵𞤥
𞤐𞤫𞤯𞥆𞤮 𞤱𞤵𞥅𞤪𞤭 𞤳𞤮 𞤸𞤢𞤳𞥆𞤵𞤲'𞤣𞤫 𞤳𞤵𞤤𞤮𞤤 𞤫 𞤯𞤢𞤥𞤭𞤲𞤢𞥄𞤪𞤫 𞤯𞤵𞥅𞤥 𞤱𞤢𞤣𞥆𞤭 𞤣𞤭𞥅𞤲𞤢
𞤐𞤫𞤯𞥆𞤮 𞤰𞤫𞥅𞤻𞤢𞤼𞤢𞥄 𞤤𞤫𞤳𞥆𞤭 𞤬𞤢𞥄 𞤸𞤫𞤩𞤢 𞤤𞤫𞤳𞥆𞤭 𞤳𞤢𞥄 𞤲𞤢 𞤰𞤫𞥅𞤻𞤢 𞤲𞤫𞤯𞥆𞤮 𞤬𞤢𞥄 𞤸𞤫𞤩𞤢 𞤲𞤫𞤯𞥆𞤮
𞤐𞤫𞤯𞥆𞤮 𞤴𞤭'𞤢𞤼𞤢𞥄𞤳𞤫 𞤯𞤮 𞤱𞤢𞤤𞤢𞥄
𞤐𞤫𞤯𞥆𞤮 𞤴𞤭𞤯𞤢𞤼𞤢𞥄𞤳𞤫 𞤥𞤫𞥅𞤪𞤫, 𞤱𞤢𞤻𞤢𞤼𞤢𞥄𞤳𞤫 𞤥𞤫𞥅𞤪𞤫
𞤐𞤫𞤯𞥆𞤮 𞤴𞤭𞤺𞤮𞤲'𞤣𞤭𞤪𞤼𞤢𞥄𞤲𞤢 𞤫 𞤱𞤢𞥄𞤲'𞤣𞤵 𞤬𞤢𞥄 𞤸𞤫𞤩𞤢 𞤼𞤢 𞤧𞤢𞤱𞤪𞤵 𞤥𞤵𞤥 𞤧𞤢𞤺𞥆𞤢
𞤐𞤫𞤤𞤩𞤫 𞤩𞤫𞤲𞤣𞤭𞥅 𞤸𞤵𞤲𞤣𞤵𞤳𞤮 𞤸𞤫𞥅𞤺𞤢𞥄𞤪𞤵 𞤻𞤢𞤱𞤭
𞤐𞤫'𞤵𞤯𞤮 𞤸𞤫𞤩𞤪𞤭𞥅 𞤣𞤭𞤥𞤵𞤯𞤮
𞤐'𞤘𞤢𞥄𞤪𞤭 𞤧𞤵𞥅𞤳𞤢𞤼𞤢𞥄𞤲𞤢𞥄 𞤫 𞤱𞤭𞤲𞤣𞤫 𞤥𞤵𞤥
𞤐'𞤘𞤢𞤯𞥆𞤮 𞤳𞤮 𞤦𞤮𞤲𞤭 𞤬𞤵, 𞤴𞤫𞤲𞥆𞤫𞥅 𞤱𞤭'𞤫𞥅 𞤪𞤢𞤱𞤢𞥄𞤲'𞤣𞤵, 𞤳𞤢𞥄 𞤪𞤢𞤱𞤢𞥄𞤲'𞤣𞤵 𞤶𞤢𞤲'𞤦𞤢𞤼𞤢𞥄𞤳𞤮 𞤴𞤭𞤺𞤮𞥅 𞤥𞤵𞥅𞤯𞤵𞤥
𞤐'𞤘𞤢𞤣𞥆𞤵𞤯𞤮 𞤥𞤢𞤴𞤣𞤫 𞤥𞤢𞥄𞤥𞤢 𞤥𞤵𞥅𞤯𞤵𞤥, 𞤳𞤢𞤥 𞤣𞤢𞤪𞤮𞤼𞤮𞥅 𞤱𞤮𞤴𞤢 𞤲'𞤣𞤫
𞤐'𞤘𞤢𞤥 𞤣𞤵𞤼𞤢𞤤 𞤬𞤭𞥅𞤪𞤭𞥅, 𞤸𞤢𞤯𞤢𞤼𞤢𞥄 𞤦𞤵𞥅𞤦𞤫𞤤 𞤣𞤵 𞤬𞤭𞥅𞤪𞤣𞤫
𞤐'𞤘𞤢𞤪𞤯𞤮 𞤲𞤢 𞤸𞤮𞤴𞤭 𞤥𞤵𞤻𞤢𞤲'𞤣𞤫
𞤐'𞤘𞤫𞥅𞤤𞤮𞥅𞤦𞤢 𞤲𞤢 𞤴𞤭’𞤢 𞤰𞤵𞤺𞤮𞥅𞤣𞤫 𞤫𞤧𞤵𞤥 𞤣𞤫 𞤴𞤭’𞤢𞤼𞤢𞥄 𞤲'𞤣𞤫 𞤥𞤵𞤥
𞤐'𞤘𞤭𞤤𞤲'𞤺𞤵 𞤲'𞤦𞤵𞥅𞤪𞤵𞤲'𞤺𞤵 𞤫 𞤯𞤢𞤯𞤮𞤤 𞤳𞤢𞤸𞤭 𞤢𞤲𞤣𞤢𞥄 𞤳𞤮 𞤱𞤫𞤤𞤭
𞤐'𞤘𞤭𞤪𞤮𞥅𞤱𞤵 𞤱𞤭𞥅 𞤧𞤮 𞤲𞤫𞤯𞥆𞤮 𞤲𞤢 𞤸𞤢𞤩𞤫𞥅 𞤬𞤵 𞤲𞤢 𞤸𞤢𞥄𞤲𞤭 𞤱𞤮𞥅𞤣𞤢 𞤯𞤮 𞤼𞤭𞤲𞥆𞤭𞥅
𞤐'𞤘𞤮𞤲𞤯𞤮 𞤲'𞤣𞤫𞤪 𞤢𞤤𞤺𞤫𞤲𞥆𞤢 𞤢𞤲𞤣𞤢𞤼𞤢𞥄 𞤧𞤮 𞤱𞤢𞤲𞤢𞥄 𞤲'𞤣𞤫 𞤴𞤢𞤤𞤼𞤭𞤲𞤢𞥄
𞤐'𞤘𞤮𞥅𞤲'𞤺𞤢 𞤯𞤮𞤱𞤺𞤭 𞤵𞤱𞤢𞤼𞤢𞥄𞤳𞤫
𞤐'𞤘𞤵’𞤵𞤳𞤢𞥄𞤯𞤮 𞤱𞤢𞥄𞤱𞤢𞥄 𞤦𞤵𞥅𞤤𞤮𞤤
𞤐'𞤘𞤵𞤤𞤵 𞤱𞤵𞤤𞤭𞥅 𞤲'𞤺𞤵𞤤𞤵
𞤐'𞤘𞤵𞤼𞥆𞤵 𞤩𞤵𞤪𞤭 𞤶𞤭𞥅𞤤𞤮𞤤
𞤐'𞤘𞤵𞥅𞤪𞤲'𞤣𞤢𞤥 𞤩𞤭𞥅 𞤢𞥄𞤣𞤢𞤥𞤢 𞤬𞤵𞤯𞥆𞤭𞤪𞤼𞤢𞥄𞤲𞤢𞥄 𞤲𞤭𞤥𞤪𞤫 𞤧𞤢𞤳𞤭𞤼𞤮𞤪𞤮𞥅 𞤲𞤭𞤥𞤪𞤫
𞤐'𞤘𞤵𞥅𞤪𞤲'𞤣𞤢𞤥 𞤱𞤮 𞤣𞤭𞤥𞤪𞤵𞤯𞤭 : 𞤲𞤢 𞤲'𞤶𞤵𞤨𞥆𞤢 𞤤𞤫𞤴𞤣𞤭 𞤲𞤢 𞤥𞤮𞤯𞤢
𞤐'𞤘𞤵𞥅𞤪𞤲'𞤣𞤢𞤥 𞤱𞤮 𞤣𞤵𞤪𞤱𞤭 𞤸𞤢𞤳𞥆𞤵𞤲'𞤣𞤫 𞤤𞤭𞤩𞤵𞤯𞤮 𞤫 𞤤𞤭𞤩𞤢𞥄𞤯𞤮
𞤐𞤭𞤤𞤢𞤤 𞤬𞤫𞥅𞤱𞤲𞤢𞤼𞤢𞥄𞤲𞤢 𞤼𞤫𞤨𞥆𞤫𞤪𞤫 𞤳𞤢𞥄 𞤬𞤫𞥅𞤱𞤲𞤢𞤼𞤢𞥄 𞤩𞤫𞥅𞤪𞤲'𞤣𞤫
𞤐𞤭𞤥𞤪𞤫 𞤫 𞤳𞤮 𞤪𞤢𞤱𞤲𞤭 𞤧𞤮 𞤲𞤢𞤲𞤣𞤭𞤲'𞤣𞤭𞤲𞤢𞥄𞤥𞤢 𞤬𞤵, 𞤲𞤭𞤥𞤪𞤫 𞤲'𞤣𞤫𞥅𞤲 𞤱𞤮𞤲𞤭 𞤼𞤫𞤳𞥆𞤢𞤴
𞤐'𞤔𞤢𞥄𞤳𞤵 𞤲𞤢 𞤱𞤫𞤤𞤭 𞤼𞤵𞥅𞤼𞤢𞥄𞤯𞤫 𞤣𞤫 𞤱𞤫𞤤𞤢𞥄 𞤼𞤫𞥅𞤱
𞤐'𞤔𞤢𞤸𞤮𞥅𞤱𞤮 𞤲𞤢 𞤢𞤲𞤣𞤭 𞤲'𞤣𞤫 𞤴𞤢𞤸𞤢𞤼𞤢, 𞤣𞤫 𞤢𞤲𞤣𞤢𞥄 𞤲'𞤣𞤫 𞤱𞤢𞤪𞤼𞤢𞤼𞤢
𞤐'𞤔𞤢𞤸𞤮𞥅𞤱𞤮 𞤼𞤢𞤸𞤼𞤮𞤼𞤮𞥅
𞤐'𞤔𞤢𞤳𞥆𞤫𞥅 -𞤲'𞤶𞤢𞤳𞥆𞤫𞥅 𞤲𞤢𞤲𞥆𞤢𞤼𞤢𞥄 𞤻𞤢𞥄𞤳𞤭 𞤫 𞤴𞤮𞤱𞤪𞤫
𞤐'𞤔𞤢𞤤𞤯𞤮 𞤸𞤮𞥅𞤪𞤫 𞤥𞤢𞤴𞤯𞤮, 𞤶𞤢𞤤𞤼𞤮𞤼𞤮
𞤐'𞤔𞤢𞤥𞤭𞤪𞤮𞥅𞤱𞤮 𞤥𞤢 𞤷𞤮𞥅𞤣𞤢𞥄 𞤨𞤵𞤷𞤫𞤤 𞤥𞤢𞤱𞤲𞤢-𞤣𞤫𞥅𞤪𞤫𞤤, 𞤱𞤢𞤤𞥆𞤢𞤼𞤢𞥄 𞤥𞤢 𞤫 𞤱𞤵𞤦𞥆𞤫𞤪𞤫
𞤐'𞤔𞤢𞤥𞤲'𞤣𞤭 𞤳𞤢𞥄𞤯𞤵𞤲'𞤣𞤭 𞤱𞤢𞤲𞤢𞥄 𞤧𞤢𞤺𞤮 𞤦𞤢𞤴𞤤𞤮 𞤱𞤢𞤲𞤢𞥄 𞤧𞤢𞤺𞤮 𞤼𞤢𞤬𞤢𞤲𞤼𞤫𞥅𞤯𞤮
𞤐'𞤔𞤢𞤲𞤺𞤵𞤯𞤮 𞤱𞤫𞤥𞤦𞤢𞥄𞤳𞤭
𞤐'𞤔𞤢𞤪𞤮𞥅𞤱𞤮 𞤳𞤵𞤧𞤵𞤱𞤢𞤤 𞤢𞤲𞤣𞤢𞥄 𞤯𞤮 𞤷𞤵𞤪𞤳𞤭𞤥 𞤸𞤢𞥄𞤯𞤢𞤼𞤢
𞤐'𞤔𞤫𞤴𞤢𞥄𞤯𞤮 𞤱𞤢𞤤𞤢𞥄 𞤳𞤮 𞤶𞤫𞤴
𞤐'𞤔𞤫𞤴𞤯𞤮 𞤲'𞤺𞤮𞥅𞤲'𞤺𞤢, 𞤣𞤢𞥄𞤲'𞤣𞤫𞤥 𞤱𞤮 𞤶𞤵𞥅𞤼𞤢𞤲
𞤐'𞤔𞤫𞤴𞤯𞤮 𞤴𞤮 𞤬𞤢𞤤𞤮𞤼𞤮
𞤐'𞤔𞤭𞤯𞥆𞤮 𞤢𞤤𞤶𞤫𞤲𞥆𞤢 𞤥𞤮 𞤴𞤭𞤯𞤢𞥄 𞤥𞤢𞤴𞤣𞤫
𞤐'𞤔𞤭𞤯𞥆𞤮 𞤤𞤮𞤤𞥆𞤵𞤣𞤫 𞤥𞤵𞤴𞤲𞤢𞤲 𞤲'𞤦𞤫𞤤𞤯𞤢𞤥
𞤐'𞤔𞤭𞥅𞤤𞤭𞥅𞤯𞤮 𞤢𞤲𞤣𞤭 𞤸𞤮𞤴𞤢𞥄𞤪𞤢
𞤐'𞤔𞤭𞤲𞤺𞤵 𞤱𞤢'𞤢𞥄𞤲𞤢𞥄 𞤸𞤮𞤲𞤮 𞤤𞤢𞤥𞤯𞤢𞤥 𞤲𞤭𞤸, 𞤲𞤫𞤯𞥆𞤮 𞤱𞤢𞥄𞤱𞤢𞥄 𞤳𞤢𞥄𞤪𞤭𞤴𞤢 𞤥𞤵𞤥
𞤐'𞤔𞤭𞤲𞤺𞤵 𞤱𞤢'𞤢𞥄𞤲𞤢𞥄 𞤸𞤮𞤲𞤮 𞤲'𞤶𞤵𞥅𞤥𞤲'𞤣𞤭 𞤼𞤮𞥅𞤳𞤢𞥄𞤲'𞤣𞤭 ; 𞤢 𞤢𞤲𞤣𞤢𞤼𞤢𞥄 𞤦𞤮𞤲𞤫𞤥 𞤧𞤮 𞤱𞤢𞤲𞤢𞥄 𞤲'𞤶𞤢𞤪𞤢
𞤐'𞤔𞤭𞤲𞤺𞤵 𞤱𞤮 𞤦𞤫𞥅𞤪𞤮 𞤨𞤵𞤴𞤯𞤮 : 𞤧𞤵𞤩𞤢𞤼𞤢𞥄𞤳𞤮 𞤯𞤮 𞤶𞤭𞤨𞥆𞤮𞤼𞤮𞥅
𞤐'𞤔𞤭'𞤮𞥅𞤱𞤮 𞤲'𞤺𞤮𞥅𞤲'𞤺𞤢 𞤣𞤫 𞤸𞤢𞥄𞤤𞤢𞤼𞤢𞥄, 𞤴𞤮 𞤧𞤫𞤴𞤼𞤢𞥄𞤲𞤭 𞤵𞤥𞥆𞤮𞤼𞤮𞥅
𞤐'𞤔𞤮’𞤪𞤵𞤯𞤮 𞤴𞤭𞤼𞤫𞤪𞤫, 𞤸𞤢𞤱𞤼𞤢𞤼𞤢𞥄𞤳𞤮 𞤦𞤢𞥄𞤦𞤢
𞤐'𞤔𞤮𞥅𞤯𞤭𞥅𞤯𞤮 𞤫 𞤸𞤮𞥅𞤪𞤫 𞤷𞤵𞥅𞤪𞤳𞤭, 𞤳𞤢𞤥 𞤶𞤫𞤴 𞤦𞤮𞤶𞥆𞤭
𞤐'𞤔𞤮𞥅𞤤𞤮𞤼𞤮𞥅𞤯𞤮 𞤬𞤢𞤴 𞤧𞤮 𞤸𞤫𞤩𞤭𞥅 𞤤𞤢𞤩𞤭 𞤲𞤢𞤲𞤺𞤢𞤲
𞤐'𞤔𞤮𞥅𞤪𞤳𞤭 𞤸𞤵𞤩𞥆𞤫𞤼𞤫𞥅
𞤐'𞤔𞤮𞥅𞤪𞤲'𞤣𞤭 𞤱𞤵𞥅𞤤𞤢𞤼𞤢𞥄𞤳𞤮
𞤐'𞤔𞤮𞤨𞥆𞤫𞥅 𞤲'𞤺𞤵𞤴𞤳𞤢 𞤲𞤢 𞤸𞤢𞤪𞤥𞤭 𞤧𞤮 𞤴𞤭𞥅𞤼𞤢𞥄𞤥𞤢 𞤲𞤢 𞤸𞤫𞤪𞤧𞤭𞤲𞤭𞥅
𞤐'𞤔𞤮𞤨𞥆𞤵𞤯𞤮 𞤯𞤮 𞤪𞤭𞤥𞤢𞥄 𞤲𞤢𞥄 𞤴𞤮𞤨𞥆𞤵 𞤯𞤮 𞤶𞤭𞤨𞥆𞤭𞥅
𞤐𞤮 𞤢𞤣𞤵𞤲𞤢 𞤱𞤢𞤴𞤤𞤮𞤪𞤭𞥅 𞤬𞤵 𞤻𞤢𞥄𞤤𞤢𞤤 𞤼𞤮𞤳𞥆𞤢𞤼𞤢𞥄 𞤪𞤢𞤱𞤢𞥄𞤲'𞤣𞤵
𞤐𞤮 𞤢𞤱𞤮𞤼𞤮𞥅𞤯𞤮 𞤴𞤭𞥅𞤪𞤭 𞤲'𞤣𞤭𞤴𞤢𞤥 𞤬𞤵, 𞤲𞤮𞥅𞤲 𞤲𞤢𞥄𞤼𞤭𞤪𞤼𞤢 𞤯𞤢𞤥
𞤐𞤮 𞤩𞤮𞤳𞥆𞤭 𞤬𞤮𞤼𞤭 𞤥𞤢𞤱𞤲𞤭𞤪𞤣𞤫 𞤬𞤵𞤸 𞤫 𞤱𞤢𞥄𞤤𞤮𞤤𞤣𞤫 𞤴𞤢𞤤𞤼𞤭
𞤐𞤮 𞤶𞤫𞤥𞥆𞤢 𞤲𞤭𞤩𞥆𞤭𞤪𞤭 𞤬𞤵, 𞤸𞤢𞤯𞤢𞤼𞤢𞥄 𞤱𞤭𞤤𞤱𞤭𞤤𞤲'𞤣𞤵 𞤸𞤫𞤩𞤵𞤣𞤫 𞤳𞤮 𞤻𞤢𞥄𞤥𞤢
𞤐𞤮 𞤳𞤮𞥅𞤧𞤢𞥄𞤶𞤮 𞤰𞤮𞤰𞤭𞤪𞤭 𞤬𞤵𞤸, 𞤲𞤢𞥄 𞤥𞤢𞤴 𞤴𞤮𞤨𞥆𞤭𞤣𞤢 𞤬𞤵𞤤𞤩𞤫 𞤫 𞤲𞤢'𞤭
𞤐𞤮 𞤤𞤢𞤣𞥆𞤫 𞤧𞤵𞤳𞥆𞤭𞤪𞤭 𞤬𞤵𞤸, 𞤺𞤭𞥅𞤪𞤫 𞤪𞤮𞤲𞤳𞤢𞤼𞤢𞥄 𞤤𞤢𞥄𞤱𞤮𞤤
𞤐𞤮 𞤲'𞤦𞤢𞤻𞤭𞤪𞤯𞤢𞥄 𞤻𞤭𞥅𞤱𞤢 𞤬𞤵𞤸, 𞤢 𞤱𞤭’𞤢𞤼𞤢𞥄 𞤸𞤫𞥅𞤱𞤢𞤼𞤢𞥄 𞤬𞤢𞤴𞤢𞤲𞤣𞤫
𞤐𞤮 𞤲'𞤣𞤮𞤲𞤼𞤮𞥅𞤪𞤭 𞤥𞤢𞤱𞤲𞤭𞤪𞤭 𞤬𞤵𞤸 𞤧𞤫𞤥𞤼𞤢𞤼𞤢𞥄 𞤣𞤢𞤪𞤢𞥄𞤣𞤫 𞤧𞤫𞤪𞤢 𞤵𞤲𞤮𞥅𞤩𞤫
𞤐𞤮 𞤲𞤫𞤯𞥆𞤮 𞤲𞤢𞤴𞤱𞤭𞤪𞤭 𞤬𞤵𞤸, 𞤼𞤢 𞤴𞤫𞤺𞥆𞤭𞤼𞤢 𞤤𞤢𞤣𞤭𞥅𞤲𞤮
𞤐𞤮 𞤲'𞤺𞤢𞤯𞥆𞤢𞥄 𞤬𞤢𞥄 𞤩𞤭𞤪𞤯𞤢𞥄 𞤤𞤫𞤱𞤤𞤢 𞤲𞤭𞤸, 𞤧𞤮 𞤢 𞤱𞤢𞤯𞤭𞥅 𞤲𞤮𞥅𞤲 𞤢 𞤩𞤭𞤪𞤢𞤲 𞤲'𞤦𞤫𞥅𞤱𞤢
𞤐𞤮 𞤲'𞤺𞤫𞤧𞤢 𞤦𞤮𞤲𞤭𞤪𞤭 𞤬𞤵𞤸, 𞤧𞤮𞤲𞥆𞤢𞤼𞤢𞥄𞤳𞤫 𞤻𞤢𞤲𞤣𞤫 𞤼𞤢𞤴𞤪𞤭
𞤐𞤮 𞤲'𞤶𞤭𞤯𞥆𞤢𞥄 𞤸𞤢𞤥𞥆𞤢𞤣𞤭 𞤥𞤢𞥄 𞤱𞤢'𞤢 𞤲𞤮𞥅𞤲, 𞤱𞤮 𞤸𞤢𞤥𞥆𞤢𞤣𞤭 𞤺𞤮𞤯𞥆𞤮 𞤱𞤢'𞤢𞤼𞤢 𞤲𞤮𞥅𞤲
𞤐𞤮 𞤲'𞤶𞤭𞤯𞤵𞤯𞤢 𞤩𞤭𞤴𞤢 𞤱𞤢’𞤢 𞤲𞤮𞥅𞤲 , 𞤱𞤮 𞤸𞤢𞤥𞥆𞤢𞤣𞤭 𞤺𞤮𞤯𞥆𞤮 𞤱𞤢’𞤢𞤼𞤢 𞤲𞤮𞥅𞤲
𞤐𞤮 𞤲𞤮𞥅𞤱𞤪𞤢 𞤩𞤮𞥅𞤴𞤭𞤪𞤭 𞤫 𞤧𞤫𞥅𞤲𞤮 𞤬𞤵𞤸, 𞤴𞤫𞤺𞥆𞤭𞤼𞤢𞤼𞤢𞥄 𞤲'𞤶𞤭𞤲𞤢𞤥
𞤐𞤮 𞤨𞤮𞤤𞥆𞤫 𞤤𞤢𞤥𞥆𞤭𞤪𞤭 𞤬𞤵𞤸, 𞤴𞤮𞤼𞥆𞤢𞤼𞤢𞥄𞤳𞤮 𞤶𞤢𞤥𞥆𞤫
𞤐𞤮 𞤱𞤫𞥅𞤲'𞤣𞤵 𞤸𞤫𞥅𞤱𞤭𞤪𞤭 𞤬𞤵𞤸, 𞤲𞤢 𞤴𞤭𞤯𞤭 𞤸𞤫𞤦𞥆𞤭𞤼𞤫𞥅𞤣𞤫
𞤐𞤮 𞤱𞤮𞤤𞤣𞤫 𞤦𞤮𞤲𞤭𞤪𞤭 𞤬𞤵𞤸, 𞤸𞤫𞤣𞥆𞤮𞤼𞤮 𞤳𞤢𞥄𞤤𞤼𞤮𞥅𞤱𞤮
𞤐𞤮 𞤱𞤮𞤤𞤣𞤫 𞤱𞤢’𞤭 𞤬𞤵𞤸, 𞤲𞤢 𞤩𞤵𞤪𞤭 𞤱𞤭𞥅𞤣𞤫 𞤴𞤢𞤸 𞤥𞤭 𞤴𞤮𞤨𞥆𞤭𞤣𞤭𞥅 𞤥𞤢 𞤫 𞤀𞤤𞥆𞤢
𞤐𞤮 𞤱𞤵𞤪𞤮 𞤱𞤮𞤯𞥆𞤭𞤪𞤭 𞤬𞤵𞤸, 𞤱𞤮𞤲𞤺𞤮 𞤲𞤢 𞤴𞤫𞥅𞤧𞤮𞤥
𞤐𞤮 𞤰𞤮𞥅𞤺𞤮𞥅𞤱𞤮 𞤩𞤮𞥅𞤴𞤭𞤪𞤭 𞤬𞤵, 𞤴𞤮 𞤱𞤢𞤣𞥆𞤵 𞤲'𞤣𞤭𞤴𞤢𞤥 𞤤𞤢𞥄𞤩𞤵𞤯𞤢𞤥
𞤐𞤮𞤱𞤪𞤵 𞤸𞤫𞤷𞥆𞤢𞤼𞤢𞥄𞤳𞤫
𞤐𞤮𞤱𞤪𞤵 𞤲𞤢 𞤲𞤢𞤲𞤢 𞤳𞤮 𞤴𞤭𞤯𞤢𞥄 𞤲𞤢𞤲𞤵𞤣𞤫
𞤐𞤮𞤱𞤪𞤵 𞤲𞤢𞤲𞤮𞥅𞤪𞤵 𞤼𞤭𞤲'𞤣𞤭𞤲𞤮𞥅𞤪𞤫 𞤤𞤮𞤦𞥆𞤫𞤪𞤫 𞤲'𞤣𞤵𞥅𞤲 𞤱𞤮 𞤫 𞤸𞤮𞥅𞤪𞤫 𞤱𞤫𞤤𞤲'𞤣𞤫 𞤬𞤵𞤯𞤢𞤼𞤢
𞤐𞤮𞤱𞤪𞤵 𞤱𞤢𞥄𞤤𞤣𞤢𞤼𞤢𞥄
𞤐𞤮𞤱𞤪𞤵 𞤱𞤢𞤣𞥆𞤢𞤲𞤼𞤢 𞤸𞤮𞥅𞤪𞤫 𞤦𞤮𞤲'𞤣𞤫
𞤲𞤮𞤴 𞤷𞤢𞤱𞤪𞤭𞤪𞤼𞤢𞥄 𞤴𞤭𞤥𞤩𞤫 𞤣𞤫 𞤢𞤲'𞤣𞤵 𞤱𞤮 𞤲'𞤺𞤵𞥅𞤲 𞤻𞤢𞤱𞤯𞤢𞥄
𞤐𞤮𞤴 𞤲'𞤺𞤢𞤯𞤫𞤼𞤫𞤲 𞤲𞤢 𞤩𞤵𞤪𞤭 𞤲𞤭𞤸 𞤲'𞤺𞤢𞤯𞤢𞤲𞤥𞤭



𞤑

𞤑𞤢𞥄𞤤𞤭𞤧𞤭 𞤱𞤮𞤲𞤭 𞤷𞤮𞤲𞤼𞤭𞤪𞤺𞤢𞤤 𞤢𞤣𞤵𞤲𞤢𞥄𞤪𞤵
𞤑𞤢𞥄𞤲𞤢𞤲𞤳𞤫 𞤦𞤮𞤲𞤢𞥄 𞤴𞤮 𞤦𞤢𞤼𞤵𞤤𞤢 𞤦𞤮𞤲𞤯𞤮 𞤦𞤮𞤲𞥆𞤢𞤼𞤢 𞤯𞤵𞤥
𞤑𞤢𞥄𞤲𞤢𞤲𞤳𞤫 𞤱𞤵𞤪𞤮 𞤴𞤮 𞤦𞤫𞥅𞤲'𞤦𞤢𞤤 𞤳𞤫𞥅𞤱𞤵𞤲'𞤺𞤢𞤤
𞤑𞤢𞥄𞤰𞤫 𞤰𞤢𞤳𞥆𞤭𞤪𞤼𞤢𞥄𞤳𞤫𞤲𞤢𞥄 𞤬𞤢𞥄 𞤺𞤢𞤱𞤪𞤭 𞤸𞤵𞤤𞤢
𞤑𞤢𞤤𞤢 𞤥𞤮𞤲𞤢 𞤣𞤵𞤻𞤫 𞤫 𞤧𞤮𞥅𞤣𞤵𞤣𞤫 𞤨𞤵𞤷𞤫𞤤 𞤥𞤢𞤱𞤲𞤢 𞤣𞤫𞥅𞤪𞤫𞤤 𞤱𞤢𞤤𞥆𞤢𞤼𞤢𞥄 𞤥𞤢 𞤫 𞤱𞤵𞤦𞥆𞤫𞤪𞤫
𞤑𞤢𞤥𞤲𞤢𞥄𞤪𞤭 𞤬𞤵𞤯𞤵𞤲'𞤣𞤭 𞤳𞤢𞤯𞥆𞤫
𞤑𞤢𞤲𞤽𞤫 𞤫 𞤶𞤢𞤳𞤢𞤱𞤢𞤤𞥆𞤫 𞤲𞤢 𞤲𞤢𞤲𞤣𞤭 𞤣𞤫 𞤱𞤢𞤲𞤢𞥄 𞤺𞤮𞥅𞤼𞤵𞤥
𞤑𞤢𞤪𞤶𞤢 𞤫 𞤲'𞤺𞤢𞤪𞤶𞤢 𞤬𞤵, 𞤱𞤮𞤧𞤢 𞤼𞤢𞥄 𞤲'𞤣𞤵 𞤽𞤢𞤼𞤫 𞤩𞤵𞤪𞤭
𞤑𞤢𞤱𞤼𞤢𞤤 𞤻𞤢𞥄𞤥𞤭 𞤲'𞤦𞤵𞤤𞤲'𞤣𞤭
𞤑𞤫𞤩𞤵𞤯𞤮 𞤸𞤫𞤲𞤣𞤵 𞤰𞤢𞤪𞤮𞤼𞤮𞥅 𞤳𞤢𞥄𞤰𞤫
𞤑𞤫𞤷𞥆𞤢𞤪𞤮 𞤱𞤭'𞤢𞤼𞤢 𞤢 𞤲𞤮𞤳𞥆𞤭𞥅 𞤴𞤫𞥅𞤧𞤮 𞤢𞤥
𞤑𞤫𞥅𞤯𞤵 𞤴𞤮 𞤣𞤵𞤤𞤵𞥅𞤪𞤵 𞤱𞤮𞥅𞤣𞤢𞤲𞤭
𞤑𞤫𞥅𞤱𞤢𞤤 𞤱𞤢𞥄𞤱𞤭 𞤷𞤵𞥅𞤧𞤢𞤤
𞤑𞤫𞥅𞤱𞤢𞤤 𞤴𞤢𞤪𞤢𞤼𞤢 𞤳𞤢𞥄𞤼𞤢
𞤑𞤫𞤤𞤻𞤫 𞤳𞤢𞤴𞤪𞤢𞤼𞤢𞥄 𞤫 𞤲'𞤦𞤮𞥅𞤩𞤮𞥅𞤱𞤮
𞤑𞤫𞤲 𞤴𞤮 𞤰𞤮𞤴𞤪𞤫 , 𞤳𞤢𞥄 𞤳𞤫𞤲-𞤳𞤫𞤪𞤫𞤲𞤳𞤫𞤲 𞤱𞤮 𞤨𞤵𞤴𞤲'𞤣𞤢𞤥
𞤑𞤫𞤨𞥆𞤭𞤳𞤢𞤪𞤮 𞤰𞤢𞤥𞤢𞤼𞤢 𞤳𞤮 𞤦𞤢𞤴𞤭𞤤𞥆𞤮 𞤼𞤢𞤬𞤢𞤼𞤢
𞤑𞤫𞤧𞤢 𞤳𞤮𞤤𞤼𞤢𞤤 𞤲𞤮𞤱𞤪𞤵
𞤑𞤫𞤧𞤫- 𞤳𞤫𞤧𞤫 𞤨𞤭𞤲𞤣𞤭 𞤳𞤢𞤯𞥆𞤫 : 𞤲𞤫𞥅𞤩𞤢𞤲 𞤣𞤫 𞤲𞤢 𞤸𞤢𞥄𞤯𞤢
𞤑𞤫𞤧𞤮 𞤫 𞤳𞤮𞤧𞤢𞤥, 𞤳𞤢𞤥 𞤳𞤮𞤧𞤢𞤥 𞤱𞤢𞤯𞤢𞤼𞤢 𞤦𞤮𞤳𞤫 𞤫 𞤣𞤮𞤼𞤫
𞤑𞤫𞤧𞤮 𞤫 𞤲'𞤶𞤫𞤲𞤣𞤭 𞤪𞤫𞤥𞤢𞤼𞤢 𞤨𞤢𞤪𞤲'𞤺𞤢
𞤑𞤭 𞤬𞤭𞥅𞤤𞤲𞤢𞥄𞤴 𞤳𞤭 𞤤𞤢𞤥𞥆𞤭𞥅 𞤧𞤢𞤳𞥆𞤮 𞤲'𞤣𞤫 𞤳𞤭 𞤬𞤭𞥅𞤤𞤲𞤭
𞤑𞤭𞤦𞤢𞥄𞤪𞤵 𞤦𞤮𞤲𞤯𞤮 𞤲𞤢 𞤩𞤵𞤪𞤭 𞤳𞤵𞤥𞤨𞤢
𞤑𞤭𞤨𞥆𞤭𞤳𞤢𞤪𞤮 𞤰𞤢𞤥𞤢𞤼𞤢 𞤳𞤮 𞤦𞤢𞤴𞤭𞤤𞥆𞤮 𞤼𞤢𞤬𞤢𞤼𞤢 𞤧𞤫𞤱𞤵𞤺𞤮𞤤 𞤥𞤵𞥅𞤯𞤵𞤥
𞤑𞤭𞤪𞤢𞤥 𞤨𞤢𞥄𞤩𞤭 𞤻𞤫𞤥𞤦𞤢𞤥 𞤨𞤢𞤤𞥆𞤢𞥄𞤯𞤫
𞤑𞤭𞤪𞤧𞤵𞤯𞤮 𞤩𞤮𞤱𞤲'𞤺𞤵 𞤱𞤢𞤤𞤢𞥄 𞤳𞤮 𞤸𞤫𞤩𞤭 𞤧𞤢𞤳𞥆𞤮 𞤲'𞤶𞤫𞤯𞤢𞥄𞤯𞤮 𞤦𞤵𞤧𞤢𞤤
𞤑𞤮 𞤢 𞤱𞤢𞥄𞤱𞤢𞤼𞤢𞥄 𞤬𞤵𞤸, 𞤢𞤷𞥆𞤵 𞤱𞤢𞥄𞤱𞤫
𞤑𞤮 𞤀𞤤𞥆𞤢 𞤼𞤢𞤺𞤭 𞤬𞤵, 𞤤𞤫𞤴𞤣𞤭 𞤩𞤵𞤪𞤭 : 𞤲'𞤣𞤫 𞤱𞤫𞥅𞤼𞤭 𞤬𞤵 𞤴𞤮 𞤩𞤫𞥅𞤣𞤮𞤼𞤮
𞤑𞤮 𞤦𞤢𞥄𞤶𞤮𞤤 𞤶𞤵𞥅𞤼𞤭 𞤬𞤵𞤸 𞤱𞤢𞥄𞤱𞤢𞥄 𞤣𞤭𞤱𞤣𞤫 𞤤𞤫𞤳𞥆𞤭
𞤑𞤮 𞤦𞤢𞤲𞤣𞤢 𞤻𞤢𞥄𞤥𞤭 𞤼𞤵𞥅𞤼𞤭 𞤲𞤢 𞤩𞤵𞤪𞤭 𞤳𞤮 𞤳𞤮𞤣𞥆𞤮 𞤥𞤢𞥄 𞤻𞤢𞥄𞤥𞤭 𞤣𞤮𞤤𞤭
𞤑𞤮 𞤩𞤢𞤱𞤤𞤭 𞤫 𞤳𞤮𞤧𞤢𞤥 𞤶𞤫𞤴𞤢𞥄𞤳𞤢 𞤸𞤫𞥅𞤲
𞤑𞤮 𞤩𞤭𞥅 𞤬𞤵𞤧, 𞤬𞤵𞤧𞤢𞤼𞤢 𞤱𞤵𞤪𞤮 !
𞤑𞤮 𞤦𞤮𞤲𞤭 𞤬𞤵 𞤩𞤵𞤪𞤢𞥄𞤴 𞤴𞤭𞥅𞤣𞤫 𞤩𞤮𞤷𞥆𞤮𞥅𞤯𞤫 𞤶𞤭𞤺𞤢𞥄𞤪𞤫, 𞤧𞤮 𞤢 𞤸𞤮𞥅𞤰𞤭𞥅 𞤦𞤢𞥄𞤦𞤢 𞤥𞤢𞤴𞤢, 𞤧𞤮 𞤢 𞤴𞤮𞤨𞥆𞤭𞥅 𞤴𞤢𞥄𞤴𞤫 𞤥𞤢𞤴𞤢
𞤑𞤮 𞤩𞤵𞤪𞤢𞥄𞤴 𞤱𞤢𞤯𞤵𞤣𞤫, 𞤩𞤵𞤪𞤢𞤼𞤢𞥄 𞤸𞤢𞥄𞤤𞤫𞥅𞤣𞤫
𞤑𞤮 𞤩𞤵𞤪𞤭 𞤷𞤵𞥅𞤪𞤳𞤭 𞤲𞤫𞤤𞤢𞤼𞤢𞥄𞤳𞤫 𞤣𞤮𞤱
𞤑𞤮 𞤩𞤵𞤪𞤭 𞤬𞤢𞤯𞤮 𞤸𞤫𞤣𞥆𞤮𞤳𞤫 𞤤𞤢𞥄𞤥𞤮𞤪𞤣𞤫
𞤑𞤮 𞤩𞤵𞤪𞤭 𞤶𞤢𞤩𞤵 𞤱𞤫𞤤𞤣𞤫 𞤱𞤢𞤤𞤢𞥄 𞤧𞤮 𞤱𞤢𞤲𞤢𞥄 𞤱𞤢𞤪 𞤬𞤢 𞤥𞤭 𞤩𞤫𞤴𞤣𞤢𞤲𞤫
𞤑𞤮 𞤩𞤵𞤪𞤭 𞤲'𞤺𞤢𞤤 𞤣𞤭𞥅𞤦𞤢𞤼𞤢 𞤲'𞤺𞤢𞤤
𞤑𞤮 𞤩𞤵𞤪𞤭 𞤧𞤢𞤧𞤢 𞤴𞤢𞤲𞤭𞥅 𞤫 𞤱𞤮𞤴𞤲'𞤣𞤵,
𞤑𞤮 𞤯𞤢𞥄𞤲𞤭𞥅𞤯𞤮 𞤫 𞤨𞤫𞥅𞤱𞤮𞤤 𞤲'𞤣𞤵𞤲𞤺𞤵 𞤲𞤢𞥄 𞤼𞤫𞤽𞤳𞤵 𞤫 𞤲'𞤺𞤵𞤤𞤫𞥅𞤬𞤭
𞤑𞤮 𞤣𞤢𞤪𞤭𞥅 𞤣𞤮𞤱 𞤤𞤫𞤴𞤣𞤭 𞤴𞤮 𞤤𞤫𞤴𞤣𞤭 𞤱𞤢𞤼𞥆𞤭𞤲𞤼𞤢
𞤑𞤮 𞤣𞤢𞤪𞤭𞥅 𞤬𞤵𞤸 𞤱𞤢𞥄𞤤𞤮𞤼𞤮
𞤑𞤮 𞤣𞤫𞤦𞥆𞤮 𞤬𞤢𞤥𞤯𞤭 𞤸𞤢𞤳𞥆𞤭𞤤𞥆𞤮 𞤬𞤵𞤸, 𞤲𞤢 𞤢𞤲𞤣𞤭 𞤳𞤮 𞤺𞤭𞤼𞤫 𞤳𞤢𞥄𞤤𞤢𞤼𞤢
𞤑𞤮 𞤣𞤫𞤦𞥆𞤮 𞤧𞤵𞥅𞤯𞤭 𞤫 𞤣𞤵𞥅𞤩𞤭𞤥 𞤬𞤵𞤸, 𞤲𞤢 𞤴𞤫𞥅𞤧𞤮 𞤥𞤵𞤥 𞤸𞤮𞤤𞥆𞤵
𞤑𞤮 𞤯𞤮𞤴𞤲'𞤺𞤮𞤤 𞤦𞤵𞤥𞤯𞤮 𞤸𞤫𞤱𞤼𞤭 ؟
𞤑𞤮 𞤣𞤵𞤼𞤫 𞤲'𞤣𞤢𞥄𞤧𞤭 𞤲'𞤶𞤮𞤨𞥆𞤭, 𞤦𞤫𞤲𞤺𞤫𞤪𞤫 𞤱𞤢𞤯𞤭 𞤱𞤫𞤤𞤫𞥅𞤲'𞤣𞤫
𞤑𞤮 𞤫𞤯𞥆𞤮 𞤢𞤲𞤣𞤭 𞤶𞤢𞤲𞤺𞤭𞤲𞤼𞤢 𞤩𞤭𞤴𞤵𞤥
𞤑𞤮 𞤫𞤯𞥆𞤮 𞤸𞤫𞤩𞤭 𞤫 𞤢𞤣𞤵𞤲𞤢𞥄𞤪𞤵 𞤬𞤵𞤸, 𞤲𞤢 𞤴𞤢𞤱𞤭 𞤧𞤮 𞤱𞤢𞤲𞤢𞥄 𞤸𞤢𞤳𞥆𞤭𞤤𞥆𞤮
𞤑𞤮 𞤬𞤢𞤤𞤼𞤭𞥅 𞤱𞤢𞤤𞤢𞥄 𞤧𞤮𞤲𞤻𞤮
𞤑𞤮 𞤬𞤫𞤲𞤢𞥄𞤲'𞤣𞤫 𞤻𞤭𞤩𞤭 𞤲𞤢𞥄 𞤲'𞤺𞤮𞥅𞤲'𞤺𞤢 𞤴𞤭𞤪𞤦𞤭𞤲 𞤯𞤵𞤥
𞤑𞤮 𞤬𞤭𞥅𞤤𞤼𞤮𞤼𞤮𞥅 𞤺𞤢𞤯𞤢 𞤧𞤵𞥅𞤣𞤵 𞤬𞤵𞤸, 𞤣𞤢𞤥𞤦𞤵𞤺𞤢𞤤 𞤬𞤭𞤤𞤮𞤼𞤮𞥅
𞤑𞤮 𞤬𞤮𞥅𞤲'𞤣𞤵 𞤢𞤲𞤣𞤭 𞤫 𞤱𞤵𞤪𞤮 𞤬𞤵𞤸 𞤶𞤫𞤥𞥆𞤢 𞤸𞤮𞤤𞥆𞤭 𞤯𞤵𞤥
𞤑𞤮 𞤺𞤮𞤪𞤳𞤮 𞤸𞤫𞤩𞤭𞤪𞤭 𞤫 𞤧𞤫𞤥𞤦𞤫 𞤲𞤢𞥄 𞤣𞤫𞤦𞥆𞤮 𞤸𞤮𞤩𞤼𞤭𞤪 𞤯𞤵𞤥 𞤫 𞤤𞤮'𞤮𞤪𞤫
𞤑𞤮 𞤺𞤮𞤪𞤳𞤮 𞤶𞤮𞤺𞤭𞥅 𞤯𞤵𞥅𞤥 𞤸𞤮𞤤𞥆𞤢𞤼𞤢 𞤣𞤫𞥅𞤳𞤵𞤥
𞤑𞤮 𞤺𞤮𞤪𞤳𞤮, 𞤱𞤢𞥄𞤤𞤢𞤲 𞤲𞤢 𞤥𞤭𞥅𞤶𞤮𞥅 𞤲𞤮𞤴 𞤤𞤢𞥄𞤥𞤮𞤪𞤼𞤮 𞤴𞤭𞤥𞤩𞤫
𞤑𞤮 𞤸𞤢𞥄𞤤𞤢𞤼𞤢𞥄𞤳𞤮 𞤬𞤵𞤸, 𞤲𞤢 𞤣𞤫𞤰𞥆𞤮𞥅
𞤳𞤮 𞤸𞤢𞥄𞤲𞤭 𞤶𞤵𞤸𞤵𞤣𞤫 𞤲𞤭 𞤳𞤮 𞤱𞤢𞤪𞤭, 𞤱𞤢𞤲𞤢𞥄 𞤳𞤮 𞤱𞤢𞤪𞤭 𞤱𞤢𞤪𞤼𞤭
𞤑𞤮 𞤸𞤢𞤯𞤢𞥄 𞤯𞤵𞥅𞤥 𞤴𞤮𞤲𞤳𞤭𞥅𞤶𞤭 𞤲'𞤶𞤭𞤯𞤭
𞤑𞤮 𞤸𞤫𞤦𞥆𞤭𞤼𞤢𞤼𞤢 𞤳𞤫𞥅𞤱𞤲'𞤺𞤢𞤤 𞤲𞤢 𞤸𞤮𞤴𞤭
𞤑𞤮 𞤸𞤫𞤯𞤮𞤼𞤢𞥄𞤳𞤮 𞤥𞤢 𞤬𞤵𞤸, 𞤸𞤫𞤯𞤢 𞤯𞤵𞤥
𞤑𞤮 𞤸𞤫𞤤𞥆𞤢𞥄 𞤯𞤵𞤥, 𞤱𞤢𞤥𞤫𞤼𞤫𞥅
𞤑𞤮 𞤸𞤭𞤤𞥆𞤭 𞤀𞤤𞥆𞤢 𞤫 𞤸𞤮𞤣𞥆𞤵 𞤪𞤢𞤱𞤢𞥄𞤲'𞤣𞤵
𞤑𞤮 𞤸𞤭𞤤𞥆𞤭 𞤨𞤢𞤸𞤮 𞤫 " 𞤸𞤫𞤴"
𞤑𞤮 𞤸𞤵𞤷𞥆𞤭 𞤴𞤫𞥅𞤧𞤮 𞤣𞤢𞤯𞤢𞤴 𞤺𞤭𞤼𞤫
𞤑𞤮 𞤸𞤵𞤲𞤣𞤵𞤳𞤮 𞤸𞤫𞤩𞤭 𞤬𞤵𞤸, 𞤯𞤫𞤥𞤲'𞤺𞤢𞤤 𞤸𞤮𞤳𞥆𞤭 𞤯𞤵𞤥
𞤑𞤮 𞤭𞤲𞤢 𞤸𞤢𞥄𞤤𞤮 𞤯𞤭𞤯𞤭 𞤤𞤫𞤱𞤪𞤵 𞤴𞤮 𞤸𞤢𞥄𞤤𞤫 𞤫 𞤺𞤮'𞤮 𞤤𞤫𞤱𞤪𞤵
𞤳𞤮 𞤶𞤢𞤤𞤮 𞤬𞤮𞥅𞤯𞤮𞤴 𞤬𞤵𞤸, 𞤱𞤢𞤣𞥆𞤢𞤲 𞤲'𞤣𞤫𞤪 𞤳𞤮𞤴𞤯𞤫 𞤶𞤮𞥅𞤥𞤵𞤥.
𞤑𞤮 𞤶𞤢𞤥𞥆𞤭 𞤲'𞤶𞤵𞥅𞤤𞤢𞥄𞤲'𞤣𞤭 𞤣𞤮𞤱 𞤼𞤫𞤬𞤢𞥄𞤪𞤫
𞤑𞤮 𞤶𞤢𞤱𞤮 𞤱𞤫𞤤𞤭 𞤬𞤵𞤸, 𞤲𞤫𞤱𞤪𞤫 𞤶𞤵𞤲𞤺𞤮 𞤩𞤵𞤪𞤭
𞤑𞤮 𞤶𞤫𞤥𞥆𞤢 𞤦𞤮𞤲𞤭 𞤬𞤵𞤸 𞤱𞤫𞥅𞤼𞤢𞤲
𞤑𞤮 𞤶𞤮𞤤𞥆𞤮 𞤸𞤫𞥅𞤱𞤭 𞤬𞤵 𞤲𞤢 𞤴𞤭𞤯𞤭 𞤸𞤫𞤦𞥆𞤭𞤼𞤫𞥅𞤣𞤫
𞤑𞤮 𞤶𞤵𞤥𞤢𞥄 𞤫 𞤶𞤵𞤥𞥆𞤢 𞤬𞤵 𞤱𞤮 𞤢𞤤𞤥𞤢𞥄𞤥𞤭 𞤶𞤫𞤴
𞤑𞤮 𞤳𞤢𞥄𞤽𞤢𞥄𞤯𞤮 𞤣𞤢𞤯𞤭 𞤬𞤵𞤸 𞤲𞤢𞥄 𞤸𞤫𞤣𞥆𞤮𞤪𞤮𞥅 𞤫 𞤯𞤵𞥅𞤪𞤢𞥄𞤤𞤭
𞤑𞤮 𞤳𞤫𞤷𞥆𞤫𞤤 𞤬𞤢𞤴𞤭 𞤬𞤵𞤸, 𞤲𞤢 𞤼𞤫𞥅𞤱𞤵 𞤥𞤵𞤥 𞤩𞤮𞥅𞤱𞤵
𞤑𞤮 𞤳𞤮𞤴𞤯𞤮𞤤 𞤸𞤮𞤳𞥆𞤭 𞤶𞤫𞤥𞥆𞤢 𞤬𞤵𞤸, 𞤧𞤮 𞤱𞤫𞥅𞤼𞤭 𞤼𞤫𞥅𞤼𞤢𞤲
𞤑𞤮 𞤤𞤢𞥄𞤱𞤮𞤤 𞤶𞤵𞥅𞤼𞤭 𞤬𞤵𞤸, 𞤱𞤮 𞤼𞤢𞤸𞤩𞤢𞤲'𞤣𞤫 𞤬𞤵𞤯𞥆𞤭𞤪𞤼𞤢.
𞤑𞤮 𞤤𞤫𞤺𞥆𞤢𞤤 𞤩𞤮𞥅𞤴𞤭 𞤲'𞤣𞤫𞤪 𞤲'𞤣𞤭𞤴𞤢𞤥 𞤬𞤵𞤸, 𞤱𞤢𞤴𞤤𞤢𞤼𞤢𞥄𞤳𞤮 𞤲𞤮𞥅𞤱𞤪𞤢
𞤑𞤮 𞤤𞤭𞥅𞤤𞤢𞥄 𞤣𞤢𞤯𞤢𞤴 𞤲𞤢𞥄𞤲'𞤺𞤫
𞤑𞤮 𞤤𞤭𞤥𞤲𞤫𞤪𞤫 𞤩𞤮𞥅𞤴𞤭 𞤣𞤮𞤱 𞤬𞤵𞤸, 𞤲𞤢𞥄 𞤱𞤢𞤪𞤼𞤵 𞤤𞤫𞤴.
𞤑𞤮 𞤤𞤵𞥅𞤩𞤭 𞤲𞤢𞤲𞤺𞤢𞤼𞤢 𞤬𞤮𞤱𞤪𞤵 .
𞤑𞤮 𞤥𞤢𞤸𞤢𞤴 𞤸𞤮𞥅𞤪𞤫, 𞤬𞤵𞤧𞤢𞤼𞤢𞥄 𞤯𞤵𞤥
𞤑𞤮 𞤥𞤢𞤱𞤩𞤫 𞤲'𞤶𞤮𞥅𞤯𞤮𞤼𞤮𞥅 𞤲'𞤶𞤭'𞤢, 𞤬𞤢𞤴 𞤲'𞤣𞤫 𞤧𞤵𞤳𞤢 𞤣𞤢𞤪𞤭𞥅 𞤴𞤭'𞤢𞤼𞤢𞥄
𞤑𞤮 𞤲'𞤦𞤢𞤯𞥆𞤭𞥅𞤯𞤮 𞤲'𞤺𞤫𞥅𞤤𞤮𞥅𞤦𞤢 𞤴𞤭𞤯𞤭 𞤫 𞤶𞤢𞥄𞤩𞤭 𞤯𞤵𞥅𞤥, 𞤴𞤮 𞤲'𞤶𞤭𞤨𞥆𞤭𞥅𞤯𞤮 𞤸𞤫𞤩𞤢𞤼𞤢 𞤯𞤵𞤥
𞤑𞤮 𞤲'𞤦𞤫𞥅𞤱𞤢 𞤱𞤢𞤯𞤭 𞤲'𞤺𞤢𞤱𞤣𞤭 𞤬𞤵𞤸, 𞤴𞤭’𞤢𞤲 𞤫 𞤲'𞤺𞤵𞤪𞤵 𞤥𞤵𞤥 𞤑𞤮 𞤥𞤫𞤲 𞤯𞤵𞥅𞤥, 𞤱𞤮 𞤸𞤢𞥄𞤤𞤣𞤵𞤲𞤮𞥅𞤩𞤫 𞤼𞤢𞤲 𞤢𞤲𞤣𞤭 𞤳𞤮 𞤧𞤵𞥅𞤯𞤭𞥅 𞤯𞤮𞥅𞤲
𞤑𞤮 𞤥𞤭𞥅𞤤𞤭𞥅 𞤯𞤵𞤥 𞤳𞤢 𞤲𞤢𞤲𞤢𞥄𞤳𞤢
𞤑𞤮 𞤥𞤮𞤤𞤵 𞤥𞤵𞤴𞤲𞤭, 𞤯𞤵𞥅𞤥 𞤣𞤮𞤺𞥆𞤢𞤼𞤢
𞤑𞤮 𞤥𞤵𞤻𞤢 𞤥𞤵𞤪𞤧𞤢𞥄𞤳𞤢
𞤑𞤮 𞤲𞤢𞥄𞤼𞤭 𞤲'𞤣𞤵 𞤦𞤢𞥄𞤤𞤭, 𞤢𞤷𞥆𞤢𞤼𞤢𞥄 𞤲'𞤣𞤵 𞤦𞤫'𞤭 𞤧𞤢𞤳𞥆𞤮 𞤲'𞤣𞤵 𞤺𞤫𞤪𞤼𞤮𞥅𞤯𞤫
𞤑𞤮 𞤲𞤢𞤺𞥆𞤫 𞤻𞤢𞥄𞤥𞤭 𞤯𞤵𞥅𞤥, 𞤩𞤭𞤴𞤵𞤥 𞤥𞤵𞤴𞤲𞤢𞤼𞤢
𞤑𞤮 𞤲𞤢𞤲𞤣𞤭 𞤱𞤢𞤯𞤫𞤼𞤫𞥅 𞤧𞤢𞤬𞤢𞥄𞤪𞤫, 𞤳𞤢𞥄 𞤧𞤮 𞤸𞤫𞥅𞤱𞤭𞥅 𞤱𞤮 𞤼𞤮𞤪𞥆𞤢𞤲
𞤑𞤮 𞤲𞤫𞤯𞥆𞤮 𞤢𞥄𞤱𞤭 𞤯𞤵𞤥, 𞤬𞤵𞤯𞤭𞤲𞤼𞤢
𞤑𞤮 𞤲𞤫𞤯𞥆𞤮 𞤩𞤮𞥅𞤴𞤭 𞤶𞤵𞤤𞤼𞤢𞤤 𞤬𞤵𞤸, 𞤩𞤫𞤪𞤲'𞤣𞤫𞤥 𞤤𞤵𞤼𞥆𞤢𞤼𞤢𞥄
𞤑𞤮 𞤲𞤫𞤯𞥆𞤮 𞤸𞤫𞤩𞤭 𞤬𞤵𞤸 𞤱𞤮 𞤴𞤭𞤥𞤩𞤫 𞤩𞤵𞤪𞤭
𞤑𞤮 𞤲𞤫𞤯𞥆𞤮 𞤧𞤵𞥅𞤧𞤭 𞤬𞤵𞤸, 𞤻𞤢𞤥𞤢𞥄𞤲'𞤣𞤫 𞤱𞤢𞥄𞤱𞤭 𞤯𞤵𞤥
𞤑𞤮 𞤲𞤫𞤯𞥆𞤮 𞤴𞤭𞤯𞤭 𞤩𞤢𞤽𞤵𞤣𞤫 𞤬𞤵𞤸, 𞤩𞤢𞤽𞤢𞤼𞤢𞥄 𞤥𞤢𞥄𞤥𞤢 𞤥𞤵𞤥
𞤑𞤮 𞤲𞤫𞤯𞥆𞤮 𞤴𞤭𞤯𞤭 𞤼𞤫𞥅𞤱 𞤬𞤵𞤸, 𞤰𞤢𞤳𞥆𞤢𞤼𞤢𞥄 𞤯𞤫𞤥𞤲'𞤺𞤢𞤤 𞤥𞤵𞤥
𞤑𞤮 𞤲'𞤺𞤵𞤰𞤵 𞤩𞤮𞥅𞤴𞤭 𞤬𞤵𞤸, 𞤱𞤮𞤲𞤼𞤢𞤼𞤢𞥄 𞤶𞤫𞤴𞤢𞤤
𞤑𞤮 𞤲𞤭𞤥𞤪𞤫 𞤸𞤵𞤤𞤩𞤭𞤲𞤭𞥅 𞤬𞤵𞤸, 𞤱𞤮 𞤲𞤫𞤯𞥆𞤮 𞤩𞤵𞤪𞤭 𞤸𞤵𞤤𞤩𞤭𞤲𞤢𞥄𞤣𞤫
𞤑𞤮 𞤲'𞤶𞤢𞤸𞤼𞤢𞥄 𞤢𞤯𞤢 𞤴𞤫𞥅𞤰𞤮, 𞤢𞤪𞤣𞤭𞤲 𞤯𞤵𞤥 𞤽𞤮𞤼𞥆𞤢𞥄
𞤑𞤮 𞤻𞤮𞤤𞤭 𞤤𞤵𞥅𞤩𞤢𞤲
𞤑𞤮 𞤻𞤢𞥄𞤥𞤭 𞤱𞤢𞥄𞤲'𞤣𞤵 𞤢𞤷𞥆𞤢𞤼𞤢𞥄 𞤪𞤢𞤱𞤢𞥄𞤲'𞤣𞤵
𞤑𞤮 𞤻𞤢𞤤𞤮𞥅𞤥𞤢 𞤪𞤭𞤥𞤭 𞤬𞤵𞤸 𞤣𞤢𞥄𞤰𞤢𞤲𞤼𞤫
𞤑𞤮 𞤽𞤮𞤻𞤮𞤼𞤮𞥅 𞤯𞤮 𞤰𞤭’𞤫 𞤣𞤢𞥄𞤲'𞤣𞤫 𞤴𞤭𞤯𞤭 𞤯𞤵𞥅𞤥 𞤸𞤮𞤴𞤢𞥄, 𞤧𞤢𞤦𞤵 𞤲𞤢 𞤴𞤭𞤯𞤭 𞤻𞤭𞥅𞤰𞤫 𞤷𞤫𞤱𞤯𞤫 𞤷𞤫𞥅𞤩𞤵𞤯𞤫 𞤶𞤢𞥄𞤶𞤵𞤯𞤫 𞤳𞤢𞤼𞤭𞤲 𞤼𞤢𞤱𞤫𞥅 𞤯𞤫 𞤩𞤵𞤪𞤭 𞤻𞤭𞥅𞤰𞤫 𞤬𞤵 𞤱𞤮𞥅𞤯𞤵𞤣𞤫
𞤑𞤮 𞤪𞤫𞥅𞤣𞤵 𞤱𞤢𞥄𞤱𞤭 𞤶𞤮𞤺𞤢𞥄𞤣𞤫 𞤸𞤫𞤰𞤢𞤼𞤢𞥄 𞤫 𞤸𞤵𞤲𞤣𞤵𞤳𞤮
𞤑𞤮 𞤪𞤫𞤱𞤩𞤫 𞤻𞤢𞥄𞤰𞤭𞤪𞤺𞤼𞤢 𞤯𞤵𞥅𞤥, 𞤱𞤮𞤪𞤩𞤫 𞤳𞤵𞤼𞥆𞤮𞤪𞤼𞤮𞥅
𞤳𞤮 𞤪𞤭𞥅𞤱𞤲𞤮𞥅 𞤺𞤮𞤪𞤢𞤤 𞤧𞤮 𞤣𞤢𞤪𞤢𞥄𞤳𞤭, 𞤼𞤢 𞤺𞤮𞤪𞤢𞤤 𞤣𞤢𞤪𞤮𞥅
𞤑𞤮 𞤧𞤢𞥄𞤥𞤭 𞤬𞤵𞤸 𞤸𞤫𞤩𞤢𞤲 𞤳𞤮 𞤧𞤵𞤩𞤭 𞤯 𞤵𞤥
𞤑𞤮 𞤧𞤢𞤳𞤭𞤼𞤮𞤼𞤮𞥅 𞤥𞤢𞤴𞤣𞤫 𞤫 𞤺𞤮𞤪𞤳𞤮 𞤱𞤮 𞤩𞤫𞤪𞤲'𞤣𞤫,
𞤑𞤮 𞤧𞤢𞤳𞤮 𞤧𞤢𞤳𞥆𞤢𞤲𞤭, 𞤳𞤮 𞤷𞤢𞤳𞥆𞤭𞤲𞤭𞥅𞤯𞤮 𞤲𞤮𞥅𞤼𞤢𞤲𞤭𞥅
𞤑𞤮 𞤧𞤢𞤤𞤥𞤭𞤲𞤭𞤥𞤢 𞤱𞤢𞤴𞤲𞤫𞤼𞤫
𞤑𞤮 𞤧𞤭𞤳𞥆𞤭𞤼𞤭𞤪𞤢𞥄 𞤱𞤫𞤤𞤭𞥅 𞤲𞤢𞥄 𞤱𞤫𞤤𞤢𞤴 𞤬𞤵𞤸, 𞤱𞤮 𞤱𞤫𞤤𞤢𞤴
𞤑𞤮 𞤧𞤮𞤨𞥆𞤢𞥄 𞤫 𞤤𞤫𞤳𞥆𞤭 𞤬𞤵𞤸, 𞤱𞤮 𞤸𞤮𞤲𞤮 𞤯𞤵𞥅𞤥 𞤱𞤭𞤤𞤭𞤼𞤢𞤼𞤢 𞤯𞤮𞥅𞤲
𞤑𞤮 𞤼𞤭𞤺𞥆𞤭𞤼𞤫𞤼𞤫𞤲𞤮𞥅 𞤧𞤮 𞤧𞤢𞥄𞤥𞤭𞥅, 𞤲'𞤦𞤫𞤤𞤳𞤮’𞤵 𞤺𞤭𞤼𞤫 𞤸𞤫𞤩𞤢𞥄𞤥𞤢
𞤑𞤮 𞤼𞤭𞤤𞤢𞤴 𞤱𞤢𞤯𞤭 𞤧𞤫𞤥𞤼𞤭𞤲𞤢𞥄𞤳𞤭
𞤑𞤮 𞤼𞤮𞥅𞤱𞤭 𞤬𞤵𞤸 𞤳𞤮 𞤶𞤭𞥅𞤥𞤼𞤭 𞤯𞤵𞤥
𞤑𞤮 𞤱𞤢𞤯𞤢 𞤱𞤢𞤼𞥆𞤢 𞤶𞤢𞤲𞤺𞤭𞤲𞤼𞤢 𞤨𞤵𞤴𞤯𞤮
𞤑𞤮 𞤱𞤢𞤣𞥆𞤭 𞤲'𞤣𞤮𞤺𞥆𞤫𞤲 𞤧𞤢𞤳𞥆𞤮 𞤲'𞤣𞤢𞤪𞤮𞤯𞤫𞤲
𞤑𞤮 𞤱𞤢𞤯𞤫𞤼𞤫𞥅 𞤸𞤭𞤪𞤢𞥄𞤲'𞤣𞤫 𞤸𞤢𞥄𞤲𞤢𞥄 𞤶𞤫𞤲𞤺𞤵𞤣𞤫
𞤑𞤮 𞤱𞤢𞤯𞤭 𞤣𞤫 𞤦𞤮𞤲𞤺𞤵𞥅𞤶𞤮 𞤱𞤢𞤯𞥆𞤮𞥅 𞤼𞤵𞥅𞤯𞤮𞥅𞤱𞤢
𞤑𞤮 𞤱𞤢𞤤𞤢𞥄 𞤫 𞤼𞤭𞥅𞤲'𞤣𞤫 𞤸𞤫𞤩𞤭𞤪𞤼𞤢𞥄𞤳𞤫 𞤼𞤫𞤨𞥆𞤫𞤪𞤫
𞤑𞤮 𞤱𞤢𞤪𞤢𞤲𞤭 𞤧𞤵𞤳𞥆𞤢 𞤳𞤮’𞤫𞤤 𞤱𞤢𞤪𞤢𞤲𞤢𞤲 𞤤𞤢𞥄𞤩𞤢 𞤳𞤮’𞤫𞤤
𞤑𞤮 𞤱𞤢𞤪𞤢𞤼𞤢 𞤤𞤫𞤳𞥆𞤭 𞤯𞤵𞥅𞤥 , 𞤫 𞤥𞤵𞥅𞤯𞤵𞤥 𞤱𞤵𞥅𞤪𞤼𞤮𞤼𞤮𞥅
𞤑𞤮 𞤱𞤢𞤪𞤭 𞤦𞤢𞥄𞤦𞤢 𞤲𞤢 𞤺𞤫𞥅𞤤𞤮𞥅 𞤦𞤢𞤨𞥆𞤢𞥄𞤻𞤮
𞤑𞤮 𞤱𞤢𞤪𞤭 𞤬𞤵𞤸 𞤬𞤢𞤤𞤼𞤮𞤳𞤫
𞤑𞤮 𞤱𞤢𞤪𞤭 𞤺𞤫𞤧𞤫 𞤴𞤮𞤼𞥆𞤮𞤳𞤫 𞤸𞤭𞤩𞤫𞥅𞤪𞤫
𞤑𞤮 𞤱𞤫𞤤𞤭 𞤼𞤢𞤲 𞤣𞤵𞥅𞤥𞤢𞤼𞤢𞥄𞤳𞤮
𞤑𞤮 𞤱𞤫𞤤𞤲𞤭 𞤼𞤮𞥅𞤤𞤮 "𞤱𞤮 𞤦𞤮𞤩𞥆𞤢𞤲𞤢𞤥 𞤥𞤭 𞤦𞤮𞤩𞥆𞤢𞤲𞤫 "
𞤑𞤮 𞤱𞤮𞤲𞤭 𞤫 𞤤𞤫’𞤢𞤤 𞤬𞤵𞤸, 𞤲𞤢 𞤶𞤵𞥅𞤯𞤫 𞤲'𞤶𞤭𞥅𞤼𞤵
𞤑𞤮 𞤱𞤮𞥅𞤱𞤭 𞤳𞤢𞥄 𞤲𞤭, 𞤣𞤢𞤪𞤢 𞤥𞤭 𞤻𞤮’𞤢𞤲𞤫, 𞤳𞤢𞥄 𞤱𞤢𞤲𞤢𞥄 𞤬𞤵𞤳𞥆𞤢 𞤬𞤢 𞤥𞤭 𞤻𞤮’𞤢𞤲𞤫
𞤑𞤮 𞤱𞤵𞤦𞥆𞤢𞤼𞤢 𞤱𞤢𞤪𞤣𞤫 𞤸𞤢𞥄𞤲𞤢𞥄 𞤶𞤢𞤳𞥆𞤭𞤼𞤮𞤪𞤫𞥅 𞤲'𞤦𞤫𞤷𞥆𞤢𞤥 .
𞤑𞤮 𞤱𞤵𞤤𞤭 𞤬𞤵 𞤲𞤢𞥄 𞤬𞤫𞥅𞤱𞤵
𞤑𞤮 𞤰𞤢𞤳𞥆𞤫𞤼𞤫𞥅 𞤲𞤢 𞤸𞤫𞤣𞥆𞤢𞤲𞤫𞥅 𞤳𞤮 𞤥𞤮𞤯𞤫𞤼𞤫𞥅
𞤑𞤮 𞤰𞤢𞤳𞥆𞤭 𞤶𞤢𞤤𞤮 𞤫 𞤶𞤢𞤥𞤦𞤫𞤪𞤫 𞤴𞤮𞤨𞥆𞤢𞤼𞤢𞥄 𞤺𞤭𞤪𞤭𞥅𞤶𞤫
𞤑𞤮 𞤴𞤭𞤥𞤩𞤫 𞤻𞤮’𞤢𞤼𞤢 𞤯𞤵𞥅𞤥 𞤨𞤵𞥅𞤴𞤯𞤮 𞤳𞤢 𞤴𞤫𞥅𞤱𞤼𞤭𞤪𞤼𞤢
𞤑𞤮’𞤫 𞤯𞤭𞤯𞤭 𞤳𞤢𞤱𞤼𞤢𞤼𞤢𞥄 𞤩𞤢𞤲𞤣𞤵 𞤱𞤮𞥅𞤼𞤵𞤪𞤵
𞤑𞤮𞤣𞥆𞤢𞤤 𞤱𞤮 𞤢𞤲𞤣𞤢𞤤 𞤳𞤢𞥄 𞤳𞤮𞤣𞥆𞤭𞤼𞤢𞤤 𞤱𞤮 𞤣𞤵𞤽𞤢𞤴
𞤑𞤮𞤣𞥆𞤢𞤤 𞤱𞤮𞤲𞤭 𞤣𞤢𞥄𞤩𞤮𞤲'𞤣𞤭𞤪𞤢𞤤
𞤑𞤮𞤣𞥆𞤫 𞤲'𞤺𞤢𞤤𞤢𞥄 𞤫 𞤻𞤢𞥄𞤥𞤣𞤢𞤤
𞤑𞤮𞤯𞤮 𞤧𞤵𞤦𞤢𞤳𞤢, 𞤶𞤮𞤥 𞤧𞤢𞥄𞤪𞤫 𞤳𞤭𞥅𞤳𞤭𞥅𞤯𞤫
𞤑𞤮𞤯𞤮 𞤱𞤢𞤪𞤢𞤲 𞤱𞤮 𞤥𞤭𞤧𞤳𞤭𞥅𞤲𞤭, 𞤱𞤫𞥅𞤪𞤼𞤢𞤲𞤫𞥅 𞤬𞤮𞥅𞤯𞤢 𞤤𞤢𞥄𞤥𞤵, 𞤥𞤮𞤰𞥆𞤫𞥅 𞤸𞤮𞥅𞤼𞤢 𞤱𞤮 𞤥𞤢𞥄𞤦𞤮
𞤑𞤮𞤳𞥆𞤵𞤯𞤮 𞤳𞤮 𞤶𞤮𞤺𞤭𞥅 𞤯𞤢𞤱𞤢𞤴
𞤑𞤮𞤲𞤺𞤮𞤤 𞤺𞤮𞥅𞤲'𞤺𞤢 𞤱𞤮 𞤥𞤢𞤶𞤢𞤤 𞤩𞤫𞤪𞤲'𞤣𞤫
𞤑𞤮𞤲𞤺𞤮𞤤 𞤥𞤢𞤱𞤯𞤮 𞤱𞤮 𞤢𞤪𞤢𞥄𞤱𞤢, 𞤶𞤫𞤲𞤺𞤢𞤲 𞤣𞤫 𞤱𞤢𞥄𞤤𞤢𞤼𞤢𞥄 𞤤𞤢𞤣𞥆𞤫
𞤑𞤮𞤲𞤺𞤮𞤤 𞤱𞤮 𞤲'𞤣𞤭𞤴𞤢𞤥 , 𞤧𞤮 𞤪𞤵𞤬𞤭𞥅 𞤩𞤮𞤼𞥆𞤢𞤼𞤢𞥄𞤳𞤮
𞤑𞤮𞤲𞤵 𞤦𞤢𞥄𞤯𞤭 𞤧𞤢𞤨𞥆𞤢𞥄𞤲'𞤣𞤵 𞤥𞤢𞤤𞤬𞤢 𞤬𞤵𞤸, 𞤧𞤢𞤨𞥆𞤮𞥅 𞤱𞤮𞤲𞤣𞤵 𞤱𞤭'𞤢 𞤬𞤭𞤯𞤵 𞤲'𞤣𞤵
𞤑𞤮𞤲𞤵 𞤦𞤫'𞤭 𞤤𞤵𞥅𞤼𞤢𞤼𞤢𞥄 𞤣𞤢𞤥𞤲'𞤺𞤫𞤤
𞤳𞤮𞤲𞤵 𞤲'𞤺𞤵 𞤢𞤲𞥆𞤭𞤴𞤢𞥄𞤳𞤭 𞤬𞤵𞤸, 𞤱𞤮 𞤨𞤢𞥄𞤤𞤭 𞤴𞤮𞥅𞤩𞤮𞤪𞤼𞤮
𞤑𞤮𞤲𞤵 𞤲'𞤺𞤵 𞤢𞤲𞥆𞤭𞤴𞤢𞥄𞤳𞤭 𞤱𞤮, 𞤳𞤫𞤦𞥆𞤫 𞤬𞤮𞤪𞤻𞤢𞤼𞤢 𞤯𞤵𞤥
𞤑𞤮𞥅𞤦𞤢 𞤰𞤢𞤥𞤢 𞤳𞤮 𞤱𞤢𞤯𞤭 𞤥𞤮𞥅𞤪𞤢𞤼𞤢𞥄𞤳𞤮, 𞤲'𞤺𞤢 𞤱𞤭𞥅 𞤶𞤫𞤥𞥆𞤢 𞤥𞤮𞥅𞤪𞤢𞤼𞤢𞥄𞤳𞤫
𞤑𞤮𞥅𞤤𞤢𞥄𞤲'𞤺𞤫𞤤 𞤰𞤢𞤳𞥆𞤭 𞤢𞥄𞤱𞤣𞤭
𞤑𞤮𞤧𞤢𞤥 𞤼𞤢𞤴𞤯𞤢𞤥 𞤧𞤫𞤮𞤲𞤣𞤫𞤼𞤫𞥅 𞤧𞤮𞥅𞤣𞤫𞥅 𞤻𞤫𞤦𞥆𞤫 𞤦𞤵𞤰𞤵𞤯𞤫
𞤑𞤮𞤴𞤯𞤮 𞤱𞤮 𞤧𞤢𞤱𞤪𞤵 𞤩𞤵𞤼𞥆𞤵𞤪𞤵 𞤬𞤭𞥅𞤪𞤫𞤼𞤫𞥅
𞤑𞤮𞤴𞤲'𞤺𞤢𞤤 𞤫 𞤤𞤫𞤴𞤣𞤭 𞤲'𞤦𞤮𞤣𞥆𞤭 𞤫 𞤤𞤫𞤴𞤣𞤭, 𞤧𞤮 𞤳𞤢𞤱𞤪𞤢𞥄𞤴 𞤸𞤭𞤳𞥆𞤢 𞤬𞤵𞤸, 𞤳𞤢𞤱𞤪𞤢𞤲 𞤥𞤢𞤹𞤵𞥅𞤪𞤭
𞤑𞤮𞤴𞤲'𞤺𞤢𞤤 𞤱𞤮𞤲𞤭 𞤫𞤲𞤯𞤢𞤥
𞤑𞤵𞤬𞤵𞤲𞤫 𞤲𞤢𞤬𞤢𞤼𞤢𞥄 𞤦𞤫𞤷𞥆𞤫
𞤑𞤵𞤤𞤯𞤮 𞤲'𞤣𞤢𞥄𞤪𞤢𞤼𞤢 𞤼𞤫𞤨𞥆𞤫𞤪𞤫
𞤑𞤵𞤤𞤯𞤮 𞤴𞤭𞤯𞤭 𞤲𞤢𞤲'𞤣𞤫 " 𞤲'𞤣𞤮𞤺𞤫𞤲 "
𞤑𞤵𞤤𞥆𞤫 𞤨𞤵𞤴𞤯𞤫 𞤯𞤫𞥅 𞤬𞤵𞤸, 𞤧𞤮 𞤲𞤢 𞤥𞤵𞤴𞤲𞤭𞤲𞤢 𞤱𞤮 𞤤𞤫𞤤𞤮𞤼𞤮
𞤑𞤵𞤤𞤮𞤤 𞤺𞤭𞤼𞤫 𞤸𞤢𞤯𞤢𞤼𞤢𞥄 𞤸𞤮𞥅𞤪𞤫 𞤲'𞤦𞤫𞥅𞤱𞤢 𞤶𞤮𞤲𞤺𞤫𞥅𞤣𞤫
𞤑𞤵𞤤𞤮𞤤 𞤣𞤢𞤲𞥆𞤢𞤼𞤢𞥄, 𞤷𞤵𞥅𞤧𞤢𞤤 𞤸𞤢𞤤𞤳𞤢𞤼𞤢𞥄
𞤑𞤵𞤤𞤮𞥅𞤱𞤮 𞤳𞤮 𞤻𞤢𞥄𞤥𞤫𞤼𞤫 𞤸𞤫𞤩𞤢𞤼𞤢𞥄 𞤳𞤮 𞤻𞤢𞥄𞤥𞤢
𞤑𞤵𞤤𞤮𞥅𞤱𞤮 𞤴𞤭𞤯𞤢𞥄𞤲𞤢 𞤲𞤢𞤲'𞤣𞤫 𞤫𞤲 𞤲'𞤣𞤮𞤺𞥆𞤢
𞤑𞤵𞤤𞤵𞤯𞤮 𞤲𞤢𞥄𞤱𞤢𞤤𞥆𞤢 𞤧𞤫𞥅𞤪𞤢𞤼𞤢𞥄 𞤫 𞤶𞤮𞥅𞤼𞤫
𞤑𞤵𞤲𞤣𞤵𞤤𞤫 𞤯𞤭𞤯𞤭 𞤲'𞤶𞤫𞤴 𞤸𞤢𞥄𞤤𞤢
𞤑𞤵𞤪𞤢𞤤 𞤳𞤢𞥄𞤲𞤢𞤲𞤳𞤫 𞤱𞤮 𞤢𞤴𞤳𞤫𞤼𞤫, 𞤣𞤫 𞤬𞤭𞤯𞤫𞥅 𞤷𞤢𞤺𞥆𞤢𞤤 𞤥𞤵𞤥
𞤑𞤵𞤪𞤢𞤤 𞤲'𞤺𞤢𞤤 𞤱𞤮𞥅𞤬𞤢𞤼𞤢𞥄 𞤥𞤢, 𞤸𞤮𞤳𞥆𞤵 𞤯𞤵𞤥 𞤪𞤫𞥅𞤣𞤵
𞤑𞤵𞤪𞤵-𞤳𞤵𞤪𞤵, 𞤢𞤪𞤢-𞤢𞤪𞤢 𞤬𞤵 𞤶𞤭𞤨𞥆𞤢𞤲'𞤺𞤢 𞤩𞤵𞤪𞤭
𞤑𞤵𞤧𞤢𞤱 𞤱𞤢𞤪𞤢𞤼𞤢𞥄 𞤩𞤭 𞤶𞤢𞥄𞤱𞤲'𞤺𞤢𞤤



𞤒 

𞤒𞤢𞥄𞤪𞤫 𞤰𞤢𞤥𞤢𞤲𞤮𞥅 𞤭𞤲𞤣𞤫 𞤥𞤵𞤥, 𞤱𞤭𞥅 : “𞤧𞤵𞤧𞤵 𞤲'𞤣𞤢𞥄𞤪𞤵“
𞤒𞤢𞥄𞤴𞤫 𞤥𞤵𞥅𞤥𞤮 𞤢𞤲𞤣𞤭 𞤳𞤮 𞤥𞤵𞥅𞤥𞤮 𞤸𞤢𞥄𞤤𞤢𞤼𞤢
𞤒𞤢𞤸𞤪𞤵𞤣𞤫 𞤸𞤫𞥅𞤧𞤫 𞤸𞤢𞤯𞤢𞤼𞤢𞥄 𞤴𞤮𞤼𞥆𞤢𞥄𞤣𞤫
𞤒𞤢𞤤𞤼𞤵𞤣𞤫 𞤺𞤭𞤼𞤫 𞤫 𞤸𞤮𞥅𞤪𞤫 𞤱𞤢𞤣𞥆𞤢𞤲𞤼𞤢𞥄 𞤯𞤵𞤥 𞤱𞤫𞤤𞤵𞤣𞤫
𞤒𞤢𞤲𞤢𞥄𞤲'𞤣𞤫 𞤱𞤮𞤲𞤭 𞤱𞤮𞤯𞥆𞤢 𞤼𞤫𞤱𞤲𞤫𞥅, 𞤩𞤢𞤣𞤮𞥅 𞤣𞤮𞥅𞤥𞤫
𞤒𞤫𞤯𞤫𞥅𞤣𞤫 𞤩𞤵𞤪𞤭 𞤴𞤭𞤯𞤢𞤲𞤫𞥅𞤣𞤫
𞤒𞤫𞤯𞤫𞥅𞤣𞤫 𞤩𞤵𞤪𞤭 𞤰𞤮𞤴𞤪𞤫
𞤒𞤫𞥅𞤰𞤢𞥄𞤲'𞤺𞤮 𞤸𞤢𞤯𞤢𞤼𞤢𞥄 𞤣𞤢𞥄𞤲'𞤣𞤫 𞤱𞤢𞤪𞤼𞤵𞤣𞤫
𞤒𞤫𞥅𞤴𞤲𞤵 𞤺𞤫𞥅𞤧𞤫 𞤬𞤢𞥄 𞤴𞤢𞥄𞤣𞤵 𞤥𞤢𞥄 𞤸𞤫𞥅𞤱𞤢
𞤒𞤫𞥅𞤴𞤵 𞤻𞤢𞤱 𞤥𞤢𞥄 𞤬𞤢 𞤳𞤫𞤩𞤢𞥄 𞤧𞤢𞤬𞤪𞤢𞥄𞤪𞤫
𞤒𞤫𞤸𞤭 𞤦𞤢𞤼𞤵 𞤴𞤫𞤺𞥆𞤭𞤼𞤭 𞤯𞤫𞤥𞤲'𞤺𞤢𞤤
𞤒𞤫𞤼𞥆𞤮𞥅𞤪𞤫 𞤲'𞤦𞤢𞤴𞤫𞥅𞤪𞤭 𞤱𞤮 𞤧𞤫𞤥𞤼𞤫𞥅𞤲'𞤣𞤫 𞤥𞤵𞥅𞤼𞤭𞤪𞤭
𞤒𞤭’𞤢 𞤴𞤭𞥅𞤼𞤢 𞤶𞤢𞤲𞤺𞤭𞤲𞤼𞤢 𞤨𞤵𞤴𞤯𞤮
𞤒𞤭𞤣𞥆𞤫 𞤤𞤢𞥄𞤼𞤢𞥄𞤣𞤫 𞤲𞤫𞤯𞥆𞤮, 𞤱𞤮 𞤤𞤢𞥄𞤼𞤢𞥄𞤣𞤫 𞤲𞤫𞤯𞥆𞤮 𞤲𞤭 𞤩𞤵𞤪𞤭 𞤯𞤵𞤥
𞤒𞤭𞤣𞥆𞤫 𞤥𞤮 𞤴𞤭𞤯𞤢𞥄 𞤯𞤵𞤥, 𞤱𞤮 𞤼𞤢𞤥𞤨𞤭𞤲'𞤣𞤫 𞤸𞤮𞥅𞤪𞤫 𞤥𞤵𞤥
𞤒𞤭𞤯𞤭 𞤀𞤤𞥆𞤢 𞤸𞤫𞤱𞤼𞤢𞤴 𞤫 𞤦𞤮𞤶𞥆𞤭
𞤒𞤭𞤯𞤭 𞤼𞤮𞥅𞤲, 𞤲𞤵𞤤𞤢𞥄 𞤼𞤮𞥅𞤲, 𞤴𞤢𞥄𞤱𞤢𞤲 𞤳𞤮 𞤴𞤮𞤼𞥆𞤭.
𞤒𞤭𞤯𞤵 𞤣𞤫𞥅𞤳𞤢 𞤣𞤫 𞤼𞤢 𞤸𞤮𞥅𞤤𞤢 𞤯𞤵𞤥
𞤒𞤭𞤯𞤵𞤩𞤫 𞤥𞤢 𞤫 𞤪𞤫𞤱𞤩𞤫 𞤱𞤮 𞤼𞤢𞤼𞤮: 𞤭𞤲𞥆𞤢 𞤥𞤢, 𞤦𞤢𞤲𞤣𞤢 𞤣𞤫𞤦𞥆𞤮, 𞤦𞤭𞤴𞤢 𞤣𞤫𞤦𞥆𞤮
𞤒𞤭𞤯𞤵𞤩𞤫 𞤪𞤫𞤱𞤩𞤫 𞤩𞤵𞤪𞤭 𞤸𞤫𞥅𞤱𞤣𞤫, 𞤭𞤤𞥆𞤢 𞤫 𞤢𞤲𞤣𞤵𞤩𞤫 𞤼𞤢𞤺𞤵𞥅𞤶𞤭 𞤪𞤫𞤱𞤩𞤫
𞤒𞤭𞥅𞤣𞤫 𞤻𞤢𞥄𞤥𞤣𞤵 𞤸𞤢𞤯𞤢𞤼𞤢𞥄 𞤥𞤢𞤴𞤣𞤫 𞤱𞤫𞥅𞤤𞤮𞥅
𞤒𞤭𞥅𞤤𞤮𞥅 𞤦𞤢𞤲'𞤦𞤢𞤤𞤮 𞤧𞤫𞤲𞤣𞤢𞤼𞤢𞥄 𞤶𞤮𞤥 𞤲'𞤦𞤵𞥅𞤳𞤵 𞤫 𞤲'𞤦𞤵𞥅𞤳𞤵 𞤥𞤵𞤥
𞤒𞤭𞥅𞤼𞤫𞥅𞤶𞤭 𞤱𞤮 𞤼𞤢𞤼𞤭: 𞤲'𞤺𞤫 𞤤𞤢𞥄𞤳𞤢𞤪𞤢, 𞤲'𞤺𞤫 𞤲'𞤣𞤫𞤬𞤭𞤪𞤼𞤫𞤲 𞤫 𞤱𞤮𞤲𞤵𞤲'𞤺𞤫 𞤫 𞤩𞤫𞤪𞤲'𞤣𞤫 𞤲𞤫𞤯𞥆𞤮
𞤒𞤭𞤥𞤩𞤫, 𞤱𞤮 𞤺𞤮𞥅𞤼𞤮 𞤻𞤮𞤦𞥆𞤫𞥅 𞤧𞤢𞤨𞥆𞤮 𞤯𞤭𞤺𞥆𞤢
𞤒𞤭𞤼𞤫𞤪𞤫 𞤲𞤢 𞤴𞤭'𞤢 𞤼𞤮 𞤱𞤮𞤯𞥆𞤭 𞤳𞤢𞥄 𞤴𞤭'𞤢𞤼𞤢𞥄 𞤸𞤮𞥅𞤪𞤫 𞤥𞤵𞤥 𞤧𞤮 𞤱𞤢𞤲𞤢𞥄 𞤫 𞤣𞤢𞥄𞤲'𞤣𞤮𞤪𞤺𞤢𞤤
𞤒𞤭𞤼𞤫𞤪𞤫 𞤦𞤮𞤲𞤮𞥅𞤪𞤫 𞤲𞤢𞤲𞤢𞤼𞤢𞥄 𞤲'𞤺𞤵𞤤𞤯𞤢𞤥
𞤒𞤭𞤼𞤫𞤪𞤫 𞤲𞤢 𞤴𞤭'𞤢 𞤯𞤮 𞤳𞤮𞤴𞤲'𞤺𞤢𞤤 𞤴𞤢𞤸𞤢𞤼𞤢𞥄
𞤒𞤭𞤼𞤫𞤪𞤫 𞤲𞤢 𞤴𞤭'𞤢 𞤼𞤮 𞤢 𞤴𞤭𞤯𞤢𞥄 𞤳𞤢𞥄 𞤳𞤮𞤴𞤲'𞤺𞤢𞤤 𞤴𞤢𞤸𞤪𞤢𞤼𞤢𞥄𞤥𞤢 𞤼𞤮 𞤢 𞤴𞤭𞤯𞤢
𞤒𞤭𞤼𞤫𞤪𞤫 𞤪𞤮𞥅𞤲'𞤣𞤢𞤼𞤢𞥄𞤳𞤮 𞤣𞤫 𞤲𞤢 𞤢𞤲𞤣𞤭 𞤳𞤮 𞤸𞤮𞥅𞤪𞤫 𞤱𞤢𞥄𞤱𞤭 𞤪𞤮𞥅𞤲'𞤣𞤢𞥄𞤣𞤫
𞤒𞤭𞤼𞤫𞤪𞤫 𞤱𞤮𞤴𞤢𞤼𞤢𞥄𞤲𞤢 𞤥𞤮 𞤢𞤲𞤣𞤭
𞤒𞤭'𞤵𞤲'𞤣𞤵 𞤫 𞤲𞤢𞤲𞤵𞤲'𞤣𞤵 𞤫 𞤼𞤫𞥅𞤼𞤭𞥅𞤲'𞤣𞤵 𞤣𞤮𞤺𞥆𞤵𞤯𞤵 𞤥𞤵𞤩𞥆𞤫𞤲 𞤱𞤢𞤲𞤢𞥄 𞤱𞤮𞥅𞤼𞤵𞤪𞤵
𞤒𞤮 𞤫𞤤𞤮 𞤪𞤫𞤧𞤵 𞤫𞤤𞤮, 𞤺𞤵𞤲'𞤣𞤮 𞤪𞤫𞤧𞤢 𞤺𞤵𞤲'𞤣𞤮
𞤒𞤮 𞤳𞤮𞤣𞥆𞤫 𞤲'𞤣𞤢𞤳𞥆𞤫 𞤨𞤮𞤼𞤢 𞤫 𞤥𞤵𞥅𞤯𞤮𞥅𞤩𞤫
𞤒𞤮 𞤪𞤮𞥅𞤲'𞤣𞤮𞤼𞤮𞥅𞤩𞤫 𞤲'𞤣𞤢𞤱𞤪𞤭𞤣𞤭𞤲 𞤺𞤭𞤤𞥆𞤢 𞤤𞤢𞤱
𞤒𞤮𞤲𞤳𞤭 𞤱𞤢’𞤢𞥄𞤲𞤢𞥄 𞤸𞤮𞤲𞤮 𞤦𞤢𞥄𞤶𞤮𞤤, 𞤴𞤭𞤯𞤢𞥄𞤲𞤢𞥄 𞤧𞤮𞤱𞤲𞤫𞥅𞤣𞤫
𞤒𞤮𞤲𞤳𞤭 𞤴𞤭𞤯𞤢𞥄 𞤲𞤢 𞤱𞤵𞥅𞤪𞤣𞤫 𞤫 𞤩𞤢𞤲𞤣𞤵 𞤴𞤭𞤯𞤢𞥄𞤲'𞤣𞤵
𞤒𞤮𞤨𞥆𞤢 𞤯𞤮 𞤬𞤫𞤪𞤺𞤭𞥅, 𞤲'𞤣𞤢𞥄𞤪𞤢 𞤯𞤮 𞤦𞤮𞤩𞥆𞤭𞥅
𞤒𞤮𞤨𞥆𞤭𞤣𞤭𞤲 𞤸𞤫𞥅𞤺𞤫 𞤫 𞤥𞤮 𞤪𞤫𞤥𞤢𞤼𞤢𞥄
𞤒𞤵𞤥𞥆𞤢 𞤺𞤢𞤥𞤮𞥅𞤱𞤮 𞤶𞤭𞤦𞤭𞤲𞤼𞤢 𞤳𞤮 𞤶𞤫𞤺𞤫𞤪𞤫𞤳𞥆𞤫𞤤

𞤓

𞤓𞤦𞥆𞤢𞥄𞤤𞤭 𞤤𞤢𞤣𞥆𞤫𞥅𞤪𞤵 𞤲'𞤦𞤢𞤪𞤢𞤼𞤢𞥄 𞤩𞤮𞤱𞤯𞤭 𞤧𞤵𞥅𞤣𞤵
𞤓𞤥𞥆𞤢𞥄𞤣𞤫 𞤤𞤢𞤱 𞤩𞤵𞤪𞤭 𞤸𞤫𞤻𞤢𞥄𞤣𞤫
𞤓𞤲𞤢 𞤥𞤵𞥅𞤯𞤢 𞤲𞤢 𞤢𞤲𞤣𞤭 𞤲𞤮 𞤥𞤵𞥅𞤯𞤭𞤪𞤼𞤢 𞤳𞤮 𞤵𞤲𞤭
𞤓𞥅𞤥𞤵 𞤳𞤮 𞤲𞤢𞥄𞤱𞤫𞤼𞤫


𞤘

𞤘𞤢’𞤫𞤤 𞤻𞤭𞥅𞤲𞤢𞥄𞤲'𞤺𞤫𞤤 𞤨𞤭𞥅𞤯𞤫 𞤲'𞤺𞤫𞥅𞤤, 𞤬𞤢𞤴 𞤧𞤮 𞤱𞤢𞥄𞤼𞤭𞥅 𞤲'𞤺𞤵𞤪𞤵 𞤥𞤵𞥅𞤯𞤵𞤥 𞤱𞤢𞤯𞤫𞤼𞤫 𞤲'𞤦𞤢𞤺𞥆𞤵
𞤘𞤢𞤻𞤮 𞤭𞤲𞥆𞤢 𞤱𞤢𞤥𞤲𞤢𞤼𞤢𞥄 𞤩𞤭𞤯𞥆𞤮
𞤘𞤢𞤻𞤮 𞤳𞤮𞤪𞤢𞤲𞤢𞥄𞤯𞤮 𞤱𞤮 𞤺𞤭𞤯𞤮 𞤤𞤢𞥄𞤼𞤮𞤼𞤮𞥅
𞤘𞤢𞤻𞤮 𞤪𞤮𞤲𞤳𞤢𞤼𞤢𞥄 𞤳𞤮 𞤸𞤢𞥄𞤤𞤭
𞤘𞤢𞤻𞤮 𞤧𞤵𞤪𞤢𞤼𞤢𞥄 𞤥𞤢
𞤘𞤢𞤻𞤮 𞤱𞤢𞥄𞤱𞤢𞥄 𞤴𞤢𞤤𞤼𞤭𞤲'𞤣𞤫 𞤳𞤮 𞤱𞤮𞤲𞤭 𞤫 𞤩𞤫𞤪𞤲'𞤣𞤫
𞤘𞤢𞤨𞥆𞤢𞤤 𞤤𞤭𞥅𞤲'𞤺𞤵 𞤲'𞤣𞤫 𞤸𞤢𞤪𞤥𞤢𞥄𞤣𞤵, 𞤲𞤢 𞤻𞤭𞤣𞥆𞤭𞤲𞤭𞥅
𞤘𞤢𞤱𞤣𞤫 𞤨𞤵𞤯𞤭𞥅 𞤩𞤢𞥄𞤣𞤫 𞤺𞤢𞤪𞤺𞤢𞤧𞤢𞥄𞤶𞤮
𞤘𞤢𞤱𞤪𞤭 𞤲𞤢 𞤢𞤲𞤣𞤭 𞤲'𞤣𞤭𞤴𞤢𞤥 𞤳𞤮 𞤱𞤢𞤲𞤢𞥄 𞤼𞤮𞤩𞥆𞤭𞤪𞤯𞤢𞤥
𞤘𞤢𞤱𞤪𞤭 𞤴𞤭'𞤭𞥅 𞤳𞤮 𞤩𞤵𞤪𞤭 𞤲'𞤦𞤭𞤧𞤮𞤪𞤯𞤢𞤥 𞤥𞤵𞥅𞤯𞤵𞤥
𞤘𞤫𞤣𞥆𞤭 𞤲𞤫𞤯𞥆𞤮 𞤷𞤮𞤤𞤯𞤮 𞤱𞤮 𞤥𞤮𞥅𞤧𞤮
𞤘𞤫𞤤𞥆𞤫𞥅𞤶𞤫 𞤩𞤫𞤲𞤣𞤭𞥅, 𞤳𞤵𞤲𞤳𞤵𞥅𞤪𞤵 𞤱𞤢𞥄𞤲'𞤣𞤵 𞤸𞤫𞤤𞤭𞥅
𞤘𞤫𞤪𞥆𞤫𞤤 𞤥𞤢𞤤𞤢𞥄𞤲'𞤺𞤫𞤤 𞤲𞤢𞤲𞤢𞤼𞤢𞥄 𞤦𞤢𞤺𞥆𞤫𞤤 𞤪𞤢𞤣𞥆𞤮
𞤘𞤫𞤪𞤼𞤮𞤺𞤢𞤤 𞤩𞤫𞤴𞤲'𞤺𞤢𞤤 𞤣𞤭𞤱𞤢𞤼𞤢𞥄 𞤴𞤭𞥅𞤼𞤫
𞤘𞤫𞤪𞤼𞤮𞤺𞤢𞤤 𞤼𞤢𞤱𞤢𞤼𞤢𞥄𞤳𞤫 𞤫 𞤦𞤢𞤼𞤵 𞤽𞤵𞥅𞤧𞤵𞥅𞤶𞤭
𞤘𞤫𞤪𞤼𞤮𞤺𞤢𞤤 𞤱𞤢𞤻𞤢𞥄 𞤶𞤮𞥅𞤥𞤵𞤥 𞤬𞤮𞤼𞤭 𞤦𞤫𞥅𞤪𞤮
𞤘𞤫𞤪𞤼𞤮𞤺𞤢𞤤 𞤱𞤭𞤯𞤭𞤼𞤢𞤼𞤢𞥄𞤳𞤮 𞤣𞤮𞤱 𞤼𞤫𞤬𞤢𞥄𞤪𞤫
𞤘𞤫𞤪𞤼𞤮𞤺𞤢𞤤 𞤱𞤭𞤯𞤭𞤼𞤮𞤳𞤫 𞤤𞤢𞤩𞤭 𞤳𞤭𞤪𞤧𞤮𞥅𞤸𞤭 𞤯𞤵𞤥
𞤘𞤭𞤯𞤮 𞤭𞤲𞥆𞤢 𞤱𞤢𞤥𞤲𞤢𞤼𞤢 𞤩𞤭𞤯𞥆𞤮
𞤘𞤮𞤤𞥆𞤫 𞤩𞤵𞤪𞤭 𞤸𞤢𞥄𞤤𞤢
𞤘𞤮𞤥𞤯𞤭 𞤣𞤫𞤦𞥆𞤮 𞤴𞤮 𞤫 𞤩𞤫𞤪𞤲'𞤣𞤫 𞤥𞤵𞥅𞤯𞤵𞤥 𞤲'𞤺𞤮𞤲𞤭
𞤘𞤮𞤥𞤯𞤭 𞤯𞤭 𞤧𞤢𞥄𞤬𞤢𞥄𞤲'𞤣𞤵 𞤱𞤮𞤴𞤲𞤮𞥅 𞤼𞤢𞥄𞤲𞤵𞤥
𞤘𞤮𞥅𞤪𞤵𞤱𞤮𞤤 𞤺𞤮𞤥𞤯𞤭 𞤴𞤮 𞤫 𞤱𞤵𞤪𞤮 𞤪𞤫𞤱𞤩𞤫 𞤵𞤥𞥆𞤮𞤼𞤮𞥅
𞤘𞤮𞥅𞤼𞤮 𞤬𞤵𞤸, 𞤳𞤮 𞤱𞤵𞤶𞤭𞥅 𞤯𞤵𞥅𞤥, 𞤵𞥅𞤪𞤢𞤼𞤢
𞤘𞤮𞥅𞤼𞤮 𞤸𞤮𞤪𞤧𞤢, 𞤱𞤮 𞤳𞤢𞤥𞤼𞤢𞤲 𞤱𞤮𞥅𞤣𞤢𞥄
𞤘𞤮𞥅𞤼𞤮 𞤱𞤢𞥄𞤱𞤢𞥄 𞤫𞤴𞤼𞤵𞤣𞤫 𞤱𞤵𞤪𞤮 𞤬𞤵𞤸
𞤘𞤮𞥅𞤼𞤮 𞤱𞤢𞥄𞤱𞤢𞥄 𞤽𞤢𞥄𞤩𞤮𞤣𞤢𞥄𞤣𞤫 𞤫 𞤱𞤮𞤱𞤪𞤵
𞤘𞤮𞥅𞤼𞤮 𞤱𞤢𞥄𞤱𞤢𞥄 𞤱𞤢𞤤𞥆𞤵𞤣𞤫 𞤴𞤭𞤥𞤩𞤫 𞤬𞤵𞤸, 𞤳𞤢𞥄 𞤲𞤢 𞤱𞤢𞥄𞤱𞤭 𞤤𞤢𞥄𞤼𞤢𞥄𞤣𞤫 𞤶𞤭𞤳𞥆𞤫
𞤘𞤮𞤪𞤳𞤮 𞤦𞤭𞥅𞤣𞤫𞤤 𞤱𞤮 𞤬𞤢𞥄𞤥𞤲'𞤣𞤵
𞤘𞤵𞤶𞥆𞤮 𞤫 𞤺𞤵𞤪𞤧𞤵𞥅𞤪𞤵 𞤲𞤢 𞤲'𞤶𞤫𞤴𞤣𞤢𞥄 𞤣𞤫 𞤳𞤢𞤱𞤼𞤢𞥄𞤴 𞤱𞤢𞥄𞤤𞤣𞤵𞤣𞤫
𞤘𞤵𞤶𞥆𞤮 𞤴𞤢𞤪𞥆𞤭𞤼𞤭𞥅 𞤥𞤢 𞤳𞤵𞤣𞥆𞤭

𞤖


𞤖𞤢𞥄𞤶𞤵 𞤲𞤢 𞤱𞤢𞤯𞤢 𞤣𞤭𞤥𞤮 𞤥𞤢𞤷𞥆𞤵𞤯𞤮, 𞤱𞤢𞤯𞤢 𞤼𞤢𞤤𞤳𞤢 𞤳𞤢𞥄𞤽𞤢𞥄𞤯𞤮
𞤖𞤢𞥄𞤶𞤵 𞤱𞤢𞥄𞤲'𞤣𞤵, 𞤱𞤢𞤲𞤢𞥄 𞤸𞤢𞥄𞤶𞤵 𞤴𞤫𞥅𞤲'𞤣𞤵
𞤖𞤢𞥄𞤤𞤢 𞤺𞤢𞤻𞤮 𞤬𞤢𞤴 𞤧𞤮 𞤱𞤮 𞤤𞤮𞤦𞥆𞤢, 𞤴𞤮 𞤲𞤫𞥅𞤧𞤵
𞤖𞤢𞥄𞤤𞤢 𞤺𞤮𞤪𞤳𞤮 𞤱𞤮𞤲𞤢𞥄𞤲𞤢𞥄 𞤲'𞤣𞤫𞤪 𞤩𞤫𞤪𞤲'𞤣𞤫
𞤖𞤢𞥄𞤤𞤢 𞤶𞤮𞤥 𞤦𞤵𞥅𞤼𞤮𞤤 𞤶𞤢𞤩𞤢𞤼𞤢𞥄𞤳𞤫 𞤶𞤢𞤸𞤮𞤤, 𞤧𞤫𞤴 𞤺𞤢𞤪𞤼𞤮𞤤
𞤖𞤢𞥄𞤤𞤢 𞤳𞤫𞤧𞤢 𞤱𞤮𞤲𞤭 𞤳𞤮𞤤𞤼𞤢𞤤 𞤲𞤮𞤱𞤪𞤵
𞤖𞤢𞥄𞤤𞤢 𞤱𞤢’𞤢𞥄𞤲𞤢𞥄 𞤸𞤮𞤲𞤮 𞤩𞤮𞤴𞤪𞤫 : 𞤧𞤮 𞤬𞤵𞤧𞤭𞥅, 𞤺𞤮𞥅𞤼𞤮 𞤬𞤵𞤸 𞤸𞤫𞤩𞤢𞤲
𞤖𞤢𞥄𞤤𞤢 𞤱𞤢𞤣𞥆𞤢𞤼𞤢 𞤸𞤢𞥄𞤤𞤢
𞤖𞤢𞥄𞤤𞤢 𞤱𞤢𞤣𞥆𞤢𞤼𞤢 𞤳𞤮 𞤢𞤲𞤣𞤢𞤤 𞤱𞤢𞤣𞥆𞤢𞥄𞤴
𞤖𞤢𞥄𞤤𞤢 𞤱𞤫𞤤𞤢𞤼𞤢𞥄 𞤣𞤫 𞤲'𞤦𞤢𞤤𞥆𞤢 𞤱𞤫𞤤𞤢
𞤖𞤢𞥄𞤤𞤢 𞤱𞤮 𞤩𞤮𞤺𞥆𞤮𞤤, 𞤧𞤮 𞤥𞤮𞥅𞤧𞤢𞥄𞤥𞤢 𞤶𞤵𞥅𞤼𞤢𞤲
𞤖𞤢𞥄𞤤𞤣𞤫 𞤲'𞤺𞤮𞥅𞤲'𞤺𞤢 𞤧𞤵𞤥𞤢𞤼𞤢𞥄 𞤼𞤮𞤲𞤭
𞤖𞤢𞥄𞤪𞤢𞤲𞤣𞤫 𞤸𞤫𞤣𞥆𞤭 𞤲'𞤦𞤢𞥄𞤲𞤣𞤭
𞤖𞤢𞥄𞤪𞤢𞤲𞤣𞤫 𞤶𞤫𞤴 𞤺𞤢𞤥𞤭
𞤖𞤢𞥄𞤪𞤢𞤲𞤣𞤫 𞤪𞤫𞥅𞤣𞤵 𞤶𞤫𞤴 𞤣𞤵𞤪𞤥𞤢 𞤪𞤮𞤼𞤫𞤪𞤫
𞤖𞤢𞥄𞤧𞤭𞤣𞤭 𞤱𞤭’𞤢𞤼𞤢 𞤤𞤢𞤥𞤯𞤢𞤥 𞤱𞤫𞤤𞤢𞥄
𞤖𞤢𞤩𞤼𞤭𞤲𞤳𞤭𞤲𞤢𞥄𞤣𞤫 𞤩𞤵𞤪𞤭 𞤴𞤵𞤪𞤥𞤭𞤲𞤳𞤭𞤲𞤢𞥄𞤣𞤫
𞤖𞤢𞤩𞤵𞤣𞤫 𞤫 𞤰𞤮𞤰𞤵𞤯𞤮 𞤩𞤵𞤪𞤭 𞤴𞤭𞤺𞤮𞤲'𞤣𞤭𞤪𞤣𞤫 𞤫 𞤨𞤵𞤴𞤯𞤮
𞤖𞤢𞤯𞤭 𞤺𞤢𞤤𞥆𞤫 𞤥𞤢𞥄 𞤱𞤫𞤤𞤣𞤫 𞤴𞤮 𞤺𞤭𞤼𞤫 𞤥𞤢𞥄𞤯𞤢 𞤦𞤮𞤯𞤫𞥅𞤶𞤫 𞤫 𞤯𞤫𞤥𞤲'𞤺𞤢𞤤 𞤣𞤫𞥅𞤳𞤢
𞤖𞤢𞤳𞥆𞤭𞤤𞥆𞤮 𞤱𞤢𞤲𞤢𞥄 𞤷𞤮𞤲𞤣𞤭 𞤥𞤵𞥅𞤯𞤫𞤼𞤫𞥅𞤲'𞤣𞤭 𞤣𞤫 𞤲𞤢 𞤥𞤵𞥅𞤯𞤭𞤪𞤫𞥅 𞤷𞤮𞤲𞤣𞤭 𞤯𞤭𞤺𞥆𞤵𞤲'𞤣𞤭
𞤖𞤢𞤤𞤢𞤤 𞤱𞤮 𞤲𞤫𞤯𞥆𞤮 𞤸𞤢𞤤𞤢𞤼𞤢 𞤯𞤵𞤥
𞤖𞤢𞤱𞤼𞤵𞤩𞤫 𞤲'𞤣𞤫𞤧𞤢, 𞤳𞤢𞤱𞤼𞤭 𞤳𞤵𞤥𞤨𞤢
𞤖𞤢𞤴𞤲'𞤣𞤫 𞤥𞤮𞤯𞤭 𞤶𞤢𞤤𞤮
𞤖𞤫𞤩𞤢 𞤦𞤢𞥄𞤦𞤢, 𞤸𞤫𞤩𞤢 𞤲'𞤣𞤮𞤲𞤺𞤵
𞤖𞤫𞤩𞤢 𞤲'𞤦𞤵𞤬𞤭𞤲𞤣𞤭, 𞤸𞤫𞤩𞤢 𞤼𞤢𞥄 𞤲'𞤣𞤵 𞤣𞤮𞤤𞤢
𞤖𞤫𞤩𞤼𞤭𞤲𞤼𞤢 𞤩𞤭𞤻𞤢𞥄𞤲'𞤺𞤮 𞤶𞤫𞤥𞥆𞤢, 𞤳𞤮 𞤸𞤢𞤩𞤵𞤲𞤮𞥅𞤩𞤫
𞤖𞤫𞤩𞤵𞤣𞤫 𞤣𞤫 𞤴𞤢𞤱𞤢, 𞤲𞤢 𞤩𞤵𞤪𞤭 𞤱𞤢𞥄𞤧𞤵𞤣𞤫 𞤣𞤢𞤪𞤮𞥅
𞤖𞤫𞤩𞤵𞤣𞤫 𞤤𞤮𞤲𞤺𞤫𞤪𞤫 𞤼𞤭𞥅𞤯𞤢𞥄, 𞤴𞤮 𞤸𞤫𞤩𞤵𞤣𞤫 𞤯𞤮 𞤶𞤮𞥅𞤯𞤮 𞤻𞤢𞥄𞤥𞤢 𞤲'𞤣𞤫 𞤼𞤭𞥅𞤯𞤭
𞤖𞤫𞥅𞤣𞤵𞤣𞤫 𞤫 𞤩𞤫𞤪𞤲'𞤣𞤫 𞤲'𞤶𞤫𞤯𞤮𞥅𞤱𞤮 𞤩𞤵𞤪𞤭 𞤸𞤫𞥅𞤣𞤵𞤣𞤫 𞤲𞤢𞤲𞤮 𞤥𞤵𞥅𞤯𞤵𞤥
𞤖𞤫𞥅𞤧𞤫-𞤸𞤫𞥅𞤧𞤫 𞤻𞤢𞥄𞤥𞤢𞤼𞤢 𞤻𞤭𞥅𞤪𞤭 𞤶𞤮𞤤𞥆𞤮𞥅𞤪𞤵
𞤖𞤫𞤤𞤲'𞤣𞤫 𞤱𞤢𞥄𞤶𞤭𞥅 𞤴𞤵𞤤𞤲'𞤣𞤫
𞤖𞤫𞤻𞤢𞥄𞤪𞤫 𞤸𞤢𞤩𞥆𞤢𞤼𞤢𞥄 𞤩𞤮𞤷𞥆𞤮𞥅𞤲'𞤣𞤫
𞤖𞤫𞤲𞤣𞤵 𞤲𞤢 𞤱𞤢𞥄𞤱𞤭 𞤲𞤢𞤲𞥆𞤵𞤣𞤫 𞤫 𞤲'𞤺𞤢𞤴𞤳𞤢 𞤳𞤮 𞤱𞤢𞥄𞤱𞤢𞤼𞤢𞥄 𞤱𞤵𞤪𞤼𞤭𞤲'𞤣𞤫
𞤖𞤫𞤲𞤣𞤵 𞤼𞤢𞤱𞤣𞤵 𞤦𞤢𞤤𞤮𞤤 𞤫 𞤸𞤮𞤰𞥆𞤫𞤪𞤫
𞤖𞤫𞤲𞤣𞤵 𞤱𞤢𞥄𞤱𞤢𞤲𞤭 𞤳𞤢𞥄𞤳𞤫
𞤖𞤫𞤲𞤣𞤵, 𞤳𞤢𞤥 𞤪𞤵𞥅𞤴𞤲𞤢𞤼𞤢 𞤸𞤵𞤬𞤮
𞤖𞤫𞤴 𞤢𞤤𞤧𞤭𞤤𞤢𞥄𞤥𞤭 𞤫𞤲 𞤼𞤭𞤲𞥆𞤫𞥅 𞤲'𞤺𞤮𞤤𞥆𞤫𞥅 : 𞤀𞤤𞥆𞤢 𞤱𞤮 𞤥𞤮𞤰𞥆𞤮 𞤣𞤫 𞤮 𞤸𞤮𞤳𞥆𞤢𞤼𞤢𞥄 𞤯𞤢𞥄𞤲𞤭𞥅𞤯𞤮
𞤖𞤭𞥅𞤤𞤢 𞤸𞤫𞤣𞥆𞤢𞤼𞤢𞥄 𞤲'𞤦𞤢𞥄𞤲𞤣𞤭
𞤖𞤭𞥅𞤤𞤢 𞤸𞤭𞥅𞤤𞤢𞤼𞤢𞥄 𞤩𞤭𞥅-𞤶𞤭𞤲𞥆𞤢𞥄𞤪𞤵
𞤖𞤭𞥅𞤪𞤣𞤫 𞤲𞤢 𞤣𞤢𞤪𞤭𞥅 𞤱𞤮 𞤲'𞤦𞤢𞥄𞤤𞤫𞤲 𞤫 𞤶𞤢𞤥 𞤧𞤢𞤳𞤭𞤼𞤮𞤼𞤮
𞤖𞤭𞥅𞤪𞤮 𞤱𞤫𞤤𞤢𞤼𞤢𞥄 𞤻𞤢𞤲𞤣𞤫 𞤬𞤵𞤸
𞤖𞤭𞤲𞤫𞤪𞤫 𞤲𞤢 𞤩𞤵𞤪𞤭 𞤦𞤮𞥅𞤼𞤮 𞤱𞤫𞤤𞤣𞤫
𞤖𞤭𞤪𞤢𞥄𞤲'𞤣𞤫 𞤶𞤫𞤲𞤺𞤢 𞤲𞤢 𞤩𞤵𞤪𞤭 𞤱𞤢𞥄𞤤𞤣𞤫𞥅
𞤖𞤭𞤪𞤢𞥄𞤲'𞤣𞤫 𞤺𞤢𞤯𞤢 𞤷𞤫𞥅𞤪𞤺𞤢𞤤
𞤖𞤭𞤪𞤧𞤢𞥄𞤲'𞤺𞤫 𞤣𞤭𞤱𞤭𞥅 𞤥𞤮𞤷𞥆𞤫𞥅𞤣𞤫
𞤖𞤮𞤯𞥆𞤭𞥅𞤩𞤫 𞤱𞤮 𞤲𞤢𞤴𞤮: 𞤲𞤢𞤬𞤢 𞤼𞤮𞤪𞥆𞤢𞤼𞤢𞥄, 𞤼𞤮𞤪𞥆𞤢 𞤲𞤢𞤬𞤢𞤼𞤢𞥄, 𞤲𞤢𞤬𞤢𞤼𞤢𞥄, 𞤼𞤮𞤪𞥆𞤢𞤼𞤢𞥄
𞤖𞤮𞤯𞤵𞤣𞤫 𞤼𞤮 𞤸𞤮𞤯𞤵𞤲𞤮𞥅 𞤩𞤵𞤪𞤭 𞤸𞤮𞤯𞤲𞤭𞤼𞤢𞥄𞤣𞤫
𞤖𞤮𞤳𞥆𞤢 𞤼𞤫𞥅𞤼𞤢 𞤸𞤮𞤳𞥆𞤢𞥄𞤲𞤢𞥄 𞤥𞤮 𞤱𞤢𞥄𞤱𞤭
𞤖𞤮𞤳𞥆𞤫 𞤶𞤵𞤲𞤺𞤮 𞤲𞤮 𞤰𞤢𞤥𞤢𞤲𞤢 𞤲𞤢𞤱𞤳𞤭
𞤖𞤮𞤲𞤮 𞤳𞤮 𞤱𞤵𞤪𞤮 𞤱𞤫𞤤𞤭 𞤱𞤢𞥄𞤤𞤣𞤫 𞤯𞤵𞥅𞤥, 𞤤𞤢𞤣𞥆𞤫 𞤱𞤫𞤤𞤭 𞤸𞤫𞤯𞤢𞥄𞤣𞤫
𞤖𞤮𞥅𞤤𞤭𞥅 𞤩𞤢𞤤𞤭𞤲𞤣𞤫 𞤱𞤵𞤶𞤭𞥅 𞤲'𞤣𞤮𞥅𞤲'𞤣𞤭
𞤖𞤮𞥅𞤪𞤫 𞤩𞤮𞤥𞤦𞤫𞤪𞤫 𞤼𞤭𞤤𞤢𞤴 𞤺𞤭𞤼𞤫 𞤨𞤵𞤼𞥆𞤭𞤲𞤮
𞤖𞤮𞥅𞤪𞤫 𞤶𞤢𞥄𞤱𞤲'𞤺𞤢𞤤 𞤲𞤢 𞤬𞤢𞤥𞤯𞤢𞤲𞤭 𞤷𞤢𞤦𞥆𞤭 𞤼𞤢𞤼𞤭
𞤖𞤮𞥅𞤪𞤫 𞤤𞤢𞤩𞤢𞤼𞤢𞥄𞤳𞤫 𞤺𞤢𞤯𞤢 𞤶𞤮𞥅𞤥𞤵𞤥
𞤖𞤮𞥅𞤪𞤫 𞤲'𞤦𞤵𞥅𞤦𞤵 𞤸𞤫𞤱𞤼𞤢𞥄𞤴 𞤳𞤮 𞤬𞤫𞤧𞤫𞥅 𞤩𞤮𞥅𞤧𞤫𞥅
𞤖𞤮𞤨𞥆𞤢 𞤲'𞤺𞤢𞤤 𞤸𞤮𞤨𞥆𞤢 𞤲'𞤺𞤢𞤤 𞤼𞤮, 𞤶𞤮𞥅𞤲𞤭 𞤸𞤢𞤱𞤪𞤢 𞤲'𞤺𞤢𞤤 𞤶𞤢𞤦𞥆𞤢𞤼𞥆𞤭
𞤖𞤮𞤴𞤭𞥅 𞤸𞤮𞤲𞤮 𞤲'𞤦𞤵𞤶𞤢𞤥 𞤼𞤫𞥅𞤤𞤫𞥅𞤲'𞤣𞤫
𞤖𞤵𞤤𞤢 𞤺𞤭𞤼𞤫 𞤪𞤫𞥅𞤣𞤢 𞤲'𞤶𞤢𞥄𞤤𞤵
𞤖𞤵𞤤𞤭 𞤲'𞤦𞤮𞤣𞥆𞤭 𞤼𞤢𞤨𞥆𞤭 𞤣𞤢𞥄𞤧𞤮𞤤
𞤖𞤵𞤤𞤵 𞤳𞤮 𞤫𞤧𞤢 𞤪𞤫𞤧𞤭 𞤩𞤮𞥅𞤴𞤣𞤢𞥄 𞤫 𞤣𞤫𞥅𞤳𞤢
𞤖𞤵𞤲'𞤣𞤵𞤳𞤮 𞤮𞤥𞤦𞤭𞥅𞤳𞤮 𞤲𞤢 𞤥𞤮𞤰𞥆𞤭 𞤳𞤢𞥄 𞤸𞤵𞤥𞤼𞤢𞤼𞤢𞥄 𞤸𞤢𞥄𞤶𞤵
𞤖𞤵𞤲𞤣𞤵𞤳𞤮 𞤦𞤫𞥅𞤤𞤢𞥄𞤯𞤮 𞤲𞤢 𞤱𞤮𞤲'𞤣𞤭 𞤫 𞤸𞤮𞤴 𞤥𞤵𞥅𞤯𞤵𞤥
𞤖𞤵𞤲𞤣𞤵𞤳𞤮 𞤲𞤢 𞤸𞤢𞥄𞤤𞤢 𞤳𞤮 𞤱𞤢𞥄𞤱𞤢𞥄 𞤸𞤢𞥄𞤤𞤼𞤵𞤣𞤫
𞤖𞤵𞤲𞤣𞤵𞤳𞤮 𞤲𞤭 𞤦𞤮𞤲𞥆𞤭 𞤲'𞤦𞤮𞤣𞥆𞤭
𞤖𞤵𞤲𞤣𞤵𞤳𞤮 𞤴𞤮 𞤥𞤢𞤤𞤬𞤢
𞤖𞤵𞥅𞤲'𞤣𞤫 𞤬𞤢𞤴𞤢𞤼𞤢𞥄 𞤩𞤵𞤪𞤢 𞤲'𞤺𞤵𞤪𞤵 𞤥𞤵𞥅𞤯𞤵𞤥
𞤖𞤵𞥅𞤲'𞤣𞤫 𞤬𞤵𞤸 𞤲𞤢 𞤱𞤮𞥅𞤣𞤭 𞤳𞤢’𞤣𞤭
𞤖𞤵𞤴𞤪𞤫 𞤫 𞤸𞤫𞥅𞤴𞤪𞤫, 𞤸𞤮𞥅𞤪𞤫 𞤫 𞤤𞤵𞤱𞤢𞤤 𞤳𞤫𞤴𞤣𞤢𞤼𞤢𞥄 𞤲'𞤣𞤫𞤪 𞤸𞤵𞤲𞤣𞤵𞤳𞤮


𞤙

𞤙𞤢𞥄𞤳𞤵 𞤱𞤢𞤼𞥆𞤭𞤪𞤢𞥄𞤲'𞤺𞤵 𞤣𞤮𞥅𞤤𞤫 𞤱𞤢𞤯𞤢𞤼𞤢𞥄 𞤲'𞤶𞤵𞥅𞤥𞤲'𞤣𞤭

𞤙𞤢𞥄𞤥𞤢𞤼𞤢𞥄 𞤯𞤮𞥅𞤲, 𞤴𞤢𞤪𞤢𞤼𞤢𞥄 𞤯𞤮𞥅𞤲, 𞤸𞤫𞤪𞤢𞤼𞤢𞥄 𞤯𞤮𞥅𞤲 𞤲𞤢 𞤸𞤢𞥄𞤲𞤭 𞤪𞤫𞤱𞤲𞤫𞥅𞤣𞤫

𞤙𞤢𞥄𞤥𞤯𞤮 𞤲'𞤺𞤵𞤪𞤵 𞤸𞤢𞤻𞤢𞤲 𞤤𞤫𞥅𞤩𞤭

𞤙𞤢𞥄𞤥𞤯𞤮 𞤱𞤢𞤴𞤲𞤢𞥄𞤪𞤫 𞤻𞤢𞥄𞤥𞤭𞥅 𞤣𞤮𞥅𞤣𞤭, 𞤧𞤮 𞤴𞤮𞤨𞥆𞤭𞥅 𞤴𞤮𞤨𞥆𞤭𞥅 𞤼𞤫𞥅𞤱

𞤙𞤢𞥄𞤥𞤣𞤵 𞤲'𞤣𞤵 𞤤𞤮𞥅𞤼𞤢𞤲𞤼𞤢𞥄𞤳𞤫 𞤶𞤵𞥅𞤯𞤫 𞤸𞤢𞥄𞤪𞤢𞤼𞤢𞥄

𞤙𞤢𞥄𞤥𞤤𞤮𞤳𞤫 𞤩𞤫𞤴𞤯𞤮 𞤣𞤮𞥅𞤣𞤭, 𞤧𞤮 𞤲𞤢 𞤴𞤮𞤩𞤫 𞤬𞤵 𞤧𞤮 𞤩𞤵𞤪𞤢𞤴 𞤬𞤵 𞤻𞤢𞤳𞤢𞤼𞤢𞥄

𞤙𞤢𞥄𞤥𞤮𞥅𞤱𞤮 𞤸𞤮𞥅𞤪𞤫 𞤸𞤭𞤤𞥆𞤢𞥄𞤳𞤢 𞤫 𞤺𞤭𞤼𞤫 𞤨𞤵𞤼𞥆𞤭𞤲𞤭𞥅𞤯𞤫

𞤙𞤢𞥄𞤻𞤢 𞤳𞤮 𞤱𞤢𞥄𞤲𞥆𞤭 𞤥𞤢

𞤙𞤢𞥄𞤱𞤫 𞤶𞤢𞥄𞤱𞤲'𞤺𞤢𞤤 𞤯𞤫𞥅 𞤱𞤮 𞤩𞤮𞤪𞤮𞥅𞤱𞤮 𞤭𞤼𞥆𞤢𞤼𞤢𞤯𞤫

𞤙𞤢𞥄𞤰𞤮 𞤣𞤵𞤤𞤵𞥅𞤪𞤵 𞤱𞤮 𞤸𞤵𞤬𞤮 𞤫 𞤯𞤫𞤪𞤫𞥅𞤶𞤭

𞤙𞤢𞤤𞤮𞥅𞤥𞤢 𞤶𞤮𞥅𞤯𞤢𞤼𞤢𞥄𞤳𞤫

𞤙𞤢𞤥𞤢𞥄𞤲'𞤣𞤫 𞤱𞤮 𞤻𞤢𞤥𞤢𞥄𞤲'𞤣𞤫 𞤳𞤢𞥄 𞤬𞤮𞤪𞤻𞤵𞤣𞤫 𞤣𞤮𞤳𞥆𞤢𞤤 𞤱𞤮 𞤺𞤮𞤤𞥆𞤫 𞤧𞤫𞤴𞤼𞤢𞥄𞤲𞤭

𞤙𞤢𞤥𞤢𞥄𞤲'𞤣𞤫 𞤰𞤢𞤥𞤼𞤫𞤼𞤫𞥅𞤲'𞤣𞤫 𞤶𞤫𞤥𞥆𞤢, 𞤼𞤢𞥄 𞤰𞤢𞤥 𞤲𞤮 𞤬𞤵𞤯𞥆𞤭𞤪𞤭

𞤙𞤢𞤱 𞤫 𞤦𞤢𞥄𞤧𞤢𞤤 𞤧𞤮 𞤣𞤢𞤯𞤭𞥅 𞤳𞤢𞤥 𞤬𞤵, 𞤼𞤢 𞤸𞤫𞤯𞤮𞥅 𞤳𞤢𞤥

𞤙𞤢𞤱 𞤱𞤮𞤲𞤭 𞤲𞤫𞤤𞤢𞥄𞤯𞤮 𞤥𞤢𞤴𞤣𞤫

𞤙𞤢𞤱𞤯𞤮 𞤸𞤮𞥅𞤤𞤢𞥄𞤳𞤭 𞤀𞤤𞥆𞤢

𞤙𞤢𞤱𞤯𞤮 𞤴𞤭𞤯𞤢𞥄 𞤲𞤢𞤲'𞤣𞤫 𞤱𞤢𞤪𞤼𞤭𞥅 𞤯𞤮 𞤱𞤮𞤲𞥆𞤮𞥅, 𞤳𞤢𞥄 𞤧𞤮 𞤷𞤫𞥅𞤪𞤢𞥄𞤯𞤮 𞤸𞤫𞤩𞤭𞥅 𞤯𞤵𞥅𞤥 𞤸𞤵𞤤𞤶𞤭𞤲𞤢𞤲

𞤙𞤢𞤱𞤲'𞤣𞤵 𞤽𞤢𞤼𞤭𞥅 𞤱𞤢𞥄𞤼𞤵𞤲'𞤣𞤵

𞤙𞤫𞥅𞤳𞤢𞤥 𞤥𞤮𞥅𞤴𞤼𞤮𞥅 𞤧𞤵𞤥𞤢 𞤼𞤮𞤲𞤭

𞤙𞤫𞥅𞤻𞤢𞤤 𞤩𞤵𞤪𞤭 𞤧𞤫𞤥𞤦𞤫

𞤙𞤭𞥅𞤪𞤭 𞤸𞤮𞤩𞤭𞤲𞤼𞤢𞥄 𞤤𞤢𞥄𞤦𞤭 𞤯𞤭𞤯𞤭

𞤙𞤭𞥅𞤪𞤭 𞤲'𞤶𞤮𞤺𞤭𞥅𞤲'𞤣𞤭 𞤺𞤭𞤼𞤫 𞤲𞤢 𞤧𞤫𞤥𞤼𞤭𞤲𞤭𞥅 𞤻𞤢𞥄𞤥𞤣𞤫

𞤙𞤭𞥅𞤱𞤢 𞤱𞤢𞤤𞤢𞥄 𞤣𞤵𞤪𞤮𞥅𞤱𞤮

𞤙𞤭𞥅𞤰𞤫 𞤯𞤫 𞤪𞤢𞤱𞤢𞥄𞤲'𞤣𞤵 𞤼𞤮𞥅𞤤𞤮𞤪𞤼𞤮𞥅 𞤯𞤫𞥅𞤲 𞤽𞤢𞤼𞤭𞤪𞤼𞤢

𞤙𞤭𞥅𞤰𞤫 𞤫 𞤯𞤫𞤥𞤲'𞤺𞤢𞤤 𞤳𞤢𞤱𞤼𞤭 𞤳𞤢𞥄 𞤲𞤢 𞤳𞤢𞤩𞤢

𞤔

𞤔𞤢𞥄𞤧𞤭 𞤫 𞤦𞤢𞥄𞤦𞤢 𞤬𞤵𞤸, 𞤱𞤮 𞤱𞤭'𞤫𞥅𞤣𞤫 𞤦𞤢𞥄𞤦𞤢 𞤶𞤭𞥅𞤥𞤼𞤵 𞤫 𞤤𞤮𞥅𞤲'𞤣𞤫
𞤔𞤢𞥄𞤧𞤭 𞤫 𞤣𞤭𞥅𞤲𞤢 𞤬𞤵𞤸, 𞤱𞤮 𞤣𞤭𞥅𞤲𞤢 𞤲'𞤣𞤮𞤲𞤼𞤮𞥅𞤪𞤭 : 𞤳𞤢𞤻𞤵𞤥 𞤲𞤮𞤣𞥆𞤭𞤲𞤼𞤢 𞤣𞤫 𞤶𞤵𞥅𞤤𞤢𞤼𞤢𞥄
𞤔𞤢𞥄𞤧𞤭 𞤫 𞤶𞤫𞤴𞤣𞤢𞤤 𞤬𞤵𞤸 𞤱𞤮 𞤶𞤫𞤴𞤣𞤢𞤤 𞤤𞤭𞤰𞥆𞤭 𞤧𞤢𞤦𞤵 𞤦𞤢𞥄𞤱𞤲'𞤺𞤫𞤤 𞤬𞤵 𞤥𞤮𞤯𞤢𞤲
𞤔𞤢𞥄𞤧𞤭 𞤫 𞤴𞤭𞤥𞤩𞤫 𞤬𞤵𞤸 𞤱𞤮 𞤺𞤮𞤪𞤫𞤤 𞤸𞤫𞤩𞤢 𞤼𞤢𞤰𞤮𞥅 , 𞤱𞤢𞥄𞤧𞤢 𞤩𞤢𞤼𞥆𞤭𞤲𞤮𞥅
𞤔𞤢𞤩𞤵 𞤥𞤫𞥅𞤯𞤵 𞤲𞤢 𞤩𞤵𞤪𞤭 𞤰𞤢𞤩𞥆𞤭𞤼𞤢 𞤬𞤵𞤳𞥆𞤢
𞤔𞤢𞤩𞤵 𞤲𞤢𞤲𞤺𞤫𞥅𞤣𞤫 𞤶𞤵𞤲𞤺𞤮 𞤨𞤮𞥅𞤯𞤫𞤯𞤢𞥄, 𞤳𞤢𞥄 𞤼𞤢𞥄 𞤶𞤢𞤩𞤵 𞤲𞤢𞤲𞤺𞤫𞥅𞤣𞤫 𞤳𞤮𞤴𞤲'𞤺𞤢𞤤
𞤔𞤢𞤩𞤵 𞤧𞤫𞥅𞤯𞤢 𞤲𞤢 𞤩𞤵𞤪𞤭 𞤲'𞤶𞤮𞤱𞤼𞤢𞥄 𞤱𞤵𞤪𞤮
𞤔𞤢𞤸𞤣𞤮 𞤽𞤵𞥅𞤧𞤵𞥅𞤪𞤵 𞤰𞤢𞤳𞥆𞤢𞤲 𞤼𞤫𞥅𞤱 𞤷𞤫𞤷𞥆𞤵
𞤔𞤢𞤤𞤮 𞤧𞤵𞥅𞤪𞤭 𞤲𞤫𞤯𞥆𞤮
𞤔𞤢𞤥 - 𞤶𞤢𞤥 𞤻𞤢𞥄𞤥𞤢𞤼𞤢 𞤻𞤭𞥅𞤪𞤭 𞤶𞤮𞤤𞥆𞤮𞥅𞤪𞤵
𞤔𞤢𞤥 𞤸𞤢𞥄𞤪𞤢𞤼𞤢𞥄𞤳𞤫
𞤔𞤢𞤥 𞤳𞤮 𞤷𞤮𞤬𞤫 𞤲𞤢 𞤵𞤱𞤼𞤢 𞤥𞤢𞤴𞤩𞤫 ؟
𞤔𞤢𞤥 𞤤𞤮𞤲𞥆𞤢𞥄𞤴 𞤧𞤢𞤪𞥆𞤢 𞤶𞤫𞤥𞥆𞤢
𞤔𞤢𞤥 𞤲𞤢 𞤩𞤵𞤪𞤭 𞤲'𞤶𞤵𞥅𞤥𞤲'𞤣𞤭 𞤱𞤫𞤤𞤣𞤫
𞤔𞤢𞤥 𞤻𞤢𞤤𞥆𞤭 𞤭𞤼𞥆𞤢𞤼𞤢𞥄 𞤸𞤢𞤥𞤲'𞤣𞤫
𞤔𞤢𞤥 𞤱𞤵𞤪𞤼𞤭𞤲𞤼𞤢𞥄 𞤸𞤢𞤤𞥆𞤫𞤪𞤫 𞤸𞤵𞥅𞤼𞤮𞥅𞤪𞤵
𞤔𞤢𞤥 𞤴𞤮 𞤪𞤢𞤱𞤲𞤢𞤲
𞤔𞤢𞤥𞥆𞤮𞥅𞤪𞤫 𞤦𞤵𞥅𞤯𞤭, 𞤱𞤮 𞤤𞤭𞤥𞤵
𞤔𞤢𞤲𞤺𞤵𞤣𞤫 𞤼𞤭𞥅𞤯𞤢𞥄 𞤱𞤮 𞤶𞤢𞤲𞤺𞤭𞤲𞤢𞥄𞤣𞤫 𞤼𞤭𞥅𞤯𞤭
𞤔𞤢𞤱𞤣𞤭 𞤸𞤢𞤯𞤢𞤼𞤢𞥄 𞤥𞤢𞤴𞤣𞤫 𞤣𞤫 𞤲𞤢 𞤸𞤢𞤯𞤢 𞤧𞤫𞤥𞤼𞤫𞥅𞤲'𞤣𞤫
𞤔𞤢𞤱𞤣𞤭 𞤳𞤫𞤴𞤪𞤭 𞤱𞤮 𞤳𞤢𞥄𞤲𞤯𞤭 𞤳𞤫𞤧𞤭
𞤔𞤢𞤱𞤣𞤭 𞤲'𞤦𞤵𞥅𞤪𞤯𞤮 𞤱𞤮 𞤸𞤫𞤧𞤫𞤼𞤫, 𞤳𞤢𞥄 𞤯𞤵𞤺𞥆𞤭𞤼𞤢𞤼𞤢𞥄𞤳𞤫
𞤔𞤢𞤱𞤮 𞤱𞤮𞥅𞤼𞤮 𞤧𞤫𞤲𞤰𞤢𞤼𞤢𞥄
𞤔𞤫𞤥𞥆𞤢 𞤤𞤮𞤦𞥆𞤮 𞤶𞤭𞤤𞥆𞤢 𞤬𞤵𞤼𞤵𞤪𞤮 𞤴𞤭’𞤫𞤼𞤫𞥅
𞤔𞤫𞤲𞤺𞤢𞤼𞤢𞥄 𞤱𞤵𞤪𞤮, 𞤱𞤢𞥄𞤤𞤢𞤼𞤢𞥄 𞤤𞤢𞤣𞥆𞤫
𞤔𞤫𞤲𞤺𞤭𞥅 𞤣𞤫 𞤤𞤫𞤨𞥆𞤢𞥄𞤴
𞤔𞤭’𞤢𞤤 𞤧𞤫𞥅𞤩𞤢𞤼𞤢𞥄𞤲𞤢𞥄 𞤶𞤭𞤤𞥆𞤢 𞤱𞤮 𞤦𞤢𞤺𞥆𞤢𞤤
𞤔𞤭'𞤢𞤤 𞤼𞤵𞤬𞤢𞤲 𞤶𞤭𞤤𞥆𞤢 𞤲𞤢 𞤸𞤫𞤣𞥆𞤭𞥅 𞤦𞤢𞤺𞥆𞤢𞤤
𞤔𞤭𞤺𞤢𞥄𞤪𞤫 𞤶𞤭𞤨𞥆𞤢𞤼𞤢𞥄𞤳𞤮 𞤯𞤮 𞤲𞤢𞤬𞤢𞥄 𞤥𞤵𞥅𞤯𞤵𞤥 𞤱𞤢𞤤𞤢𞥄
𞤔𞤭𞥅𞤩𞤣𞤵 𞤤𞤫𞤻𞤮𞤤 𞤱𞤢𞤲𞤢𞥄 𞤽𞤢𞤼𞤢𞤱𞤫𞤪𞤫 𞤧𞤢𞤳𞥆𞤮 𞤺𞤮𞥅𞤼𞤮 𞤱𞤢𞥄𞤤𞤣𞤢 𞤫 𞤥𞤵𞥅𞤯𞤵𞤥
𞤔𞤭𞤤𞥆𞤢 𞤦𞤢𞤴𞤤𞤮 𞤬𞤵𞤯𞥆𞤢𞥄𞤴 𞤼𞤢𞤬𞤵𞤣𞤫 𞤤𞤢𞤩𞤫, 𞤼𞤢𞤱𞤭 𞤸𞤮𞥅𞤪𞤫 𞤣𞤵𞤼𞤢𞤤 𞤫 𞤶𞤢𞥄𞤱𞤲'𞤺𞤢𞤤 𞤲𞤢 𞤤𞤢𞥄𞤩𞤭
𞤔𞤭𞤤𞥆𞤢 𞤳𞤢𞥄𞤼𞤢𞥄𞤪𞤫 𞤴𞤭𞥅𞤼𞤢𞥄𞤳𞤢, 𞤼𞤢𞤱𞤭 𞤻𞤢𞥄𞤤𞤢𞤤 𞤲𞤢 𞤪𞤢𞤱𞤲𞤭
𞤔𞤭𞤤𞥆𞤢 𞤨𞤵𞤪𞤮 𞤱𞤢𞥄𞤼𞤢𞥄𞤴 𞤼𞤢𞤱𞤭 𞤣𞤵𞤼𞤫 𞤳𞤢𞥄𞤪𞤭𞥅 𞤩𞤫𞤤𞥆𞤫
𞤔𞤮𞤺𞤢𞥄𞤣𞤫 𞤻𞤭𞥅𞤰𞤫 𞤶𞤫𞤴 𞤰𞤢𞤳𞥆𞤵𞤣𞤫 𞤺𞤢𞤱𞤪𞤭
𞤔𞤮𞤳𞥆𞤭𞥅 𞤥𞤫𞥅𞤪𞤫 𞤸𞤢𞤱𞤪𞤭 𞤫 𞤩𞤮𞤤𞤵𞤥
𞤔𞤮𞤳𞤮𞤤𞥆𞤫 𞤴𞤮 𞤧𞤫𞤤𞥆𞤢 𞤴𞤭𞤯𞤫𞥅, 𞤻𞤢𞤱𞤢 𞤢𞤲𞤣𞤢𞤼𞤢𞥄𞤳𞤫
𞤔𞤮𞤥 𞤦𞤢𞤱𞤯𞤫 𞤶𞤮𞤺𞤭𞥅 𞤲'𞤺𞤮𞥅𞤲'𞤺𞤢
𞤔𞤮𞤥 𞤣𞤮𞥅𞤤𞤫 𞤢𞤲𞤣𞤢𞥄 𞤸𞤫𞥅𞤧𞤫
𞤔𞤮𞤥 𞤸𞤢𞤳𞥆𞤭𞤤𞥆𞤮 𞤽𞤢𞤼𞤢𞤼𞤢𞥄𞤳𞤫 𞤫 𞤲'𞤺𞤢𞤴𞤳𞤢 𞤤𞤢𞥄𞤦𞤭 𞤯𞤭𞤯𞤭
𞤔𞤮𞤥 𞤸𞤮𞥅𞤪𞤫 𞤢𞤲𞤣𞤭 𞤯𞤮 𞤲𞤢𞥄𞤱𞤼𞤢
𞤔𞤮𞤥 𞤲'𞤦𞤮𞤲𞤺𞤵 𞤢𞤲𞤣𞤭 𞤲𞤮 𞤲'𞤦𞤮𞤲𞤺𞤵 𞤱𞤢𞤯𞥆𞤮𞤪𞤼𞤫𞥅
𞤔𞤮𞤥 𞤲'𞤺𞤵𞥅𞤳𞤵 𞤱𞤢𞥄𞤱𞤢𞥄 𞤦𞤵𞥅𞤤𞤮𞤤
𞤔𞤮𞤥 𞤰𞤵𞤺𞤮𞥅𞤣𞤫 𞤸𞤫𞤩𞤭𞥅 𞤱𞤢𞤸𞤢𞥄𞤣𞤫 𞤲𞤢 𞤰𞤢𞤥𞤢𞤲𞤢 𞤧𞤭𞤲𞤺𞤢𞥄𞤣𞤫
𞤔𞤮𞤲𞤣𞤫 𞤦𞤢𞤴𞤤𞤮 𞤩𞤵𞤪𞤭 𞤶𞤮𞤲𞤣𞤫 𞤳𞤢𞥄𞤲𞤢𞤲𞤳𞤫 𞤸𞤮𞤪𞤥𞤫𞥅𞤣𞤫
𞤔𞤮𞥅𞤯𞤭𞥅 𞤣𞤮𞤱 𞤣𞤢𞥄𞤺𞤮 𞤻𞤮’𞤭 𞤦𞤢𞤤𞤮𞤤
𞤔𞤮𞥅𞤼𞤫 𞤪𞤭𞤥𞤢𞤼𞤢 𞤣𞤢𞤦𞤢𞤪𞤫, 𞤶𞤢𞤱𞤣𞤭 𞤪𞤭𞤥𞤢 𞤧𞤫𞤥𞤦𞤫
𞤔𞤵𞤥𞤢 𞤲'𞤺𞤵𞥅 𞤶𞤭𞤥𞤢 𞤲'𞤺𞤵, 𞤧𞤮 𞤩𞤮𞥅𞤴𞤭𞥅 𞤶𞤵𞤥𞤢𞤲 𞤶𞤢𞤦𞥆𞤢𞤼𞥆𞤭
𞤔𞤵𞤲𞤺𞤮 𞤫 𞤶𞤭𞥅𞤦𞤢, 𞤸𞤮𞤰𞥆𞤵𞤣𞤵 𞤫 𞤧𞤫𞤳𞥆𞤮
𞤔𞤵𞤲𞤺𞤮 𞤤𞤢𞥄𞤩𞤵𞤲'𞤺𞤮 𞤼𞤭𞥅𞤯𞤢𞥄 𞤥𞤫𞤼𞥆𞤵𞤣𞤫
𞤔𞤵𞤲𞤺𞤮 𞤱𞤮𞥅𞤼𞤮 𞤩𞤮𞤩𞤼𞤢𞤼𞤢𞥄 𞤷𞤮𞤲𞤣𞤭
𞤔𞤵𞥅𞤼𞤵𞤣𞤫 𞤺𞤮𞤼𞤮𞤤 𞤲𞤢'𞤭 𞤩𞤵𞤪𞤭 𞤶𞤵𞥅𞤼𞤵𞤣𞤫 𞤼𞤢𞤴𞤦𞤭
𞤚𞤢 𞤥𞤢𞤱𞤯𞤮 𞤽𞤢𞤼𞤢 𞤱𞤢𞤸𞤪𞤫 𞤣𞤫 𞤽𞤢𞤼𞤢 𞤺𞤢𞤷𞥆𞤫
𞤚𞤢 𞤲'𞤶𞤭’𞤢𞥄 𞤷𞤮𞤦𞥆𞤢𞤤 𞤺𞤮𞤯𞥆𞤮 𞤲'𞤣𞤵𞤬𞤢 𞤳𞤢𞤥𞤦𞤵𞤤𞤢𞤥 𞤥𞤢𞥄
𞤚𞤢 𞤻𞤢𞥄𞤤𞤢𞤤 𞤱𞤢𞥄𞤧𞤢 𞤼𞤢 𞤩𞤭𞤪𞤣𞤵𞤺𞤢𞤤 𞤱𞤢𞥄𞤧𞤢
𞤚𞤢’𞤢 𞤱𞤢𞤯𞤵 𞤳𞤮 𞤲'𞤦𞤢𞤩𞤢𞤼𞥆𞤵 𞤣𞤮𞥅𞤦𞤢𞤤
𞤚𞤢𞥄 𞤦𞤮𞤲𞥆𞤵 𞤳𞤵𞤪𞤫 𞤥𞤢𞥄 𞤫 𞤳𞤢𞥄𞤰𞤫
𞤚𞤢𞥄 𞤸𞤮𞤤𞥆𞤵 𞤢𞤼𞤭𞥅𞤥𞤫 𞤲𞤮 𞤱𞤢𞤻𞤭𞤪𞤼𞤫
𞤚𞤢𞥄 𞤸𞤮𞤤𞥆𞤵 𞤲𞤮𞥅𞤱𞤪𞤢 𞤻𞤢𞥄𞤯𞤫𞥅𞤳𞤭
𞤚𞤢𞥄 𞤶𞤢𞤲𞤺𞤭𞤲 𞤢𞤼𞤭𞥅𞤥𞤫 𞤲𞤮 𞤱𞤢𞤻𞤭𞤪𞤼𞤫
𞤚𞤢𞥄 𞤶𞤮𞤺𞤢𞤪𞤢 𞤴𞤮𞤲𞤳𞤭 𞤷𞤫𞤤𞥆𞤢𞤤
𞤚𞤢𞥄 𞤶𞤮𞥅𞤯𞤢 𞤫 𞤤𞤭𞤷𞥆𞤢𞤤 𞤲'𞤺𞤢𞤤 𞤷𞤮𞤨𞥆𞤢𞤼𞤢𞥄
𞤚𞤢𞥄 𞤤𞤭𞥅𞤲'𞤺𞤵 𞤳𞤮𞤴𞤲'𞤺𞤢𞤤 𞤴𞤮𞤨𞥆𞤭𞤲𞤫 𞤤𞤭𞥅𞤲'𞤺𞤵 𞤶𞤵𞤲𞤺𞤮
𞤚𞤢𞥄 𞤲𞤫'𞤭𞤪 𞤩𞤭𞤴𞤢 : 𞤢 𞤱𞤵𞤴𞤢𞤴 𞤢 𞤯𞤮𞤥𞤯𞤢𞤴
𞤚𞤢𞥄 𞤨𞤮𞥅𞤤𞤭 𞤸𞤭𞤳𞥆𞤢 𞤯𞤭 𞤯𞤢𞤩𞥆𞤭𞤼𞤭𞤲 𞤷𞤵𞥅𞤯𞤭 𞤥𞤵𞤩𞥆𞤫 𞤪𞤮𞤱𞤢𞤲𞤭𞥅𞤶𞤭
𞤚𞤢𞥄 𞤧𞤫𞤤 𞤥𞤭𞥅𞤤𞤢𞥄𞤣𞤫 𞤧𞤫𞥅𞤣𞤵𞤣𞤫 𞤫 𞤣𞤫𞥅𞤳𞤢 𞤧𞤮 𞤱𞤢𞤲𞤢𞥄 𞤲'𞤣𞤫 𞤻𞤮𞤰𞥆𞤭𞤲𞤯𞤢 𞤸𞤢𞤴𞤪𞤫 𞤫 𞤸𞤮𞥅𞤪𞤫 𞤫𞤧𞤢
𞤚𞤢𞥄 𞤼𞤵𞥅𞥑𞤼𞤵 𞤫 𞤩𞤵𞤲𞤣𞤵, 𞤴𞤢𞥄𞤥𞤢 𞤲𞤮 𞤳𞤢𞤼𞤭𞤲'𞤺𞤭𞤲𞤢𞥄 𞤫 𞤲'𞤣𞤭𞤴𞤢𞤥 𞤥𞤢𞤴𞤪𞤵
𞤚𞤢𞥄 𞤴𞤢𞤱𞤭𞤪 𞤺𞤮𞤪𞤳𞤮 𞤨𞤢𞤥𞤢𞤪𞤢𞥄𞤳𞤵, 𞤧𞤢𞤦𞤵 𞤬𞤫𞤼𞥆𞤫𞤪𞤫 𞤱𞤮𞥅𞤼𞤫𞤪𞤫 𞤲𞤢 𞤣𞤵𞤨𞥆𞤢 𞤱𞤵𞤪𞤮
𞤚𞤢𞥄 𞤴𞤭𞤺𞤮𞤲'𞤣𞤭𞤪 𞤫 𞤣𞤫𞤦𞥆𞤮 𞤥𞤮 𞤩𞤢𞤽𞤢𞤼𞤢𞥄, 𞤴𞤭𞤺𞤮𞤲'𞤣𞤭𞤪 𞤫 𞤣𞤫𞤦𞥆𞤮 𞤥𞤮 𞤢 𞤩𞤢𞤽𞤢𞤼𞤢𞥄
𞤚𞤢𞥄 𞤴𞤭'𞤵 𞤸𞤢𞤲'𞤣𞤫𞥅𞤪𞤫 𞤺𞤮𞤯𞥆𞤮 𞤨𞤢𞤯𞥆𞤢𞥄 𞤸𞤢𞤲'𞤣𞤫𞥅𞤪𞤫 𞤥𞤢𞥄
𞤚𞤢𞥄𞤼𞤢𞤥𞤮𞤪𞤮𞥅𞤪𞤫 𞤼𞤢𞥄𞤼𞤭𞥅 𞤤𞤭𞥅𞤲'𞤺𞤵 𞤧𞤢𞤳𞥆𞤮 𞤰𞤮𞥅𞤺𞤮𞥅𞤱𞤮
𞤚𞤢𞤬𞤵𞤯𞤮 𞤸𞤮𞥅𞤪𞤫 𞤥𞤵𞤥 𞤱𞤵𞤪𞤼𞤭𞤲𞤢𞤲 𞤳𞤢𞤽𞥆𞤫
𞤚𞤢𞤺𞤵 𞤱𞤮 𞤲𞤢𞤱𞤳𞤮, 𞤬𞤢𞤴 𞤧𞤮 𞤩𞤮𞤪𞤢𞥄 𞤲𞤢𞥄 𞤱𞤭𞤤𞤭𞤼𞤭𞤲
𞤚𞤢𞤺𞤵 𞤴𞤮 𞤣𞤭𞥅𞤣𞤮𞤤 𞤼𞤫𞤬𞤢𞥄𞤪𞤫
𞤚𞤢𞤤𞤳𞤢 𞤸𞤢𞤩𞤭𞥅 𞤫 𞤤𞤢𞥄𞤥𞤵 𞤱𞤢𞤤𞤢𞥄 𞤼𞤮 𞤱𞤵𞤤𞥆𞤭𞤼𞤮𞤱𞤮𞥅
𞤚𞤢𞤤𞤳𞤢 𞤲𞤢 𞤴𞤭𞤯𞤭 𞤼𞤢𞤱𞤫𞥅 𞤱𞤢𞤯𞤢𞤼𞤢𞥄 𞤬𞤢𞥄'𞤫, 𞤯𞤵𞥅𞤥 𞤱𞤢𞤯𞤭 𞤣𞤫 𞤲𞤢 𞤺𞤮𞥅𞤲𞤯𞤭𞤲𞤭 𞤲'𞤺𞤫𞤯𞤵
𞤚𞤢𞤲'𞤦𞤢𞤲𞤣𞤫 𞤻𞤢𞥄𞤳𞤭 𞤲𞤢 𞤩𞤵𞤪𞤭 𞤸𞤢𞤲'𞤣𞤫𞥅𞤪𞤫 𞤦𞤵𞥅𞤦𞤭
𞤚𞤢𞤲𞤻𞤢𞥄𞤣𞤫 𞤶𞤢𞤤𞤫𞥅 𞤲𞤢 𞤩𞤵𞤪𞤭 𞤥𞤢𞤴𞤣𞤫 𞤤𞤫𞤤𞤮𞥅
𞤚𞤫𞤣𞥆𞤭𞤲'𞤣𞤫 𞤸𞤮𞥅𞤪𞤫 𞤶𞤫𞤴 𞤱𞤢𞤯𞤢𞤲'𞤣𞤫 𞤯𞤵𞤥 𞤳𞤵𞤬𞤵𞤲𞤫
𞤚𞤫𞤣𞥆𞤵𞤯𞤮 𞤬𞤭𞥅𞤪𞤢𞤼𞤢𞥄𞤳𞤫𞤲𞤢𞥄 𞤳𞤵𞤯𞤮𞤤 𞤲𞤫𞤦𞥆𞤢𞤥, 𞤸𞤭𞤪𞤧𞤭𞤪𞤫𞥅 𞤤𞤢𞤩𞤭 𞤼𞤫𞤣𞥆𞤵𞤲'𞤺𞤢𞤤
𞤚𞤫𞤣𞥆𞤵𞤲'𞤺𞤢𞤤 𞤺𞤮𞤪𞤳𞤮 𞤴𞤮 𞤲'𞤺𞤵𞤤𞤭 𞤥𞤵𞥅𞤯𞤵𞤥
𞤚𞤫𞤣𞥆𞤵𞤲'𞤺𞤢𞤤 𞤱𞤮 𞤪𞤮𞤲𞤣𞤫𞤼𞤫 𞤳𞤢𞥄 𞤣𞤢𞥄𞤧𞤢𞤼𞤢𞥄𞤳𞤫
𞤚𞤫𞥅𞤤𞤫𞥅𞤲'𞤣𞤫 𞤸𞤮𞤴𞤭 𞤤𞤢𞤩𞤵𞤣𞤫
𞤚𞤫𞤳𞥆𞤫𞤪𞤫 𞤩𞤵𞤪𞤭 𞤱𞤢𞤴𞤣𞤫 𞤤𞤮𞥅𞤲'𞤣𞤫
𞤚𞤫𞤳𞥆𞤵𞤯𞤮 𞤬𞤭𞤼𞤭𞤲𞤢, 𞤪𞤮𞥅𞤲'𞤣𞤮𞤼𞤮 𞤲𞤭𞤥𞤧𞤫𞤴
𞤚𞤫𞤳𞥆𞤵𞤯𞤮 𞤶𞤢𞤥 𞤪𞤮𞥅𞤲'𞤣𞤮 𞤳𞤭𞤧𞤫𞤴
𞤚𞤫𞤳𞥆𞤵𞤯𞤮 𞤥𞤵𞤻𞤢𞤤 𞤪𞤮𞥅𞤲'𞤣𞤮𞤼𞤮 𞤱𞤵𞤲𞤫
𞤚𞤫𞤲𞤺𞤢𞥄𞤪𞤫 𞤴𞤮𞤱𞤭𞤪𞤼𞤫𞥅 𞤫 𞤸𞤮𞥅𞤪𞤫 𞤱𞤮 𞤬𞤢𞥄 𞤸𞤢𞤯𞤢 𞤲𞤢𞥄𞤲'𞤺𞤫, 𞤱𞤢𞤲𞤢𞥄 𞤬𞤢𞥄 𞤥𞤵𞥅𞤧𞤮𞥅 𞤲'𞤺𞤢𞥄𞤲'𞤣𞤭
𞤚𞤭𞤶𞥆𞤢𞥄𞤣𞤫 𞤳𞤮 𞤧𞤢𞥄𞤥𞤢𞤼𞤢𞥄 𞤱𞤮 𞤸𞤢𞤲𞤼𞤵𞤣𞤫 𞤲'𞤦𞤫𞤤𞤭𞤪𞤳𞤢 𞤺𞤭𞤼𞤫
𞤚𞤭𞤶𞥆𞤢𞤲𞤮𞥅𞤯𞤢𞤥 𞤤𞤫𞤴 𞤳𞤮𞥅𞤤𞤭 𞤼𞤢𞤱𞤼𞤢𞥄 𞤤𞤫𞤴 𞤣𞤭𞥅𞤽𞤢𞥄𞤤𞤭
𞤚𞤭𞤤𞤢𞤴 𞤸𞤢𞤻𞤭𞤲𞤭 𞤪𞤢𞤱𞤢𞥄𞤲'𞤣𞤵 𞤣𞤮𞤱 𞤤𞤢𞥄𞤱𞤮𞤤
𞤚𞤭𞤤𞤢𞤴 𞤤𞤮𞥅𞤼𞤭 𞤴𞤮𞥅𞤳𞤮𞥅𞤣𞤫
𞤚𞤭𞤤𞤢𞤴 𞤲'𞤶𞤫𞥅𞤦𞤮𞤯𞤫𞤲 𞤳𞤮𞤣𞥆𞤮𞤪𞤮𞥅𞤶𞤫 𞤳𞤵𞤷𞥆𞤭𞤼𞤢𞤲𞤫𞤲 𞤲'𞤺𞤵𞥅𞤪𞤲'𞤣𞤢𞤥
𞤚𞤭𞤲𞥆𞤢𞥄𞤣𞤫 𞤲𞤢 𞤩𞤵𞤪𞤭 𞤴𞤵𞤪𞤥𞤭𞤲𞤳𞤭𞤲𞤢𞥄𞤣𞤫
𞤚𞤮 𞤦𞤮𞤲𞤯𞤮 𞤱𞤮𞤲𞤭 𞤬𞤵𞤸, 𞤤𞤮𞤦𞥆𞤮 𞤲𞤢 𞤱𞤮𞥅𞤣𞤭
𞤚𞤮 𞤼𞤮𞤩𞤮 𞤰𞤵𞤱𞤪𞤭 𞤬𞤵𞤸, 𞤱𞤮 𞤼𞤮𞤩𞤵 𞤼𞤢𞤲 𞤼𞤮𞤪𞥆𞤢𞤼𞤢𞥄
𞤚𞤮𞤩𞤮 𞤥𞤭𞥅𞤶𞤢𞤼𞤢𞥄𞤳𞤫 𞤯𞤮 𞤣𞤵𞥅𞤤𞤫 𞤲'𞤺𞤢𞤤𞤢𞥄
𞤚𞤮𞤲𞤭 𞤳𞤢𞤱𞤪𞤢𞤼𞤢𞥄𞤲𞤢𞥄 𞤣𞤮𞤱 𞤳𞤮 𞤢𞤥
𞤚𞤮𞥅𞤤𞤮 𞤱𞤢𞤤𞤢𞥄 𞤫 𞤦𞤢𞥄𞤦𞤢 𞤥𞤢𞥄𞤴𞤭𞥅
𞤚𞤮𞥅𞤤𞤮 𞤱𞤢𞤤𞤢𞥄 𞤫 𞤣𞤢𞥄𞤲'𞤣𞤫
𞤚𞤮𞥅𞤱𞤺𞤮𞤤 𞤳𞤢𞤥𞥆𞤵 𞤸𞤢𞤯𞤢𞤼𞤢𞥄 𞤯𞤵𞤥 𞤴𞤭'𞤫𞥅𞤣𞤫
𞤚𞤵𞤥𞤦𞤵𞤣𞤫 𞤥𞤢𞤱𞤲'𞤣𞤫 𞤱𞤮𞥅𞤣𞤭 𞤩𞤭𞥅𞤪𞤼𞤵𞤣𞤭
𞤚𞤵𞥅𞤦𞤢 𞤸𞤢𞥄𞤦𞤵 𞤱𞤮 𞤻𞤢𞥄𞤰𞤭𞤪𞤳𞤢 𞤳𞤢𞥄 𞤱𞤢𞤲𞤢𞥄 𞤲'𞤣𞤭𞤱𞤭𞤪𞤳𞤢 𞤴𞤭𞥅𞤼𞤫
𞤚𞤵𞥅𞤣𞤵𞥅𞤶𞤫 𞤬𞤵𞤸 𞤲'𞤦𞤢𞤻𞤭𞤣𞤢𞤼𞤢𞥄 𞤱𞤮𞤶𞤫𞤪𞤫


𞤛

𞤽𞤢𞤪𞤭 𞤱𞤮 𞤬𞤮𞥅𞤯𞤢𞤲 𞤣𞤫 𞤥𞤮𞤰𞥆𞤫𞤪𞤫 𞤴𞤮𞤼𞥆𞤭𞤲𞤢
𞤽𞤮𞥅𞤩𞤢𞥄𞤲'𞤺𞤮 𞤱𞤢𞤤𞤢𞥄 𞤳𞤮 𞤭𞤼𞥆𞤢𞤼𞤢 𞤫 𞤸𞤮𞤰𞥆𞤵𞤣𞤵
𞤽𞤵𞥅𞤧𞤵𞥅𞤪𞤵 𞤲𞤢 𞤢𞤲𞤣𞤭 𞤯𞤮 𞤸𞤢𞤻𞤢𞤼𞤢 𞤣𞤫 𞤵𞤱𞤢